嘗清魚蛋王

营业中

休息中

呢間麵舖係啱啱新開，喺九龍灣MegaBox附近, 佢哋啲湯底真係超正👍🏻真材實料我真係飲晒成個湯底都一啲都唔口渴, 真係可以日日食都可以！地方唔大不過環境乾淨坐得都幾舒服！個人推介魚蛋麵，鮮蝦雲吞，牛腩河，三寶河！佢哋個有做早餐所以係附近返工嘅打工仔或者老闆有多一個選擇佢哋嘅鹹牛肉三文治烘底一流另外驚喜之一係竟然可以係麵檔飲到好飲嘅Americano , cappuccino 同latte！真係非常驚喜！最緊要係平靚正

行開見度附近新開左間魚蛋粉店，裝修間隔雖然簡約，但好有親切感☺️☺️抱住試一試既心態，叫左個雙拼河粉(魚蛋加魚片頭)黎到發現碗粉多左粒雲吞，成為我第一個驚喜老闆話新店試業，額外贈送比我試下😆😆驚喜在粒雲吞非常足料，新鮮，竟然有三隻蝦係裡面啊😲，據老闆所說粒粒雲吞都係人手製造，親手包架，果然不一樣👍🏻仲有仲有個湯底啊，呢個係第二個驚喜😉新鮮唔再講，而且恰到好處，唔會太鹹，感覺唔會太重味精😋，聞說湯底都係新鮮自己煲架估唔到小小既角落竟然有驚喜下次有機會再黎試一下其他組合先額外一提，老闆好親切友善，服務好好

話說個日去開九龍灣附近做嘢見到間魚蛋粉店，抱住無乜特別既心態！揀咗個牛三寶！可能佢菜單選擇太多我揀左好耐，最後上枱既時候老細送左粒雲吞比我！個下有啲驚喜，除咗個麵個賣相唔差，送個粒雲吞係堅足料，又新鮮！入面食得出係三隻蝦😱我心諗唔會蝕本咩同埋辣椒油又係秘密武器，比出面個啲粉麵舖又係夠辣夠香！又唔有油益味，自問食得辣既我，一小羹又將成碗麵帶去另一個層次！不過佢本身湯底都夠哂濃味！建議先試一口湯先再落辣油！起碼食完唔會好口乾先！最怕食完又出去哂錢買嘢飲解渴！同埋檸檬茶好大杯！下次再經過會再試佢其他款式！🥳🥳

經過見到有一間試業中既魚蛋麵鋪 諗住試下 雖然地方唔算大 不過都算整齊 老闆話佢最好賣既係雲吞 所以叫左一碗雲吞牛腩麵 雲吞好新鮮 唔算差 會再幫襯的 另外我見佢有自製手打魚麵 下次試試先。