嘗樂 (譽都)

营业中

休息中

食物質素不俗，價錢也公道，但面對筲箕灣區新開多間有質素餐廳的競爭，應該改善員工的服務態度：非常差的服務。例如，幾次下午去，有幾張空檯，但侍應堅持要我跟陌生男士搭坐卡位，見有單獨男士可以自佔卡位，但單獨女士便一定要你去搭抬，即使餐廳內有幾張空檯，即使你走人不幫襯。侍應是在替餐廳趕客！

平時都會去食早餐， 以前會間中去食晚餐， 但由於食物質素大不如前同服務實在太不知所謂， 依家晚市已經冇咗去， 只不過都係貪方便先間中去食早餐。服務差都算， 茶餐廳要求不能太高 ，反正食完就走， 去結帳嗰陣時， 咁用八達通付款啦， 跟住新嚟嗰位收銀搞咗好耐， 手機八達通亦顯示已經扣了款項， 點知佢話收唔到叫個老闆出嚟 ，個老闆走黎話公司電腦收唔到錢， 叫我再另外畀現金， 本身諗住費事嘈，畀咗佢先。咁佢叫我打去八達通公司查詢， 點知八達通公司了解完件事都表示完全不合理， 表示根本唔應該再畀錢佢， 交易紀錄已經係一個好明確嘅證據， 證明我已經付了款 ，仲叫我即刻去拎番錢， 商戶話收唔到錢應該佢哋打去同佢查詢。 返到去個收銀態度已經麻麻地， 點知個老闆仲帶我遊花園， 叫我留電話有消息再通知我 ，即刻火都嚟，本身餐廳叫我同八達通公司查詢，人哋叫我落嚟拎返錢， 你又拖拖拉拉唔肯畀， 個幾十蚊咁少但都要拖個客，出面冇一間公司咁樣處理， 完全未見過間咁不知所謂嘅餐廳，唔怪之得啲客越嚟越少， 完全係趕客！一D唔好意都唔覺得佢有， 並冇為客人造成不便 ， 仲好意思叫我留電話，等佢有消息再通知我！伏，服務中

今日係我細佬生日，佢話去海洋公園可以免費入場，叫我陪佢去，咁啱衣家去公會買飛有折扣，一於捨命陪君子陪佢癲番一日。放假嘅時間，過得特別快。玩到咁上下就返返去筲箕灣屋企附近搵野食。屋企附近都有好多間食店最後搵咗間叫做（嘗樂）。我哋一坐低先嚟一壺普洱，再嗌豉汁蒸倉魚，金菇瑤柱扒時菜，七味豆腐，魚香茄子煲，同白飯。條倉魚好新鮮好嫩滑，啲豉汁又唔會太鹹，啱啱好。金菇瑤柱撈飯食啊最適合。魚香茄子煲撈飯一樣係絕配七味豆腐外脆內滑，好好味。最後餐廳仲送幾碗糖水比我哋食呢餐唔算太貴，尚算ok。

今日陪同家人到筲箕灣購物, 是午餐時間, 剛在此店門外, 便走了入内。 在店員示意下, 我們二人坐在四人卡座的一邊。 環境還算整潔。午市套餐是以日子來定當天所提供的午餐食物。 今天是八號, 所以家人選了"牛肝菌龍脷柳拼吉列炸蠔飯"配熱咖啡。龍脷柳煎得薄薄的; 吉列炸蠔(2粒), 我試了ㄧ粒, 味道一般。 反而那個汁味道不錯, 濃杰適中, 有濃濃的菇菌香氣和味道, 可能就是餸菜名字上的牛肝菌吧, 配上白飯來吃是不錯的。熱咖啡是一般茶餐廳水準。而我點了常1(即常餐1號) --- 沙爹牛肉仿鮑片一丁麵, 包括火腿奄列及牛油厚多士。 加$3轉配凍奶茶。沙爹牛肉以茶餐廳來說已做得不錯, 一片片牛肉不會煮得過火, 算滑嫩, 沙爹味也算香, 另有三片仿鮑片。 火腿奄列有很多火腿絲。 凍奶茶稍為欠缺了茶味。

今日落樓下諗住食個下午茶，隨便走入呢間野啦，見到人地個油脾都唔錯就即刻落個order。等下等下，隔離枱個餐由未食到食曬我都未有野到，大約15分鐘啦，咁正常嘅香港人當然係去催佢單啦。點知……DLLM，單都未入機，仲要走黎同我講油脾賣曬，叫我點過其他野食。你賣曬一早D講啦，仲要連單都唔入，我唔問你，我塵呀？一D唔好意都唔覺得佢有，仲好意思叫我轉餐，即走！伏，服務中曬伏。

上星期來過筲箕灣，今晚又來了。三個人嚟呢度食精選小菜。菜式選擇多，我哋點咗三個經濟小菜: 金菇瑤柱扒時蔬、重慶雞煲和豉汁蒸鯧魚。【金菇瑤柱扒時蔬】六十八蚊一大碟，瑤柱八多，味道OK。去大酒樓食的話，起碼收你九十八啦。【重慶雞煲】七十二蚊，夠辣夠惹味，雞肉都好嫩，送飯一流。呢個質素，大酒樓唔收你過百才怪。【豉汁蒸鯧魚】一斤重多少少，收九十八蚊，相對地就似乎貴咗少少。豉汁又嫌唔夠重，不過，條魚都蒸得啱啱好。飯後，仲送埋紅豆沙。紅豆沙好足料，仲有大大塊果皮。成餐飯都只係 $260，真係經濟又實惠。

近來天氣不似預期，時晴時陰，都係去歎番個快靚正午餐，快快食完快快閃，免得陣雨殺到變落湯雞就唔好啦嘗樂的常餐堅抵食又好食，今日食沙嗲味濃，牛肉又多，仲加仿鲍片嘅『沙嗲牛肉仿鮑片米』+火腿奄列、多士，+凍檸茶，飲埋凍飲都係$45咋✌️絕對係快靚正之選😋

個日下午茶去食， 想預約枱同屋企人一齊食夜晚飯當時有個戴眼鏡既男waiter話冇晒大枱啦初時諗住咁算啦， 下次再有機會先試點知佢就叫返轉頭， 話搭枱咁o唔ok?都冇所謂啦， 答佢好啦咁730啦， 同佢講完就開心諗住夜晚去點知夜晚715 去到， 見到同一個waiter, 即刻話冇應承過， 仲要話攞飛排隊問佢記唔記得， 佢又話冇應承，冇講過，點解可以咁樣！ 我叫晒啲人以後唔好幫襯， 又貴又唔好食！！！！！ 態度惡劣， 又唔跟進，根本就唔想人幫襯咁！

今日同同事一齊出去食午餐，由於我地一行7人比較難搵位，所以去左比較多大枱既嘗樂，我地幾個都食瑞士汁雞脾常餐火腿奄列正正常常瑞士汁雞脾都幾肥美，算好入味，肉質都ok滑，吾錯👍🏻公仔麵都吾會淋成個餐連野飲都系$43，幾抵食👍🏻

今日和同事經過呢間舖，入咗去呢間舖食嘢，叫咗個 栗米斑腩飯，今次係我第二次食過最難食嘅餐廳，餐具唔乾淨之餘，就連服務生啲服務態度都係不知所謂，所以忍唔住要再寫食評。其實早前食過佢灣仔分店，同樣噤難食，亦同樣已經唔係平架啦，假如唔係貪順路，一定唔會幫襯。我個同事話佢係劣食餐廳，點解可以難食到咁呢？希望佢比多啲心機煮好啲嘢比人食啦！既然叫得嘗樂，點解食嗰陣感唔到“樂”呢？真係冇下次，唔駛錢都唔會再食喇！

乾炒牛河，首先河粉勁油，油浸咁嘅，點食呀？成碟嘢無鑊氣、唔夠熱。河粉無色水、但又好多味精。想點呀？牛肉唔足料，唔新鮮；成碟嘢勁失敗。栗米斑腩，首先一定唔係斑啦，炸粉勁厚，得粉粉魚肉，好似咬緊炸粉團咁。栗米味道當然正常，但個汁又咸又水汪汪，唔知想點。成碟嘢勁咸，好多好多味精。揚州炒飯，又係好油！油浸咁嘅。明顯師傅廚藝唔得！呢d咁劣質食品，免費都唔會再食！

今天約友人在筲箕灣吃晚飯， 我們在筲箕灣道搵餐廳， 見到呢間舖人流唔少但唔使排隊，於是就入去試下。我哋一入到去大約八點鐘，我哋就有個卡位可以坐，見到大部分餸都係一百蚊樓下， 唔算太貴。我哋叫咗一壺香片，仲叫咗一碟鮮果咕嚕肉同濃雞湯鮮竹浸時蔬，再加兩碗白飯。 等咗大約五至十分鐘，呢兩碟餸都分別送上，首先係碟仙果咕嚕肉，分量好多，有唔同嘅蔬果有菠蘿有蜜桃有蕃茄有青椒，啲肉係新鮮肉，唔係雪藏嘅肉，同埋啲粉唔厚，咬落去啖啖肉，而且個汁有酸有甜 ,中和得啱啱好。 之後時蔬都送上，入邊有小白菜，有故有腐竹，份量都唔少，而且個雞湯好鮮味，同埋啲小白菜都幾爽口。

今早到筲箕灣嘗樂想食早餐，待應讓我們排隊，等了幾分鐘，有一卡位的客人差不多走了，突然有一名婦人衝進其中一卡位一邊坐下，有一名短髪戴眼鏡的女侍應立即走近傾談打招呼。我找來該女侍應詢問為何那名婦人不用排隊，得到是態度非常悪劣的回應，理直氣壯説座位是我們安排的，一個人是可以這樣有位就立刻坐下的，你們再等下。聽到這樣的回應，真的十分愕然，我們在外面排隊，熟人就直接入內安排座位。那女待應還囂張的説非常歡迎我把這次的遭遇放上網站。這樣的服務，真令人氣憤。

行過見到燈光幾光猛，又幾多人食，就入去試試。早餐呢個價位算係好平，而且都幾豐富幾多野食。不過選擇就唔算太多。而且轉米粉／ 一丁麵／意粉／烏東 居然樣樣要另加四蚊......好吧。。。叫左C餐同D餐～仿鮑魚火腿絲通粉配腸仔、太陽蛋及牛油厚多士。太陽蛋可轉全熟煎蛋，幾好幾好。而且仲兩隻蛋添！不過剛剛醒起，碟上面冇腸仔...怪自己冇睇真。。。吉列魚柳牛油粟米配太陽蛋同牛油厚多士。餐飲叫左熱好立克同熱奶茶。順帶一提附帶條款。都幾得人驚。

這間店早午晚餐都是非常好吃的，包括服務質量，食物質量，速度，環境。經理也非常通情達理，即使繁忙時段也給我坐卡位，更沒有催我離開。唯獨是早餐時段，在收銀聽電話落單外賣的問題