影片
营业时间
今日营业
08:00 - 22:00
星期一至日
08:00 - 22:00
以上资料只供参考，请与餐厅确认详情
今日嚟到上环打边炉，见到$198全包，仲要系无限时，而且任饮啤酒🤣即刻同咗朋友过嚟试吓有冇伏😌酒楼虽然比较怀旧，但系环境都干净企理，特别一赞系所有职员都非常有礼貌🤣系酒楼难得一遇！火锅系可以先拣食鸡煲，然后再打边炉，全部食材都几新鲜！特别系鱼，竟然有脆肉鲩鱼！😝食得出系鲜味，应该就系新鲜嘅！火锅汤底可以拣鸳鸯锅，唔需要另外加钱！沙嗲汤非常之浓😆大致上所有食材都好大碟，味道都高质，就算丸类都好食，适合一大班朋友或者几个人过嚟！顺便任饮啤酒
继续阅读
前晚一家去食自助火锅，起初抱住好大祈望，但最后好大失望。几年无帮趁，今次一试觉得完全吾掂，食物质素需要作出重大改善外，仲要添加款式。以咁嘅价钱不如加多小小去食放题。
继续阅读
如大家有机会去中上环食饭，可以考虑到此酒家。就服务质素(自动有礼)、食物质素(蝶蝶𩠌都精精神神)而言，其性价比之高在现时嘅香港，实在难得之至。大家北上之余，也看看有没有值得撑嘅本地店，以汰弱留强嘅理念，进一步优化香港声誉和经济。昨晚自带了一支红酒，问问店员是否有开瓶费。店员话无此收费，还主动协助开酒。因为酒塞老化，有木塞碎入了红酒。我地不知如何处理，店员就自动提供了隔筛，让我哋把红酒隔干净。碟碟食物就都好味新鲜，特别是龙虾🦞伊面更加是一绝。另外，有主动帮客人换骨蝶，在香港已经是历史了。每人206蚊，就开开心心享受了3个多小时了。希望佢哋继续努力做好，成为业界嘅榜样，救到自己、也救救香港嘅日益走下坡嘅经济。
继续阅读
喺嘉豪酒家叹完一场好滋味既早茶，真系满足到我呢位平民美食爱好者！开头𠮶啖蜜汁叉烧包，香甜得嚟不腻口，每啖都咬到饱满叉烧，真系太正啦！流沙奶黄包嘅流沙心够滑够绵，呢个比赛，流沙奶黄包赢晒！面层嘅流沙香浓又唔会太甜，食一个真系啱哂！𠮶个咸水角就有啲失色，馅料不够丰富，改善空间大大有。至于栗米煎鱼饼就系性价比之王，香脆可口，实在赞呀！鲜虾菜苗饺个皮刚啱哂不过软硬程度，馅料新鲜十足，咬落去仿似个口都回春咗！烧鸭濑粉嘅烧鸭唔算好多，但佢隐藏嘅美味系𠮶啲令人惊喜嘅甜美菜心，同粉条软硬适中，可圈可点。烧卖皮薄香嫩，肉感十足，一啖一件嚟个满足感真系💯！最后，饱鱼菇鸡粥真系丰盛得黎，每啖都食到鸡肉同鱼菇，粥底幼滑入口，虽然少少味精味但都接受到！啖啖肉香，满足感爆灯，嘉豪酒家嘅点心真系唔使太多花巧，已经系咁搞掂！试完之后实话实说，下次想食个靓早茶，我知道边度揾！🥢🍵🥟
继续阅读
【中西区】【嘉豪酒家】同浣纱娘喺西营盘揾嘢食，我就因为返香港冇耐所以想打吓边炉。附近好似都谂唔到有边度可以去食，浣纱娘就讲起呢间喺上环嘅酒楼。我就之前已经见识过佢哋其他分店，晚饭小菜或者早午饭市都食过，呢间就第一次嚟。嚟之前望吓 Openrice 先，见到都有啲负评，讲到个火锅几差吓，搅到我哋闻之而却步。但系我一向秉承「自古成功在尝试」同埋「人有多大胆，地有多大产」嘅原则去做事，所以大胆建议不如照去，唔系点证明食评真伪。去到就食 $208 嘅「任饮任食海鲜火锅无限时任食」，佢哋有「重庆鸡锅」可以拣不过我哋直接要「鸳鸯锅底」打边炉算。个锅有啲问题，侍应都好好态度咁帮我哋解决。而火锅料方面，啲肉类都可以，估唔到都唔差㖞。因为啲食评讲到佢哋啲肉类同服务态度都好差，所以特登留意呢两点多啲。而任饮嘅饮品包括罐装「醇滑嘉士伯」同「果汁先生」，唔差。佢哋呢度嘅火锅系冇加一嘅，所以埋单价两位夹埋系 $416，我觉得又唔算贵㖞，可以。。。（地址：上环皇后大道中328号中源中心一楼）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西区 #上环 #嘉豪酒家 #任饮任食 #海鲜火锅 #无限时任食 #重庆鸡锅 #鸳鸯锅底 #罐装醇滑嘉士伯 #果汁先生 #1am1172 #1ambackup
继续阅读