影片
付款方式
其他资料
酒精饮料
加一服务费
电视播放
以上资料只供参考，请与餐厅确认详情
半年前開始間唔中會同理同事嚟 lunch,但由於早輪佢冇晒啲特價嘢, 所以已經有一段時間冇幫襯,5/28 埋數要返工, 因為假期, 其他食開既酒樓都冇得 book 位,得呢度可以 book, 所以又決定返嚟試一次!點知今次真係無限驚喜! 之前食過既"灌湯餃", 上次 $11.8 已經覺得勁抵, 今次早要只係 $6.8 咋!!! 嘩! 仲唔嗱嗱聲一人一盅!! 食落仲要味道質素冇變過, 勁熱, 正!!(今次冇影相, 上次既相可參考:http://hk.myblog.yahoo.com/joycewai616/article?mid=11456)另外又多噃好多特價點心, 如瑤柱雞包仔 $6.8 三個, 當然唔好對個"瑤柱"有咩期望, 但以一個幾好味既雞包仔嚟講, 勁抵呀!個正常 size 既鹹魚雞粒炒飯都係 $38 咋!最後埋單七個人食到勁飽, 乜都食唔落既情況都係 $295, 抵到吖!!以後可多噃間飯堂酒家啦!
继续阅读
最愛打邊爐的我...最喜歡周圍試新的火鍋店..今試就試下公司附近的喜悅酒家 一早已經攞左張火鍋紙睇下先..因為見佢門口的招牌寫到明$98一位..全包..仲要連加一...真係咁抵?六點鐘去到..得我們1~2枱...服務員服侍很好..間唔中又會轉碟..裝修亦好舒適..這樣的裝修完全不像打邊爐的地方!飲品有3種選擇..橙汁以為係果汁先生..點知..唔好飲的 甘庶水...冇味...似飲有味水多點!!食物選擇算小..都係大路野...冇咩特別出色有的~~鵝腸新鮮大條..其他都係普通野..每枱送了一碟蝦~~我地平日去...坐到8點幾全場都係得幾枱人..最後結賬真係每人$98 位!!
继续阅读
這兒環境幾乾淨企理，人客卻不多，所以不用搭檯，兩個人可以舒舒服服的嘆個早茶。點心價錢不貴，例如小點只是$7。不過有更便宜的特價點心，就一人要一盅盅頭飯(@$5.8)，再加一籠又係特價的菜肉包($6.8)。幾款盅頭飯之中，選擇了鳳爪排骨飯和鹹魚肉餅飯。分量不算小，作為早點已甚適當。鳳爪及排骨都腍軟而不失咬口，味道亦幾好。鹹魚也非硬實死鹹之流，亦令人滿意。菜肉包熱辣已經討好，稍嫌包皮未夠鬆軟。雖然有茶錢(@$5)和加一，不過櫃面埋單每人$15.5，都幾經濟，點都好過去食快餐店的早餐吧。
继续阅读
已經係第二次同家人來吃飯啦﹐好多人啊。呢度都野好抵吃﹐已經係第二次同家人來吃飯喇。點了一條蒸愴魚﹐愴魚夠新鮮﹐不夠魚唔夠滑﹐小小腥。6只果皮蒸鮑魚之肆﹐鮑魚算有咬口﹐不夠唔係好入味。一碟例排燒鵝﹐燒鵝好槍手﹐一上臺好快就無了﹐燒鵝唔肥﹐幾香燒鵝味菜比較普通﹐金銀蛋時菜﹐不夠顯菜有D苦苦地﹐應該未完全清洗殘餘農藥。點左只蟹﹐蟹好天然﹐好新鮮﹐蟹糕好多啊。
继续阅读