喇沙 (已結業)

屋企冇煮飯，再次出動搵食。本來係去「鱻」的，誰不知原來未開門做生意，想起之前幫襯過一次的「喇沙」都幾好食，咪行過一條街碰吓運氣囉，好彩附近幾間食店雖然都冇開，佢就有開門，拿拿林入去坐低叫嘢食。雖然上次試過佢嘅「喇沙」係幾好味，不過今晚想食咖喱多d，於是叫咗個一人咖喱牛腩套餐跟薄餅，太座因為抱恙，只係叫咗個泰式生熟牛肉湯河，再加幾蚊一人整番杯馬來拉茶試試。主菜未到，馬來拉茶先來。呷一啖，覺得奶味和茶味恰到好處，濃郁得來不會過甜，不錯！不過唔多夠熱，扣了一點分數。主菜上桌，咖喱惹味得來唔係太辣，對不太吃得辣又愛吃辣的自己來說味道剛剛好。牛腩和薯仔也稔，加埋最啱點咖喱吃的印度薄餅，的確係最佳配搭。埋單找數，兩個人食晚飯$90都唔使，同幫襯快餐店差唔多價錢，都可算價廉物美了。

由於唔想等位....唯有放棄金船長.....求其經過見到....入左呢間....兩個人.....食左:新加坡咖喱海鮮喇沙 ($38) - 湯底香...差D俾我飲哂.....料唔多....蝦..新鮮....魚旦...彈牙....可惜麵底係米線....雖然我都鐘意食米線....但係喇沙要襯油麵同米粉架麻....整體呢碗喇沙係我心目中已得高分.....自從天后喇沙執左後...好耐都未食過好味的喇沙.....秘製咖喱牛腩套餐 ($48) - 份量頗多....牛腩好腍....咖喱微辣...味道唔錯.....見佢有外藉人士 & 同鄉(同拉茶果位師傅) 幫襯....閒日都坐滿小小的一間店....勁!沒有加一.....係座位逼D唧....

有次同同事們諗去食'譚仔', 但因為實在太多人了, 於是退以求其次, 過咗隔離'喇沙'試試,試完之後覺得唔錯, 所以時不時都會去食Lunch! 而家好似多咗好多人去食, 時時都要等位! 係門口收錢同招呼客人0既'阿姨'好好0架,好有禮貌, 成日都笑瞇瞇, 見到佢個人都開心啲~ 星加坡咖喱雞絲喇沙啲湯好好飲, 咖喱可以稍稍重啲, 椰汁味濃, 好多芽菜, 不過有時米線會淋咗啲雖然唔係正中, 但個人覺得唔錯 印尼蕃茄咖喱雞配油鬆餅+胡椒餅咖喱味可能唔夠重, 但有蕃茄0既酸甜味, 加埋幾夾幾香濃油鬆餅就唔夠'鬆', 可能係整定, 所以壓實咗胡椒餅好脆, 但好咸 <-- 可能我自己食唔到咁咸, 因為其他同事食到 紅棗桂圓茶好味, 有龍眼肉食下, 但好甜 <-- 可能又係自己飲唔到咁甜, 因為其他同事無話太甜環境尚算舒服, 整體都唔錯0架, 唔係都唔會成日去食啦!不過有啲地方的確要改進下, 咁好更加好啦

My husband and I tried this place two weeks ago after viewing the comments from the site. We both used to live in Singapore so that we have high standard on dishes so called Singaporean-Malay-Indo cuisine.We were not disappointed at all. I had two main dishes and one soup. You can see the photos below. One comment I would like to provide to the shop is, all the dishes are served with a plate of plain rice. It is a good idea if you dine alone or very hungry. At first, we wanted to order one extra

大角咀這幾條橫街，越開越多食肆，已經變成食街，尤其是這條大全街一列鋪位幾乎全部都係食肆，唔睇清楚好易入錯門口。今次係想嚟食喇沙，佢地將食品分成星加坡式和馬來式，乜星加坡D喇沙唔係學馬來嘅咩?最後都叫咗個星加坡咖喱海鮮喇沙($32)，再加個馬來咖喱雞($32)及馬來拉茶($7)。喇沙嘅咖喱湯底幾濃，面頭亦有辣油但係唔係幾辣，配料有大蝦1隻、魚蛋及魚片各兩塊、豆腐pop兩舊同魷魚兩舊，米粉幾粗身但份量唔多，味道響香港嚟講算係唔錯。至於咖喱雞就有3舊雞同兩舊薯仔，個汁少少辣都算係OK，鬆餅有兩塊,睇住佢即做，但係比較淋身唔夠脆，不過唔係好油算幾健康。杯拉茶原來加咗冰兼且有D怪味，好似有少少薄荷味，響馬來亞飲都無呢種味，係唔係正宗，真係要問佢至知?

昨晚同男友睇完 Tropic Thunder 黎開飯. 叫左:1) 咖喱牛腩 + Roti 餐 - Roti 鬆化唔油. 不過可能就係因為唔油就唔夠 "油酥". 你讚佢夠健康都得..不過我就覺得麻麻./ 牛腩so-so./ 水浸通菜冇skill 可言2)雞絲Laksa - 湯底太濃椰奶味. 蓋過Laksa/ 香料味. 雞絲多得很.3) 西柚青檸冰 - 好飲!4) 凍檸蜜 -都可以.冇10% service charge. 但服務OK. 算係咁.

今日又去左大角咀, 見上次食過都ok, 於是又來食o野. 點左馬來森巴咖喱雞絲喇沙, 雞肉薄餅, 鷹咀豆薯仔咖喱餐同埋印度蕃茄咖喱雞薄餅餐. 喇沙o既賣相仍然不俗, 湯底有點辣, 今次轉了油麪 ,但吃起來卻沒有甚麼特別, 餸菜有豆卜,芽菜, 同埋雞絲, 味道也只是一般. 印度蕃茄咖喱雞薄餅餐賣相也ok, 雞好像一般, 紅色的咖喱汁沒有甚麼辣味, 但較稀, 用來點薄餅就不太好. 鷹咀豆薯仔咖喱餐的咖喱汁較杰又帶點辣, 用來點薄餅就很好. 雞肉薄餅今次不用等很久, 味道也保持到, ok!雖然薄餅是即叫即做, 但水準卻差了點, 薄餅不太夠熱, 而且吃起來很"實", 好像沒上次吃的好. 而且侍應態度麻麻, 下次再幫不幫襯真的要好好考慮.

好耐無去呢間食Laksa，上星期去番，仲係好好味!呢次愛上佢嘅咖喱大蝦，佢d”汁”點薄餅或配飯食，真係好鬼正呵!加埋柸紅棗茶補吓，愈食愈開胃我每次都帶d朋友仔去，个个都讚好味嘅，証明我d口味唔錯啦！

上星期日去開大角咀, 想搵其他食店又搵唔到, 行行下來了呢度, 見佢o係openrice o既評語都ok, 就入去試試. 叫左馬來酸子咖喱海鮮喇沙, 凍馬來亞拉茶, 雞肉薄餅, 同埋咖喱雞薄餅餐. 喇沙o既賣相不俗, 沒有椰漿的湯底微辣, 卻沒有酸味,但用米線就有d怪, 正宗唔係用麪/米粉咩? (之後才知可以轉麪/米粉!!). 餸菜有豆卜, 一隻蝦, 一塊魷魚, 魚蛋, 魚片同芽菜, 有d失望, 因為海鮮就係呢d?魚塊都冇一舊!! 好彩味道都ok. 凍馬來亞拉茶偏甜, 有香草味, 都ok.咖喱雞薄餅餐賣相也不錯, 雞相信是用雪藏貨, 所以冇咩味; 薄餅是新鮮製作, 熱騰騰的很正! 但咖喱汁用來點薄餅都幾好. 雞肉薄餅等了很久很久才到, 於是老闆主動送了個印度番茄醬(原本要加$5) 給我們作補償. 雞肉薄餅也是新鮮製造, 味道不錯!!食物方面, 以薄餅最好! 反而喇沙只是一般貨色. 值得一讚的是服務, 店主和店員都會主動協助, 例如我們想share食物, 他們會主動遞上碗筷等. 下次都係會食薄餅類食物!

星期五晚想食油鬆餅,無理由專登去灣仔"莎巴"咁遠, 見呢度近近地又唔貴, 放工跟好朋友黎左呢度食晚飯地圖顯示呢度好似離奧海城頗遠, 其實只係5分鍾既腳程, 入到黎發覺餐廳既地方都幾細, 好在7點幾黎都唔係好爆, 只係得幾枱客, 我地兩個人都可以坐四人枱望望餐牌, 嘩想食既油鬆餅同薄餅都有好多款,正!最后要了:-1人餐(咖哩牛腩+菜+油鬆餅)$48另加$3餐飲轉凍馬尼拉咖啡花生薄餅$22熱拉茶$15咖哩牛腩既辣度尚算適中, 牛腩腍得黎唔會韌, 至於油鬆餅,講真呢度唔及"莎芭"既好食,個花生薄餅對嗜甜品既我黎講真係好對胃口,份量都比想像既中多, 好鬼飽肚, 而杯熱拉茶收得你$15真係一點也不賴, 大大杯,份量同一杯凍飲差不多, 可能個杯既料有保溫作用, 坐一陣杯茶仍然很熱兩個人一餐晚飯, 吃到飽飽的走都只不過係$88無加一,夫復何求? 可能係家庭式經營既關係, 佢地既服務都ok親切ga ~ 呢度仲有老夫子漫畫同埋update既雜誌俾客睇,若然一個人落黎食飯都唔怕悶, 亦有電視睇我地八點幾走既時候先至full house, 門口開始有人我位, 如果六個人或以上黎食,最好早d黎搵位, 因為佢

去到叫左個SET DIN~有一碗"食送".....一碗菜....同埋飯/薄餅......叫左個咖哩牛腩飯......咖哩香得黎唔會話好SPICY~牛腩又夠淋~~唔錯唔錯碗菜....係用上湯浸住上既...都唔錯 ~薄餅~~睇住有個"啊差"即場整既......都唔錯所以綜合黎計，如果剩係講味道.....我對呢間野都有唔錯既評價！但係，份量比較少 (可以睇番之前既人有POST過相......一個盤分開左幾格裝野o個張相~~) 男仔應該會唔夠飽.......而且我覺得相比於同區既店鋪，佢既價錢略為高左DD…

我喜歡吃喇沙，之前見飲食男女介紹過，於是在去奧海城睇戲前去試一試。既然此店開宗明義賣喇沙，當然非試不可。我們點了一個咖喱海鮮喇沙和一個蝦湯麵。喇沙那個湯底是可以的，海鮮就是魚蛋、魚片、三兩片尤魚和兩隻蝦。三十多元總不能要求太多吧？反倒是對用了米線不能接受，那有正宗喇沙是用米線的？見前幾篇feedback見原來可要求轉米粉或油麵，但餐牌也沒有寫可以轉啊！？蝦麵更奇，用上了日式拉麵，軟巴巴的，為什麼不用油麵呢？湯底亦欠缺蝦味。這一個真的不合格。飲品反而不錯，有凍的桂圓紅棗茶和羅望子特飲，才$15一杯。付錢時見這店當選新假期東南亞菜必吃餐廳，我想應該總有其他食物是好吃的吧？有機會再路過呢頭不妨再俾多次機會佢啦！

好抵食 -- 兩個人$100有找,...好味又好飽

去大角咀食喇沙. . . 到係冇啦啦見到,就入咗去 , 食咗個即叫即製的印度鬆餅 . . .又脆又軟 ~ 好好食 ,款式都0k多嫁~都有正宗嫁7-8成,價錢都0k嫁 ~份量多d更加好~不過坐車入去都幾煩~不過下次去果邊都會再試^^

慕名而去, 失望而回只有用這句話來形容.唔知大家有冇去星馬食過"正宗"喇沙"?比較起黎, 這裡的喇沙可以用唔合格來形容!!今晚叫左馬來海鮮喇沙, 一送到埋檯, 首先, 做乜成碗粉白雪雪冇色既?未食一睇, 就知湯底唔夠濃, 另外, 點解會係用米線??"正宗"喇沙肯定唔係用米線的!!(睇了上幾位食評後, 才知要油麵或米粉要另外order! 真係有冇搞錯??)因湯底唔夠濃, 連浮面那小小油都缺少, 結果成碗粉冇厘文味.此店竟以喇沙自居.....不提也罷!另叫了燴牛尾 ($50), 連白飯, 牛尾得幾粒, 而且多係骨, 冇肉的! 所以成餐只係汁撈飯.....味道一般, 另一道的冬蔭功湯, 味道似撈左辣豆板醬一樣, 只得辣和酸, 不似一般泰式冬蔭功的味道. 因此, 我想沒有再回頭光顧的理由吧!好吃的喇沙, 在天后那一間已結業了, 在香港那裡才有好吃的"正宗"喇沙? 答案肯定不是在這一間店了