喜來稀肉 (登龍街)

营业中

休息中

琴晚約咗呀妹睇戲，因為睇好夜場，收工就同佢食韓燒😛喜來稀肉係香港已經係元祖級韓燒🤣餐廳分兩層，主要上層先係食嘢～座位係好闊，暗暗地幾舒服😌餐廳嘅前菜同醬料係自助式，可以自己出去拎😌我特別鍾意佢哋嘅泡菜，酸酸辣辣嘅味道令我胃口大開！👅仲有青瓜、蔥同白蘿蔔，提供咗多款開胃嘅配料，可以搭配韓燒肉一齊享受🤤餐廳有提供泡菜爐邊蛋同芝士爐邊蛋🍳泡菜爐邊蛋係一個獨特嘅組合，可以同泡菜一齊燒烤，增添咗一份豐富嘅風味🌶️而芝士爐邊蛋則帶嚟濃郁嘅芝士香氣，同烤肉一齊融合，令人流哂口水🤤🧀🥩壹頭牛$588包括喜來烤肉、牛五花、牛頸、牛肋骨肉同調味牛排骨。每一款肉都經過精心調味同處理，保持住肉質～烤肉鮮嫩多汁，烤到啱啱好嘅程度，肉質嘅軟嫩度真係一絕！無論係牛五花、牛頸定係牛肋骨肉，每一款都有獨特嘅風味，令人驚喜！尤其佢哋嘅調味牛排骨更加增添咗一份豐富嘅口感👅🐷豬護心肉 $158肉質鮮嫩，入口即化，同牛肉相較之下有啲清爽💦同樣帶住濃郁嘅肉香😌配埋喜來稀肉嘅特製醬料，味道更上一層樓！💕餐廳絕對係肉食愛好者嘅天堂！無論係前菜、泡菜爐邊蛋、芝士爐邊蛋定主菜，每一樣都帶嚟嘅係豐富嘅口味同質感🤤

登龍街嘅餐廳林立但如果想食韓燒我都係會揀喜來稀肉除咗因為佢嘅肉好食當然係因為佢獨有嘅泡菜而呢間分店除咗有生菜之外仲有五款前菜任食包括白蘿蔔片/醃漬青瓜/葱絲同兩款唔同嘅泡菜一款係蒜味重辣少少嘅喜來泡菜另一款係平時超市會買到嘅泡菜五款都可以解膩又可以夾肉食雪花牛肉 HKD 228護心肉 HKD 158調味醬油雞肉 HKD 130兩個人揀咗三款肉份量啱啱好再多嘅話就會太飽因為加埋爐邊蛋其實已經好豐富護心肉一直食開我覺得正過五花肉而雞肉係估佢唔到咁嫩口成隻手掌咁大嘅雞扒而調味又唔會好鹹豬牛雞同熟食都有加埋其他任食嘅前菜如果一家大細帶埋小朋友去都唔錯

【喜來稀肉】是韓國人氣烤肉店烤肉店，以美味護心肉及獨門研制的醬汁風靡全韓，在韓有二百多家分店。2013年登陸香港，在尖沙咀、旺角、銅鑼灣都有門店。銅鑼灣分店位於登龍街，店子倘大座位寬敞舒適，木系傢俱甚有復古氣氛。餐牌供應多款肉類部位，也有醬油蟹、各式湯品、煎餅年糕、拌飯冷麵等選擇。朋友是牛魔王，點了"壹頭牛"拼盤，一份有齊"喜來烤肉"、"牛五花"、"牛頸"、"牛肋骨肉"和"調味牛排骨"，廚師會根據不同牛肉部位調配醃料，非常有心思。每款肉類約有四、五件"，建議先吃砌成玫瑰花型的"喜來烤肉"，肉薄易熟但保持軟嫰，口感不俗。"牛肋骨肉"油脂豐富，入口充滿肉汁。"牛五花"肥瘦相間帶甘香，夾著生菜、泡菜和蒜頭同吃口感更添層次。"牛頸"色澤呈鮮紅色，肉質滑溜。"調味牛排骨"肉質結實，以醬油和梨汁醃製略帶甜味，更能襯托出肉香。吃韓燒當然少不了爐邊蛋，烤爐有三個烤蛋格，一邊是芝士蛋，一邊加入泡菜。最後一格則用來烤蒜頭，夾著燒肉吃簡直是絕配。自助區內有韓國酸泡菜、喜來泡菜、酸蘿蔔片、蔥絲、青瓜任取，全部由韓國店員即場醃製，口味正宗。

太耐無食燒肉，見到銅鑼灣都有呢間韓國國民烤肉品牌，仲要有自助區可以任食生菜、泡菜、酸蘿蔔等等，夠哂開胃🤤🐮牛肋骨肉 $150牛肋骨肉成長條形，方便食用。牛味相當濃😳🐷護心肉（豬） $158護心肉燒後油分不多，肉質爽滑彈牙。岩鐘意啖啖肉既我😌🥘海鮮牛胸肉大醬湯 $85大醬湯係韓國既特色料理，味道非常濃烈。内有豆腐、蔬菜、雜菇和半隻蟹🫓水冷麵 $95用冰浸住既蕎麥麵麵夠哂彈牙，而且極有嚼口，清爽開胃，味道係帶有少少酸味，另外配上芥末醬同醋可按自己喜好再調味呢度坐位好闊落，蛋食完仲可以叫職員幫手refill 👍🏽

餐廳設有自助韓式小菜無限食, 包括有泡菜、生菜，葱絲。 仲有芝士同泡菜爐邊蛋可以無限Refill。另外，餐廳用QR Code 落單，非常方便。石鍋牛肉飯，有烤牛肉、煎蛋、甘筍絲、大豆芽、菠菜、紫菜絲, 充滿濃濃香氣。將辣醬、蛋汁同配菜一齊攪拌，勺一啖入口，好滿足🥰海鮮牛肉大醬湯，好足料🤤有牛肉，蟹，蜆肉，翠玉瓜，金針菇等等。味道鮮甜微辣。 由於用韓國傳統石鍋裝住，上枱之後仲咕嚕咕嚕滾緊，熱騰騰🤭牛五花 ，瘦肉同肥肉互相間隔，肥瘦啱啱好。一入口滿口油香，口感偏軟嫩，食落唔會太肥膩👍🏻👍🏻蜂蜜葡萄柚汽水同芒果汽水甜度適中，清爽解渴，配搭烤肉一流😋

記得以前呢間餐廳要派晒隊，疫情過後可能大家都已經有另一種生活模式，喺屋企食飯嘅日子可能會多咗。難得同啲舊同事敘舊，估唔到依家真係唔使點等，而家都會有啲套餐亦都有有散叫，如果人多嘅話其實又真係幾抵食，係啲嘢飲比較貴，啤酒$58，其他罐裝韓國嘢飲都成$30，汽水都好似$30罐，可以的話其實飲水都夠。大致上每人叫一杯嘢飲，又叫下啲小食麵啦煎餅，跟住嗌多兩三碟肉，大概每人三百幾幾。如果兩個人食嘅話又真係比較困難，因為份量都比較大，冇辦法試多啲菜式。

未有假期飛去韓國吃韓燒，唯有去喜來稀肉食韓式烤肉止吓口癮。🥩真雪花牛肉～雪花牛油脂與肉形成明顯的紅、白相間，肉質可說是香、鮮，嫰集於一身，肉味濃郁。🥬菇類蔬菜～有肉有菜才算是均衡飲食，這碟四菇(金菇、鮮冬菇，杏鮑菇及本菇)拼盤正好中和了肉類的油膩。.🐔🥣蔘雞湯～蔘雞湯內有原隻春雞，雞內釀了人蔘，紅棗及糯米，做法正宗，湯鮮肉嫩。值得一提，烤爐邊圍了一團泡菜蛋漿，既香且滑。除了主食外，餐廳還供應任食前菜，包括醃青瓜、葱絲、喜來泡菜(較辣)，酸蘿蔔片，韓國酸泡菜(較酸)及新鮮生菜(用作包裹烤肉吃)，頗具特色。

🐮壹頭牛（$580）入面有喜來稀肉、牛五花、牛頸，牛肋骨肉同調味牛排骨，想一次過試哂唔同牛嘅部位嘅話，極度推薦😍肉好入味之餘，燒完仍然好juicy；配上生菜，泡菜及店裡的燒肉汁，好食到唔停口🍜水冷麵（$95）蕎麥麵幼細，原本諗住佢會唔會好腍，點知出乎意料地麵條食落好Q彈有嚼勁；配上由自己控制份量嘅米醋同芥末醬，酸酸味味，十分開胃，啱晒而家熱嘅天氣食消消暑🥘海鮮蔥餅（$90）好足料同大份嘅煎餅，不過如果佢薄身少少會更好

今日約咗朋友嚟到銅鑼灣喜來稀肉食燒肉😍😍嗌咗牛五花🐮🐮豬護心肉🐷🐷海鮮蔥餅🦑🦑烏龍茶🥰餐廳係半自助形式，中間有個位置係比我哋自己去攞生菜🥬🥬泡菜😚蘿蔔等等嘅配料😍😍同埋仲有各式各樣嘅醬料😋😋非常方便👍🏻牛五花肉同豬護心肉份量都非常之多，牛五花夠晒鮮嫩🥰🥰油脂豐富😋再點埋餐廳嘅燒肉醬汁，用生菜包住食🤤🤤有另一種層次❤️❤️豬護心肉非常爽口❣️❣️勁有口感🩷🩷海鮮蔥餅用料豐富🦑海鮮餡料較多，而且蔥香味濃💚💚 配埋餐廳特調嘅醬汁夠晒惹味😋😋店員仲會好貼心❣️望到有需要就會幫我哋換烤盤❤️❤️真係超正👍🏻爐邊仲有啲泡菜蛋同埋芝士蛋俾我哋食💛💛

喜來稀肉 地址: 銅鑼灣登龍街41-51號金龍大廈地下3號舖及1樓=====================住上環區，幾公里都無間食韓燒的店，要距離位置就腳，出到銅鑼灣食，食完又便行街爐邊蛋任食，kimchi 生菜任食，（出去有個位自助拎，醬料都有）護心肉$158 有200g,護心肉其實是豬心臟邊保護心臟的肉，因此非常罕見，烤好後肉質小脂肪肉質爽口另一個$158 是牛肉，烤到香噴噴生菜、泡菜包上肉片吃$130 調味醬油雞肉，白肉相對比較底脂肪，燒過後肉很入味，健康好食。爐火火力夠，好快燒熟食得。

銅鑼灣食韓燒，我喜歡去’喜來稀肉’因為夠地道，環境非常親民，簡單又有風味，好似置身韓國一樣。同以前不同就係多咗個自助式地方，多款配菜任君選擇，包括有蘿蔔，泡菜，大豆芽，青瓜等等，最開心就係有生菜，任你無限添加。開爐之後，店員立即倒上芝士雞蛋同泡菜雞蛋醬喺爐邊，一陣就有得食，食完仲可以叫店員添加。喜來烤肉每次都係必點之一， 秘製醬汁醃製，記住好快熟，所以唔好掛住傾偈要睇住啲肉😂，肉質軟滑，包住生菜食在沾上韓式辣醬，回味無窮真雪花牛肉脂肪分布均勻像雪花一樣，肉質嫩滑味道超濃，添上麻油同鹽更加提升味道純豆腐湯小辣，豆腐香滑有豆香味

<銅鑼灣正宗高質韓燒>🤩相信大家對呢一間韓燒一點都不陌生, 有三間分店. 今次我去了銅鑼灣分店😬 佢既食物水準, 咁耐以黎都保持高質. 而且最緊要分量多, 燒肉大大盤, 價錢又合理, 相當抵食. 環境方面亦令人有彷如置身於地道韓國一樣呢.前菜已經有約6款可以自助任夾. 肉類分別叫左 <牛五花> {$158} & <牛舌> {$158}😋 ~ Juicy & 好香牛味, 配埋菜食更加有層次感.<青口魚糕湯> {$85}😋 ~ 魚糕is my favorite, 梗係要叫啦. 青口起碼有10隻以上, 好正呀😎<蟹籽紫菜飯糰>😋 ~ 可以自己用手搓到啱自己口味既飯糰, 我覺得小朋友一定會好鍾意.🥩餐廳: 喜來稀肉 🥓地址: 銅鑼灣登街41-51號金龍大厦地下3號舖

講到韓式燒肉，自己平時都好鐘意食「喜來稀肉」今次再訪水準同樣keep 倒芝士雞蛋同泡菜雞蛋🥚好好食😍另外泡菜、生菜🥬都係任拎任食，有助減低油膩感牛五花薄切牛五花加上調味十分惹味，輕輕燒一燒就食得辣拌冷麵加左冰所以好有風味，冷麵麵質爽口，配埋青瓜絲同蘿蔔一齊食，酸酸甜甜好開胃牛肉拌飯嚟到當然要試吓韓式拌飯，牛肉份量都好多，配上辣醬幾惹味泡菜豆腐湯熱辣辣豆腐份量好多，泡菜酸甜，可以加個飯一齊食，大滿足😊

愛食韓燒嘅友人極力推介呢間餐廳，話O係韓國有過200家分店，質素有保證~店舖地點非常方便，就O係銅鑼灣登龍街，位於一樓，一上到去就感受到股韓風~同朋友兩個點左韓豚五花肉、牛肋骨肉同牛肉眼~初初嚟到見碟頭唔算大，諗住實食唔晒，仲追加個蟹籽紫菜飯團，點知食到尾段都差點食唔晒!塊牛肉眼一睇色澤就知又新鮮又靚!已細心切開一片脂肪以便起爐!輕輕燒好快已熟，入口非常軟淋Juicy!另牛肋骨肉係超超超好食! 每件肉呈三角形而中間亦較為厚身，燒起上嚟要更有耐性同技考，但呢款肉真係值得一試，入口牛肉味香濃，咬落有筋膜爽口感覺但係好易咬開，同時爆出少許油脂，大推!最後係韓豚五花肉，脂肪同肉相間，燒起上嚟有豐富油脂夠晒香，呢款包住生菜食就最夾~幾鐘意呢度嘅醬汁選擇，有黃芥末醬、香草鹽、海鹽，辣醬等，仲有泡菜、漬物同新鮮生菜都係無限自行添加，夠晒方便!

這間元老級韓燒食相信都不需再多介紹，很多人都有食過~銅鑼灣分店地理位置方便，佔有全層，空間大又坐得舒適；性價比高，口味正宗，肉質與價錢成正比；店員親切服務好，會主動換爐自助區可以任食泡菜、酸泡菜、蘿蔔、青瓜、涼伴小菜及生菜而另一個最吸引的點便是爐邊蛋，一邊是芝士蛋一邊是泡菜蛋，還可再添加，好滿足喜來烤肉 $158玫瑰花造型的牛肉片，賣相非常吸引，必點招牌肉薄薄的牛肉片以淡醬油醃過，每邊煎一煎便可食用，牛味濃，細嫩多汁，惹味又不會太重口味，可配烤肉辣醬包生菜喜來韓豚五花肉 $180醃製的五花肉，非常入味，肉質香嫩軟腍，油脂甘香，肥肉與瘦肉相間，肉片也是薄切非常易燒，配搭生菜及泡菜極滋味，推薦！炒年糕 $85炒年糕分量適中，微微辣，香口又煙韌，中間亦有惹味魚糕，年糕粉不能錯過豬肉泡菜湯 $85泡菜湯比較辣，內裡真才實料，有一片片腩肉、泡菜、豆腐，好辣人士適用-總體評分-環境：7.5/10 食物：8.5/10 服務：8/10 抵食：8/10喜來稀肉📍銅鑼灣登龍街41-51號金龍大廈地下3號舖及1樓