嘉豐點心專門店

营业中

休息中

星期日上茶樓人很多，但又想嘆番一盅兩件友人提議到九龍城食點心，不用到茶樓乾等尤其我們兩個人，上茶樓也吃不到多少蝦餃皇蝦餃外皮有透明感，口感煙靭大大隻，餡足料，蝦仁爽口新鮮~~~~~~白玉棉花雞棉花彈牙乾爽，不會過淋，入味雞件比較滑，熟度剛好~調味適中，吃不到味精味連底部的白蘿蔔都無渣鮮味~~~~~~豉汁蒸排骨排骨刀功有待改善，很多塊都痴刀，沒有切開而且有點太肥，幸好調味仍得宜芋頭棉棉的，非常好的配菜^^兩個人吃點心，比上酒樓省時間，又抵食~也是假日不錯的選擇呢！

我諗住係附近既人都會知道呢一間點心專門店，雖然成個格局就似冰室，坐埋一齊都幾逼，而且都要預早去排隊要位，而且佢就一定係比較污糟Ｄ架啦！但野食就真係一流！我同朋友最鍾意食既就係佢既蝦腸，皮滑蝦靚！而佢既牛肉球都係好好味的～不過可能服務員都係姨姨，所以服務態度就唔會好似出面咁服侍你，如果你同我一樣都嗌左牛肉球既話，你就要叫佢俾喼汁你（有時佢會直頭唔記得俾你）你就要自己去隔離拎，可能比較後生既細路會唔慣～不過你黎到附近又肚仔餓既，可以黎呢度食！

約11:15到達，已有不少食客。粥底綿滑，唔會水汪汪，料亦充足份量大件，饀料充足，腐皮亦炸得脆口份量非常大件，饀料分充足，韮菜味濃，外皮亦炸得脆口。此價錢非常抵食！如其他炸物一樣，份量夠大，蝦亦爽口，口味！傳聞話係手刴豬肉，故很期待。但不覺有很大分別，亦味道偏鹹....份量大件，味道唔錯，跟以往食到的一樣蝦肉爽口，但味道偏鹹總結：所有食物上枱時都熱辣辣，而炸物比蒸的好味，但所有食品的價錢都很相宜，因此亦值得一試。

我常和家人在這店飲茶。 貪這裡收得晚。 岩哂喜歡食宵夜的我。 這店款式都很多。上菜時間算快。 我最喜歡這牛肚 真超超正，夠淋且入味。 馬拉榚夠鬆化都不錯。 腸粉亦香滑，價錢算合理。真是宵夜好去處！

如果你吃過這裏的傳統點心，一試便會愛上。 熱騰騰上枱，大集團的點心根本沒法比⋯⋯點心紙一目了然，價值公道，每位茶介$3，不設加一，越多人越抵吃！作為港式點心愛好者，姐是這間店的常客！個人推薦翡翠三星餃和潮州粉果皮薄餡料靚又大大件蝦在內，無得頂三星餃內有芫茜！*haters注意返*大件到傻！棉花雞內有芋頭，滑雞，蟹柳，芋頭淋晒索入啲雞汁味，切勿錯過 鬆軟，係傳統的味道(你懂的)一個字，靚～唔似啲大集團隔夜鳳爪無理神彩～五大隻肥鳳爪，論骨論得好過癮呀鹹魚肉餅飯好食，薑絲多鹹魚大嚿，米飯軟硬適中！蒸得嚟唔會一pat pat四個人叫咗七個點心加一個飯，飽到傻價值＄162，超值！P.S. 阿姐加水收餐碟夠爽快，去了五次飲早茶都唔使等位，開心滿足

前幾日同女朋友經過九龍城，佢就最鍾意食中餐，所以我地就去左"嘉豐點心專門店”。我地點左碗蠔仔肉碎粥，D蠔仔都幾新鲜加埋肉碎好正，再加多碟菜心，翠綠非常，餐廳雖簡，味道卻不差，讚

店名：嘉豐點心專門店地址：九龍城啟德道19號地下好味指數:7.5/10價錢：$21魚肚滑雞扎雞扎有魚肚，雞和芋頭，味道不錯，但不夠入味。店名：嘉豐點心專門店地址：九龍城啟德道19號地下好味指數：7.4/10價錢：$16蜜汁叉燒腸腸粉質感較粉，但算滑。叉燒香口，豉油甜甜的，頗好味。店名：嘉豐點心專門店地址：九龍城啟德道19號地下好味指數:7.6/10價錢：$23至尊蝦餃皇蝦餃外皮夠薄，但口感不夠煙靭。蝦肉鮮味爽口。店名：嘉豐點心專門店地址：九龍城啟德道19號地下好味指數:7/10價錢：$22蟹籽燒賣皇燒賣味道不夠鮮，肉質一般，整體味道麻麻。店名：嘉豐點心專門店地址：九龍城啟德道19號地下好味指數:7.4/10價錢：$14流沙奶皇包一籠有3個，奶皇包鬆軟，奶皇汁濃味可口，但略嫌不夠多。店名：嘉豐點心專門店地址：九龍城啟德道19號地下好味指數:8/10價錢：$16芒果奶皇卷大家有吃過長洲天然甜品糯米糍嗎？這個芒果奶皇卷味道有9分與它相似，糯米皮夠薄煙韌，佈滿椰絲，包著鮮甜的芒果，叫人回味。一份有四件，其中一件芒果縮水了，但味道不變。

夜晚男友揸車同我黎左九龍塘，正當我地唔知食咩好時候，男友突然話想飲夜茶，又咁對面街呢間叫嘉豐既點心鋪未close,所以就決定去食，打開門發覺咁夜都咁多人，好彩都仲有位，我地點左7樣點心兩個人食，雖然呢間鋪頭係九龍城比起個d咩點心居冇咁出名，但食物質素絕對唔差，個奶黃包超好味，係真係流出黎，仲好熱辣，應該係即叫即蒸，糯米雞都好足料，但個香芒卷就唔好味啦，好似放左好耐咁，食落口好散，但除此之外其他我同男友都好滿意！有機會想再黎！

點心專門店最適合作為早午餐。這店由早到晚都有人在門前等，應該不錯啊~點心快餐格局加上去裝修，桌子是一排過，所以大家也算是搭搭臺。因為糖不甩胃痛，所以不敢吃太多。先來了的蘿蔔糕，看外型四四方方，也知道粉多蘿蔔少。臘味份量非常少，每片蘿蔔糕約有2粒臘味，沒有蝦米，所以糕底沒有什麼味道，但求飽肚。再來的是牛肚。蒸得太耐，咬下去沒有口感，顏色是紅色的，很老式的樣子。在絕望之際，叉燒包送上來。叉燒包熱哄哄，包子鬆軟之餘有咬口，撕下來之際見到一絲絲的，十分有質感。包子夠甜，叉燒也不會過肥，叉燒包超正。之後來的燒賣，底部太糊了，豬肉的問題。可幸賣相還是不錯。埋單2人共$82，很街坊的價錢。雖然食物質素普通，但街坊在店內打牙較過日辰，很有感情的。

 在龍城一帶現在要能找個地方喝茶吃點心真的是蠻有難度 (說起來真有點懷念從前賈炳達道的"富瓊"。東西雖然不算太好吃但勝在抵食夾大件而且人情味濃)。來來去去都只是得一兩個地方，位處於啟德道的這裡，是其中的一間....約大半年前來過。吃後留下的印象不深....可見於我而言，這兒的食物水準是真的好極有限....今次再度重臨，除了是點心癮一發便不能收拾之外，都是同一句話，區內晨早吃一盅兩件的選擇，確是少得可憐....點過食物後向四圍望了店中一下，赫然發現這兒竟也有分店的.....可見在本地開一間尋常的點心小店，依然是大有可為.....晨早起來，昨夜的食物早已消化殆盡，肚子很快便咕咕聲作響。一口氣一個人獨吞了三碟點心，是既有飽肚易滯的臘腸卷亦有較"小巧"的蝦餃也有"素"及"清"一點節瓜甫。三種點心各有不同風格各有特色亦濃淡有致....自己亦對這個自創點心組合甚為滿意....但很可惜的，眼前那蝦餃皮是甩皮甩骨的。以往吃過的劣質蝦餃它只是一夾皮才會甩掉，但這一個則是未夾已是甩了一半，那是正所謂"出師未捷身先死"了....那澄皮的水準，未吃便已可知個大概了....咬了一口....果然是又濕又淰又黐口。

未飲過夜茶，第一次就係係嘉豐飲，個晚同fd係九龍仔做完運動個陣都成12點，口痕想搵d野食，點知見到呢間野未close,就入去試下，叫左最愛的奶黃包，唔係誇張，呢到既奶黃包真係比起其他酒樓超好味，個餡係流出黎，又熱辣辣,我諗係即叫即蒸，我地唔係叫左好樣野食，但每碟都好滿意，而且價錢仲好平，好抵食，推介！本身唔係住個頭，如果第日順路會再黎。

收工後心血來潮想食點心，目的地九龍城，點解揀左呢間呢？其實好耐前刀已經食過兩次，每次我地刀會食一鍋飯！！實在很好吃，其次係食蝦餃，不過吾知係未平日呢，今次去已經吾係好多人了，中意食點心同中意飲茶兩回事，呢度既茶真係麻麻，不過3蚊位茶錢，係無得有意見，服務費刀要俾啦，如果你中意飲靚茶，建議最好自己帶茶葉去！！

新正頭開餐好地埗！只收加壹，樓面服務快，蝦餃皮薄爽口彈牙, 腐皮卷金黃香口鬆化燙口, 辣椒醬料適中, 座位坐得唔算密食品水準算中上,比起集團式酒樓的點心算最好。

香港地夜茶的地方有很多, 但水準好參差不齊, 其中一間我去過的可以向大家介紹一吓地點位於九龍城近富豪酒店附近, 飲茶最基本的, 係要有一壺茶, 一邊斟一邊食點心, 有些點心店只提供一杯茶, 仲唔夠熱的, 係最反感的件事, 這個要點要符合我要求我才會去, 嘉豐就做得到 食物有水準的, 蒸飯雖然唔係即叫即蒸, 但好味, 飯粒分明, 軟硬度適, 甜豉油都好味, 雞扎脤卜卜, 調味方面做得不錯, 蝦餃都有水準, 皮不厚, 有完整的蝦肉老闆娘好好人, 態度誠懇, 小生意我一定支持

蘿蔔糕真係值得一試再試，你食嘅時候絕對食到蘿蔔嘅鮮味仲要一條條蘿蔔，完全唔會好似出面個啲甘好粉。濃湯鮮竹卷絕對值得一試！記憶中出面好少有呢一味！個湯好味，肉夠鮮。仲有甜品食添！芒果奶皇卷係好食嘅仲要唔係好貴，好過去酒樓食