嘉豐點心專門店

营业中

休息中

聽朋友講依間點心店出名係即叫即蒸，所以好食出名。難得今次可以星期六休息，就同朋友特登黎試下。店面唔大，佢係連左右兩間都租左，所以係三合為一，但無打通，所以一間滿人，你地要去隔離間睇下。等左10分鐘，終於有位坐低。隔離同台既婆婆好心提我地，依度既點心同飯都大份夾低食。所以兩個人就叫左兩個飯加兩個點心。潮流粉粿係朋友置愛。依度既粉粿大大粒，而且皮薄料足，好食。蝦餃係我既最愛。依度既蝦餃皮薄就不講啦，平時酒樓既蝦餃最多咪1粒蝦，依度係有2粒蝦係1隻蝦餃內邊。料足之餘仲要新鮮。正。鳳爪排骨飯大大碗，1個男人叫1份飯加1份點心，完全夠飽。要講唔好既就係依度地方唔大，唔好期望可以好似茶樓甘可以慢慢坐，hea一朝早。見甘多人係出面等，你都唔好意思霸住張台睇報紙。

晚上時分突然好想食點心但酒樓應該冇得食了上次去深水埗那間點心店，價錢便宜，但味道較普通於是朋友提議試試這間星期六的晚上沒有什麼人，也許是太晚吧這間店營業時間到凌晨2時啊而且點心質素其高，價錢便宜魚翅餃 一般貨色燒賣 大大隻蝦肉！ 彈牙！不愧是燒賣王雞扎 雞肉嫩口 略嫌豬皮較厚 但用料充足火腿大大塊生菜 樣子不討好 而且白灼 可以不叫牛栢頁 高質 不un 而且份量足 入味鳳爪 好好食 夠味 冇雪藏味！金錢肚 好入味又夠淋！蘿蔔也夠味！腸粉 神作 皮超薄 好好食以後隨時可吃到美味點心了！如果酒樓叫價錢一定高很多。這間又平又好食

九龍城開左好多食市，主打泰國菜和火煱，如果另類食店要打出名堂真的唔易，好似呢間多年地道小厨主打點心真係要試，地方不太大，但都舒服闊落雖然係下午茶，想試多幾款點心，總共叫左八碟_牛肉粥料足肉厚又滑，粥底不太稀芝士春卷炸得香脆金黃又大條蝦餃皮薄大粒又新鲜鲜竹卷大條又多料牛肉腸皮薄又滑大大個流沙蛋黃包半肥瘦排骨入味全部即叫即蒸果然不凡點心，美味食到飽飽，埋單都係180幾，抵吃

一班朋友想飲早茶，有人推介左哩間點心店，就試下啦！雖然係假期去，唔會好似平時茶樓咁，唔會加價。無加一之餘，茶位每人$4咋，性價比高叫左十幾樣點心，但係哩個翡翠三星餃賣相最吸引，所以淨係影左哩個「翡翠三星餃」佢唔係得個樣！仲好食嫁！其實就係蝦餃上面有啲裝飾，皮薄有咬口，入面係大大隻既蝦，爽彈，好食呀！「蟹子燒賣皇」好大粒，但全部都係肉，傳統茶樓好食啲～「豉汁蒸排骨」份量多，底啲芋頭粉又吸汁，好食！排骨就多肉，唔錯「蜜汁叉燒腸」腸粉質地好軟糯，唔會似食粉漿，叉燒份量多，仲有菜係入面，好食喎又「皮蛋瘦肉粥」好綿，唔會過鹹，唔太出水，幾好！「白灼油菜」佢上碟後會落啲油上去，朋友落單，我下次會叫走油嫁啦「芒果奶皇卷」伏中之伏無奶皇味，芒果唔係新鮮果肉、好少貪，重點係係佢係皮係好似食粉漿咁，真係食唔落仲叫左其他嫁，但我無試到。食到飽飽每人先五十蚊，好抵！下次黎要試下佢啲包點同薑汁糕

本人已經光顧這家位於九龍城的點心專賣店近一年了。其中喜歡食物的價錢合理而且味道好之外，這家餐廳的營業時間更是現時在香港想吃點心小有的——營業時間為晚上6:30-12:00，真是非常適合下班時間較晚的上班一族。 *我的重點推介點心是：燒賣，牛肉球跟金錢肚，因為每次吃這幾款的點心都保持到很佳的口感，就連我很多喜歡吃美食的朋友都讚好，基本上是我每次去的必吃之選！

不是九龍城街坊介紹，真的唔會知呢間咁市井咁貼地又價廉物美的街坊點心店。所有點心即叫即做，所以要有少少耐心。蝦餃皮薄爽口陣牙，內餡豐富飽滿，古早蝦+沙葛味。燒賣要等得最耐，十分鐘以上。蝦角平時是貴價點心，呢度加入西芹，更清爽。春卷就有點太油，油味太重。蝦腸同樣加入了西芹，腸粉爽身。雪山叉燒包是比較新派的點心，像麵包店的麵包那麼大個，很鬆軟，熱辣辣出爐。雞扎，雞扒咁大嚿雞，間尺咁長、成2cm厚的魚肚。鳳瓜排骨飯，飯粒粒分明，料也美味。強力推薦！

嘉豐夜晚飲茶係爽的！點心好新鮮！我地四條友主要都係見之前d人推薦的野食去叫。叉燒包 ，流沙奶皇包 ， 蠔仔肉碎粥， 奶王卷 ，蝦蛟 ，濃湯鮮竹卷， 鳯爪排骨飯 ，脆皮韭菜餃 。都真係食咗幾多野的我覺得蠔仔肉碎粥係最好食，唔係到到有很食嗎〜流沙奶皇包都好正！

放工搭乘的巴士，在新蒲崗遇到車禍，全部人要離開車廂。在路邊等了超過30分鐘，仍然沒有其他巴士可以通過。於是放棄再等，決定步行去嘉豐吃點心，因為心思思想試試脆皮韭菜餃！為了寫食評，我點了兩款沒吃過的點心：脆皮韭菜餃($19)和牛肉腸粉($18)，兩款都是很多客人點的。只可惜，牛腸令我失望了。我很喜歡嘉豐的山竹牛肉，故理所當然以為牛肉類的心都會不錯。其實味道是不差的，只是腸粉的質地很黏，用筷子夾時甚至黏著，有點像糯米糍般。腸粉滑是滑的，但相信並非由米漿來做粉料，牛肉餡亦沒有甚麼肉味。幸好那碟脆皮韭菜餃沒令我失望，三隻韭菜餃大大件漲卜卜，之前見到隔離食客在吃，我奇怪為何韭菜餃那麼大隻，究竟用些甚麼作餡呢？咬開來看，原來是魚肉和韭菜，似做魚餅般將食材搞勻，因此便漲卜卜了。雖然是油炸，可能因為只有肉和菜，吃起來並不覺得油膩。我吃完後才醒起，應該點喼汁伴著吃，相信會美味。

今晚落到九龍城唔知食咩好，行行從行行，行到呢度停底左，呢間野咁鬼馬，一連三間舖但食既野係唔同囉~~ 一間火鍋、一間粥品最後一間食點心。得2條友仔去食點心吧~ (香港人都係貪心 要多款式) 先黎一大碗方魚肉碎粥 估唔到咁正 湯底好好味 應該堅係落足料煲出黎既 一d都唔覺有味精 因為食完一d都唔口喝 蜜汁叉燒腸粉 好有拉布腸粉既感覺 腸粉皮好滑 熱辣辣 好好食 至尊蝦餃皇 食材(鮮蝦)好新鮮 蝦肉爽脆 但唯獨蝦餃皮比較厚身 鳳爪排骨飯 25蚊好都抵食 排骨有d似腩排 唔肥唔瘦 肉質唔會鞋十十 仲好juicy總括黎講，好食同好抵食，只係坐位空間都係比較擠迫 (大隻朋友要留意吓)。

大除夕還要返工，下午放工後想先吃餐豐富的，晚上再與家人慶祝。鬧市中人頭湧湧，我不想與人迫，便去了九龍城的嘉豐總店，嘆其一盅兩件，讓2017年有個完美的終結。嘉豐有三間點心專門店，我都去過，今日揀去啟德道的總店，因為想吃只有這間才有的「翡翠三色餃」。以前試過一次後便沒再吃，因為這裏有太多點心都想吃，我又以為三間店都有「三色餃」，原來不是。落單時才發覺沒有「翡翠三色餃」，阿姐說已轉餐單很久了，只是我沒留意。結果點了蟹子燒賣皇($23)和雲耳滑雞飯($25)，見到隔離檯有這裏出名的脆皮韭菜餃，大大件香氣迫人。但實在是眼濶肚窄，惟有下次才試吧。蟹子燒賣皇也是這裏的熱門點心，但我還是第一次點，滑雞飯則吃過幾次。當燒賣皇送來時，真是令我眼前一亮，大大粒共有四粒。一粒燒賣的體積，已等如別些茶樓的兩粒了，我特別將湯匙放在燒賣旁邊拍照，用以作為比較。燒賣新鮮蒸起，肉汁豐富，味美無窮。餡料是手切的瘦肉粒和蝦仁，燒賣面放了些蟹子。我喜歡吃燒賣但最怕肥肉粒多，這個燒賣皇卻很少肥肉，正合我意。至於滑雞飯，加入了金針和雲耳，有益又滋補。平日的滑雞做得滑而有肉味，但今日則做得「太滑」，沒有了質感，蒸飯亦較乾硬，平時

現在吃點心已不再是日間的專利。是晚就來到九龍城這間點心專門店來個飲夜茶。點心種類非常多, 我們只有2人, 就選了幾款試試。香茜牛肉腸: 腸粉軟滑, 包著的牛肉味不算突岀但帶陣陣芫茜香。鮮蝦腐皮卷: 即叫即炸的腐皮卷非常燙口! 從未見過如此大件的腐皮卷! 外皮炸得非常香脆而且非常足料! 讚!魚翅鳳眼餃: 是加了一點魚翅在上的蝦餃, 外皮煙韌內裡的蝦爽口新鮮! 流沙奶皇包: 超流沙的奶皇! 又是幾乎燙到了嘴! 內裡的奶皇不只有甜味, 還吃到了粒粒蛋黃, 真正有流沙之感, 非常岀色!蟹子燒賣王: 燒賣王也沒令人失望, 上面有大隻蝦粒, 豬肉的比例也剛好。還有一個黑椒蒸爽肚沒來得及拍照就吃掉了。原以為是金錢肚想不到是豬肚, 味道剛好, 想不到比金錢肚還要精彩。所有點名均即叫即蒸/炸, 比起連鎖酒樓, 還是這些舊區小店更有風味。

我朋友係美國返嚟探我，佢老公係美國人想食點心，所以帶咗佢地去九龍城嘉豐點心到食點心。我地4大人1小朋友叫咗蝦餃，燒賣，鮮竹牛肉球，蝦角，蠔仔肉碎粥，馬拉糕，叉燒腸粉，叉燒包，鳳爪，蘿白糕，潮州粉果，仲有雞扎。蝦餃都係大大粒，超好食，入面勁多蝦，啖啖肉。燒賣冇上次食咁大粒，但都好好味，燒賣入面有豬肉，有蝦有蟹籽，口感非常豐富。鮮竹牛肉球真係好彈牙，腐竹都好多。蝦角係即炸，入面有勁多蝦和芹菜，個皮勁脆堅好食。蠔仔肉碎粥都係勁多蠔仔和方魚，湯好鮮甜。馬拉糕好鬆軟，真係好好食。叉燒腸粉個腸粉好軟滑，好多叉燒。叉燒包鬼佬大讚好味，佢一個人食咗3個。鳳爪都好入味，朋友好鐘意食。蘿白糕都煎得好脆，個蘿白糕啲料好少，但都好食。潮州粉果真係勁正，個皮晶瑩剔透，啲餡勁多，真係超級好食。雞扎都好大件，都算唔錯。朋友都讚呢間好食過酒樓，我哋叫咗咁多嘢都食唔曬都係260元，真係好食又抵食

同老公兩個人晚上好想飲茶，就去咗九龍城嘉豐點心到食點心，兩個人叫咗蝦餃，燒賣，鮮竹牛肉球，蝦角，鮮蝦腐皮卷，蠔仔肉碎粥，仲有馬拉糕。蝦餃超級大粒，超好食，入面勁多蝦，啖啖肉。燒賣大大粒都好好味，燒賣入面有豬肉，有蝦，最上面有蟹籽，口感非常豐富。鮮竹牛肉球真係堅大粒，又彈牙，腐竹都好多。蝦角個皮超脆，入面有勁多蝦和加左芹菜，所以好好食。鮮蝦腐皮卷都係勁多蝦，外脆內軟又多汁，爆正。蠔仔肉碎粥勁多蠔仔，有啲方魚好香口，湯好鮮甜。馬拉糕好香黑糖味好鬆軟。仲有佢自家製辣醬真係好正嫁！兩個人食咗160元，超抵食，又好食，有時想飲夜茶，嘉豐必食推介

唔經唔覺又一個星期啦，今個星期五lunch同同事搭的士出去嘉豐食點心，因為附近得canteen = = 好頹入到去，已經座無虛席咁濟。好彩仲有張大枱。叫左壽眉，茶味都OK既，杯碗都係要洗一洗先既。點心未黎，就黎左蒸飯先，但今日唔知係咪多人失手啦，個北菇滑雞飯只係好微既既微暖，唔熱既之後先陸續黎啲點心每次都必食韭菜餃，個皮夠薄，又煎得好香好脆，入面既餡好飽滿，啖啖韭菜同豬肉叉燒腸又幾滑同足料丫蘿蔔糕都煎得幾香，但最後一塊食左一半就俾個啊姐拎走左，佢問都冇問過=,=點心太多啦，不能盡錄但呢間點心除左韭菜餃必食之外，流沙包都係另一必食既食物之一流沙包一咬就流心啦，好正丫，又好味牛肉球都幾讚，口感幾滑總括黎講，呢間平民點心，野食都唔錯啦，係服務上需改善下，特別係訓練新黎既姐姐，呢餐問佢拎豉油佢又唔知係邊，拎絞剪剪餃又唔知絞剪係邊，真令人沮喪。

有晚同老婆行九龍城，食得太多泰國菜都想食清淡d，去到啟德道就見到呢間有生滾粥食，就入去試下，入到去人不算多，於是坐落一張由兩張二人枱拼埋既四人枱坐下，有個黑口黑面既阿姐就話有人既話就要拉返開變二人枱架啦，我話ok，點左個及第粥，皮蛋瘦肉粥，一籠雞札，一籠牛柏葉，想遞紙搵人收order，叫左五次，冇人有反應，明明聽到望到但唔理，因為幾個伙記為左安排一枱三人客坐邊而討論中，所以一心不能二用，明白，但連唔好意思請等等都唔講句，態度奇差。粥都未來，黑口黑面阿姐粒聲唔出過黎拉開兩張二人枱，我心諗有人黎呢咩？洗唔洗甘呀。粥來了，我個人覺得皮蛋瘦比及第好食，而且及第冇豬腰。問阿姐攞胡椒粉，又係講左五聲唔該，要由細聲講到火先有人應，呢次真係唔知咩原因。食到最尾，皮蛋瘦入面竟然附送洗碗網綿之鐵線，叫黑口黑面姐過黎睇下，點知佢只係黑口黑面地講句：幫你取消佢囉。搞錯，一句道歉，對唔住唔好意思真係甘難？總結，食物ok，態度奇差，唔會再幫襯。