唯一燒鵝

营业中

休息中

感覺自己同觀音有緣! 見今日10月尾已經步入年尾，於是落觀音廟還神，感謝觀賞娘娘過去一年庇佑!求神之後要還神㗎嘛!還神拜完之後女友小熊嗌肚餓，問我有咩想食?早排去太子果間什麼奇趣燒鵝，食到我依依俄俄! 蔥蓉鹹到不得了! 於是提意食燒味，小熊轉數極快，我都未開個豬腦 GPS 去諗邊到有好味燒味店，佢已經諗到! 最近係唯一燒餓!於是二話不說一齊去開餐!記憶中曾經係唯一買乳豬外賣，質素唔差，今次當然再點乳豬!但係幫襯之前，望望門口窗廚掛起嘅叉燒有無肥叉先? 見到有肥叉喎! 可以安心入去幫襯!通知燒味店只有雙併飯，最多都係五寶，但唯一嘅 Menu 上居然有乳豬五寶飯同燒餓五寶飯! 以為會分薄哂，但見到隔離枱點乳豬正寶又幾足料喎! 於是點咗一份，小熊要乳豬併肥叉，再點燒鵝下庄.乳豬五寶有叉燒，油雞，鹹蛋同紅腸，首先好討厭點油雞俾隻雞翼! 毫無誠意! 扣分! 另外鹹蛋唔夠油! 叉燒夠肥夠味但太單薄! 其他側無咩大問題，乳豬皮脆，紅腸有驚喜! 平時D紅腸總係又鹹又硬，今次無哩D問題! 鬆軟易入口.燒鵝下庄第一個感覺係足料! 依家D油雞切雞燒鴨燒鵝，好多時偷工減料，只有皮同骨，肉就薄薄一片好似生 CA

最近想食燒鵝，去左間被紅磡街坊推薦既隱世食店，就係家維邨既唯一燒鵝。我叫左個燒鵝飯，燒鵝份量真的非常多，而且鵝肉的口感非常嫩滑，帶有淡淡的煙熏味，讓人回味無窮。燒鵝皮更是讓我驚艷，夠脆夠香，唔會太油膩。吃著一片脆皮，感受到鵝肉的鮮美，實在是一種享受。而且，餐廳的環境非常寬敞舒適，桌椅之間的間隔很大，不會讓人感到擁擠，這讓用餐更加舒適。除了美味的食物之外，這家餐廳的衛生狀況也很好。整個餐廳非常乾淨整潔，桌子、椅子、餐具都保持得很好，這讓我用餐時感到非常放心。而且，員工們的服務態度也非常好，有禮貌。價格方面，這家餐廳的價格非常親民，物超所值。$59燒鵝飯包熱飲，凍飲加$3。凍奶茶，味道真的非常好，我覺得它的品質達到了太興水準，奶茶的口感濃郁，香氣四溢，給人一種非常愉悅的感覺。

最近落雨，紅磡家維邨其實有一間隱秘嘅燒鵝店，入面嘅燒肉都唔錯。而且下午茶餐仲特別抵食。今次又食佢，燒肉個皮好脆，有咬口煮得啱啱好，肥肉同埋肉嘅間隔比例每一舊都十分之唔錯，真係食完都仲想食。可能真係冇乜人發現啦因為要落一層。

紅雨唔知食乜好，突然醒起隔離有得食煙薰燒鵝，仲要咁啱下午茶時間可能因為天氣問題，2點去到無乜人，舒舒服服坐咗個四人卡位，叫咗燒鵝飯（可以轉湯粉）。座位都算闊落，大大個那種卡位，食完會馬上消毒抹幹凈臺面先比下個坐，幾幹凈企理，食都食得安心d。店員亦會主動幫你check野食進度，服務都貼心。而且仲可以用消費券添集氣成功比咗上髀我太開心啦下午茶價錢（包野飲44蚊）有得食髀食落都真係有淡淡煙薰香氣，燒鵝嚟講算係無乜肥膏，鵝肉唔會死實，鹹淡適中。長期假裝減肥的我表示可以接受，啱啱好夠飽。性價比

深井出名食燒鵝，但始終地點不太方便。原來紅磡都有一間煙燻燒鵝專門店，食物質素高而且價錢合理。其招牌燒鵝分為原隻、半隻及不同部位，另有乳豬、乳鴿等燒味發售。 皇牌煙燻燒鵝(下莊)燒鵝皮酥脆而味道豐厚濃郁，鵝肉算嫩滑多汁，脂肪比例不算多，輕蘸自家製的酸梅醬汁，特別醇厚和味，滲透骨肉，食起來有齒頰留香之妙。 瀨粉瀨粉都幾大碗，份量比想像中還要多，瀨粉滑溜彈牙，吸收了濃濃的上湯。 鹵味拼盤鵝掌、鵝翼、鵝腎、乳豬手、海蜇油菜

煙燻燒鵝值得一讚，帶有柴香，又有鵝嘅油香味，一啲都唔膻。 皮都做到乾身脹卜卜，有光澤，皮仍然新鮮地脆！ 肉質都嫩！ 內外質感對比做到好好！個飯有鹹酸菜嘅配搭，都幾消滯！

呢間我食過好幾次，由於我覺得佢ｄ燒鵝真係幾好食，覺得我要幫佢平反一下！通常我都係晚飯黎，放完狗狗就會黎食，佢呢度有半露天位置，坐得幾舒服。紅磡都幾多燒味店，佢冇小菜食的確係冇咁多選擇，但其實我每次黎都係叫同一樣野，就係燒鵝飯。燒鵝飯份量相當大，一黎到已經香噴噴，係煙燻既味道！坦白講，冇乜邊間燒味店係有咁香既煙燻味，至少紅磡呢度冇，食落好香，肉都好嫩，我知點解人地話佢似鴨，因為唔肥，佢唔係用老鵝，我覺得呢點先值得欣賞！要肥大既老鵝周圍都有，後生嫩滑既先少有！就算係胸肉都唔會鞋，very good！佢配湯或者野飲，我就幾中意佢個湯，今日係苦瓜湯，好足料，見到有雞腳，苦瓜係入面。仲有服務，呢度D人好NICE，好少燒味店咁有禮貌添！如果呢間店係旺區，佢一定日日排大隊！

行完黃埔又巡視空紅磡街市已經肚餓，平時會向蕪湖街果邊食嘢。今日過完對面馬路，經過家維邨望一望，地庫有隻燒鵝立立令叫近我😂，又想試吓啦。店裏十分乾淨，有電視睇，卡位亦寬躺，如果落場嚟呢度食下野，唞一唞，一定係最好選擇。望過餐牌，不二之選揀乳豬燒鵝飯，只係68元咋，超抵!雖然叫個碟頭飯😁。 😌但我諸多要求，而侍應哥哥竟然細心聆聽😃。 碟飯一到要求全做到，而且分量很大又香噴噴，仲有嘢飲送😄。 乳豬皮脆少肥又有肉，燒鵝除了煙熏味外，又另一種脆皮而且甘香，肉嫩有汁，非常好味😋😋，位內仲有插蘇連叉電插提供，的確細心。埋單時，無論燒味部叔叔或收銀員姐姐，很有禮貌傾談，亦不停多謝客人惠顧，很有家的感覺，不禁向他們豎起手指公👍🏻。 紅磡竟然有一間咁優質嘅燒味店，很值得推薦👍🏻👍🏻👍🏻！

又一個OT的晚上....路過呢間餐廳見到晚市優惠138$ 有雙拼燒味+小菜1份+2個白飯+湯+凍飲加4蚊我地就入去試下燒腩仔拼叉燒燒腩仔皮勁脆！肉質軟淋、好好味、意外有驚喜叉燒都好味 甜甜地小菜就叫左 男人的浪漫 豆腐火腩煲一上檯 熱辣辣 好香薑蔥味！ 調味岩岩好、好多餐廳都會好重手 往往勁咸、呢間調味都無咁重手又好味、好難得火腩食起黎 吾會柴 連住少少皮 好好味豆腐超淋多汁 吸曬湯汁 正總結一下 埋單146$唯一可惜就係無湯、 我地夜晚食飯鐘意飲下湯、遲遲無湯黎、味問店員點解無湯？店員說話送曬....但之後其實我地有見到其他檯有湯送、不過人地無叫野飲....就有d不平衡lo.....menu寫明有湯不過都會再想去食既

中伏了！滿心以為父親節買隻燒鵝返屋企食！一試下 ...1） 鵝太細，無鵝味。似鴨多D！即係以鵝的價錢，買鴨的質素。2）皮韌，唔香，唔脆。3）只有煙燻味。唔香。中伏，中伏，中伏！

今年母親節，提早一日同老母慶祝，約佢上紅磡街巿二樓永發海鮮飯店開餐 (一間中伏嘅大排檔，食評請看另文).由於怕上菜慢要等餐飽 (果日又真係要三催四催，自己第六感真準！), 所以想話買D乳豬俾屋企人食吓過吓口引先，唔想齋等.唯一燒鵝正正係紅磡街巿對面，走去望望，又好好彩有乳豬喎，斬一舊水外賣啦唔該！優點：1, 外賣盒好令好美觀，唔捨得掉咗佢！2, 乳豬皮脆肉嫩，肥肉部份極少，唔會話食到成口油，質素唔錯.缺點：1, 一份錢一份貨，質素唔錯就自然貴囉！見佢D燒鵝賣相好正，即場燒制，下次嚟試試先！

第一次在三月疫情期間搵嘢食，行去紅磡街市買餸途中肚餓，之前見到一直冇試過，所以唔小心中左入去。點知佢個燒鵝原來好正，仲好後悔之前唔敢試，價錢仲好抵，一向都唔會寫食評嘅我，忍唔住幫佢寫返一次。

家維邨這間唯一燒鵝，見到此餐廳新開張，一直都想試嚇其燒鵝，今日下午茶時間來到附近，所以就過來試嚇。餐廳不是很大，裝修都算企理，在家維邨的地牢，在路面上望下去可以見到餐廳挂著的燒鵝。王牌煙燻燒鵝瀨粉原來這裡的燒鵝不是淨燒鵝這麼簡單，而是煙燻燒鵝，這個煙燻燒鵝，我都是第一次食，外表看來與平時食的燒鵝無什麼分別，肉質比較平時食的燒鵝入口多了少少煙燻味，肉質都較厚，味道都尚算不錯，不過，我個人還是喜愛平時食開的燒鵝多一些。瀨粉湯底顯得淡少少，不過整體尚算ok。