喜茶 (已結業)

見佢crossover出前一丁咁有新意，即刻試下。雪糕係雲尼拿雪糕，上面加左d芝麻。本身以為雪糕食落有芝麻味，但係結果只係純雲尼拿味。我諗佢芝麻味係由果d芝麻粒帶出黎，但係都唔太特別。黑色雪糕筒都係除左顏色外冇咩特別。🙄

今日去荃灣工作，剛巧經過荃新天地，見到入面有間喜茶，我印象之中喜茶由開始入香港到現在都未試過飲過，今次見到唔算太多人，所以特意試下排隊，雖然條隊唔係好長，但我發現等杯野都幾耐，好彩都比較多位，可以坐住等，環境都唔錯，我就叫咗一杯飲品+1個甜品，飲品係奶蓋水仙，及一個珍珠雪糕，奶蓋味道好正，杯茶都飲得出好夠味，好清甜，至於杯雪糕就都好難唔好味珍珠係正嘅，終於明白點解咁多人排隊，我自己覺得佢嘅奶蓋真係唔係好多飲品店，可以做到。

番大陸次次都會飲既喜茶，宜家係香港都開左幾間分店啦！第一次係香港飲喜茶就係荃灣分店！可能熱潮過左，香港分店冇大陸分店要排咁耐隊，我地落左單冇耐就有得飲！雖然有少少擺烏龍，一開始店員整咗杯錯嘅飲品一杯嘢飲俾我哋...但係店員都好好禮貌同我講唔好意思以及即刻整個杯新嘅俾我，仲主動送多我張枱添...今次叫左芝芝莓果少冰少甜！首先要呷一口芝士，面層既厚芝士實在太好飲了，同大陸分店飲既味差不多！杯野有好多果肉，草莓混合藍莓既味道好夾！不過價錢計番比起大陸貴，感覺返大陸飲會抵飲啲，但係唔想北上嘅朋友同時自己又係芝士控嘅話可以一試！

食完飯想飲野吹下水，就揀左去喜茶😆之前已經飲過一次新出既芝芝桃桃🥰今次強烈推介俾我朋友，佢飲完之後都大讚🥳.芝芝桃桃 $48 (5/5)首先賣相已經非常吸引，係靚靚既粉紅色，少女心出哂黎💕😂而喜茶既奶蓋真係冇得輸，飲過咁多唔同品牌既奶蓋飲品，暫時始終都覺得喜茶係做得最好💯鹹香味好正😋桃肉仲要好多，飲個陣啖啖果肉🤤中間係沙冰層，配埋金玉茶底，飲到好香桃味之餘又唔會蓋過茶香味👍🏻.綠研 $28 (3.5/5)同場介紹埋呢款綠研，味道比較清香，唔會好濃，比起水果同波波系列，呢杯平實好多🤣

自從知道荃灣開左喜茶之後，每次經過都想飲番一杯！唔知大家知唔知道，佢地有個App，係可以用預先order。實在好方便，又不用排隊，當你知道就嚟做好嘅時候，先行過去都未遲。完全解決要大排長龍嘅憂慮！☺️☺️今次我地叫左兩個時令飲品！分別係芝芝芒芒金露同流沙奶黃波波奶茶🙂 兩杯都好好飲！！杯芒果好似飲得既楊枝甘露咁，有食甜品既滿足感！而另外果杯就非常特別，因為中秋節嘅關係，所以杯飲品都配合返個主題係有流沙鹹蛋黃碎。我覺得呢個鹹蛋黃同杯奶茶好夾呀！雖然係有啲滯，但係絕對值得一試！

太空艙設計的喜茶望見已經透心涼點了一杯芝芝莓莓，很厚的一層芝士奶蓋少冰已經很冰涼，味道很不錯，但果肉唔多對比上次深圳喜茶飲既同一杯芝芝莓莓也差太遠了…上次是滿滿一杯新鮮的士多啤梨溶，啖啖果肉呢👉👈今次飲到底先飲到少少士多啤梨肉😞

平日多數都係上深圳先會順道飲喜茶，就算香港開左好多間喜茶，我都無飲。但係荃灣開左之後，作為住附近既我，就當然唔可以錯過，加上又出左新野。平日我多數都係飲多肉莓莓或者芋泥波波，喜茶既芋泥真係一流，今次叫左爆芋泥波波冰，$36 杯。如果有環保杯的話，會減 $2 tim 同芋泥波波比較的話，我覺得爆芋泥呢個會更加香濃！佢既芋波波煙韌度唔算超煙韌果種，係淋少少果種既口感，但有芋頭味，再加埋明治牛奶既牛乳香，再加埋成堆芋泥既芋頭香，再加埋有芋頭粒粒既口感。真係百飲不厭，係我飲過咁多間芋頭鮮奶之中，最最最最出色的！香港既同深圳既味道都一樣，只不過係價錢不一樣，同埋無其他野食，例如包包類。我係深圳多數一杯芋泥波波配一隻芋泥糯米糍咁食。真係只應天上有咁好食，可惜香港無糯米糍食。希望日後係香港可以有糯米糍食 會繼續支持喜茶，的確係很難取代既好味道！

荃灣喜茶開左好一段時間都未試，今日食完飯就用下喜茶GO買啦！一買完已話我知預計幾耐有得拎，留左電話，淨返3個order 時都有app提示我可以準備行過去。多肉芒芒甘露係新品，HK$38，飲落就exactly係楊枝甘露味，但又有輕輕茶味，芒果味其實唔重，主要係奶味。

芝芝金鳳脆筒 (mini) $7真的好喜歡這個mini的雪糕大小剛剛好可以滿足一下想吃甜品的慾望又不會怕吃太多(又不怕不好吃 太不杯的話會很浪費)這個味道一般芝士味 和 茶味都不太吃得到就只是像普通的雲呢拿味雪糕而個人是不太喜歡雲呢拿的所以有點失望.另外還點了多肉葡萄也不再多肉了.最近幾次去喜茶都失望而回看來這陣子也不會再光顧了

成日經開荃灣，行嚟荃新天地，梗係要買番杯喜茶啦。經歷左幾次嘅不愉快，決定終於要出返篇野來寫佢佢一路飲開都相安無事芝芝桃桃好夢幻、芝士奶蓋好飲，但係總係會出問題，你俾得我揀少冰、少少冰、少少少冰，我次次揀都少少少冰，但3-4次都出事成大半杯都係冰到底落單你地會唔會睇？定抑或是少冰/少少少冰並冇一個標準，只係隨心而發，隨意所至？即係睇心情做？我一星期都會幫襯3-5次，但真係太多不愉快積埋先會爆，你懂的

曾聽聞過這間飲料🥤店在內地很有名氣/銷售量好高⋯如真的想嘗試的話便要回內地/香港分店便要到油尖旺區以及離島地區才能品嚐當中美味~但好茶製作過程需時必須耐心等候！現在終於也在荃灣開了分店，滿足了住新界地區的朋友不用跑到老遠才買到，方便快捷。👏🏻有次下班回家途中經過門口，已經晚上9點多～店鋪設計算不錯👍枱/椅用了白色令到鋪面十分光亮，吸引不少粉絲目光！我心血來潮也想嘗一嘗其飲料🥤是否真的聞如其名真的如此好飲？為何如此吸引🤔？但還有人潮排隊等候購買，受歡迎程度頗高。於是我也決定購買⋯😍我選擇了多肉莓莓/芝芝芒芒/芝芝桃桃/阿華田波波冰⋯味道方面覺得水果很新鮮、芝士帶點牛奶🥛味～與水果混合一起飲相當不錯👍好夾～感覺清新而且不會好甜，果然名符其實的好飲😋！相反阿華田味道就覺得不太特別～感覺與平時買阿華田沖劑差不多⋯這杯有改進的空間！價格方面就覺得有點貴⋯若下次光顧時可推出些買1送1/買1杯+$有第2杯/有印花卡買10送1⋯等優惠活動更吸引👍

飲品系列🍑🍑🥤▫️餐廳：喜茶 HEYTEA▫️地點：香港有6間分店（沙田、尖沙咀、銅鑼灣2間、荃灣、元朗）▫️營業時間⏰：Mon-sun 10:00 am - 10:00 pm▫️價錢：～$40+—美味:🍑🍑🍑🍑環境：🍑🍑🍑（排隊🙄）價錢：💰💰💰💰（比其他台式飲品貴）—大家北上都喝過喜茶🤪近兩年，香港都有🤤唔駛番大陸先喝到🤗👧🏻覺得喜茶既芝芝系列較好飲😚芝芝桃桃🍑🍑係佢favorite 🤓佢係6月先係香港正式發售🥰鐘意桃既你會覺得桃肉好夠而且唔太甜🤩芝芝芒芒都不錯，都係唔酸🤪香港飲喜茶都要大約$40+一杯，北上會平$10蚊。如果係pinkaholic💓既你而又想去粉紅設計既喜茶，就要北上萬象天地既HEYTEA PINK🤫—

幾乎唔返大陸既我之前未飲過喜茶，一路只係從係上海旅遊時飲過既家人同其他朋友口中得知喜茶。甚至黎左香港開分店之後都未試過。 今次開左係荃新天地，咁岩經過，決定一於買杯試試。揀左杯芝芝莓果試，芝士味道確實係幾唔錯，好香濃！ 莓果亦唔會話太甜，整體黎講味道係唔差既。不過一杯芝芝莓果要$49，定價就真係太貴喇。所以除非將來有優惠，如果唔係我又未覺得佢好飲到我願意用$49再買黎飲。

以前經常聽朋友講去深圳要飲喜茶，我就冇專誠去喇，就算香港開咗分店都冇去過。不過咁啱今日活動與活動之間有空檔，買飲品又唔算多人就一於試下啦！咁啱期間限定有我最鍾意既桃味，所以點咗芝芝桃桃。好在等候時間有位坐，咁就撳下電話過日晨，等咗20分鐘先等到嘅飲品，又真係好味喎！食到好多新鮮既桃，同近期食既日本桃有得fight，唔知會唔會真係用日本桃呢？

平時番深圳都一定會飲一兩杯喜茶，見今日平日冇咩人就想試下呢間係荃新天地既分店....12:30 食飯時間黎到，有好多位坐呀，環境幾舒服，寬敞多肉葡萄🍇當我打開小蓋，吸一啖芝士既時候，嗯，啲芝士咁「潔」既，係因為沙冰既緣故，定真係咁潔？！感覺以往飲既都比較流質，好creamy ，好滑漏既而成杯飲品都幾多葡萄肉，係新鮮既，有好輕微既藥水味，似提子汁既味道。相比深圳黎講，飲落冇咁化學成份，下次都係飲番最簡單既綠妍