喇沙 (已結業)

坦白講,大角咀並非一個交通十分方便的地方,但原來都搵到一d有誠意,而食物又唔錯的食肆.今次黎到呢間食喇沙的小店,裝修都幾\"骨子\",唔知係咪因為星期日下晝2點幾,入去的時候冇咩人.一入去左面有個雪櫃,放左幾件大菜糕,不過就唔多吸引到我.間鋪都ok光猛,仲有個電視添,對我呢個電視精黎講,正!講番食物,本來一心只係黎試下,唔敢抱太大期望.之前有網站都介紹過,話湯底可以改我最愛的冬蔭公湯底,一於叫黎試下.不過那個由朝早11點幾到6點都仲叫得的\"午餐\\",選擇都幾多,有粉有飯.之但係又唔想食平時成日食的牛肉河,於是想叫泰式雞河加我最愛的冬蔭公湯底,哈,點知午餐\係唔改得湯底,唯有散叫碗雞河,再改湯.見有馬來拉茶,當然要試.同行朋友就叫左碗馬來喇沙(跟餐\).坐左一陣,朋友打左陣機,我碗雞河就到喇.賣相唔錯,稱得上有誠意之作.雖然個碗好大,不過若隱若現都已經見到一大堆粉.湯面有食粉好重要的幾種配料- 芽菜+蔥花.話晒泰式,當然唔少得一片青檸+唔知係金不換定泰式芫茜+洋蔥啦.只係配料已見水準,唔似得有d茶餐\廳咁,話有泰式粉麵,求其比d生牛肉或者幾條雞絲就算.轉個頭碗喇沙都到埋,賣相就唔夠我

係呀!大角咀近半年真係多左好多唔同種類嘅嘢食,我係老街坊,依家就好口福咯!樓上嗰位姐姐介紹嗰間喇沙我都有幫襯過幾次,OK架,尤其係印度薄餅,佢地有個黑孖孖嘅印度厨主理,好地道,好酥香.咖喱都幾香(阿差哥煮啩),但唔係咁夠辣,下次記得叫佢地加辣,如果吾係点襯我巴辣妹呀!喇沙只試過一款,都幾香濃,有港島區果幾間D水準,等我試多幾款再報告啦! Bye-Bye Good night !

尋日收工去大角咀搵食。行到去金船長見個筍位俾人reserved，於是冇入去幫襯。行多幾行見到間laksa，心諗冇乜幾何食東南亞嘢，於是入去試吓。間舖入面啲位其實唔算好坐，不過夠晒光猛。兩個人都唔叫得幾多嘢食，叫咗一碗參巴喇沙，一客咖哩牛腩。牛腩有飯跟，我哋加多五蚊轉做麥餅。喇沙普通，湯底味道唔濃，少少辣，好多雞絲（可以揀要海鮮）。個人都係覺得潮州粉麵第一，其次係越南牛河。咖哩十分香，不過椰奶味都幾重；配飯或薄餅都係一流。啲餅牛油味好重，食落好香口。牛腩炆得好淋，個味亦都唔辣。估唔到大角咀入面幾條街都咁多嘢揀。