影片
电话号码
24789533
营业时间
今日营业
06:30 - 18:00
星期一至日
06:30 - 18:00
以上资料只供参考，请与餐厅确认详情
去咗元朗探朋友聽朋友介紹之下嚟咗呢度食下午茶聽講呢度嘅海南雞飯非常之出名，所以我哋都叫咗一份海南雞飯銀芽肉絲炒麵同埋兩個小食海南雞飯真係呢一度嘅招牌菜佢哋嘅雞係非常嫩滑 好鬼好食，令人一食愛上銀芽肉絲炒麵炸到非常脆 食落去聽到啲聲好過癮 唯一熱狗配薯角熱狗嘅精華就係酸菜裏面 酸酸甜甜好開胃沙嗲牛肉熱狗超足料 沙嗲味超香，又唔算太過濃味 所以鍾意食沙嗲牛肉，但係又怕太鹹太重味嘅話呢一個就啱晒啦總括嚟講呢度食嘢都唔錯㗎
继续阅读
睇小紅書介紹就同老公揸車過去食午餐，兜左兩次都錯過左入口，所以一定要慢駛，唔係好容易會錯過。泊車位頗多。茶餐廳有戶外座位但比較窄，我地選擇入內座，反正不吸煙。兩個人叫左一個午餐A,即海南雞飯，一個銀芽肉絲抄麵，兩杯凍飲，成為134蚊，價錢合理。海南雞飯賣相一般，可能係用膠碗載的緣故吧，雞滑但我覺得有雪味，醬汁太細碟但味道都幾好。銀芽肉絲抄麵無論賣相及味道都好正呀，啲麵炸到裏裏外外都鬆脆，配以瘦肉絲同草菇再加玻璃芡，味道好夾，食到不能罷口😂下次會約埋幾個朋友再去此店食晚飯私房菜。
继续阅读
其實呢間嘢不嬲食物質素都幾好㗎，但係嗰日星期六去，炒飯 45min 催左兩次都未到當時係一點幾 場面50%客左右 勁多姐姐 絕對唔係人手唔夠然後趕時間逼住埋單走 諗住佢取消咗我個飯，然之後淨係計我嘢飲錢同我朋友飯錢都OK嘅，咁咪下次再嚟食過囉但佢竟然仲好意思收我剩飲雙計，完全冇歉意，不過既然佢都好意思收，咁我都唔介意俾嘅，雖然預咗茶餐廳係咁㗎啦，但冇諗過態度咁差但係公道講句要45分鐘整出嚟嘅炒飯應該好好食㗎最衰我冇機會食😋😋
继续阅读
有車位泊幾驚喜一入黎仲要有姐姐問你 要吾要飲湯阿？？係蕃茄薯仔湯阿 都幾好飲🤭🤭奶奶話 個海哲好彈牙🤭🤭本身諗住食吾哂 拎膠袋出黎包走但係實在太好味 所以一粒米都冇剩個蔥味豉油都幾好食 但有少少辣飯係珍珠米 好香雞油味沙律好新鮮雞都幾嫰滑配埋雞油飯食成個口腔滿滿雞油香個青瓜仲要係有醃好有心思個人認為如果有汁點d雞會更加好只能夠偷老公個餐d醬黎點我既雞絲😂不過都幾開心個湯底係清雞湯配埋d米線好易入口所有凍飲加三蚊*依個餐廳令我驚喜既地方除左係食物價錢ok真係佢個車位因為錦田近西鐵車位真係行幾遠先去到食野依間餐廳對於有車既人士 真係一流🤭假日享受家庭樂 開心🌺
继续阅读
去到一坐低嗌咗兩樣嘢海南雞米粉加熱杏霜，豬膶公仔麵加凍檸茶，點知第一杯嚟嘅嘢係熱檸水，樓面即刻同我哋換返，咁冇嘢啦，跟住海南雞嚟咗，但係嗰米粉就冇嚟到，都唔緊要，好啦，我諗住自己嗌豬潤麵，係要等耐少少嘅，嚟到碗豬膶麵食第一啖個公仔麵仲硬嘅，我即刻想講粗口，原本諗住叫佢煮過另一個就算，點知廚房話要叫樓面攞返碗麵入去再煮過，又話我要個麵冧啲，我由頭到尾都係叫佢煮過另外一個正常嘅公仔麵俾我，簡簡單單整一個煮3分鐘嘅公仔麵俾我，又比說話我聽又話要計時又乜，嚟到呢度我已經完全唔想再食嘢，慶幸地佢同我取消呢個九唔搭八嘅豬膶麵，講真連公仔麵都唔識煮真係搞唔掂。以後唔會再幫襯
继续阅读