喜臨門盆菜公司 (非門市)

营业中

休息中

大盆，絕對足夠12人，細食的14/15人都夠。冇味精、不會有油浸住、好味道、足料、雞、水魷、魚蛋、支竹、豬皮、腩肉、蘿蔔、芋頭、蝦、門鱔乾(較細件但不腥)，可以試吓!還提供筷子、牙簽、碗、一個長膠湯勺、一包紙巾。在屯門很方便，駕車的可自取

朋友介紹了喜臨門，我決定嘗試他們的盆菜。 當我收到盆菜時，我很驚喜，因為它看起來非常漂亮。 盆菜裡有各種美味的食材，包括秘制腩肉、竹魷、蠔油冬菇、魚蛋、五香芋頭、蘿蔔、魷魚和豉油雞。 最令我印象深刻的是大蝦，它們被放在盆菜的上方，看起來非常誘人。 我邀請了16位朋友來分享這道盆菜，但我們最終發現我們食唔曬，因為盆菜的份量非常大。 儘管如此，我們都認為味道非常好，每一個食材都很新鮮，烹飪也非常到位。 這是一頓非常美味的晚餐，我們都非常滿意。 我已經決定將來再次訂購喜臨門的盆菜，這是一道不僅漂亮而且美味的菜餚，值得推薦給其他朋友。

連年初二兩盤，其他日子其他食完味道方面喜臨門始終覺得勝其他一籌！傳統盆菜我揀佢同輝記首選！但我老媽子今年話喜臨門更好味，日頭一個晚上一個都冇話食到漏😂絕對係唔錯👍👍

話說新年想訂個盆菜同家人一同分享，朋友介紹盆菜話喜臨門呢間喺新界區出名，$1250 一盆12人用固定左份量，其實我哋屋企得四個人食，但諗住如果好味就唔緊要啦照訂個，點知完全中哂伏，首先講吓有啲咩材料，官網敘述有如下：祖傳秘製腩肉 | 大門鱔乾 | 家鄉鹹雞 | 蠔油炆冬菇 | 五香芋頭 | 特製魚蛋 | 豉油大蝦 | 鮮味魷魚 | 醬爆豬皮 | 香滑支竹 | 清甜蘿蔔望落去似乎好似冇問題係咪呢？大門鱔乾出晒事，搞到成個盆菜全部都係魚骨，有大有小的魚骨佈滿整個盆菜，係連住喺其他餸菜之間，點搞呀？成晚就係喺度搵魚骨，又要每一啖都謹慎小心咁食，食得勁唔自在！味道：完全係冇味道可言，原來呢個叫正宗圍村盆菜嘅味道？我去過圍村食盆菜完全唔係咁架味道！一嚟冇汁，二來冇味！係每一款都無味！每年都訂另一品牌，今年諗住試吓新野，就出事了！重要係特登揸車入去屯門工業村自取！車錢都蝕埋！好食就話啫，全晚我們都冇乜食過，成盤倒了，咁嘅新年飯真係令人很難忘！完全係顛覆我對盆菜嘅想像！

今日我哋訂咗盆菜嚟食，朋友介紹呢間喜臨門話好食， 我哋就一於試下啦 。個盆菜真係好大，上枱擺得好靚，啲大蝦係另外盒上嘅，咁我哋放番上盆菜上面先開始。盆菜裡面有大蝦，豉油雞，秘製腩肉 ，支竹，蠔油冬菇，魚蛋 ， 五香芋頭 ，蘿蔔，魷魚，仲有個大門鱔乾，佢哋話呢個係盆菜最較貴嘅嘢，不過就幾多骨，我個人麻麻地咁多骨既魚~我哋十五個人，有大有細，都食唔晒，味道唔錯，佢地可以做上門宴會服務，包晒枱椅餐具，set 埋場，執埋野，幾方便喎，下次搞function 都可以再叫呀~

住新界既我,由細到大食唔小盆菜,但對盆菜本身無咩好感,以往食盆菜都係應酬下就算,今日重陽由於太多親戚,而我屋企人又費事煮既關係,就叫左5個盆菜黎食,以往叫開既嘛嘛地,老豆話試下新既舖頭,上OPEN RICE戳一戮見到呢間,反正盆菜間間都差唔多,甘就叫左呢間,先發現原來盆菜都係可以好好食...(決定以後都要叫硬佢)以往食開既盆菜D豬肉,一肥就好肥,一係就瘦到0趙唔到,佢就好均勻,但唔油膩,正.雞,唔韌,好滑,蝦係另外用盒分開的,可能因為炸過唔想佢唔脆,(真係有心思既先會甘做).魚旦超級彈牙,另外佢有一隻叫做門鱔乾既嘢,本來都唔知佢係咩黎,八卦上返佢FB先知,話可以帶出個盆有鮮味,唔怪得知D豬肉甘鮮甜.上左佢FB先知.原來呢間嘢好出名,電視都有訪問過,外國傳媒都採訪過,枉食左甘多年盆菜竟然唔識,真係...信心推介,正!!!!!

昨天晚上去了朋友家食盤菜,佢個bb擺滿月,個盤都好大個呀,有好多料呀,有冬菇,蘿蔔,豬皮,枝竹,豬肉,蝦,雞,魷魚........六圍以上可做到會宴會服務.包白飯,飯及筷子.用個爐熱住嚟食真係好有風味,d蘿蔔好大件好甜,蝦都好味,夠香口,冬菇,枝竹,豬肉全都好入味,豬肉唔算好肥,豬皮都好爽口,魷魚及其它材料都好味呀.我覺得所有的都好入味,加上唔太肥,所以都好啱口味,同埋真係好足料,份量好多,見d人不停咁食但食極都仲有,還可以打包拿走添.