喜泰味

营业中

休息中

一直都唔知原來長沙灣有個商場同埋啲餐廳全部都係用貨櫃搭成，幾特別同型格，揀左地下果層有間泰菜食，食完覺得選擇絕對正確😎晚餐有個二人套餐幾抵食，埋單每人都唔過百三蚊但勁飽🤩二人set可以揀一款菜，馬拉盞通菜始終都係最夾嘅配搭，惹味份量多！main有三款可以揀，掙扎左一陣揀泰式海南雞定青咖啡牛腩/雞煲🤔見隔離果枱嗌海南雞，雖然係半隻但啲雞都舖到好滿。不過我地最後都係揀左好耐冇食嘅椰香青咖啡雞煲。估唔到又幾大煲喎，有個半手掌嘅直徑，加上又好夠熱，啲料除左嫩雞，仲有d茄子呀紅椒呀，份量又係好多。呢個set包埋兩碗飯，仲有野飲，我地仲另加左38蚊加蒜蓉包，有成七舊咁多🤭個包都夠脆，點咖哩食一流😍

聽朋友提過長沙灣有特色商場，商場內有不同餐廳選擇。心想向來少踏足這地方，對於喜歡到處試新野及好奇的我便打算去看個究竟，於是下班同友人一起到長沙灣覓食。去到仿如置身於貨櫃場的空間，商場內有不少食肆，周圍是屋邨，立即使商場變得突出無比。逛了一會兒走到間泰國餐廳，於是與友人入餐廳填飽肚子。因今天下班較早，不用等位就可以入內，餐廳裝修頗時尙，一路播著泰歌音樂(應該是吧)。看過餐牌後，我們發覺二人套餐挺抵食，有飯有菜有主食有飲品。平時去泰國餐廳很少會點咖喱，於是今次點了馬拉盞炒通菜，泰式黃咖喱雞煲，加了4串豬串燒。吃過有些馬拉盞炒通菜會很辣，這個不會太辣也不會太咸，對於來說剛好；黃咖喱雞煲撈飯很不錯，可能天氣冷，很快便涼了；豬串燒點沙爹醬是絕配，份量都足夠。飲品點了泰式奶茶及凍檸茶，相信喜歡茶膽較濃的人會喜歡這杯凍檸茶。食完後本想叫甜品，但肚子已經滿滿的，唯有留待下次有機會再試！

今晚放工黎到長沙灣食泰國菜。呢間餐廳離地鐵站好近，好易搵。晚市有2人餐，都幾抵食，但因為我地想食其他野，所以就無叫餐，直接散叫。落左單好快就送上蝦片，好脆啊，仲要唔駛錢，正啊﹗野食黎到前可以過下口癮真好。泰式粉絲雜菜煲$88 有菜，蘿蔔，菇，西蘭花，配料豐富，仲有粉絲，唔叫飯都有澱粉質落肚。明爐酸辣青檸烏頭魚$168 湯底本身已有酸辣味，所以唔駛等到後期滾得耐先夠味，稍為滾番熱啲就可以飲湯。開頭侍應會幫手加湯，之後食食下唔夠就可以自己加。我地食泰國菜都好鍾意食明爐魚，因為大大條又多肉，骨又唔多，仲可以飲湯，酸酸辣辣夠晒開胃。白飯$12 椰汁芒果糯米飯$58 今晚好胃口想叫埋甜品, 揀左最經典嘅芒果糯米飯。

今日深水埗買完野後，友人住麗閣村就約佢食餐飯喇! 佢話好耐無食泰國野就去了【喜泰味】，甫進餐廳充滿現代簡約泰式風情，座位都坐得好舒適，我地點了二人套餐就有一款菜蔬、一款主菜、白飯及飲品 。二人套餐👍入座就送上蝦片，脆卜卜的好有蝦味。🐥泰式海南雞(半隻)去骨海南雞口感嫩滑，配上自家製的泰式醬汁，酸酸甜甜的幾醒胃，與無骨雞件好夾。🍃套餐有通菜/椰菜苗/芥蘭(選一款)，炒法有(泰式炒、蒜蓉炒、馬拉盏炒)，聽店主話今日芥蘭靚，就以馬拉盞炒芥蘭 ，芥蘭新鮮好清甜爽口，真是無介紹錯。牛肉串燒$38 （價）跟餐加錢可配4串（雞、牛或豬），我選了牛肉串燒，經過燒香後惹好又香口，吃時將沙嗲汁淋上牛肉上，一點也不辣，只增添了沙嗲的惹味。肉質軟腍帶點筋也有點咬感。☕套餐包兩杯飲品，我地每人一杯泰式咖啡，香濃幼滑的口感真不錯。喜泰味地址：長沙灣東京街12號麗閣商場地下29號舖話：23306481

星期六下午午飯時段屋邨小店嘅價格都幾進取不過出去食都要，好食又冇咩所謂嘅~點咗A14冬蔭功湯粉，$58自選1餸心諗：少咗啲，一係應該好大碗，一係好食到飛天我選了雞絲+檬粉朋友選了海南雞+金邊粉一上桌，2碗啲雞一樣嘅？我明明要雞絲，個樣係同海南雞一樣㗎喎同坊間真係與別不同我要問返店員先知邊碗打邊碗我呢個就係所謂雞絲？除咗比啲雞嚇到，成碗嘢都冇個碗一半心諗：好啦~份量小都算味道OK我都收貨點知都唔掂我叫檬粉似瀨粉，個樣同平時檬粉好唔同又粗又鬈曲呢款檬粉真係第一次見份量又少，所有食材(連發水嘅生菜)只佔半碗我平時食1/2個焗豬都飽呢碗嘢，食完我要要食嘢唔飽又味道又非常一般

已經10幾年冇嚟過呢邊，今日過嚟探朋友，先見到呢度同以前好唔同，靚咗好多，裝修好有特色，一個個貨櫃咁既設計😆😆，而且多咗好多嘢食🤩🤩，我樣樣都想試，不過朋友話想試吓呢間泰國菜，所以就入咗嚟啦😌😌一坐低，職員會比一份蝦片先，可以邊食邊睇吓Menu🗒餐牌既嘢食同野飲選擇種類都算多，一般泰國菜有嘅嘢呢度都有，可以散叫或者叫套餐，而我哋就叫咗個$188既二人套餐👇馬拉盞炒椰菜苗黃咖喱牛腩煲香烤薄餅-套餐優惠價$38加配串燒(雞)x4-套餐優惠價$38加配龍眼冰-特飲加$8菠蘿沙冰-沙冰加$11💡另外，餐廳有加一服務費馬拉盞炒椰菜苗，味道唔會太鹹👍👍黃咖喱牛腩煲，咖喱唔辣，味道啱啱好，牛腩好淋，配埋香烤薄餅食，一流😋😋串燒揀咗雞串🍡🍡，因為我哋唔知揀邊款好，職員介紹串燒食雞係最好食，果然🤤🤤，雞肉好滑，配埋個串燒醬，正😆😆👨👩Staff人數唔多，但係都好有禮貌👍👍，嘢食份量都多，我哋2個都唔係好食得晒😂😂

呢間餐廳好近地鐵站， 長沙灣A1出口行2分鐘就會見到，佢個鋪面側邊佈置得幾特別，係類似啲貨櫃擺埋一齊，隔離都有連住唔同既餐廳。一入到餐廳未點菜，侍應就送上左一份蝦餅，係免費的，蝦餅脆卜卜，有啲咸香，幾可口餐廳環境乾淨，同隔離枱唔會太迫，見到有泰國人負責飲品吧今次同朋友兩個人黎食叫左泰式咖喱軟殼蟹，泰式生蝦，馬拉盞炒粉絲煲，薄餅。佢飲品方面都有好多選擇 我同朋友就叫左泰國生啤。個生啤好有誠意， 個酒杯竟然係冰過既， 配合埋唔會太甜既啤酒，飲落超爽！軟殼蝦好大碟，勁多汁，啲蝦仲要熱辣辣岩岩炸起，我同朋友都忍唔住叫埋薄餅黎送咖喱，咖喱入面有洋蔥同青椒撈飯撈薄餅都一流泰式生蝦擺盤好精美，有冰係底，生蝦配埋辣椒蒜蓉，點埋個醬汁，係泰式刺身既風味，配埋啤酒真係好夾。最後食埋個粉絲煲，個煲有西蘭花，芥蘭，有啲菇，仲有超多粉絲，味道唔錯唔會好油，兩個人食呢個煲都會好飽最後埋單兩個人加埋都係$400多啲，但係真係十分之飽，款款菜式都大大碟，大大煲，認真抵食

平時好少去長沙灣，今日有個朋友生咗BB，我要去探下佢，準備離開嘅時候已經接近七點了，又係食晚飯嘅時間，我問佢有啲乜嘢好食，佢話原來佢都好少落去食，點知行到落去麗閣商場發現有好多食肆，我發現到呢間喜太味泰國菜，由出面玻璃望入去見到環境好乾淨，燈光柔和，最吸引嘅係門口半隻雞做特價$48，所以就決定試吓泰式生蝦刺身 98元生蝦非常新鮮，隻隻都好厚肉，鮮甜，無論是外型、味道、口感都十分良好，晶瑩可口，肉質爽口彈牙，再配上蒜蓉同辣椒，加上泰式嘅酸辣汁，令到個鮮味提升到另一個層次，酸酸甜甜開胃一流，平時喺街食好多刺身蝦都會有雪味，呢度個泰式蝦真係好新鮮好好味，完全唔會有雪味，必食之選泰式海南雞海南雞已經去咗骨，雞胸肉特別嫩滑，雞皮厚爽脆， 有少許啫喱狀雞油 。雞肉淡淡油香味，令人食指大動。醬汁是泰式醬，個人喜歡蘸上泰式辣椒醬，令雞肉更惹味。酸辣鳳爪沙律晶瑩剔透去咗骨嘅鳳爪，加上醃到酸酸辣辣，好爽口惹味醒胃，再加上啲洋蔥，西芹，蕃茄仔，木瓜絲，食落去特別正，成個沙律一陣就清晒。食泰國嘢梗係要嗌番杯冰凍嘅啤酒，呢度仲要有象啤，佢連個杯都雪到凍，就好似去咗泰國飲啤酒，係夏天整返杯真係冇得頂。不過呢度美中

📍長沙灣站A1出口一行出去就見到 好方便～平日放工嚟到長沙灣，試下呢間叫喜泰味既泰國嘢～外面睇好似一個貨櫃咁，黑白色相間幾特別入到去好快就安排入座，座位幾闊落～一坐低就送咗個小食，係蝦片黎😍😍朋友食到停唔到另外餐廳仲有播泰文歌😂😂幾有feel 😂😂叫咗一個二人餐（$188）揀左👇🏻🔸馬拉盞炒通菜-份量足夠兩個人食，好香口，有鑊氣！🔸青咖喱牛腩-特別想講咖喱好好食，好香，少少辣，用嚟撈飯一流，好開胃食完仲想添飯😂牛腩好淋，唔會好奀另外仲有個茄子都好好食，煮到好入味😋咖喱汁超足夠，食晒成碗飯都仲有淨～嘢飲就叫咗🔹泰式奶茶茶味比奶味重，雖然泰茶係比較偏甜但係都可以接受到～🔹珍多冰兩杯嘢飲都比想像中大杯～另外再加點左：🔸牛肉串燒（$38）-個沙嗲醬好好食，不過少左d，唔夠點😂😂如果再多啲就好啦總括嚟講二人餐個價錢好親民而且份量足夠食到好飽～見到餐牌有個招牌椰青海鮮焗飯好似都幾好食咁😋下次都想試下～

地理位置好方便，一出地鐵站就係，啱晒住喺長沙灣啲頭嘅街坊。我同朋友6:30左右嚟到，所以都仲有位。但係7點左右開始好多人嚟食，證明餐廳水準真係不錯👍而且環境都幾舒適。而家做緊半隻海南雞優惠，只係$48。分量都唔少，雞味亦都幾香，肉質都算滑，抵食！配埋個泰式辣汁，送飯一流咖喱軟殼蟹黃咖喱食到香嘅椰汁味，而且軟殼蟹嘅份量都唔少，都有四五件，而且軟硬度剛剛好。入面仲有大量嘅洋蔥同埋青椒，好香口。由於食海南雞嘅時候已經食晒啲飯，我哋再叫多咗一個薄餅送咖哩😂太惹味雪山芒果糯米飯呢個真係有驚喜，因為我食過好多餐廳呢一個甜品都麻麻哋，但係呢一度嘅糯米煮得好好食。一球係白糯米，同埋有黑糯米，兩個都係暖嘅！！好開心。再配埋個椰子雪糕，同埋啲椰汁一齊食，真係超級滿足。仲要一讚佢個椰子雪糕上邊係有灑左一啲花生碎，好正宗嘅泰國口味！

今日有啲秋意 去左麗閣邨個邊散下步 先發現原來麗閣邨依家咁靚 好似一個個貨櫃咁 又多野食係咁多個貨櫃餐廳入面 我就揀左呢間泰國餐廳夜晚8:30後仲有85折 超級抵!!! 我地都嗌左二人套餐食 好似好抵食一嗌完野食 就有依啲蝦片食 好好食 秒速清左haha泰式炒通菜都好惹味👍🏻👍🏻好香口半隻海南雞好靚 份量都真係好多 兩個人食都夠哂飽我地仲加左啲串燒食 啲沙嗲都幾好食 少少辣 又好食香口總括然而依間泰國餐廳真係好抵食 性價比好高👍🏻👍🏻👍🏻

今日去開長沙灣上堂 夜晚係地鐵站附近搵野食麗閣邨個邊翻新左food court 同埋出面有d小店 就決定試一試今日想試的係泰國野因為兩個人上完堂都攰攰地 見到有個二人套餐 就決定唔諗咁多一開始會有一個蝦片小食 幾脆口椰香青咖喱牛腩煲 個蝦片點埋咖喱汁都好正個椰香味幾出 如果鐘意e種味道可以一試牛腩每人都食到5-6 舊 都幾抵食撈埋兩碗白飯冇難度另外一個菜係馬拉盞通菜 份量唔少同埋炒得都夠火喉 又唔會淋曬套餐有加$38 4 條串燒 點埋沙嗲汁跟餐有兩杯野飲 每人人均百幾蚊 但已經好飽足二人套餐叫左個

太早食飯唔知食咩好，就去左間泰國野，見到門口做緊推廣，指定餐牌有85折優惠！ 去到叫左個金柚子大蝦沙律，個底係柚子為主，仲有D蝦，紫洋蔥，幾開胃架! 個source都係酸酸甜甜，係typical 泰國的味道，幾唔錯~ 因為唔算好肚餓，就叫左個甜品食下，呢到除左最出名的芒果糯米飯之外，仲有其他泰式甜品，下次都想試下。芒果糯米飯比既芒果都幾足夠，飯就有糯米同埋紫糯米，因為上台個陣D飯熱熱地，建議大家快D食，如果凍左D飯就會硬架啦~ 值得一提既係D椰漿仲好香tim! 青檸梳打好fresh，感覺都好解膩!

我哋今日嚟食咗個泰菜二人餐蝦片芒椰西米芒果蓉加煉奶加西米 幾得意 平時糖水食得多 而家有得飲 解辣之選菠蘿沙冰椰香青咖哩雞佢哋嘅青咖喱比其他餐廳嘅辣少少 但係椰香味真係好濃好濃 配菜有啲茄子、四季豆嘅蔬菜 好大煲夠抵食🤤🤤🤤仲有九層塔嘅香味 個咖喱汁超級送飯 我仲極速清咗一碗嘅飯泰式炒通菜又係勁惹味之選👍🏻👍🏻👏🏻我哋加咗$38要咗4串豬串燒啲串燒有配沙嗲醬 個沙嗲一放入口就覺得好香濃仲帶少少辣 勁惹味 而今次依份串燒係用豬頸肉燒 食落仲有啲焦香🥳🥳甜品-椰青糕整體嚟講 依間泰國菜啲嘢食真係幾得 有鍋氣之餘 又做得返泰式個種酸酸甜甜又有啲辣嗰種過癮🤩🤩😋😋

以貨櫃為主題的一個商場，很適宜拍攝愛好者來一來，到此一遊。 我們需要醫肚，想搵個地方食晚餐，就在學校附近逛逛，就意外地逛進了以貨櫃為主題的商場，感覺很有趣，想影多幾張相片。。。位於長沙灣的貨櫃商場，整個商場，被一個又一個貨櫃箱包圍著，好似身在泰國一樣。 很有旅行的感覺，輕鬆又愉快。很多人為醫肚而食，其實店內裝飾也有店主的心思；也讓食店有賓至如歸的感覺。是晚有點夜，行了整個商場，沒有太多選擇，於是決定進店內醫肚。椰香青咖喱牛腩煲 ：椰香濃郁，咖哩不辣，牛腩軟滑，配飯很好吃。馬拉盞炒椰菜苗 ：椰菜苗新鮮爽口，椰菜苗是少數蔬菜蘊含大量有益抗氧化營養素；同時含豐富、維他命C、維他命K，具有幫助鐵質吸收、鞏固骨骼生長的食療功效…… 食多點都不怕。一入座就有蝦片食下，很脆卜卜。龍眼冰 ： 滋潤明目。芒果沙冰 : 新鮮芒果芒沙冰，芒果味濃，又解渴。飲完很爽，又舒服，唔再熱。影相拍照也很有其中一個的落腳點。。。影相拍照也很有其中一個的落腳點。。。影相拍照也很有其中一個的落腳點。。。疫情關係，困在公司，屋企太耐了，出來逛逛，輕鬆下。 自肥不緊要，最緊要食完做多點運動就可以了。