嚐瀛台日料理

营业中

休息中

【觀塘區】【嚐瀛台日料理】好耐冇行過藍田嘅匯景商場，我記得對上一次嚟都係為咗食吓呢邊啲餐廳，搞好「十八區 Foodie」呢個牌頭。不過我而家已經唔再以「十八區 Foodie」自居，只係掛羊頭賣狗肉咁樣仲係將啲餐廳按照政府十八區行政架構去劃分咁解，所以藍田都係觀塘區。見到呢個位好似好熟口面，依稀記得我好似食過呢間，但係已經唔記得係咪同一間。唔理啦，就走入去食吓。見到佢哋下午茶餐 $33 嘅「香厚吐司」幾吸引就叫一件「金莎朱古力」味嘅嚟食吓，個樣就真係唔多討好，成塊炭咁，食落亦都係一般，冇乜特別。個餐包嘢飲，飲細杯嘅凍「胚芽珍珠」，質素好普通。加 $18 食一人份嘅甜品「芋你周全」，有芋頭、芋圓、紅豆、仙草，正常水準。補 $10 食隻「滷水蛋」都認真麻麻，埋單 $61 中規中矩咁。落咗單先發現幾個朋友喺附近，順便一齊食，係幾有趣嘅。。。（地址：藍田匯景道8號滙景廣場5樓822號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodi

同其他評語一樣！真有驚喜🥸Set Dinner 有下午茶份量，讚食完岩岩好可以去隔離鋪食多份格仔餅，好體貼，讚80蚊 Set Dinner , 貼地，所以唔會好多人，讚6:15落單，6:50要食完走，啱哂香港人夠快！ 夠爽手！讚要注意帶背囊要盡量放地下，因為放隔離，會阻到佢入客， 但放左隔離都唔緊要，佢會照入客：） 個客望住你快快執野走， 你眼望我眼，夠驚喜！讚野食質素，就唔講啦😂（不能只有我中……大讚比高分比啲鼓勵）

今次第二次食，原因係第一次食完發覺又幾好味 ，我食湯烏冬，個湯底係有誠意嘅，飲得岀有鲣魚味道，我煮飯嘅，所以飲得岀佢湯底係有多種料煲岀黎，而飲品，係走甜嘅熱綠茶，好香茶味👍寫食評原因係想幫佢哋討回公道，只係食物方面，因為我唔係堂食，禮貌同店舖乾淨程度，我都不能比意見因為當我第二次想打去叫外賣時，見到有幾個較差嘅食評，其實嗰一刻，我真係有啲懷疑人生😂，明明上次食冇事喎，但點解會咁嘅？！但我女兒一句 「唔好執着啦，比個機會人，可能有改進呢」 ，我個人醒左😑，都係，試多次，真係岀事，咪至多唔幫襯，唔使諗咁多！但，冇岀事嘅，今次都好味😋，所以先諗住幫佢哋平下理，寫食評但當然，口味嘅嘢好個人，可能真係有人覺得唔夠好味，但我個人認為未至於差到咁嚴重，只可講，咁嘅價錢，公度，但又未算性價比高

呢間野真係垃圾到離哂譜，食物味道已經唔太好，加上懷疑間野係咪冇供應商供應糖漿俾佢，食過三次，三次都出事其中兩次係外賣第一次（堂食）珍珠奶茶揀正常甜就俾超少甜，同職員講話要正常甜唔係少甜，佢地竟然話已經係正常甜，我叫佢飲啖試吓，佢就話俾多少少糖漿我，算！第二次（外賣）就正常甜都係變少甜而且啲珍珠全部痴埋咗變一大舊野完全食唔到啲珍珠。第三次（外賣）怕左佢直頭叫佢多甜點知走埋甜，而且外賣盒個份量同第二次明顯細咗，擺明係下午茶時段啲細盒，我係俾貴價晚飯時段呀！食物質素就唔講太多喇但連一杯正常嘅珍珠奶茶都做唔到餐廳，冇心做就接咗間野啦，唔好水啲消費者啦！我以後唔會再幫襯呢間垃圾！

叫左KeeTa個一人飯堂諗住食下呢間嘢試下，未試過叫左珍珠奶茶（細）滑蛋吉列豬扒飯一食不得了呀…啲嘢又鹹，隻蛋都好鹹，又唔係滑蛋嚟豬扒算正常啲，都算厚同有肉吉唔吉列都算，車手送到嚟，一定唔會脆㗎啦但點解可以咁難食咁鹹點解會有咁多菇類係入面，都唔知食飯定食菇仲要杯珍珠奶茶係好淡，完全係奶水加珍珠🌚食哂啲豬扒都唔想再食落去一大半飯無郁過飯鹹，嘢飲淡一流啊真心唔會再有下次叫呢間嘢無謂比錢去食鹹嘅嘢仲要比錢洗胃

這次選擇了兩款熟食的使當雞扒大塊且厚身，肉質鮮嫩以及調味適中配上木魚絲口感非常特別但不會奇怪鰻魚肉質不錯，不過不失蓋在白飯上混在一起吃很香另外一份便當主菜是牛柳粒，份量很多且調味不錯木魚豆腐皮很脆很香，澆上豆腐的醬料也剛剛好整體外賣便當水準良好

服務也差，飲料嚟錯。金十菇肥牛卷定食。一大舊金菇厚得像髮卷，再被一塊煮得過熟鞋過我手肘的所謂肥牛包住。哟汁感覺到食水味，可能係金菇浸住的水染污了稀稀的醬汁。強烈感覺到師對煮食的無心。可能他/她失恋？昨天輸咗股票？定係想轉工？希望他一切安好喔，下個食客能有不同的光境。仲有嘢飲沒有什麼味道，正所謂食之無味就是這種體驗。多謝厨師讓我有切生感受。明白成語的奥義。為一可以可能是冷氣，大熱天時在涷飲不涷的情況下仍有一絲冷感，是店舖的唯一亮点