善膳坊

营业中

休息中

$58午餐,美味午餐+熱辣辣無精素湯，CP值高～誠推～今日第一次光顧，見到午餐餐牌上，有咖喱薯仔素羊腩飯，很驚喜，好奇素羊腩是什麽😎😎食物用心炮製，很熱辣美味😋😋食客還能任添美味熱茶🍵🍵會再光顧👍👍

6個人進餐，叫了兩碟炒面及通菜，侍應嫌叫得少，仲話6個人只叫3碟野？碟通菜咸到苦，仲係好差勁，如果食得晒既叫多啲無所謂，何況今日食素日，叫得多又唔想浪費，如果請侍應請得唔好，想係好影響生意

用餐時間（7:44pm dinner）另一半話呢間素食值得推介，明明喺長沙灣站都要行15分鐘過去食。一坐低就上兩碗老火齋湯🥣 ；材料有眉豆、紅蘿蔔🥕 、南瓜 🎃 、粟米🌽 、花生🥜 、腰果等等。鮮甜無咩味精。叫咗碗胡椒豬肚湯$38，裏面有兩三種菇🍄 （白菇、雞髀菇）、豆腐、酸菜、素珠肚（爽脆口感似食緊豬肚）、胡椒味香濃，熱辣辣拎上枱，飲完成個人暖笠笠。♨️本身對碗素餃子擔擔麵 $59 冇咩期望，因為覺得唔會整得好食。點知又真係有驚喜！第一時間試一試啖擔擔面湯底，好好飲！食得出佢加咗花椒油同埋真係有落花生醬煮個湯底，好香。碗麵餸菜有蕃茄🍅 、椰菜花、花生碎🥜、素餃子🥟，素肉碎。好似喺上海店食緊擔擔麵咁，唯一美中不足就係佢用咗拉麵底。🍜個咖喱薯角素羊腩飯 $58正常發揮，個素羊腩🐑 走過油，配合薯仔、椰菜花、素羊腩，紅米飯，不過不失。餐廳氛圍少有素食餐廳有得打邊爐🍲‼️不過預返時間，因為佢早閂門。

打聽到深水埗有間好食嘅素食店，一於去試試，素食嚟講佢都算多元化，仲有點心食老火湯日日唔同款式，又有紅米飯食，可能前一手係做火鍋，枱中間仲有個電磁爐喺度，但係好乾淨衛生，空氣充足，坐得舒服。散叫又得，午市素餐又得，炒粉炒麵炒飯亦得。見呢排凍凍地，叫咗個鮮茄豆腐粉絲煲。上枱一刻香噴噴，見到都暖苙苙全部材料都入晒味，最後嘆埋碗老火湯，超級大滿足地址深水埗元州街26號地舖港鐵深水埗站B2出口，步行約3分鐘

周日想飲茶食素點心，想起元州街這間善膳坊去試下，點個拼盤一次過多吃幾款，水準就中規中距有好有壞。除了素點心之外，餐廳都有每日唔同特價午y餐，各種炒粉麵飯都有得揀，冬季仲有火鍋和陽腩煲等等，可以mark低去食下。深水埗元洲街一帶好多野食，你估唔到中間都有幾間素食餐廳，方便這區的素食人士。入面唔算好大間，不過都適合一家大細或三五知己來吃的格局。餐牌都幾多野揀㗎，想食點心、小菜或粉麵飯都有，多幾個人來可以叫幾款分享食。午晚市都有特價套餐，而且每日都唔同，區內素食者日日來都唔驚悶。仲有手寫餐牌好街坊feel。點心拼盤 HK$68一直都想試下這裡的點心，不過都驚係大量來貨果種hae野，好彩一開蓋望落都算吸引。蒸點心要等一點時間，上桌熱騰騰感覺唔錯。首先吃掉燒賣由蝦餃，味道就一般般無咩驚喜。倒是腐皮卷和煎梗米卷幾好食，鍾意芋頭的話也必吃荔芋卷。

膳善坊推出素火鍋，有8款湯底揀，火鍋料按每款食材收錢，款式都幾多樣化，有菜、素肉、餃子同麵食。另外，店舖亦有提供素羊腩鍋 (送唐生菜1份)，同火鍋一樣可自選火鍋料。秋冬暖心素鍋湯底每款$68/ 鴛鴦鍋$78芫荽豆腐、蕃茄海帶自選火鍋料唐生菜 $28西洋菜 $31南瓜 $31粟米 $28鮮淮山 $35響鈴 $32毛肚 $38牛蒡揚 $38手工餃子 $38烏冬 $22我覺得毛肚像真度好高，好似真嘅牛柏葉，爽口。豆腐吸哂湯底嘅味，夠滑身。手工餃子嘅餡料主要係椰菜同紅蘿蔔，仲有食到少少薑嘅口感同味道。五柳黃花如 $88 推介呢樣小菜，我見差不多每枱客都會叫。素黃花魚係店舖自家製，應該係用紫菜、腐皮包住素肉漿，口感外脆內軟，味道酸酸甜甜，幾開胃。

之前我同老婆，公司都好忙，所以少了一起出來食飯行街，適逢今天大家都有時間，決定去深水埗行下街，我就買了一些電腦配件，太太就買了一啲家庭用品，之後我們決定再去位於深水埗元州街26號的善膳坊食晚飯，適逢今晚見到佢地推出了素食火煱，上一次食素火煱已二年前，平常老婆又好喜歡食火煱，咁今天就試下善膳坊推出的素食火煱，我們叫了一個惹味素陽腩煱$228及其他火煱料22元起及飲品。好好味😋🍲🥗，老婆話下次再黎食其他湯料及其他素食。由於好耐無來，發現佢的餐牌又更新了，多了好多唔同的新菜式，下次同老婆約朋友再來品嘗。😋😋😋由於我同老婆平時都好忙，都好耐無一起出來行街食飯，今天品嘗這個惹味素火煱，在這個冬日，好像感情特然又再升溫起來，暖暖在心，有種開心幸福的感覺，原來幸福開心就係咁簡單，大家一起品嘗美食，陪伴，一起笑，哈哈哈。😃近年，我同老婆跟朋友多了選擇食素，為自己及地救健康都付出了一點力，真的感恩🙏💓💓

今日想住食清淡少少進了哩間嘢 我從來無時間去評論留意 這次實在太難食➕貴 ➕環境差 我先來評論 點了個蒸豆腐 再問有沒有凍檸茶 他居然沒有～ 然後說有鹹寧水～我話無所謂ok 之後落單先知道係35 搶劫咩 35又難飲 我飲一淡就無再飲 跟住問有沒有吸管 居然吸管都沒有～勁 又貴又難食 基本用餐工具都沒有 做生意是這樣的哦 那些豆腐真係自己去買個豆腐蒸都比你搞得好食 買單先發現全部係老人家 年輕人不要進入這間店 真的很不理想 實在太難食了 第一次留意

很多素友都說深水埗 善膳坊 點心不錯😋，但由於只供應至下午5時（店員說點心師傅5時放工，所以時間上要預得鬆動些喔），所以一直都未能品嚐🙈。趁着中秋節的假期，終於可以來到這裏試試了🎉。善膳坊的點心分為兩大類✌️～蒸和香煎的，共有20多款。此外，更有眾多小食，小菜和粥粉麵飯供選擇，這次我們品嚐了數款點心，一款小食和小菜，都很不錯。1️⃣素蝦餃皇：晶瑩剔透，白裏透“蝦”，熱氣騰騰，素蝦是切粒的，很新鮮的點心2️⃣四寶紥：最吸引的食物😋。大大件，材料有猴頭菇、雪耳、冬菇、芋頭。4款食物，4種不同的口感👍。3️⃣＆4️⃣XO醬炒腸粉＆咖哩蘿蔔素魚旦其實點這兩款食物時，腸粉，蘿蔔和魚蛋都不是重點🤣，版主是想試試XO醬還是咖哩會較美味，似乎咖哩味道會略勝一籌。XO醬份量如果多一些的就會更好。5️⃣香煎腐皮卷：剛放上枱時，能聞到👃煎香的味道。腐皮卷的材料也挺豐富6️⃣蓮藕餅：香脆可口，配上黑椒醬更惹味除了食品質素不錯外，🙋‍♀️店員的服務也很好，很親切。話說，由於版主早了到來落單，由於“主影嘉賓”（負責幫食物影相的女友🤣）未到，版主請店員幫忙拿東西來蓋着食物保溫，店員都很樂意幫忙。及後，店員又主動開一壺茶給我們，更送了兩小塊月餅

今晚老婆夜收工，所以楂車接佢收工，經過善膳坊看一看，原來最後點餐時間已延長了，由早上11點半去到晚上八點半，我們八點鐘到，職員親切招呼，奉上一杯玄米茶，再足滿笑容地奉上新的餐牌， 介紹給我們一些新菜式，我們看一看之後，發現新的餐牌，增加了不同種類的元素，有點心類，小食類，炒粉麪河類，小菜類，飲品及甜點類，午餐及晚餐，我們點了兩味推介，西檸千層及 葡汁荔芋南瓜排骨煲，還送上老火湯及紅米白飯，健康好味，西檸千層，美味😋😋，酸甜適中，餸飯一流，葡汁荔芋南瓜排骨煲，送飯一流，非常好味😋😋，一口排骨，一口南瓜，一口芋頭，只輕輕張開咀便可以進入口中，配上適量的葡汁，不知不覺就食了二大碗飯，之後職員送上一碗艇仔粥給我們試試，第一次食素的粥，原來都可以做得咁美味😋😋，也推介早上11點半至五點，有點心供應，又有午巿/晚巿套餐或小菜供應，晚餐時間5點至8點半，歡迎我們下次再來試，最後還付上一碗美味的椰汁香芋西米露，今晚老婆特別開心，忙了一天工作，竟然有驚喜，老婆話下次約同事一起來再品嚐美食😋😋

今日又到善膳坊素食小店進食晚餐！發現又有好多新菜式！葡汁荔芋南瓜排骨煲、西檸千層！味道10分有新鮮感！例湯日日唔同款式！紅米白飯夠健康、飯後甜品每天不同！有驚喜！價錢大眾化！平民素食美品！各員工10分有心服務！絕對值得推介

點心拼盤，冇咗燒賣又冇咗腐皮卷，咁就$65...俾咗蘿蔔糕平價嘢，食水深左啲，而且落單之前冇同我講冇咗D野，會有替代...今日去到換咗新餐牌，飯類加咗價$10，加唔加價都係餐廳嘅決定，素食店經營有一定嘅困難，素食者選擇有限，不代表就任由餐廳安排。期望有質素。

今早上完堂後，有位同學聽朋友講，話深水埗開了一間新素食店，於是大家決定，一行六人一起向深水埗方向出發，行到元州街26號的素食店~善膳坊，門口職員親切招待，看看牆上的餐牌，字體很美，多元化的餐單，粥、粉、麵、飯、米粉，小炒，壽司餐，都有。簡單叫了幾個午餐、小炒及飲品，試一試，冬瓜什錦湯飯-多料、好味👍，梅菜扣肉飯，覺得很配合，味道適中👍👍，琵琶炸豆腐飯，因為是炸物，所以需要些時間等候，好好味😋😋😋，乾炒肉片河😋😋，齋鹵味👍👍，有機豆漿😋😋，黑麥汁😋😋😋😋，瑤柱粥😋😋😋，冬陰海鮮湯米😋😋😋😋，好多料，小小辣，但非常好味😋😋😋😋，餐牌上還有許多不同款式，由於6人的關係，不能叫太多，總括今次，食物質素非常好😍😍😍😍😍，感覺廚師很用心做👍👍👍👍👍👍， 廚藝出眾 ，在這區難得有一間多元化的素食店，同學已決定，下堂放學後，約多啲同學，朋友來食。一間很用心做的素食店。臨走前發現有自家制曲奇，一人一包買回家食，好好味。😋😋😋😋無影太多相片，大家都掛住食😋😋😋

今天放假，約了朋友出來深水埗購物，之後行經元州街，見到一間新開的素食店~善膳坊，門口職員接待我們，看看餐牌的食物都唔錯，還有點心吃，我們便入內試一試，今天試了，1.牛油果壽司~感覺很用心做、2.四寶雞扎~第一次試到素食都可以咁好味、3.蝦餃好晶形，好味、4.五柳魚，味道清新，甜酸味掌握得好好👍

素食不斷改良，符合香港人大眾化口味！名廚主理，色香味俱全、價錢大眾化！環境簡潔整齊！交通方便鄰近地鐵站！深水埗B2出口，步行5分鐘直達，元州街26號地舖！儘管本人，不大喜歡素食，但今晚一試，賣相十分好，口味清新！中西日式包羅萬有！套餐日日不同，經濟抵食！