喜棧 (已結業)

途經九龍塘這大商場，由於係一支公，到餐廳食野好似冇咁經濟，一於轉戰food court搵食。呢度有6-7款野選擇，我就一於選擇人龍最少既黎排。又俾我發現好野喎，就係雲吞河一碗28元，百物騰貴，唔使30蚊有河粉食，算幾好啦。呢碗雲吞係菜肉雲吞，皮都算滑身，餡料就一般正常，係豬肉加菜，肉汁就無乜，無蝦肉係有點失色。至於河粉就夠滑但口感欠奉，質感都幾淋，得個滑字。咁既價錢仲有杯可樂都收貨既。

最近工作壓力大到無人有，經常東奔西，走追小巴迫地鐵打的坐船幾乎都試咗一輪，今天又過咗嚟九龍塘送樣板，等咗大半日都未等到個客仔，附近仲要無地方落腳食餐好嘅，真係有幾凄涼得咁凄涼，好彩絕望之際同事比咗間喜棧嘅Num我一齊叫快餐。我哋叫咗一份叉燒飯同埋脆皮燒鵝飯，等咗半個鐘唔使就有得食喇，你哋完全想象得到當見到兩個熱辣辣嘅快餐向你飛奔過嚟係一種咩感覺，就好似大海放生魚，沙漠見綠洲，好幸福啊～～lee個moment我只可以講lee個快餐係我咁大個以來食落最好味嘅快餐咯，份量夠多，叉燒嘅味道咸甜味道適中，烤嘅時間剛剛好，瘦叉肉質比較嫩；朋友都話佢點嘅燒鵝，皮脆肉嫩，白飯吸收咗燒鵝汁嘅味道之后食落又香又開胃。5分鐘都唔使，我哋就食完個快餐了，仲要覺得唔多夠喉，想再嚟多一份先，好在個客仔終于比電話，話過多幾分鐘就可以趕到，如果唔係我哋就真係再點一次當下午茶了！

中午放工唔知道食乜好，Lily話我成日食埋啲大排檔、細盒飯，食極都會厭啦，今日佢真係超級大方啦，話要請我嚟喜棧食lunch！！雖然唔系話咩貴野，不過勝在喜棧嘅野食性價比夠高！！而且環境又唔差，好啱中午relax一下，食翻只炸雞翼，嘆翻啖奶茶！！~~~~我對喜棧其中一樣好感就係佢用嘅系電子餐牌，對於我呢啲咁鐘意環保嘅人嚟講就啱曬啦，而且又唔使等waiter拿menu俾我地咁浪費時間，good choice~凈雲吞，中午唔想食太飽，想食好多小食，呢度嘅凈雲吞就系我嘅首選啦！！雲吞皮夠薄，雲吞食落好爽口，而唔系果種軟淋淋嘅口感，再配埋啲清湯一齊食，yummy！！！炸雲吞，雖然凈喺得兩舊，不過一隻已經覺得好大啦，其實系佢嘅雲吞皮炸開咗，你先會覺得睇落去好似特別大舊咁，其實佢入面嘅肉同凈雲吞一樣多，不過口感上就比較香脆。燒雞翼~~我鐘意食！！！呢對雞翼雖然話系炸雞翼，不過我自己就覺得佢嘅肉質吖、口感吖都更加偏向燒嘅雞翼囖，特別系佢秘製嘅燒汁，好香！！另外我鐘意嚟呢度食lunch嘅原因系套餐加14蚊，有優惠，可以任選餐牌上面嘅一種小食！！！絕對抵食啦！

平時會專誠找好野食外, 有時候Hea Hea 地都快快手手食過飯之後繼續做野.放工後快快手手之選, 來Food Court 食過燒味飯雲吞麵雖為Food Court , 但D 燒味好似不錯..來個燒鵝燒腩仔雙併飯餐跟野飲(HKD58), 份量一般都夠成人份量.燒鵝的外皮都頗脆, 肥瘦適中.而燒腩仔雖然不太熱辣, 但外皮還是帶脆, 口感層次也不錯, 味道不算太鹹, 送飯一流.而我這個蝦子鮮蝦雲吞麵餐 (HKD40),都有五粒雲吞麵質爽口而雲吞中的鮮蝦也是爽口彈牙味濃加HKD14 有個魚湯油菜, 魚湯就有點淡, 但我志在要吃多點菜多D 纖維La~相公竟然可以早返家, 只好買多盒义燒飯, 相公話Overallok , 不過义燒就瘦了點, 不過健康點不要吃太肥膩吧~價錢在又一城來說也是中規中矩吧~ 快食之選.

一個人在又一城，醫肚最佳地點應該是頂層 food court吧。想吃得簡單清淡一點，一於幫襯喜棧。蝦子鮮蝦雲吞麵(HKD40)雲吞不以size為賣點，而是以鮮味取勝。幼麵爽口有嚼勁，沒皂水味，湯不過咸，味道不錯。份量較少，女生應該滿意。跟餐的魚蛋魚腐，另加 HKD14就可享用。魚味很香，一口大的size也方便享用。魚湯油菜味道清淡，菜心爽口，份量不多但卻需 HKD33， 貴得有點誇張。最後加多一杯熱菜蜜，普通紙杯份量，索價 HKD18，偏貴啊。跟餐再加的食物，價錢尚可接受；額外再搭配的小吃飲品，價錢是意料之外的昂貴，份量不多，還真的要三思，不能興之所至隨心添加。

今日要趕文件，無時間出街食飯喇，唯有去賣外賣返公司，我地都當喜棧系我地嘅飯堂，因為夠曬物美價廉啊，選擇又多，粉麵飯選擇多，而且佢地嘅燒臘都好唔錯，如果有時間堂食都可以，環境都算OK，不過生意比較好，可能要等位。今日唔想食飯，我點左酸辣四寶米線同一個凈云吞，四寶就系四種肉丸子，丸子好彈牙，一次可以食四種唔口味嘅肉丸好滿足，呢個粉我最鐘意系果種酸菜，帶D辣，酸酸辣辣，食得好過癮，米粉好韌，條條彈牙，湯底都好濃豬骨味，總體好唔錯。食完一碗開胃嘅酸辣粉再整幾粒鮮蝦雲吞，覺得人生就如此容易滿足，雲吞湯底同個酸辣粉一樣，都系甘濃，鮮蝦好新鮮，爽口彈牙，雲吞皮好薄，味道好好。阿MAY要左個燒肉拼燒鵝飯，佢呢度嘅燒臘好好味架，明爐燒臘，所以保持有保證，燒肉肥瘦比例剛好，皮燒得好脆，肉醃得好入味，燒鵝比就更加好食喇，外脆內嫩，皮好薄好脆，仲可以咬出汁出嚟，真正鎖住左肉嘅水分，雖然系食外賣，但覺得享受左大餐嘅感覺。

晚餐任務執行@喜棧九龍塘達之路80號又一城2樓25號舖在九龍塘上了個短期課, 放學時打道回家, 收了MESSAGE又要執行外賣員任務,要快及便宜我都會去FOOD COURT, 難道還去超市買食送回去煮嗎?煮得來變宵夜了。掛在玻璃窗後的燒味總會挑起人的食慾, 叉燒咸蛋飯要了瘦叉燒,除了燒味飯, 再加了燒味4寶飯 $56 , 因這是屋企人最愛吃。有齊鹹蛋油雞叉燒同燒肉, 我會貪心的夾家人飯中的肉來吃,口頭說交換, 其實分明是硬搶。叉燒蜜甜有燒香, 肉又同要了瘦叉, 相對比較有咬口。咸蛋夠惹味甘香, 我習慣不會多要豉油, 也可避免吃下太多鹽份。油雞肉緻唔粗糙, 燒肉亦都沒有太鹹的太就拿回家皮不脆了。米飯用了金鳳米, 我平日少做飯不知道有什麼特別之處,不過煮出來的白米飯粒粒分明,不太軟又不太乾身。仲有港式粉麵, 就要了菜肉雲吞酸辣米線.雲吞比教肥的不喜歡,當是足料的湯水也好, 因只有飯明顯是不夠的, 加上的星期5都會很夜睡,不想煮公仔麵做夜宵就順便買多個麵。完成使命回到家, 邊食邊玩手機, 也是吃得津津樂道。阿媽成日話我食飯唔知米貴, 平日煮個2人晚餐得2-3個家常"食送",材料成本都要過百元

Last Saturday went back CityU for alumni gathering, after event 3 single men wanna have a second round for chit-chat , rush to Festival Walk Food Court to occupy a far table with least disturb. Walk around and decided “Cantonese BBQ” at Xi Zhan would be the best choice for “Big Boys Club” chit-chat.Ordered half catty char sui and bbq meat respectively. Char siu looks juicy and not too thin(we pork chop lovers hate dry and lean…); Skin of bbq meat looks tidy and meat is white which some fats in b

去開九龍塘拜神，好多時都會係之後去到九龍塘既美食廣場搵食，貪就腳之餘仲比較抵食，今日我就試左喜棧去到後就叫左個咖哩牛腩飯，一睇份量十足，食落牛腩好嫩好入味，咖哩唔太辛辣亦唔太咸，好適合港人口味，而薯仔亦同樣入味且煮得軟熟鬆香，加埋新鮮煮起的白飯下，尤覺美味，以咖哩醬汁配以白飯混著食，確實是滋味，我就不停食呀食，最後被我食清光，今餐後肚皮又增多幾吋喇

Last Sunday mid-afternoon went Festival Walk cinema with my wife. Went early to buy ticket and still have time to take a brunch. Time was limited thus food court was chosen, I took a seat and my wife went around to choose food and she picked 喜棧. We ordered “燒肉雞飯” and “牛腩撈麵”.Surprisingly my wife took the “燒肉雞飯” since she didn’t tried Chinese BBQ food for quite long time. Skin of 燒肉 was crispy like chips, underneath the meat was not too thin or too fat, with a small layer of fat in between and the

又一城我常常去，最頂層的food court反而比較少去，因为我prefer去隔壁城市大學的food courts.今次跟兩位中學好友一嘗喜棧，吃的是港式燒味粉麵。那時是7點，要花1-2分鐘找位。眼看對面simplylife40多人一條龍等位，我们不需要很多時間就找到位置，算係gum。是晚肉光滿瀉，港人就是喜歡吃肉，典型燒味餐廳都是一肉為主，單看我的foodporn照片就知。可幸的是不很油。是晚晚餐豐富，新鮮度非常一般，但起碼不油，魚湯菜，肉類，其他小吃和醬汁都没有油的，不用怕吃肥。本來寫得很多，但openrice 系統頻頻出問題搞到我要重新寫過幾次，唉。

黎到九龍塘呢個food court, 想食返地道野，所以選擇呢間餐廳。我於是叫左碗蝦子鮮蝦雲吞麵，賣相正常，雪吞上面仲有幾條蔥花。蝦子份量少，少到食唔出味道咁劑，幼麵麵質偏淋，而且湯底偏淡，唯一較好是雲吞，皮夠薄，餡頗多，蝦都算新鮮但豬肉的脂肪頗多，雖然口感會較滑但太油利。

朋友從各地回來, 終可一聚。當中一位朋友是美食愛好者, 提議我們到喜棧來個晚聚。商場以中高檔為主, 故除大型連鎖快餐店外, 喜棧是一個港式食肆的選擇。星期日晚市較多人, 所幸此店附近的位較隱閉, 較容易找到空座位。店舖是一般港式燒味店的門面, 不同的是這裡較乾淨, 員工態度有禮。餐牌價目清晰明確, 附上英文及圖片, 方便外籍人士點菜。而現場所見確有一對外藉夫婦在享用燒味餐。最後選了四寶飯配小食炸雲吞 ($70) 一次過品嚐多種燒味。看見遊客多選四寶飯, 看來這是本店不二之選。四寶中首推叉燒, 濃厚蜜汁, 是我吃過當中最好的。餐廳用上頂級金鳳米做飯, 雞嫩滑, 燒肉瘦肉為主, 炸雲吞鬆脆, 連飲品也無可挑剔。凍菜蜜(套餐+$4) 冰粒是碎冰粒, 跟一般的大冰粒不同, 容易溶解, 細心考慮到顧客需要。美中不足是附近座位是一字曲線型排開, 如大伙人聚會, 往較遠的四人枱比較適合。價錢頗貴, 如個人用餐不會刻意選擇到此地, 或選擇同店較便宜的麵。 對質素沒有嚴格要求者, 可到大學飯堂吃燒味, 二十元。但這次朋友請客, 請客者提議地方和時間, 當然不在此限。

九龍塘達之路80號又一城2樓25號舖過又一城睇戲, 開場前先要食飽飽呀,又一城餐廳都是中高檔消費,一個午餐都要花近兩百,FOOD COURT成了不二之選,港式麵飯經濟快捷,趕時間不想錯過電影開場, 走了一圈決定吃喜棧。掛滿在玻璃窗後的燒味很吸引，眼睛引領了食慾就點份叉燒撈麵，首先個夠瘦因我喜歡瘦的較有嚼勁，皮有蜜汁味。個蝦子撈麵是要撈蠔油的，灑了點蝦子在麵上，而麵亦沒有皂水味，爽身利落，連埋碗湯可以過一過味。四寶飯有鹹蛋，油雞，叉燒同燒肉。鹹蛋黃有無油好睇彩數，這顆有油特別甘香好味，撈在白飯中是種小幸福。燒肉皮就唔太脆啦，外賣就是有風險的。酸辣魚腐米線同雲吞麵，要讚的是外賣很怕湯水把麵沉軟影響質感，個外賣盒設計時下面放湯，上面再有個盒盛起麵同料，吃時才倒在一起。個酸辣湯不夠濃，酸味略欠一籌，面米線拿回去水氣令到米線變腍，下次堂食應該更好。魚腐好綿同滑呀，魚蛋係好綿，魚味豐富似我去潮州食到那種，會比港式肉質粗糙點但就魚味更重。雲吞竟比想像中好，皮滑而蝦肉亦很彈牙，嚐出豬肉同蝦味呀。本身套餐包飲品，胃口大點貪心點可以轉做小食套餐。以下是我們試了的小食。母親吩咐要多點，要了健康的魚湯菜，魚湯

在九龍塘完成工作，順道簡單的吃過晚飯才回家，往又一城Food Court走一趟，被閃亮的燒味吸引著。食肆名為>>>喜棧<<<，賣的不單是燒味，還有各類充滿香港地道風味的食物。雖然當刻是被燒味吸引了，但最終點的卻是紫菜墨丸魚蛋河 (HKD48)，還真善變的說。河粉內的紫菜份量挺多，喜歡吃紫菜的話，一定欣賞這個安排。魚蛋比較稔身，香味較淡，但會咬到魚肉質感；墨魚丸則較有嚼勁。河粉比較幼身，煮得恰到好處，不太稔，仍是彈牙。湯底味道清淡，吃後也不覺口涸，相信沒怎添加味精。額外加 HKD14，可點小食，冰選了一客炸雲吞。雲吞即叫即炸，非常鬆脆可口，不太油膩，冰覺得值得一吃。辣醬落在一旁，沒沾在炸雲吞上，可按個人口味添加。河粉底部藏有一條白菜，有心多吃菜的話，小食就要選擇蔬菜啊。自己吃飽了，還得要幫家人買外賣。家人點的是燒味四寶飯(HKD56)，欠缺纖維的解決辦法是多叫一份蔬菜 (HKD14)。蔬菜可以湯浸亦可蠔油，若想清淡一點，當然選湯浸吧。冰食了幾件燒味，當是外賣運費 ︿(￣︶￣)︿ 肥瘦大致均勻，只是味道略為偏咸哩。兩個餐飲均是熱菜蜜，秋風起，