喜記餐廳

营业中

休息中

沒一點回鍋肉的味道，根本沒有辣味 只有鹹味 肉只有很少 剩下的只有白菜 一點也不夠正宗 本來還很期待 最後只是失望收場 失望失望再失望 白飯也很乾 吃得一點滋味也沒有 本身我很肚餓 看見一點也不餓了

觀塘都多吾同種類嘢食，今次見到有間叫喜記餐廳係食雞煲及中式小炒為主，就入去試下個晚飯。 今次叫咗重慶麻辣雞煲(小辣)，小炒就叫咗椒鹽鮮魷同埋西蘭花炒帶子。 先講個雞煲，入面材料充足，分别有炒大蔥、洋蔥、少量芫茜、芹菜、甜椒、辣椒、及一d特製微辣嘅醬汁，而最緊要每件雞件都超滑溜，食雞已經停唔到口，連埋d配菜食絕對另一番風味。而椒鹽鮮魷絕對值得推介，每件鮮魷都好新鮮好爽口，而且外面層炸粉好薄，點埋特製嘅汁食，絕對係惹味及開胃之選 。西蘭花炒帶子好有鑊氣，而每一帶子亦都好有海鮮嘅味道，西蘭花就好爽脆。如果下次去觀塘食小炒、雞煲或水煮魚，我一定會再嚟喜記餐廳。

呢晚約左同事係觀塘區開餐，打下op想搵下餐廳食，發現大部分都係集團式餐廳😅 唔想成日食嚟食去都係個d, 於是係康寧道行行下見到呢間茶記有雞煲食😍很是吸引，仲坐滿人，好好生意咁。.2個人叫左一個半份「重慶雞煲$138」同「喜記小炒皇$90」，加兩杯野飲(凍o茶$20 同可樂), 野食好快就上枱👍🏻雞煲收咁平，本來都怕中伏🤣點知雞煲出奇地整得好食，誠意十足，除了雞件夠鮮嫩，雞煲配料都好足料，包括洋蒽、芫茜，多汁又惹味，洋蔥放得多D，麻辣中又帶一點鮮甜，重點係佢唔會太咸👍🏻好正 。之後個小炒皇係蒜心、腰果、炸魷魚、蝦乾、炸魚仔炒成👍🏻小菜夠鑊氣，重點應該係個魷魚，加左粉再輕輕炸過，好似椒鹽鮮魷既feel，加上全部野都炒得乾身好味😛.餐廳細細間，大約6張檯，好多人都係街坊食小菜飲啤酒咁😆雞煲值得再幫襯，小炒就因為太飽試唔到咁多，下次再黎食過😁

9- october-2018今日叫個外賣，份量少過平時特別多！鐵板牛柳粒得14粒 ，味道叫正正常常。老乾媽辣子雞10粒，皮多骨多肉少 101$ 平均差唔多1粒要10蚊 。價錢同味道都算，份量少到離晒普，仲要冇飯跟，冇野飲跟。打去投訴，開頭我都好聲好氣同佢講，呢個份量同在堂食個份量差好遠Wo，點知聽電話條女仲要話係咁上下嫁啦，佢越講d態度仲越差，最後諗住Cut佢線，點知佢Cut得仲快過我......

It’s always a headache to find a reasonable priced restaurant around the millennium city area, we have to go further uphill to find more options after work. 放工後搵食誤打誤撞經過呢間餐廳，見到餐牌上有菜遠牛肉河即刻叫黎試下。好耐冇食個咁好味的炒河，食材新鮮個汁嘅味道又啱啱好！雖然不近創紀之城，但會再來！因為公司附近完全冇合格的茶記。另外隔離幾枱D小菜都炒得唔錯，有機會同朋友黎試下。

第一次試呢間雞煲，價錢合理，我地2個人叫左半隻雞$128都好足料好香，唔會太咸，而且仲叫左響鈴即叫即炸好好食，墨魚滑都不錯。另外呢到仲有晩飯小菜，下次可以一試。

同一班同事放工後去宵夜，大家五知食乜之際，有個同事就話想食雞煲，我就上網查下啦。咁就比我搵到呢間，都開得幾夜下我就四個人就叫左個雞煲食啦，我兩個同事就五係好食得辣，為有叫bb辣啦。。。老闆可能聽到我想食辣啲就比左個辣椒醬油比我自行解決😹😹😹跟著叫左個小炒王，因為我地叫左啤酒，，，好香口，送酒一流見到呢到餐牌原鼓汁蒸白鱔，我呢個白鱔愛好者一定叫黎試下啦。。。啲鱔好入味，好爽口，五會一pat pat ，，，比個like 佢丫老闆個好好人送多兩支啤酒，一大碟菜比我地食Tim 丫如果你地住觀塘附近，又想約埋朋友去食宵夜，呢間係五錯嘅選擇

今晚同成班同事ot好夜先收，大圍話一齊去食野，建議食雞煲，大家一致話去呢間，因為個個都話觀塘呢間雞最好食，果然系好雞煲，味道真不錯，就系分量五夠多，整體系good葛小炒皇都好特別，好多配料，實有一樣中意食的，OK

雞煲 （半隻$128，全隻$198）雞煲司令都介紹過唔少次，有芝士雞煲甚至連廣州既雞煲都講埋。但最近天氣都算頗涼🌀，係時候要暖下個人。今次要講既係喺觀塘既一間雞煲，佢既雞煲好好味😍，好香夠晒味，又唔會鹹！同埋份量都好足下嫁，食到完既時候司令仲食到雞，雞又夠厚肉！無論辣定唔辣，司令都試過，兩者都好好味，不過司令都係鍾意辣多啲🌶，夠晒刺激嘛！而且雞煲既汁再落埋薯粉簡直一流添！另外，司令有樣配角非常推薦大家配埋個雞煲食嫁，就係響鈴！打邊爐或者食雞煲，落響鈴是常識吧！響鈴就咁聽好似好普通，但佢絕對唔普通，因為喜記既響鈴係自家制，即order！ 即炸嫁！即炸既響鈴份外地好味，夠晒吸汁又夠大嚿！P.S. 美中不足既一樣野就係，店內只得幾張枱，容納人數相對較少。

喜記重開真是一大喜訊. 新址比喺仁愛圍舒適, 食物種類多, 地方都座得舒服 服務員態度也勤快 一行九人到這裡晚飯, 為朋友慶生雞煲值得推介, 非常有誠意作品，食品見都好新鮮，食落又的確新鮮，牛肉雞肉等肉食唔係雪到無味個D，火鍋主力當然係本地牛~~勁有牛味，仲好過百幾銀個人個d任吃火鍋, 即炸響鈴，炸得很美，侍應送來時，還是熱的，朋友聚聚 開開心心 80分

終於都開番喇！早前喺仁愛圍時都食過好多次架喇！餐廳剛重開，裝修簡潔，地方又乾淨睇下有D咩好食先我地先叫左一個麻辣雞煲，因為唔太食得辣，所以要求少辣喇！雞煲好香，D雞吸哂D汁好好味呀！仲叫左火鍋配料：有四寶丸，雲吞併水餃，西洋菜同埋即炸響鈴卷個響鈴卷超正呀！上店仲係熱辣辣架！果然係即炸喎！正除了火煱仲叫左D招牌小菜，水準真係好好呀！雖然係炸野但一點也不油呀蜜糖雞炸，外脆內軟呀椒鹽田雞~~~香鬆脆呀！好似唔係好夠，仲叫左蠔仔粥同埋楊州炒飯兩樣都好好味呀！粥加了方魚所以好香，飯就炒得一粒粒好乾身！好味真係要再搵日試下個羊腩煲先