喫茶ちょうぼ

营业中

休息中

同朋友一齊去呢間試下一入去有一種寧靜的感覺環境確實不錯👍很適合坐低傾下嘢但係有時限 最多90分鐘時間到職員會過來埋單趕客（印象中嗰時無客戶排緊隊 感覺少少差 ☹️有好多種類蛋包飯我嘅friend叫了咖喱牛腩賣相好好😙我自己最後叫了漢堡包 味道都唔錯😋跟餐+38蚊有前菜同嘢飲嘢飲可以揀牛奶、茶、咖啡、蘇打、冰沙我地叫左兩杯冰沙一個草莓一個橘子上菜時好有驚喜🤩 賣相靓 味道都好好👍但係前菜就遜色 只係一小碟嘅酸菜😅講真餐廳乜都好唯獨服務人員服務態度好差無論時點餐或者埋單態度都好差點餐叫了3-4次每次都係「等陣啦」 但係等勁耐 職員都無返來上小菜的時候兩碟不一樣問佢有無話邊碟跟邊個餐佢竟然翻白眼🙄好趕客Anyway 有個心理準備的話齋去坐下食嘢都okay嘅

環境靚，食物外觀同質素都幾好唯獨敗於店員服務⋯⋯星期六幫襯都知好忙，但廚房負責拎野出黎個個女仔，放低碗碟似茶記阿叔，勁大聲⋯⋯黑口黑面咁⋯呢一下已經扣哂分，你會覺得自己俾過百蚊坐呢到，究竟食緊日式餐廳？定普通茶記？！？同一個伙記，再拎飲品出黎，再一次好大聲放上枱！連隔離枱嘅食客都留意到⋯嚇親⋯⋯忍唔住笑⋯。我估佢都唔敢相信呢個咁靚環境，但有咁嘅伙記係到⋯⋯！個位伙記，戴color con，金髪，有紋身，女仔黎如果店主見到呢個post ，請你叫呢個員工注意一下服務態度⋯⋯⋯破壞哂成間餐廳形象！

我想講呢個係一個非常適合打卡嘅蛋包飯個waitress會直接喺你面前劏開佢你哋影相好食得嚟有健康佢入邊係炒飯同埋都有啲蔬菜唔會吃白飯咁寡個軟殼蟹burger超級大個又脆又好食我覺得最出色都係佢嘅甜品烏龍茶布甸同埋戚方蛋糕係絕配再加埋啲nuts同埋餅碎成件事非常之有口感再食埋個山梨桃刨冰真係好清新同超級飽我個蜜桃soda同個柑橘冰沙都唔錯同埋餐廳入邊嘅設計都好靚好啱喺入邊打吓卡同埋坐低睇吓書成個下晝

同閨蜜相聚入咗依間高質好味又打卡able仲係Pet friendly 嘅昭和風餐廳🥰坐得舒服又傾得開心仲食得滿足😌入秋又係食蟹嘅季節要來了嘅感覺，所以我哋嗌咗🥢大勢蟹黃膏蛋包飯 🍳酥炸軟殼蟹塔塔醬漢堡 🦀秋夕山梨桃刨冰 🍧桂花烏龍布甸戚風蛋糕盛合 🧁🍰大勢蟹黃膏蛋包飯 ，勁大兜蟹肉同膏🥰🥰🥰店員落枱仲問我哋係咪要影相先😂😂果然好清楚相機食先依個習慣，佢等我哋影好相之後就幫我哋𠝹開個蛋包飯🤤🤤一𠝹 滑溜溜嘅蛋就湧出嚟 再淋上蟹肉蟹膏醬～滑溜蛋香配上鮮味蟹黃膏仲有少少三文魚子點綴多左一種口感，每啖都充滿蛋香同蟹肉蟹膏嘅鮮配搭埋有味底嘅炒飯相當美味🤤而且份量都唔細。酥炸軟殼蟹塔塔醬漢堡 🍔真係成隻蟹咁上😚蟹外層酥脆夠薄一啖咬落去鮮味同蟹汁夾埋充滿牛油香嘅包皮配搭他他醬啱啱好香口得嚟唔會覺得好膩，漢堡仲配有薯條🥰秋夕山梨桃刨冰 ，冰感幼細入口即化，冰面有Cream仲淋咗淡淡的粉紅色桃汁清香甜口仲有好多片爽口香甜嘅山梨桃🤤解渴一流。桂花烏龍布甸戚風蛋糕盛合😍擺盤好精緻～我哋都大愛依個甜品😂 佢個桂花烏龍味好出色，除咗陣陣桂花香味又有濃郁嘅烏龍茶味依個配搭真係絕配嚟。戚風蛋糕軟綿細滑，布甸有3重味

餐廳位於世貿中心地點非常方便，裝潢採用和風日系木調，座位寬敞舒適，窗邊位置更有大海景相伴非常悠閒。餐廳主打日本與西式元素的創意料理，食物都非常打卡，必試人氣蛋包飯！！大勢蟹黃膏蛋包飯（$172）秋季限定*白露秋風蟹逅*有五樣新品，我都揀咗兩款試試！蛋包飯的蛋非常吸睛！店員𠝹開滑溜溜嘅蛋仲有蛋汁流出，蛋非常嫩滑，中間包著用茄汁炒過的飯。海量蟹黃膏蟹味濃郁，拌入蛋包飯一齊食，每一啖都有滿滿的幸福感！酥炸軟殼蟹塔塔醬漢堡 （$145）原隻軟殼蟹造型打卡一流！軟殼蟹炸得香脆，又保持肉汁，漢堡鬆軟微甜用牛油烘過，配搭他他醬中和油膩感！仲有香脆薯條伴碟，口感豐富！桂花烏龍布甸戚風蛋糕盛合（$115）擺盤好靚！視覺與味道的享受😋 布甸好Q彈，桂花烏龍味味突出，戚風蛋糕鬆軟好好食，大愛這道甜品🫶秋夕山梨桃刨冰（$78）大份量的刨冰淋上桃汁，刨冰入口即化，配搭清爽山梨，感覺清新！草莓沙冰 （$48）沙冰加入草莓醬打成，頂層忌廉濃厚香甜，草莓味香濃，女生必愛❤️秋茗柿橘沙冰 $68甜甜酸酸的沙冰，柿橘清新既口感，帶出秋意漸濃既感覺🍁

酥炸軟殼蟹塔塔醬漢堡 ＄145外脆內嫩的軟殼蟹，配上濃郁開胃的塔塔醬，夾在新鮮軟熟的漢堡包中，帶陣陣牛油味，伴碟的幼薯條灑滿芝士絲，香脆可口。大勢蟹黃膏蛋包飯＄172賣相超吸引切開後流心的奄列仍水漾般嫩滑，濃郁的蟹黃與香滑的蛋包完美結合，味道鮮甜，炒飯底用上醬油跟蔬菜粒，真是色香味俱全。桂花烏龍布甸戚風蛋糕盛合 ＄115口感柔軟的戚風蛋糕，伴堅果及脆脆，層次豐富清新的烏龍茶香與淡雅的桂花香氣完美組合。

門口有個樓梯好復古feel，好適合打卡📸入到去有幸坐到窗邊梳化位，望住個海景食野，好舒服呀😍大勢蟹黃膏蛋包飯 - 上枱後店員會問我地要唔要影相，等我地影完再幫我地切開個蛋，蛋入面係滑捋捋既滑蛋，再淋埋蟹肉蟹黃膏一齊食，雖然好邪惡但好夾好鮮好好味🤤酥炸軟殼蟹塔塔醬漢堡 - 原隻軟殼蟹夾係中間，軟殼蟹炸到好酥脆，包一邊搽左牛油一邊搽左茄醬，配埋塔塔醬&蟹一齊食，又香又脆桂花烏龍布甸戚風蛋糕盛合 - 擺盤好有秋意，戚風蛋糕好鬆軟，桂花烏龍布甸有淡淡花香又唔好會甜，個底有啲堅果&焦糖脆餅一齊食好有口感秋夕山梨桃刨冰 - 份量好大，外層淋滿桃醬，前面擺左切片既山梨桃，唔會好甜，解暑一流二蕃甜薯牛乳 - 一次過試哂紫薯&蕃薯，紫蕃超甜所以味道比蕃薯突出，配埋牛乳一齊飲又滑又香

銅鑼灣世貿中心呢間cafe裝修充滿日系風情，環境舒適好適合同朋友嚟食飯傾偈，餐牌畫風好得意，食物款式多，蛋包飯都有好幾款，仲有多款甜品、飲品，今次試咗幾款秋季限定嘅食物🔸大勢蟹黃膏蛋包飯份量超澎湃嘅蟹黃膏，店員界開蛋包飯後淋哂上去，每一啖都食到，用上炒飯底食上嚟味道更香口🔸酥炸軟殼蟹塔塔醬漢堡漢堡包住原隻軟殼蟹，造型好靚，而且炸得好香脆，成件拎住嚟食好架勢，伴碟仲有好多薯條🔸桂花烏龍布甸戚風蛋糕盛合賣相好精緻，戚風蛋糕上有芝士奶蓋，蛋糕食到淡淡茶香，桂花烏龍布甸質感滑溜，底層配上蛋糕形成豐富口感🔸秋夕山梨桃刨冰天氣熱時最好食冰解暑，刨冰上嘅醬汁味道清甜，仲有果肉同忌廉係冰上，份量超多🔸抹茶麻糬沙冰 & 焙茶麻糬沙冰每件沙冰上有件麻糬，口感超煙韌好食，沙冰內有麻糬打成蓉，仲飲到有朱古力碎粒

踏入初秋，喫茶ちょうぼ 推出左🍁白露秋風蟹逅主題嘅一系列料理，秋意漸濃好有氣氛✦酥炸軟殼蟹塔塔醬漢堡 漢堡包內藏住原隻酥炸軟殼蟹，賣相好生動，軟殼蟹脆身唔會太油膩，同塔塔醬好夾，漢堡用上嘅軟包幾香牛油味✦大勢蟹黃膏蛋包飯 一客蟹黃膏同蟹肉可以自己淋上，鮮味濃郁，流心滑蛋切開軟綿綿，口感和諧，炒飯底帶甜甜嘅醬油味同蔬菜粒✦桂花烏龍布甸戚風蛋糕盛合一個甜品可以食到桂花烏龍味嘅兩種口感，味道非常清新，烏龍茶香同桂花香味淡雅，呢個配搭好夾，布甸口感順滑奶味幾濃，戚風蛋糕質感鬆軟入面濕潤感重✦秋夕山梨桃刨冰 山梨桃肉香甜多汁，刨冰淋上粉紅色嘅桃汁好清新✦二番甜薯牛乳秋季限定 ♪ 個人認為係紫薯蕃薯愛好者必點！杯嘅內圍佈滿厚厚嘅紫薯同蕃薯蓉，甜甜的好重糯香感，同牛乳好夾✦朱古力曲奇黑咖啡黑咖啡上有Oreo 碎碎同幼滑忌廉，黑咖啡嘅香醇同微甜Oreo cream 平衡得幾好

餐廳環境以木系小清新為主，門口有售賣日本精品，裡面靠窗卡位仲望到海景❤️大勢蟹黃膏蛋包飯面層🈶三文魚子，配上蟹肉蟹膏及滑蛋，每一口炒飯都十分美味酥炸軟殼蟹塔塔醬漢堡 漢堡包裡面有一整隻軟殼蟹，加上塔塔醬一齊食，真係非常惹味😋桂花烏龍布甸戚風蛋糕盛合 呢個好豐富😍 桂花烏龍布甸味道好清新，戚風蛋糕口感軟棉清香秋夕山梨桃刨冰 頂層加咗個cream，配上刨冰，感覺好得意，仲有半個山梨桃，咬落香甜多汁，秋茗柿橘沙冰有半個柿，味道清甜，飲落每一啖都係柿嘅香味紫薯牛乳揀咗熱飲，好香紫薯味，飲落香甜而不膩

約埋好耐冇見既舊同事食飯揀左呢間餐廳貪佢好岩傾計估唔到啲食物都幾ok叫左個紅酒燉牛面肉蛋包飯牛面肉燉得好冧個汁好香送飯岩岩好軟殼蟹忌廉扁意粉軟殼蟹炸得岩岩好，忌廉汁掛滿意粉好香鰻魚玉子蓋飯鰻魚好香配埋玉子食到舔舔脷清酒煮青口青口煮得岩岩好一啲都唔韌好香酒味

呢間喺銅鑼灣嘅西日式cafe☕️行昭和風路線，入面樓底幾高，以木系裝修為主，有啲座位仲望到海景，好啱同朋友傾計食下嘢😎大勢蟹黃膏蛋包飯 $172蟹黃係分開上🦀可以自己隨意淋喺啲飯嘅側邊，好有儀式感，而個蛋就軟綿綿，切開仲有流心效果😍入邊啲飯加入咗啲蔬菜粒一齊炒，幾有口感😋酥炸軟殼蟹塔塔醬漢堡 $145漢堡包夾住原隻嘅軟殼蟹，離遠睇個造型有啲似蜘蛛咁🤣軟殼蟹以吉列嘅形式去炸，非常酥脆🦀入面亦都夾咗他他醬同埋炒洋蔥等，層次好豐富😆桂花烏龍布甸戚風蛋糕盛合 $115呢個甜品嘅造型好靚，好有秋天嘅感覺🍂入面有一件戚風蛋糕同埋一個蛋糕布甸🍮而個底就墊咗啲焦糖餅碎同埋果仁粒🌰秋夕山梨桃刨冰 $78刨冰嘅份量幾大🫣淋上咗滿滿嘅白桃醬，側邊亦都有啲白桃片做點綴，建議多幾個人share🍑二番甜薯牛乳 $58呢個都係期間限定嘅新品，分別有番薯同埋紫薯蓉喺入面🍠一次過可以試到兩種口味，番薯蓉本身甜度唔高，所以紫薯嘅味道比較突出😌

喫茶ちょうぼ @choubo_kissaten 以蟹為主題推出一系列秋季料理🍁品嚐蟹肉及蟹黃盛宴蟹的魅力無可抵擋～更有秋季限定特飲及刨冰快啲出發去銅鑼灣/尖沙咀/大埔分店朝聖啦⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🦀大勢蟹黃膏蛋包飯賣相超吸引 切開後流心的奄列仍水漾般嫩滑濃郁的蟹黃與香滑的蛋包完美結合 味道鮮甜炒飯底用上醬油 蔬菜粒🍳真是色香味俱全·🍔酥炸軟殼蟹塔塔醬漢堡外脆內嫩的軟殼蟹 配上濃郁開胃的塔塔醬夾在新鮮軟熟的漢堡包中 帶陣陣牛油香氣伴碟的幼薯條灑滿芝士絲🍟香脆涮嘴 好吃·🍮桂花烏龍布甸戚風蛋糕盛合眼前一亮的甜品 布甸甜而不膩 口感軟滑綿密柔軟的戚風蛋糕🥠伴以堅果及脆脆 層次豐富清新的烏龍茶香與淡雅的桂花香氣完美交融·🍑秋夕山梨桃刨冰放滿新鮮的山梨桃 果肉豐滿且多汁 好香甜淋上粉色的桃汁🍧刨冰的質地細膩 入口即化·🍠二番甜薯牛乳杯身塗上濃厚的紫薯 牛乳口感順滑🥛淡淡奶香融合了紫薯與甜薯的天然甜味 再唧上輕盈忌廉·🍊秋茗杮橘沙冰柿子的自然甜味 與橘子的酸香味相得益彰賣相可愛 橙色吸引 兩款飲品充滿秋天氣息

又到食蟹嘅季節啦😍早前經過銅鑼灣見到呢間充滿木系裝飾嘅---🌟喫茶ちょうぼ🌟有唔少蟹嘅餐單，吸引咗我呢個鐘意食蟹嘅粉絲🦀佢哋依家選購其中一項「白露秋風蟹逅」主題料理即可獲贈「秋の蟹々楓葉杯墊」一個，數量有限，送完即止。._.🦀 | 大勢蟹黃膏蛋包飯 | 🦀蟹黃+蟹膏配飯簡直係絕配，裏面仲有啲蟹肉絲，啖啖飯都係香濃嘅蟹香味💖蛋包飯整得好出色，蛋係滑蛋質感，同珍珠米勁夾。·🦀 | 酥炸軟殼蟹塔塔醬漢堡 | 🦀上枱造型好特別，成隻酥炸軟殼蟹嘅造型放入漢堡，軟殼蟹炸得好香脆，咁得意打卡啱曬，漢堡包嘅皮都有多士味道，旁邊仲有沙律菜中和返酥炸嘅油膩感。·🍰 | 桂花烏龍布甸戚風蛋糕盛合 | 🍰成碟都好豐富，又有布甸又有戚風蛋糕，唔同口感，布甸軟滑，配埋另一蛋有質感嘅戚風蛋糕，口感勁夾。·🍑 | 秋夕山梨桃刨冰 | 🍑夏天以刨冰解暑就啱曬，大大杯刨冰，有好香濃嘅結身嘅桃醬，食到中段都依然有淡淡嘅桃香味。·🍵 | 抹茶麻薯沙冰 | 🍵抹茶味香濃，飲嘅時候仲有伴隨住軟滑嘅麻薯口感。·🍠 | 二番甜薯牛乳 | 🍠甜薯味香濃，整杯嘅顏色都好有秋天嘅色彩，配上香滑嘅牛奶，味道好夾。._.

Bookmark咗哩間喫茶店好耐，今次終於得閒打卡。店鋪裝修好日本風，好似返到日本咁。Menu好豐富，除咗特色蛋包飯，仲有意粉漢堡提供，最特別係提供數款日本特色甜點。今次仲提供白露秋日限定menu，一定要試試。秋茗柿橘沙冰，好靚的一杯飲品，面頭有個日本柿。沙冰用咗大量柿子同柑橘製作，飲落好重橘子味又好清爽。熱幸福綻放花環拿鐵，咖啡味道好香濃，係偏苦果款咖啡豆，唔洗加糖已經好好味。酥炸軟殼蟹塔塔醬漢堡，軟殼蟹好大一隻，食落好酥脆，唔會覺得硬。自家制塔塔醬加入，使蟹肉更加鮮甜。大勢蟹黃膏蛋包飯，黎哩間鋪頭一定要試試佢特色蛋包飯。蛋包飯做得好有水準，蛋包呈流心狀態，食落好蓬鬆好似食棉花糖。再撈埋蟹肉，每一啖蛋包飯都好鮮甜好香蟹味。桂花烏龍布丁戚風蛋糕盛合，睇到哩個甜品都開心，桂花烏龍布丁好Q彈，烏龍味好重同埋入口即化。戚風蛋糕水分足夠，入口綿密幼滑。秋夕山梨桃刨冰，刨冰都係日本傳統甜點。刨冰要做得好，一定要打得夠碎，才會入口即化。哩間刨冰唔錯，分量好大。落咗大量自家制秋夕山梨桃果醬，食落唔會好甜。