噓

营业中

休息中

陪朋友喺上環探咖啡店佢帶我去左一間位於上環皇后街令人有驚喜嘅咖啡小店 《噓》咖啡店以工業風裝修為主佢地出名以自家炒咖啡豆試左black coffee同埋House White一杯手沖一杯機沖兩杯咖啡都有不同強烈豐富口感一杯比較nuttry的冰咖啡用espresso base底帶有堅果般的香醇另一杯熱咖啡就濃郁果香好突出2杯都好回味店內有多款不同顏色既自家炒豆不同口味的袋裝咖啡產品出售所有咖啡都可在店內享用或者買走每一款都各有特色唔知點揀可以問下店主又可傾下咖啡經

[ SHU ]以自家品牌製作咖啡豆出名，店鋪有一座大型炒咖啡豆機，有不同味道咖啡豆出售，想食啲輕食，呢度有兩款muffin，唔飲咖啡嘅都有其他non-coffee drink。餐廳主要飲black coffee、espresso ，如果想飲milk coffee，有一款House Beans 提供！☕️House White $45～ Brazil Sugar Roll 、Natural，冇糖嘅house latte，咖啡味道帶甘，口感柔和。🧁海鹽焦糖 muffin $35～ 面頭松脆，柔軟蛋糕，內𥚃有流心焦糖餡料，味道甜甜地帶少少海鹽味，好好食。

同閨蜜不約而同做完嘢都係上環，兩個啡人緊係要齊齊去嘆杯啡見下面啦～入左間水泥輕工業風嘅咖啡店，感覺幾Chill。環境好舒服，有種慢活感覺，好啱傾吓偈嘅地方。如果想坐戶外都有門口嘅坐位。店內主打咖啡，而食物就只屬襯托嘅少量輕食。不過依度嘅咖啡豆係店家自已炒嘅，味道大致分2大個方向😆就係果香味定堅果味～唔飲齋啡嘅人類都可以同店主講要加奶嘅咖啡。而我地分別嗌咗一杯凍嘅fruity 一杯熱嘅nutty 嘅齋啡。幾鍾意佢嘅Arabica 咖啡豆，富有果香同花香，口感細膩。而nutty嘅嗌咗熱嘅聞到個堅果味好似更濃郁。如果試過鍾意依度嘅咖啡豆仲搵店主介紹返有唔同嘅調配唔同重量可以買返去沖添架～

上環皇后街內咖啡小店”Shu”水泥牆輕工業風設計，灰色主調，入型入格🖤🤍🩶好多附近文職客人幫襯，短短半小時買外賣咖啡嘅人流絡繹不絕☕️奶啡只做Latte一款，主力做無奶無糖黑咖啡。有咖啡豆零售：咖啡豆以唔同顏色嚟分辨風味特性，唔同顏色令你聯想邊種水果/植物？就係咖啡帶邊種甜/邊款花香⋯ 踏入着緊短袖衫嘅冬季☃️到訪時見有X’mas Blend應節咖啡豆(Colombia Quindio Pink Bourbon) 。雖然本身冇特别偏愛玉桂陣味，但既然係一年一次限定豆，我支持！配合下聖誕氣氛🎄女咖啡師非常親切，一個人招呼全場客人木質調帶肉桂香，尾段帶微微辛辣感，aftertaste強度係印象深刻嘅強，非常大人之味。手沖比平常稍為濃厚，如果做SOE奶啡應該非常有爆炸性💥鹽味焦糖鬆餅裏面有流心焦糖做夾心，焦糖味道出奇地唔會太甜，但夠晒香，好啱配咖啡！

喧囂城市中難得的小憩之所 - 上環的精品咖啡店☕️餐廳採用灰色為基調，裝潢乾淨整潔又兼具時尚感。敞開式的吧檯設計，彷彿是一處小小的解憂空間，讓顧客暫時逃離城市的忙碌，與咖啡師一同品嘗精選的優質咖啡。各式咖啡器具和配料展示在架上，處處透露著店家對品質的追求。🌰這杯Iced House White $45 既有濃郁的咖啡風味，又有柔滑的奶油質地，中度烘焙的優質巴西豆散發出堅果般香氣。🍰食物方面，餐廳供應海鹽味/藍莓味的馬芬輕食。📍噓 (上環)-上環皇后街30號地舖

平時通常去飲咖啡，都會去一啲有好多款主食&甜品嘅coffee shop，但係今次meow小編就想試吓去一啲專門有手沖咖啡為主嘅coffee shop( ´▽｀)去品嚐獨特嘅咖啡(*¯︶¯*)☕️ 依度嘅咖啡豆都來自唔同產地～所以會有唔同嘅味道特色，大家可以因應自己嘅口味去選擇獨特嘅咖啡豆☕️(⁎⁍̴̛ᴗ⁍̴̛⁎)依間coffee shop採用咗簡約嘅泥土工業風格🧱，店內亦都擺滿咗不同的咖啡罐同☕️用具嘅擺設，睇得出店主對於咖啡☕️有唔少的熱愛和研究(OvO)💕💜Black coffee (Ethiopia Guji Uraga Yabito Washed)☕️💰$40最Classic嘅齋啡會品嚐到最原始嘅咖啡香味，而今次依款係店長幫meow小編推薦嘅fruity味咖啡豆，飲落唔會好苦澀，但係會有淡淡嘅果香味😽💕💜White coffee ☕️💰$45相信呢度都有唔少朋友係飲唔到嗰種咖啡嘅苦澀味，所以依款coffee就啱晒大家(o^^o)大家喺品嚐到咖啡嘅香味之餘亦都會飲到濃稠的奶香味🤤所以適合所有想嘗試飲咖啡嘅人🙂‍↕️💜Blueberry muffin🧁 💰$35本身諗住飲咖啡要攞一款甜食去中和下口感🤤點

上環一間旺中帶靜的咖啡店，工業風水泥裝修，搭配長形吧台，仲有戶外座位，整個氛圍真係好放鬆。這裡主打自家炒咖啡，而且用顏色來區分咖啡豆，讓人更容易分辦。 提供奶啡及手沖咖啡，朋友對手沖更有興趣，既可以即時睇到手沖過程，又可以興咖啡師分享心得。 而我就點了杯latte，奶同咖啡嘅比例剛好，飲落順滑香濃。 還有輕食選擇，兩款muffin ，我選了海鹽焦糖鬆餅，配上咖啡，味道正得不得了！整體來說，咖啡店無論係咖啡定輕食，都令我感受到一種獨特嘅咖啡文化，真係值得推介！

最鍾意周圍試不同嘅咖啡，呢間用咗水泥風嘅裝修，一張長形嘅吧枱再加旁邊嘅bench，仲有outdoor seating，已經感覺好chill😌一間自己都有做炒豆，唔同顏色嘅包裝代表着唔同嘅味道同風味，👧🏻店主解釋唔同顏色會聯想到嘅生果，咖啡就會做出呢個口味，譬如黃色會諗起芒果檸檬呢類型水果，飲上嚟會比較refreshing d小店有hand drip 同埋奶啡，今次選擇咗Bolivia 的black coffee 🙌🏻 如果平時又玩開咖啡的話，都可以買啲豆返屋企自己沖🤩店主都好friendly，擁有非常豐富嘅咖啡知識，有啲咩想問佢都會好耐心咁分享。見到呢間有好多熟客都會再訪，香港小店一定會再返嚟支持吓👏🏻👏🏻

呢日路過西營盤呢邊發現左呢間咖啡店。呢個位置係內街，都比較少留意。入到去係主要飲精品咖啡。同老細傾開先知連豆原來都係自己炒架。見到裡面仲有唔同顏色既packing，每隻豆present 唔同豆。而且都用左唔同既顏色去present d 豆，幾有意思。我揀左隻比較fruity 既豆，個人比較偏向鍾意winely d既。而老細運用左熟悉既咖啡知識去發揮豆既特性。最後出到黎既味道都有winely既after taste!!!另外就係環境，呢度比到我小空間去品味一下咖啡野食方面，個藍莓scone口感濕潤同埋有層次，同個咖啡都好夾。下次應該會再黎嘆咖啡！

上環呢邊真心好多優質咖啡店，今日又發掘到一間 自己烘焙咖啡豆嘅cafe！呢度理念係用顏色代替tasting notes去選擇咖啡豆我覺得好處係令品咖啡呢樣嘢變得更加適合大眾唔需要學習任何專業詞彙，回歸用舌頭去感受咖啡嘅味道我地喺店主嘅推薦下嘗試兩款偏向fruity嘅手沖咖啡兩杯都好balance，唔會好酸好苦，同有濃郁香氣另外呢度都有Muffins做輕食呢款海鹽焦糖鬆餅深得我地嘅芳心配合咖啡正啊！鍾意仲可以買呢度嘅自家制咖啡豆返屋企自己沖

Lunch去完新裝修好嘅皇后街熟食中心即刻喺附近搵返杯靚啡☕️有啲驚訝店面都幾大 而且有好多咖啡用具‼️香港其實唔係好多間精品咖啡店😛 呢度自己炒豆真係好用心❤️ 提提大家呢度只係提供輕食~❣️Ice Americano 每日要飲兩杯咖啡 其中一杯一定係Americano✅ 呢杯偏酸嘅阿美正合我意❤️ 味道有好多層次 後段有點堅果味😋 冰冰涼涼加咖啡因超醒神🫡❣️Ice latte平時我都會嗌熱嘅latte可以欣賞吓拉花 但係香港真係太熱了🔥🥹 latte嘅豆比較Nutty🥜 加埋奶係超級濃郁醇厚🍼 感覺好似加咗cream咁😛 咖啡嘅香氣可以喺口度好耐☕️裝修係水泥工業風 而且擺設幾用心每個角落都可以影到靚靚咖啡相😆🌟 可以靜靜地享受自己嘅咖啡時光☕️🕰️

《寧靜精品咖啡店🌬️》———————————————-#噓 ☕️ -weekend 自己一個人搵咗呢間精品咖啡店hea吓～比佢哋店名吸引到🤫就係想靜靜地休息吓，環境非常之舒服😌-小店主打咖啡同輕食，好有特色，嗌咗杯House White，飲個下有微酸，nutty 口味濃郁，奶香突出，飲完尤其醒神😍-坐下坐下都唔覺時間，有啲肚餓就加咗件salted caramel muffin，店員仲好貼心幫我reheat，叮完入面啲果醬仲流心添，焦糖味夠哂sweet，配搭咖啡一齊飲好夾😆-小店仲有咖啡豆零售，風味多元，而且包裝有唔同顏色，非常colorful🏳️‍🌈-🍌抵deal 指數：7/10

去做運動前時間尚早🧘🏻‍♀️經過一間位於上環嘅咖啡店，就坐一坐，自我享受，聽住音樂嘆嘆咖啡☕️好chill~推介推介✅Cafe主打售賣咖啡豆和咖啡，只有兩款咖啡: House Black & House White😌 House white 係有加奶，冇espresso咁濃😆啱我口味❤️也飲到好香濃嘅咖啡味，味道同出邊有少少唔同🙇🏻‍♀️入口有微酸味道👅幾特別☺️配埋一個菠菜酥一齊食😋雖然好邪惡，好多牛油同蒜蓉粒，但係好夾好好食House White $45菠菜酥 $48📍噓上環皇后街30號地舖

通常人地一日一蘋果 而小編就係一日一咖啡☕️ 每日唔飲真係唔安樂會全日好唔精神🥹今日卒之可以試吓呢間Cafe😍佢叫噓🤣個名夠晒特別，證明入去嘅人真係好想享受安靜嘅環境好好嘆一杯咖啡！佢哋嘅咖啡豆自家炒！入到去就會見到部炒咖啡豆，即刻覺得唔同啲，自家製造嘅味道😍今次叫左杯Ice latte 😚奶同咖啡比較均勻，飲落去嘅時候香濃咖啡味出咗嚟，飲個下有微酸，飲完又陣香滑嘅咖啡味喺口腔，真係好飲🤩另外呢度有輕食，需要安靜環境做吓嘢沉思吓，食少少輕食配上一杯靚咖啡必須的😌

噓 (上環)今日放假去左港島沿電車線慢活地行下～行行下就比香濃咖啡味吸引左入去～叫左杯house white 同 house black嘆下~咖啡好厚醇順滑，好正！咖啡店既環境好舒適，聽住音樂好chill～嘆完啡仲可以買自家炒既咖啡豆走！唔同顏色既包裝代表左唔同味道，可以同咖啡師傾下搵一隻屬於你既味道地址：上環皇后街30號地舖#shuuu #coffee #black #bean #saiwan #saiyingpun #cafe #bakery #shop #caffeine #chill #housewhite #houseblack #flatwgite #coffeebeans #slow #lifestyle