喜雙逢酒家 (已結業)

性價比高既酒樓，D度冇華麗既裝修，冇五星級既服務，但有性價比高既點心，懶粉基本上我每間酒樓都會必叫的，D間都起碼有85分，已經相當唔錯，桂花糕都好清甜，其他點心質素都維持中上，值得一食

第一次真係食打邊壚想係街度嘔既酒樓打邊壚 $148任飲任食 但肥牛好冰又大塊同厚 仲要7成都係肥肉 我諗想嘔應該好大機會係因為佢 魚皮 響玲 山根 有怪味 ...超後悔黎食 早知大快活 絕對係同明將一樣 只有朝聖先想食 個人比較好奇係里個市道低迷情況下竟然可以生存到

星期日同屋企人去飲茶，唔使點等位好快入到座。唔錯唔錯！兩個人嗌咗五款點心，非常足料，好夠飽，特別係個牛肉腸，漲卜卜咁！🤤腸粉亦都夠滑，非常推介🉐。鮮蝦菜苗餃雖然啲皮有啲粉，凍咗夾上嚟都好易散，但個餡係好味嘅😋😋鮮蝦雲吞、牛肉球、沙嗲金錢肚都無令人失望，同樣係大件夾抵食，所以兩個人嚟講，嗌五款已經好夠。茶方面私人推薦鐵觀音，茶葉葉色唔錯，飲幾次都仍然有茶香，茶樓嚟講算唔錯。同埋環境方面，呢度比一般較旺人流嘅商場舒服，唔會有好趕同人頭湧湧嘅感覺，如果想同屋企人休休閑閑嘆茶同傾偈嘅話，的確可以考慮嚟運頭塘呢間茶樓！💯💯

打算一個人去打邊爐，個部長話一個人要加錢啵 要200幾蚊。你易拉架又冇寫話唔比一個人食。聽完佢甘講即走人當時間酒樓得5成入座率，仲要係夜晚8點。甘都唔比人食 真係搞笑

下午在大埔運動場乒乓完，好友提議來這間在運頭塘的酒樓晚飯。入住大埔六年多，很多時都經過這屋邨酒樓，曾光顧午茶及外賣過他們晚上才有的兩餸飯，印象不過不失，但從未試過晚飯。六點鐘到酒樓，第一感覺是頗明亮乾淨，座位寬敞；職員也相當企理，招呼也相當不錯。好友説這裡有黃骨魚，未能上深圳一年多，相當懷念羅湖商業城金運來的豉汁黃骨魚，一於一人一條豉汁蒸加椒；居然食到那懷念的味道，晚餐不吃飯的我們也要來兩碗白飯來撈豉汁，食到乾乾淨淨，相當滿意。未吃魚前叫了個椒鹽豆腐來伴酒，皮脆內熱，不太咸，味道不錯。叫了兩個例牌小菜，乾煏蔥頭欖角肉排，相當香口和味。大芥菜咸豬骨煲，雖然不是我心目中那款肥厚大芥菜，但味道適中，入口相當鮮清，加上豬骨肉不鞋，實在難得。更令人驚喜的是兩個菜的例牌份量差不多是一般酒樓的一倍，足夠六至八人享用。送上的紅豆糖水相當綿，果皮味十足。一餐令我喜出望外的晚餐，埋單只是$499。相當滿意。

話說其實我公司就係響呢間酒樓附近有時夜晚同同事唔知食咩好都會間唔中買個燒味飯食唔經唔覺都幫襯左幾年見證住佢嘅$28加價到$35味道同份量其實同佢嘅價錢都成正比係屋村商場黎講算係咁☺️雖然呢間酒樓唔係好食我都唔想佢咁快執笠，因為成個商場已經有有好多小店變成全部都係大集團☹️

今晚落雨，黎到呢間酒樓食晚飯，冇咩客，可以坐得舒服。首先點了個冬瓜盅，味道幾好，清甜👍🏻冇咩味精嘅湯再點了4隻乳鴿，炸得好味，冇咩雪味，唔差粉絲雜菜煲，夠大煲，味道好👍🏻👍🏻仲有椒鹽鮮魷腰果，食咗一半先記得影味道係略咸再黎一份叉燒，就不太好了，好有騷味😣脆炸椒鹽蝦，好味😋再黎一碟小炒皇😋整體來說，不過不失

附近食肆唔多，呢間叫做中規中矩，所以久唔久都會幫襯吓，希望佢唔會執 🤣🤣🤣是晚都算多人堂食，3 個人叫咗個籠仔蟹蒸糯米飯，估唔到佢最快上檯，而且大大籠，每人食咗 2 碗都仲有半籠打包，味道香口，如果多啲蒜蓉更好，蟹都新鮮有羔，正 👍👍跟住嚟個椒鹽豆腐，正正常常，啱晒送酒。再嚟個煲仔欖角大葱排骨，又係大大煲，好多洋蔥大葱，夠晒香口，最尾都有半煲打包。最後木瓜魚肚煲，原本應該喺隔離揾張檯煲，熟咗先上檯嘅，但呢排人手唔夠，而上餸個亞叔又唔知，就連個爐一齊送咗上嚟！個煲又開始滾啲湯彈晒出嚟，咁好自然我哋就熄火，亞部長不停話未熟，覺得我哋唔想個爐喺檯，所以照攞走個爐放嗰煲木瓜喺度，煲蓋都唔留返比我哋 😭😭😭 咁我哋唯有等個煲湯嘅温度焗熟啲魚肚啦，等咗陣食，個湯都好甜都可以。其實我個手袋放喺嗰煲木瓜對住張櫈度，我係怕啲湯滾到彈啲湯落去啫。 。 。總括嚟講，呢間酒樓大碟夾抵食，味道不過不失，希望佢捱得過個疫情啦！

陪我最愛的母親大人喝茶 , 這裡是典型的酒樓, 有很多長者都爱在這兒一盅兩味, 茶葉不是香濃, 吃的是人情味.鋪上樓梯, 便看見這五個大字 “青春不散場＂, 看得出場主有著不想老的意思, 祝喝茶的公公婆婆們個個身體健康、長命百歲!!!這裏的姨姨, 不論是送點心的, 還是小賣部的, 她們都非常熱情友善, 時刻展露親切的笑容新出了點心拼盤, 只需38元, 有五款不同口味, 包括蝦餃、燒賣、潮州粉果、馬拉糕和薑汁紅棗糕, 每款一件, 啱曬我和媽媽倆人!這裏有很多廳房, 都是熟客們聚腳和打麻雀的地方, 中間的大廳有晚宴的佈置, 適合辦婚禮的新人們 要幸福啊

買左舊燒肉骨去拜神買個時個阿姐好好架，又好態度，又話知你拜神跟齊曬比你好貼心甘拜完自己砍吾到落番去叫佢砍嘩，d態度360度變問佢跟包甜醬話無，然後突然話收我2蚊包，我就即刻問佢:下，乜要收既咩，晏就比我個兩包介辣有無收呀？阿姐就話係呀要收嫁，點會比你呀？我就問甘堂食你一碟醬係咪另外收呀？你甘樣下次點幫襯？阿姐就話咪吾好幫囉嘩，街方生意都做到甘吾怪得你地甘無生意一定吾會再有下次，去太興或者行去遠d都吾會再去呢間垃圾

從來未試過寫食評。 但呢間野真係極品 希望寫呢篇野。以防其他人中招！咁我住附近 見間酒樓有任食自助火鍋。寫住生猛海鮮之類任食 138蚊一位。上之前問左樓下收銀 話有生蝦食。點知上到去坐低叫左湯底后 。發現得一圍枱食火鍋。其余都係食飯.心知不妙。咁即刻問佢係咪有蝦啦。佢地話一陣會上。過左一陣 来左四隻好細嘅死蝦-.-， 都算。食完問仲有冇，竟然話冇啦。咁我兩個人去一人兩隻.......之后自助食物區d食物更加垃圾。所有食物無遮無掩，一隻隻蝶放係度 感覺好唔衛生。賣相好核突 所謂鵝腸，放左落煲之后變左腥臭味。 一入口吐都吐唔撤。 肥牛 厚到xx。仲有面碎係上面。 肥牛有d怪色。感覺係人地食剩會再比佢地擺返落去。其他雞子之類更加慘忍睹⋯⋯全晚食左兩片肥牛。兩隻死蝦 兩隻水餃 淥個面食 飲兩罐可樂。 走人 總括 唔洗錢我都唔會再来呢間野食！ 吉野家幾十蚊果啲火鍋好過呢間野多多聲（原本唔想食吉野家，想食好d先來呢間嘢）點知奶左一獲勁野

星期日， 一家大細一行十一人到酒樓飲茶食午飯 。叫咗超多件點心，仲有粥，盅頭飯，炒飯，大鍋米線 ，個個食到飽一飽 中式煎薄餅， 次次來必叫。 薄餅煎得又薄又香 ，微微焦，中間夾住好多蔥 XO醬炒蘿蔔糕， 細路仔未必啱食， 因為都幾辣，但係好夠香， 鍾意食辣嘅就啱曬。揚州炒飯 ，啲飯炒到一粒粒， 有叉燒，雞蛋 ，生菜，夠香夠味， 大大碟份量。燒味米線套餐 ，係鴨半隻拼上湯米線一大鍋， 鴨味濃郁 ，配上一大鍋湯米線 ，98蚊好抵食 一家大細去飲茶， 唔要求豪華裝修 ，呢度真係唔錯㗎

今日去親戚個頭飲茶！又幾好食！依個好正啊！係炸左既流沙奶黃包啊！炸到好脆又香！一咬落去仲爆哂黃奶出黎！好正！煎釀三寶有茄子、青椒同尖椒！茄子就唔夠熟！其餘兩樣都唔錯！不過就油左d!不過食煎釀三寶油係正常！蘿蔔糕唔會油！煎得好香！有d臘肉係入面！幾好食！叉燒腸好滑！皮薄餡靚！唔會太軟了！滑得黎又夠廷身！好食！瑤柱蛋白炒飯超正！份量又夠多！飯粒粒粒分明！而且個飯好有多瑤柱！味道好香！飯香得黎又唔會好單調！有茶粒既甜味同蛋白瑤柱既香！油菜好嫩口！又夠甜！

越邪惡既野食係越美味！依個甜梅菜扣肉超肥美，油脂入口即溶，扣肉炆得入味，又肉質仲好嫩！好食片皮鴨$148 有兩食烤鴨烤得好好外皮香脆，配上薄餅食係一流！ 但竟然用青瓜取代京蔥，雖然配青瓜口感比較清新，但我比較鐘意京蔥既辣味。另一食係茄子炆鴨，味道都唔錯，香香辣辣，但就比較油膩，送飯一流。$38 的芝士雞煲薯仔比雞多，雞塊都唔夠入味，芝士味道亦太淡。

琴日放假同阿爸阿媽去試下去運頭塘果間酒樓飲茶，之前食黎食去都係新達，今次行遠dd去食，點知就有意外驚喜。。我地去到就有位，諗住應該係食物一般，頭輪只敢嗌四五碟例牌，蝦餃，燒賣，鳳爪，排骨鮮竹卷加碟炒河。等左十分鐘阿姐就推左碟雞腳黎，第一口咬落去好爽，甜甜地又入味，之後好快幾碟都上齊哂。因為爸爸肚仔餓，梗係叫佢食個豉椒排骨河先啦，佢大讚抵食，梗係啦55蚊三個人都食唔哂，仲要有水準。媽媽就話鮮竹卷好味，我就唔理咁多食左個蝦餃先。賣相同餡料都好ok，蝦夠大粒，鮮味爽口。跟住我地加單食埋腸粉流沙包, 值得提係個流沙包，個黃超正，一家三口每人六十蚊就食到飽飽，係美中不足個收銀阿姐唔係幾好禮貌，其餘真係冇得彈，下個禮拜再同親戚朋友試下其他野食先