唐記包點 (港鐵太子站)

营业中

休息中

平日食唐記大家都係諗起蒸包，趕時間返工返學買一個即刻咬。但其實唐記蒸飯都係性價比相當高而且衛生唔錯。今日介紹呢間位於太子站嘅唐記，佢嘅份量係比起某啲分店嘅多。今次叫嘅係北菇蒸雞飯，賣相相對肉餅飯冇咁討好，不過勝在雞嘅份量都幾多，仲可以特別request多啲菜，少豉油。咁就更加健康。用埋新推出咗飯卷（$280 十二張單併飯票，有效期到九月）平均每餐唔使$24，輕鬆做到有菜有肉有飯的營養之選，想清清地一流。

好耐之前唐記岀左一個限定嘅珍珠奶茶包我嗰陣差唔多日日都買🤣 個包中間有唔少黑糖珍珠粒😋 仲有流心奶茶🥤食落好香奶茶味雖然食落去甜左少少🤏 但整體都算好好味😋

雙拼肉餅飯 $28食Lunch去到唐記買咗個肉餅雙拼飯，都係廿八蚊，味道就一定不過不失，不過份量一定唔會令人失望，仲有幾舊南瓜唔會淨係得肉咁Dry，再加上飯粒粒分明，硬硬地，啲飯無咁易散！名稱：唐記地址：太子站22號舖

第一次買凍包自己蒸，$20/4個，水滾蒸8分鐘，weekend做早餐實在太方便！😁😁菜肉包😋味道唔錯wor! 番薯包😋😋😋呢個好特別呀，個餡好香蕃薯🍠味，甜度適中👍🏻👍🏻

行過見到唐記crossover 布甸狗，出左得意既野食，雖然冇特別喜愛布甸狗，但見到個布丁燒幾得意就買黎試下啦布甸狗布丁燒$18我個人覺得抵食之餘仲幾好味，有蛋香又唔會太甜。份量超足

在太子站見到唐記包點有優惠，買任何飲品食物+$3有菜肉包。剛好口渴就買了一支白豆漿，$12就一個健康下午茶，抵食。菜肉包熱辣辣，豆漿正常不會太甜。不過八達通機壞咗只能給現金，有一點點的不方便。而且只有一個店員，收錢準備食物都是她。

唐記包點 #太子咁啱見到唐記出咗新嘅芋蓉包，作為芋頭控嘅我當然唔可以錯過🤩！唐記個芋泥包不嬲都幾受歡迎，雖然甜咗少少但係性價比幾高。椰汁芋蓉麻薯包🍞💜$8今次呢個加入麻薯，令到成個口感更加煙韌，我都幾欣賞佢個麻薯，軟軟糯糯，帶點椰汁香。另外佢個芋蓉同平時嗰芋泥包係有分別架！味道更有天然嘅芋頭香，口感仲保留小小顆粒，比起芋泥包更加似台灣嗰種芋頭。唯一嘅缺點係佢嗰包好黏，有啲一pat pat，始終都比唔上台灣饅頭嘅口感。味道: 4.3/5性價比: 4.5/5流心奶黃包🍞💛$8唐記不嬲都有奶皇包，但係偏向吉士質地，依家終於出流心版本！比我想像中更加流心，⼀搣開啲餡料係湧晒出嚟，而且鹹蛋黃味都幾香，有少少鹹蛋黃粒喺下面，比我想像中好味，好過好多中式茶樓！不過缺點都係嗰句，個包真係有啲黏口。味道: 4.2/5性價比: 4.5/5

最近依間連鎖包點店，出咗阿華田系列嘅包點同飲品，呢隻童年嘅味道勾起我嘅好奇心，之前聽朋友講成日售罄，嗰日經過就買咗支阿華田奶茶試試。一拎上手發覺原來好細枝，得250mL，幾啖就飲晒。阿華田味幾濃郁，奶茶味亦突出，但兩者又唔係話好夾，冇淨係飲阿華田咁甜咁膩。雖然整體幾滑但味道其實一般，不過鍾意阿華田都可以試吓，下次會想試埋個包

今日天氣太熱唔想煮飯，所以就喺地鐵站買野返屋企食！我去左太子站既唐記飽點買左啲野食返屋企食。除左單點蒸包、點心、蒸飯之外，太子站仲提供左優惠套餐，幾抵。$45 有齊蒸飯、點心同埋飲品。另外，又有啲新出既特色客飯。今次我就試左咖喱牛筋腩飯估唔到佢個咖喱都幾香，而且牛腩份量都幾多！除左牛腩，仲有牛筋同幾件薯仔。可惜所有野食已經pack 好，無得自備飯盒。另外叫左個蒸飯套餐每次都必食既章魚肉餅飯，多菜點心揀左鵪鶉蛋燒賣懷舊點心，必食套餐包左烏龍茶新出左支海鹽檸檬柚子蜜，幾fresh

呢期唐記包點出左阿華田系列的包包同奶茶.📍阿華田包 （$5）少少流沙，食落由包的表面到內涵都係豐富的阿華田味道。 📍阿華田奶茶 （$9）唐記奶茶出名濃郁，加上阿華田又幾夾，「如果太多華田味，奶茶又冇掟企，等到奶茶番晒黎，華田又吾爭氣。」好似飲緊中式的Mocha。.😋味道：7/10🙃回頭：8/10💰消費：$14（性價比極高）

琴日食完今日再食老老實實 你琴日問我感覺如何我無乜特別大感覺 覺得係個朱古力甜包而已始終阿華田唔係一個好stand out既味道 由熟悉嘅液體形態轉左落食物到我好似頓時唔係好記得阿華田係咩味道🙈😂 哈哈咁都岩既 好多時味覺源自於☕️視覺記憶於是今日特登係canteen買左杯阿華田黎對比下飲完記憶返返哂黎 再食返個包原來個包都真係幾濃阿華田味☺️🤤因為外面包身唔係好甜夾住中心深啡色既流漿 就岩岩好流心部分比包既比例還要多 正呀溫馨提示: 食蒸包真係要熱辣辣食 攤凍左就變到唔軟熟咖喇——————————————————————————#阿華田 #阿華田包 #流心阿華田包 #唐記包點 #旺角 #旺角東 #ovaltine #蒸包 #期間限定 #香港旅行 #香港美食 #hkfoodie #foodiehk #hkfoodieblogger #食左先講 #852 #阿華田系列 #必試

置身在五顏六色的餐牌招牌上吸引我的港式平價點心/包點/樣樣有齊「甜鹹香」比例內餡基本上也有齊有時遇著滂沱大雨的時間總有附近一間適合大家 紮實滿足的食材(雞扎$18)夾帶內昀材料是不可缺少的一項... 剔透賣上撩動食慾，熱滾滾的點心淡淡鹹香滋味層次多樣獨立包裝「古法馬拉糕$8」，香氣撲鼻軟腍/入口即鬆，雖然坊間越來越少見傳統美味但綜合堂食或外賣能讓你慢慢享受是一個不錯的選擇快、靚、正！「鼓椒排骨飯$27」 速食搞掂厚實排骨不會柴在口中仍有多汁的滋味，加埋蒸飯豉油就更加錦上添花！好味得黎米飯粒粒分明帶Q勁而支裝(豆漿$9)方面香滑既不甜膩，味道不會過於稀水，最適合老少咸宜在公司嚐品爭取時刻的滋味

聽講唐記有吸引到我既新品 ，阿華田系列 對阿華田 愛好者點會五食呢！！ 有阿華田系列 但系要問 餐牌冇顯示出來 ，有阿華田包 同 阿華田奶茶 阿華田奶茶 • 新嘢呀 一飲就會感受到有濃濃既阿華田味 之後慢慢再帶岀奶茶既香味岀黎 ，都幾夾下 幾特別呀 ！！ 鮮竹卷 同 雞扎 • 腐皮都系我最愛之一 呢兩樣我食唐記必點 腐皮包住一齊蒸吸哂味 勁正 ，特別係雞扎 吸哂啲雞味 。 糯米雞 • 五好睇少呀 入面好多料架 有雞翼，叉燒 ，冬菇，鹹蛋 等... 大大隻 一個人食哂一隻絕對夠哂飽呀！！

於影戲迷的朋友家中邊吃飯邊煲劇，為求快捷方便到車站附近的唐記買。新推出的阿華田奶茶及阿華田流心包都不錯。如果想一嘗新口味不仿一試，期望香濃奶茶味的話還是原味奶茶更好。而流心包很好，有點像朱古力但又不算太甜，另外外層的包亦很軟熟。我們各自都點了一個優惠套餐，有一籠點心、一盅蒸飯及一包紙包飲品。朋友的鳳爪排骨飯很像酒樓的蒸飯， 鳳爪及排骨都好入味，飯亦都軟硬度適中。L選蒸雞飯，貪其無骨啖啖肉食完乾手淨腳，雞肉都算多而且滑。點心則各點雞扎及燒賣，雞扎很大件， 腐皮包著很多的餡料 ，當中芋頭亦有質感。值得一讚隨套餐附送的冷泡香片茶，香片的味道中和油膩，一流!

好耐冇食過唐記包點，今日心血來潮想食下點心，於是一買買左好多。每次都會叫呢個章魚肉餅飯，肉餅好粥了入邊有好多粒章魚，啲飯粒幾分明，比得上點心店出品。今次仲叫咗個套餐， $45就有一個飯+1個點心仲包埋嘢飲添，好抵食。點心今次試吓新野要咗金錢肚，比我想像中多好多，金錢肚爽口彈牙，而且好入味。仲有三四舊蘿蔔，蘿蔔清甜冇渣，幾好。而家好少搵到地方食鵪鶉蛋燒賣，鵪鶉蛋好大粒，燒賣入邊有原隻蝦，而且豬肉好爽口，份量好大，食完已經覺得有啲飽。除咗套餐送嘅茶之外，我另外仲叫咗兩支豆漿，每一次都會要，因為呢支豆漿冇出邊嗰啲咁甜，而且好香豆味。