嚐麵潮州粉麵餐廳 (已結業)

其實都算係一間有規模嘅茶餐廳，至少檸檬茶係有檸檬🍋，不過啲職員一日都好似食咗火藥，問多兩句就走晒眉頭，態度超級差服務超級差😡又企喺收銀嗰位餐牌同質素其實叫做可以接受啦但係如果員工態度可以有改善就最好啦

Cls 一堆烏蠅飛嚟飛去隔離譜起碼有五隻一般又貴除咗麵以外全部50蚊以上 我都係冇位先食間餐廳有位唔係冇原因餐具冇洗乾淨叫咗多汁又冇汁走遠幾步食返普通厨王各位小心唔好中伏

今晚叫左個A餐北菇滑雞飯，返黎打開一睇真係吓L死，3舊北菇，其中兩舊係得層皮；5舊雞，其中兩舊有厚厚既雞皮及冇肉雞雞翼尖，盛為$51。除開呢d剩低係鼓油撈飯，呢間真係好伏，越做越貴，越做越差，千其唔好再幫襯！

公司放晏晝飯嘅時候，同同事去呢間餐廳食午餐，一來貪佢就腳，二來佢有粉、麵、飯嘅選擇，餐廳環境一般，走廊比較狹窄，但都坐得舒適！我叫咗個叉燒炒蛋飯，睇賣相普通，但係味道都OK嘅，唔油膩！同事就叫咗呢款飯，賣相就真係麻麻地呀，問同事味道如何？同事話係一般！

早幾個月前曾經幫襯過，早餐毫無驚喜，塊多士可以插傷你個口，服務員態度差，食物只屬一般。今日再幫襯，因為隔離餐廳排晒隊所以先過離，睇下有無改善，答案係無。去到門口同佢講一位有無位，望一望你就行左去，於是自己揾個位叫早餐，食多士要加三蚊，以前係唔洗加既，叫左煎雙太陽蛋，食落係凍，同服務員講，佢話因為我叫太陽蛋所以唔熱，我話蛋係凍喎，佢一路講一路行左去，態度差到極點，真係好難明，做一個早餐咁困難

尋日放左工去左跑步返到黎屋企樓下都九點幾接近十點了好在樓下有間茶餐廳仲未收鋪我好鐘意食佢扒餐因為一定無伏我叫左個「黑椒汁牛扒煎雙蛋配白飯薯條」用鐵板上黎到「沙沙聲」黑椒汁配牛扒非常好食而且呢個餐$48咋凍飲要加$8都已經好抵了所以我最鐘意食呢個唯一要改善真係職員既態度我地食緊野途中見到有個男職員不停包雲吞又吐啖仲要係我面前好唔衛生😑😑至於其他女職員態度一般友善呢間我比較少去食通常太夜又未食野先去因為佢地都較夜關鋪

位於我屋企附近的茶餐廳，人流唔算好爆棚，基本上都係有位的，不用等位。我都唔係第一次幫襯。先說說他的優點，幾欣賞他們的餐，如果唔選擇要飲品，可以加錢要糖水，有我至愛的腐竹雞蛋糖水及喳喳。食完正餐又可滿足一下食下甜品。至於缺點，職員態度需要改善的，黑口黑面對待，雖然是茶餐廳，但我相信待客至誠，客人是會感受到的。有好幾次都有想過以後唔再幫襯既感覺。有一次我叫完餐，我見太大風想轉另一張檯，之後我同職員講轉左過黎，佢即刻黑口黑面😱講返食物，今次我叫了墨丸米加油菜走蠔油，味道唔算太差，米粉本身有幾條菜配搭，清清地都唔錯。

啲野食都ok，扒較細塊，少少伴菜盛惠47，同其他餐廳比較，愛琴海岸個間啲職員態度好差，問一句頂你十句。我order左西式早餐，叫佢拎刀叉，同你講你唔洗用，啲扒切好曬，仲話早晚唔需要用，我就唔可以用？佢啲扒係就係切左，但你只係將塊正常大細既扒分開一半，然後淨係比個一半我，冇刀叉唔方便食囉。自己落單落反蛋，出到離係太陽蛋，仲要同你兜反蛋係太陽蛋，講到係我有問題咁。從來味食過一間態度咁差既餐廳！！

星期六放假日，就做乖孩子陪屋企入去屯門探親戚！下午時間，入到去就3點幾，食個下午茶行一陣就出番市區。咁晏走到入去就唔飲茶，去左茶餐廳下午茶，又平又正！點左4個茶餐：（茶餐包括一碗粉，牛油多士，飲品/糖水）1）沙嗲牛肉通粉2）薑汁牛肉通粉3）叉燒公仔麵4）叉燒米粉叉燒公仔麵叉燒米粉叉燒賣相都很好，味道都很好，又不太硬不太淋，剛剛好！沙嗲牛肉通粉，通粉唔會太過熟，有少許彈牙，沙嗲牛肉不夠沙嗲味道，尚可以。套餐包括：多士/餐包，腸仔/火腿/炒蛋/煎雙蛋味道很好，很有水準，看來都是即叫即做。店內整體都良好，舒服又清潔，枱凳都很乾淨！會再光顧。

今日遲了少少放工, 有D累, 想去返屋企附近的茶餐廳隨便吃晚飯~天氣太熱, 建生的茶餐廳都吃過了, 都沒有特別想食的, 剛好看到嚐味, 就想吃糖水所以決定吃它吧~加了少少錢把跟餐飲品轉成西米露糖水, 味道不錯, 但是西米有些是一堆的, 應該要"粒粒分明"才好吃, 可能煮完無點過冷河我點了豬扒炒公仔麵, 正正常常咁啦, 都夠熱的, 不過都係油了少少, 食完注定要肥一圈男朋友點了一碟星洲炒貴刁, 睇落麻麻地, 我沒有試食到, 所以也不知道, 但男朋友說OK男朋友要了杯凍檸茶, 都OK, 因為我的西米露是熱的....最後有半杯凍茶落咗我個肚~普通2個茶餐食了一百蚊, 普普通通咁又食一餐, 都OK的

嚐麵在建生邨好似開業了1年左右, 有粉麵同糖水食, 應該是跟廚房佬同一個老闆, 我間中都會去食下今天晚上想食湯麵, 所以就去了食嚐麵墨丸牛肚河幾好食, 墨丸彈牙, 牛肚入味, 最重要是一定要加腩汁! 我試過忘記加, 湯底淡淡的好似無味咁= =" 加了腩汁及辣椒油就好食好多白汁豬扒飯就一般般啦, 如果平時肚餓, 應該會唔阿飽~太熱, 叫了杯檸茶降下溫先好像可以唔要飲品要糖水, 不過今天真的熱到傻.....糖水是熱的....都係下次加錢叫~晚上突然想食麵先會去間中去食, 普通的茶餐廳質素

D間嚐麵都開左一段時間, 今次第一次去試下見到D待應背隻有"廚房佬"字先知係"廚房佬"開既, "廚房佬"係我心目中係一般而係正常既水平, 但估唔到開D間野就令我中伏排骨飯份量極少, 食完完全唔飽, 個飯有少少"行行地"既味, 估計用既米唔靚, 排骨唔夠惹味, 完全唔得雲吞河湯底完全冇味, 個雲吞有五粒, 算幾大方, 但D蝦唔夠新鮮, 似有少少梅梅地跟餐咋喳糖水全餐最好食係個糖水, 料多, 味適中唔會太甜, 但我入黎係想食正餐而唔係食糖水, 正餐唔得我都係會比喊樣的總結黎講唔好食, 唔會再黎食, 而且我坐到餐廳深處都仲係覺得好熱, 麻煩可唔可以冷氣開大少少呀?