喜喜燒臘茶餐廳

营业中

休息中

I have been eating HeiHei for 4 years. I can see they have changed a lot. such as, the quality of foods, the service, and the price. right now, i guess it is getting popular around since lot of international people visit anytime.good quality, taste good, nice people. highly recommend....

難得小牛因為做野過開灣仔,可以同我食lunch,好開心呀!不過,午飯時間既灣仔,晏少少已經無地方食野...於是,我地走左去都係好難先有兩個位既喜喜...人地話喜喜既燒臘出名,所以都係食燒味飯餐啦,但係我地今次既經驗係好差啦!雖然人多,但係應該唔係一個藉口卦?叉燒好乾好硬,就黎咬到牙齒爛;燒肉又肥,肥膏多過肉,唯一好處只係個皮少少脆;飯又唔夠汁;仲有杯凍華田,係咪慳成咁,要溝到咁淡俾我?總之,唔合格,差呀!

剛剛讀完下面食評gdull提及到佢地嘅臭水同臭奶茶，我亦有同感。我雖然冇入過去食，但係我就試過系係呢度叫外賣义燒乳豬飯食。這盒飯相信是我一生食過最難食嘅燒味飯。那些义燒味道怪怪而帶些臭味。因為比左錢，所以頂硬上盡量食埋佢，但係最終都系食左1/4 就放入garbage can lu.

煲仔飯！呢度ｄ煲仔飯係即叫即煮的。好美味！我和男友喜愛的田雞，鱔片，好好味。亦有傳統的臘腸，雞，排骨等。三十多元一煲，夠兩人食。

尋日路經喜喜, 諗起早幾日在openrice 對佢下了尖酸comment, 於是好奇入去食個tea, 睇下有冇改變, 可惜佢只係再一次證明: 佢問題唔單止係難食, 而係好臭. 「臭奶茶」問題仍未解決, 一般我地飲奶茶, 只會嫌佢奶唔夠, 茶唔香, 但喜喜用生水煮茶, 氯氣味未能清除, 結果好臭. 「麵包」: 我係那種麵包過期一兩日照樣會食既人, 但尋日常餐那件餐包, 又係「縮」左, 麵包上桌時已經扁扁濕濕, 好似抹枱布. 佢地點儲存麵包架呢? 叉燒通: 是最好的了, 所謂最好, 係因為佢只係咸左d , 叉燒硬左d, 而且湯上面只係浮上一大堆「焦燶碎」, 至少唔算無臭味. 一場恐怖經歷.

數星期前去幫襯, 當時深宵1 點幾, 純粹貪方便而去, 但佢成杯奶茶充滿生水既腥臭, 叫佢去換, 結果一樣咁可怕. 已即場向老闆投訴, 佢好驚訝咁走去茶水檔, 即刻問師傅搞乜鬼, 雖然反應積極, 可惜自此已蒙上陰影, 唔敢再去. 事實上呢間舖頭, 地方唔乾淨, 門口射燈好厲害, 坐近窗口位時簡直連睇書都嫌太光. 有時望住佢碟飯, 唔知做乜, 突然想嘔出黎, 可惜室內空氣充斥油溢味, 好焗促. 如果食茶餐廳野, 我不如去檀島; 要食燒味, 不如去再興. 要通宵時段食飯既話, 而家就會去灣仔街市裡面開到好夜果一間茶餐廳. 喜喜快d 改進下啦, 呢類食物連鬼佬都唔敢食啦.

聽說呢度唔掂, 今日下雨, 就近啦, 就中招.我叫油雞飯, 外賣. 給錯個油雞瀨我, 死話係我講錯, 我堅持是叫飯的. 換過時, 見住個燒腊佬把幾舊浸淋晒的雞放去d飯度, 大佬呀, 淋晒的雞邊好食呀, 仲要將d飯淋晒埋, 唔落汁, 唔加薑鹽, 怕落多d都要佢賠本咁. 係你弄錯姐, 如果是客人錯叫你換, 唔加料加到入院?好了, 味道呢, 雞冇味, 好係煲湯後的瘦肉咁. 湯是唔熱的. 飯是用瀨粉湯浸淋晒的. 食完好唔滿意, 要勸告各讀者唔好去呢度食.

同part-time同事o黎喜喜食晚飯,d肉絲炒麵都幾好食不過杯凍朱古力就幾難飲...><星洲炒米賣相唔錯,窩蛋牛肉飯都ok晚飯o黎講算抵食o既不過...環境就唔舒適茶餐廳都係咁上下架哪

有天早上我去到"喜喜"食早餐，可能對面就係novotel hotel, 所以有好多遊客。早餐：五香肉丁麵跟餐蛋、包及餐飲都只係$18，但係佢地居然收個遊客廿幾元只係一碗五香肉丁麵，真係太過份了。服務更唔掂，明明我坐係一邊"car"位，果度的waitress居然叫個男人坐向我旁邊(注意：係無問過我的), 幾過份。有次我食個餐時，都唔知點解佢地好似好hurry, 好快就收咗我隻碟，佢有間我食完未，但我未答佢，佢地已經將張tissue放入去，咁我話未食完都無用啦.. 這間都係唔多得，close by 有好多茶餐廳，見意找別的，否則會食到一肚火。

星期六去睇電腦通訊展既關係,見呢間野近會展兼且呢度既comment 都唔差, 所以一試,下午兩點半到達,叫左個燒鵝湯面加熱奶茶,朋友要了叉鵝飯加凍啡:-燒鵝湯面- 燒鵝幾肥,湯好入味,面唔係太多鹼水,不俗 不過略嫌細碗左d,男仔可能唔夠飽熱奶茶- 一般奶茶應有既素質俱備叉鵝飯- 試了朋友碟叉鵝飯既叉燒,係半肥瘦既,好味 (不過怕肥膩既女士可能會抗拒)可能呢度係灣仔既關係, 響食飯既時候都見先後有d洋人入黎幫襯, 雖然係星期六,都唔係太多人,大概七成位滿,地方都算光猛乾淨

上星期六貪就腳就o黎呢度開餐, 叫了义鵝雙拼米$17, 之前睇雜誌話呢度d燒臘係馬會御用的, 又唔見得好正喎, d燒鵝仲好肥添, 唔知關唔關係下午茶事呢? 不過$17蚊又唔算貴, 行開去都可以試下........

這間燒臘店在灣仔有兩間分店，上星期三朝早便特意到駱克道的另一分店，應該早餐應該會一模一樣，選擇有點兒失望，因為選擇冇區內另一分店那麼多，但叉燒麵仍然有得供應，冇乜所為丫。份量比另一舖為少，除左粥餐外，凍飲唔使加錢，所以一定要叫凍飲，可能要與附近既茶餐廳競爭。平兩蚊對我地的星斗巿民就相差好遠，不然的話，實俾個喊面，以後既街外早餐都會轉移到這裡吧！

叉燒燒鵝飯($20包湯或飲品): 叉燒和燒鵝不是差，但又不覺特別好，並不如雜誌所推介的那般好。

我真係好耐好耐無夜感想0係度!喜喜0的野食就好好,不但止係佢0地0的燒味好食,同埋就係佢0地地方都就腳,0係正灣仔中心!交通方便之如, 平時都有0的靚靚OL食飯,簡直係食多份甜品似的!!!

前幾日睇飲食男女介紹一間燒臘店,見到好似幾好味,於是今日就去試下.果度最出名就係乳豬同燒,所以我叫左餐乳豬叉燒飯連湯,但係乳豬要+$5....都算了.乳豬果然好脆,而且都幾多肉,好味!!但d叉燒可能太肥,所以唔係咁好食,不過總括都唔錯既,下次試埋其他野先!!第一次寫食評,希望以後都可以寫多d!!