唐記包點 (港鐵葵芳站)

营业中

休息中

#中意嘅請分享請點讚🍻----------😋流心阿華田包 $5 (原價 $8)唐記出新推出嘅期間限定食物今次有流心阿華田包同阿華田奶茶。我經過幾日都買唔到，好快就賣哂，今次早d去買先買到。一拎上手個包好夠熱，一咬落去好流心，阿華田醬即刻洗出黎，阿華田味好香。個包只係5蚊，好抵食。😋阿華田奶茶 $9 (原價 $13)阿華田味好重，不過奶茶味唔係好出。味道幾好幾香滑濃郁。真實份量比想像中小。因為係阿華田，所以2款食品都係偏甜，如果2樣一齊食就有d漏。建議可以分開試。----------🔎各唐記包點分店

同事突然朝早話係網上見到唐記出左新包- 阿華田流心包, 明明我每朝都會買早餐但居然都冇留意度, 去到鋪頭原來Menu仲未update,問姐姐先發現原來真係有架！當然落得去就唔只買一個包咁少啦,今次仲叫咗兩個點心一個係陰春蛋燒賣仲有另一個雞扎,仲叫咗一支黑色同一支白色嘅逗着我自己就鍾意黑色因為冇咁甜,另外燒賣係我嘅最愛加埋陰春旦就簡直完美！重點講下個阿華田包真係做到流心架, 仲熱辣辣如果冬天食一定好正嘅啫！

朋友說唐記的肉包唔錯，平時食慣無餡包同甜包嘅我，順手買埋比家人一齊食，菜肉包，榨菜豬肉包，香菇雞包，榨菜肉包最惹味，最香！糯米雞好耐無食，食一個飽到上心口，而且餡多，有隻雞亦，豬肉條，咸蛋黃等等，非常入味。另外叫左個梅菜肉餅飯新嘗試，因為阿媽話想試下，肉餅圓圓其實都幾足料，肉餅蒸得軟綿，但是又唔會覺得有肥肉，味道鹹甜適中，好味又好下飯。最後食埋朋友推介嘅砵仔糕，最鐘意多豆，同埋煙煙韌韌，食一個做下午茶最好。

今日試下唐記包點 新出嘅流心阿華田包每個只要五蚊買任何一個包都會送一支筆 勁抵不過我返到屋企食個包稍為有啲凍咗真心係流心如果熱辣辣食嗰陣時應該好正包都係用阿華田粉整 味道淡淡地啲餡好重阿華田味超正勁香啱曬阿華田控 抵食

在早上放工路經唐記在通街都是在賣沙爹牛肉麵早餐的時候想找一間與別不同的早餐食剛好在地鐵站有間唐記本人最愛是他們的金錢肚而老婆最愛的是他們的鳳爪秘製金錢肚金錢肚已經煮得很軟嫩和入味而且在金錢肚下的蘿蔔吸收了整個醬汁脆而無渣鳳爪這裡的鳳爪十分入味帶一點辣更加嘢味而在底下的花生也是不錯吃馬拉糕想吃一些甜的包點就會想到蛋味超濃郁的馬拉糕唐記馬拉糕中有很多氣孔吃下彈牙不像傳統的馬拉糕而且新鮮熱的馬拉糕一打開膠就可以聞到超香的蛋香味香芋包包內有很多芋頭泥每一口也是啖啖的芋頭香味甜而不膩香菇雞包喜歡清淡一點的人可以選擇香菇雞包味道不會太過濃郁有很香的菇味

葵芳呢間唐記包點係我每次返完夜嘅必經之地, 就喺正葵芳地鐵出口, 朝朝都好多人排隊, 行過總會俾佢d點心同蒸飯嘅香味吸引到😋最推薦佢嘅鵪𪂹蛋燒賣同菜脯肉包👍🏻 鵪𪂹蛋燒賣唔係間間茶樓都能夠叫到嘅點心, 反而喺呢d外賣點心店隨時都能夠買到, 真係一件好幸福嘅事😁 鮮味彈牙嘅燒賣配上新鮮嘅鵪𪂹蛋, 雖然都幾邪惡, 但根本就係完美嘅組合😛至於菜脯肉包, 係之前食得多菜肉包, 諗住試下新嘢, 於是叫咗一次, 豬肉加上菜脯好惹味c 從此佢就代替咗菜肉包係我心目中嘅地位🙈佢嘅奶茶亦都唔錯, 夠香滑而且唔會偏甜, 唯一缺點係細支咗少少🙈

今日小編收半日，1點幾翻到葵芳，係時候食lunch，但又冇人陪我食。甘唯有買外買翻屋企食。小編係唐記的big fansss，對佢啲包真係情有獨鍾。表示成日食佢啲包。🖤芝麻包 - $8係我既No.1，因為佢既芝麻真係好香，而且吾會太甜，口感係粒粒的芝麻香。❤️紅豆包 - $8同屋企人一人一半，都係食到粒粒分明的紅豆蓉。好食係要趁熱食，甘先夠軟熟。🐷叉燒包 - $8餡料充足，吾會話好多醬料而冇乜肉。🐤糯米雞 - $27真係好足料，食一半已經好飽。入面有雞翼，冬菇，咸蛋黃，肉，料仲多過個糯米。🐽金錢肚 - $18第一次試，有6件左右，仲有啲白蘿蔔。金錢肚夠淋，吾韌，而且入味。白蘿蔔則吸曬啲汁。🔴砵仔糕 - $8留翻做下午茶。好多紅豆，煙煙韌韌的。

原來除咗10幾款蒸包同埋多款蒸飯之外，仲有多款點心供應，非常多選擇唐記最多人食既係............包!!!!!HEHE重點係乜呀？！夠平呀！！啱哂我呢D糧尾朋友HAHA榨菜肉包個包夠鬆軟，餡料惹味，鹹香既榨菜配上外層既包剛剛好，相信熱辣辣出爐食就更加好食！而另外一個香芋包超級好食，微甜而且充滿芋頭泥，健康又營養糯米雞超大份超足料打開就已經聞到勁香嘅糯米飯香，入邊仲有雞翼等等嘅材料鵪鶉蛋燒賣 3粒鵪鶉蛋!!脹卜卜 餡料足!!><鵪鶉蛋好滑身，下面舊豬肉又夠晒juicy，美味！奶茶佢個奶茶茶味真係好香濃，飲落好順滑，真係好有地道風味！🤩😋佢無添加人造色素同埋防腐劑㗎，純香港製造！不過..................就細樽左少少😢

放工家人話想食唐記金錢肚，因為上次食晒無剩，所以放工後到葵芳外賣，今次買了金錢肚，照樣份量多，有成七八舊，而且唔會好似酒樓咁有粉漿漿住，番到屋企都仲熱，趁熱食正。好耐無食鵪春蛋燒賣，冒住膽固醇危機，春蛋與豬肉餡至夾，是懷舊點心之一，唔係度度都食倒。北菇雞飯較少嗌，嫩滑雞肉有薑絲去腥，雞件量多，其實唐記的蒸飯樣樣都出色，閒時轉下唔同口味都得。放工有少少餓就食左個蔥蔥卷，咬落啖啖青蔥同火腿，唔油，幾新鮮。

端午節前幾天的星期六早上，一早出發去婆婆家跟她學包糭，早餐還沒吃。下車後，步行經過葵芳地鐵站，見到唐記包點，於是就決定在這裏買些吃的作早餐。看看餐牌，很多點心、包類、蒸飯......選了兩款熱辣辣包點，菜肉包和香菇雞包。包面有芝麻的是香菇雞包，另外一個就是菜肉包了，容易分辨。菜肉包包皮鬆軟兼有韌性，餡料肉多菜少，有肉汁亦有肉味，味道不銪錯。香菇雞包的包，口感也鬆軟而不會散， 餡料有香茹、雞肉、椰菜絲和微量木耳，味道和口感都不錯。價錢不貴，怪不得經常有人在排隊了。

今早經過這間包點，見到有很多包類。見到有配料很美味，但怕肥，於是就點了一個麥皮饅頭回公司作早餐。回到公司的時候，包還是暖暖的。打開膠袋，看到它很平滑，很靚仔，沒有因熱水氣而凹凸不平。包面有點點的麥皮，感覺健康，入口軟熟，甜甜地，不錯，下次經過可以再買。

番工時間，到到都排晒隊買早餐，今日大概有10個人排隊，唔洗兩分鐘就到我落單。食點心，最鍾情就係鵪鶉蛋燒賣😍一份有三粒，用紙盒承裝算係比較環保♻️蒸既時間岩岩好，鵪鶉蛋好滑身，下面舊豬肉又夠晒juicy，而且仲有蝦肉仔，最點晴係有腐竹薦底，索晒d肉汁，美味！

最近落雨濕濕, 朝早落巴士就係正葵芳門口, 廢事周圍行就買唐記上公司當早餐, 再買多個肉餅蒸飯同山竹牛肉做lunch, 一日兩餐就咁解決！每以前我冇食早餐習慣但近幾年發現早上食個包, 果朝真係會精神d, 唐記d包唔單止抵買又新鮮熱喇喇, 朝早沖杯熱茶就岩哂！佢另外仲有凍包, 有時買定朝早蒸都可以！至於肉餅飯係我第一次試, 份量好足夠, 肉餅都大大塊, 男仕既話一定夠飽, 我最鐘意都係山竹牛肉, 非常juicy! 叮返熱就食得啦！

唐記周圍都有，包我就食得多啦，不過今次因為老媽子冇煮飯，所以我決定係我第一次試吓佢嘅飯！我同我家姐分別叫咗一個飯，一個係鹹蛋蒸肉餅飯，另一個就係北菇雞飯，價錢都只係$26！！另外我哋分別都叫咗一個包，榨菜肉包同香芋包~~~~~先講咗個飯先，一打開兩盒飯個份量比我想像中多好多！望落去仲多過佢餐單上嘅份量！所以真係好抵食，仲要價錢咁平！！我嘅鹹蛋肉餅飯個鹹蛋好香，而且肉餅唔會好鹹，加埋白飯食就一流！而家姐個北菇雞飯嘅雞好滑，配上豉油飯都相當唔錯！榨菜肉包係唐記都多人食既包，有少少辣，餡料惹味，鹹香既榨菜配上外層既包剛剛好，相信熱辣辣出爐食就更加好食！而另外一個香芋包都超級好食，微甜而且充滿芋頭泥，健康又營養，減肥都食得！果然最後唐記都冇令我失望，不過題外話原來唐記有得買凍包，只要蒸返8分鐘就同平時食開嘅一樣，仲有特別優惠！等我下次都試吓買先！

下班後好累呀 不想煮飯一出葵芳地鐵站就聞到香噴噴的包點味即刻走去排隊買返屋企食好多選擇次次都研究好耐先決定買咩口味本人買了鵪鶉燒賣$18材料新鮮 又飽滿粒粒鵪鶉又惹味燒賣熱辣辣啖啖豬肉都係$18有4粒好抵食女兒最愛的山竹牛肉$18無得彈大大粒一口都吃不完另外還叫了包點留來明天放假做早餐叉燒包 菜肉包 香菇雞包都係$7.5超多款選擇每日一款都食唔厭超級划算又方便而且還可以放係雪櫃幾日仍然好新鮮方便返工一族！