喜洋洋美食

营业中

休息中

估唔到，雙餸飯飯堂，都有「口水雞 」，仲可以半隻上，價錢唔貴，好過自己整超好味😋雞好滑，比起其他口水雞更好食 都好大隻下選了蒸魚餸，加多口水雞半隻，都可以有魚有肉，又如酒樓食飯。糧尾精選！

雙餸飯簡直係糧尾恩物, 可以自己揀餸, 真係食多幾餐都唔厭!今次我就揀咗金銀蛋白菜仔同埋香檸雞, 店員"不"得好大份, 成盒滿哂, 細食既話可以分兩餐食添!值得一提既係, 佢地既蒸魚都係唔使另外加錢, 呢個質素份量都係$35, 大癲! 

今日lunch食完，晚餐又係食兩餸飯，但今餐㨂左喜洋洋美食，因為下午經過時見到相當吸引😍。我大約下午6:30到，遠遠已見到大約20個人排隊中🙈，好彩店員都好快手，等左唔使5分鐘就到我了。好明顯晚上餸式無中午時咁多😣，但都無阻我食兩餸飯既決心😂，我選左芥蘭炒臘味同埋唔知咩豬扒（懷疑係泰式）。豬扒好淋好入味，但唔係咁特別；芥蘭炒臘味就一流估唔到呢個餸可以咁出色，芥蘭唔會太淋，係爽口脆既，臘腸唔肥啱曬我口味。今晚呢餐盛為$35（+$2可以有埋飲品）

雙送飯$33 。 衣盒係黑醋骨同滷水豬大腸 。每款有十舊左右 。 食到好飽 。豬大腸都幾林 。個汁又冇話好咸 。雙送飯$33 。 衣盒係尖椒加咸旦蔥花肉餅 。 嘩😂🤣😹 。 打爆哂成盒超大盒 。 個尖椒有 D 辣有 D 唔辣 。 個肉餅好大舊好夠送飯 。雙淨送$45 。 🐥南乳雞同薯仔牛肉粒🐄 。個雞有冬菇同荀既 。 個薯仔好多牛肉得五粒😐😐 。 成盒野好油同好滯 。雙送飯$33 。 衣個真係超級抵 。 係🐟蒸魚同窩荀 。 但條魚好快賣哂 。 要睇你好唔好彩🤭🤭 。 味道都ok都幾清 。

而家雙餸飯開到周圍都係 佢嘅價錢唔算特別貴都唔算好平 但係我好鍾意呢間！佢冇其他店咁重味精味 佢嘅味道係好住家嘅感覺💓最鍾意食呢度嘅咕嚕肉 醬汁嘅酸甜度啱啱好 而且個皮真係好脆 入面舊肉唔會好肥 又嫩滑！

三餸一湯，點了尖椒豬腩肉，蒜蓉炒西蘭花，鹹蛋蒸豬肉，份量非常之大份，味道很好，就像小菜館炒菜一樣，而且很衛生👍🏻👍🏻👍🏻門口天天大排長龍值得推介🤩一再幫襯

喜洋洋美食店，所賣嘅兩餸飯真係好抵食，真正街坊價錢，兩餸飯由最平嘅$33蚊起步，一路去到4餸飯嘅$50蚊，而且仲會包飲品，凍熱茶啡、例湯、豆漿及汽水等，改配紅豆冰、凍檸樂及凍檸賓都只係另加$5蚊，店內環境相當舒服，光猛、寬濶，乾淨又企理食物方面～呢間店真係連牛扒都有得供應，黑椒牛扒香濃惹味，唔會過鹹，食到濃香少辣嘅黑椒，洋蔥等，白飯軟硬適中，尖椒回鍋肉係偏辣，但非常惹味，小菜水準屬中上水平，至於飲品方面～稍嫌凍奶茶落花奶嘅份量實在太多，但夠凍而且夠哂大杯，下次再去呢度食飯，一定要叫少奶先得！