嚟食 (已搬遷) 新店位置

長洲好野食人人都知 今日食左一間地道印尼餐廳黎遠已經比佢藍色的門口吸引住門口放左幾張枱椅 涼涼地 好舒服我地叫左印尼炒麵配串燒一來到見到靚靚的太陽蛋 煎到燶邊 perfect!印尼炒麵的麵質似我地平時車仔麵的油麵加上獨特醬汁同埋老闆特別推介的辣醬好香好惹味 👍🏽👍🏽👍🏽仲有燒雞椰醬飯椰醬飯味道唔係太濃 但同樣配上辣醬之後真係好正！必須一提旁邊的魚仔 帶小小甜味 而燒雞都好香口仲有串燒拼盤串燒即叫即燒 熱辣辣 好香口加埋沙嗲醬 入面有粒粒花生 甜甜地最後呢度有印尼地道罐裝拉茶 意外地好飲 唔會太甜 食完咁多濃味野食 飲返一啖就岩岩好

趁冬天就嚟完結，有咁好天嘅時候，當然要入長洲行吓，睇吓有乜嘢特色野好食。對上一次入去已經差唔多三四年前，而家再次入去感覺已經唔同晒，有好多新嘅店舖進駐，帶嚟一番新嘅景象。——————香港好少見到有好食嘅馬來西亞菜，估唔到喺長洲嘅呢間小店比到驚喜我。第一啖食落口已經食到好重嘅椰漿飯味，店家建議可以將飯同配料花生同醬汁撈埋一齊食，層次會更加豐富。秘製香雞好重香料味，咬落皮脆肉嫩，影真唔錯。食馬來西亞野點可以小得沙嗲串燒呢，今次叫咗雞同牛肉嘅串燒，呢度嘅串燒燒得啱啱好，牛肉雞肉都好入味，配上滿滿嘅花生沙嗲醬，簡直一流😋😋

今日同朋友約好左入長州偷閒半日 行經洪聖廟見到一間馬來西亞小店 睇睇落幾吸引就坐低試下 一坐低店員就有禮貌咁俾咗餐牌我哋 我哋兩個人點左一份嚟食沙嗲套餐同一份秘製香雞椰漿飯 嚟沙嗲套餐+香蘭龍眼水因為朋友唔食豬肉 所以只點了雞肉同牛肉沙嗲串雞肉方面雞肉嫩度適中 外皮烤得好脆 比我想像中一般食開既沙嗲串更高水平牛肉方面肉質處理得口感豐富亦有牛味最重點係個沙嗲醬 啖啖都有花生碎 有口感得來又充滿香味 秘製香雞椰漿飯+馬來西亞奶茶雞扒外皮煎得非常香脆再配合埋蜜糖非常香口店家建議將椰漿飯配合秘製醬料混合一齊食就可以試到有兩個唔同層次嘅味道咬一啖雞扒再配一啖有醬料嘅椰漿飯絕對有馬來西亞當地嘅味道 嚟到長洲一定要嚟食

tried the gado gado. nasi lemak ayam (chicken) satay singapore spare ribs soup bah gu teh and keropok. all very good no addlips flavour taste traditional. order to make. feel like home food in singapore cook by a family very nice service what i can say want to try all dishes and takeaway for all my singapore friends

平日想到長洲呼吸新鮮空氣但疫情下平日嘅長洲都算多人下午坐快船都七成滿座入到長洲想吃一個舒適嘅午餐走過到這間小店 友人說想吃椰漿飯就決定試一試小店不是向海邊 沒有景觀店內沒有座位 全部坐位是在店外我們二人點了：咖喱沾餅是素食咖哩，味道正常，但吃完不會飽。椰漿飯配秘制香雞一般，雞塊有點乾，椰漿飯味不太夠，份量略少，只有4小件雞。總括而言，不算太驚喜的小店，味道一般價格一般。

N年無入過長洲，感覺同以往都唔相差好遠，不過除咗一些老店之外，發現也開了不少新式嘅舖頭，例如呢間嚟食，主打馬來西亞菜，藍色嘅門面份外搶眼，餐廳位置狹小，座位都坐喺戶外，不過反而可以慢慢坐，享受一下風土人情和悠閒的生活。食物選擇方面唔算好多，主食有印尼炒麵和椰漿飯，主力仲有串燒，也有其他小食。印尼炒麵（$68）都OK有隻脆邊蛋加上椰菜等，唔會太油。椰漿飯（$58）就可以揀配兩串串燒或者係香雞，我哋就揀咗秘製香雞，雞件以外仲有半隻蛋和花生、青瓜粒等等，幾鍾意佢飯上面有炸小魚乾，香口好味。雞燒得幾好，味道唔錯。椰漿飯的椰漿味唔算好濃，但食得出比平時嘅白飯黏口。呢度嘅飲品亦都幾有特色，罐裝飲品唔係平時飲開嘅牌子，另外有兩款自家製特飲，我哋試咗香蘭龍眼水（ $28 ），都幾多龍眼，唔會太甜味道唔錯。

好耐未試過去長洲渡假屋，今次帶埋小朋友嚟體驗，當然都會周圍行吓，感受下慢活生活，嚟到呢間鋪坐低食嘢，叫咗個沙嗲套餐（ $98 ），有六串串燒同埋迷你加多沙律，再包一罐飲品。串燒都係豬牛雞任選，沙嗲味道濃烈，燒得唔錯，都幾入味。加多沙律係印尼特色食物，有青瓜、豆卜、荷蘭豆、蛋、芽菜、椰菜和蝦片，再加上啲少許特色馬來醬料，感覺都算清新和特別。罐裝飲品可選芒果汁、番石榴汁、橙汁等等，當中我覺得番石榴汁都幾好飲。另外仲試咗一個咖喱煎餅（$48）和so雞so餅（$48），前者就係一啲印度烤餅點咖哩，個烤餅熱辣辣烘出嚟，好鬆化多層，好好味，至於個咖哩就有少少辣，除咗咖喱汁之外仲有薯仔、洋蔥和炸魚仔，都幾有風味，值得一試。So雞So餅就好似三文治咁，用一塊烤餅夾住雞肉和青瓜，當然有少少醬料，一齊食落去個味道都唔錯，份量就唔算好大。

長洲除咗糯米糍，大魚蛋，海鮮，其實都仲有好多鋪頭仔。呢間小店就係俾佢門口一個海報吸引咗，小店入面比較窄，我同友人就坐咗係户外area，不過就要小心單車。當日員工話有個daily special係巴東牛肉飯餐牌冇，決定嗌黎試下，仲嗌咗個酥餅。野飲方面就嗌咗一個桔子汁同拉茶，兩個都係罐裝既。巴東牛肉既份量比較少不過都幾正宗，酥餅其實就係超市都買到既印度薄餅，好味。如果巴東牛肉多少少就可以用呢個酥餅包住食。桔仔水正常，拉茶好飲但對我黎講就偏甜。不過overall呢間員工友善，食物水準都中上嘅，total食咗$133，性價比就一般。

嚟到長洲行吓行吓搵到呢間野裝修幾好就坐低咗嚟食，叫咗兩個椰漿雞飯同埋一份芝士條一個椰漿雞飯盛惠$58，老實講如果個CP值來講唔算太高，因為椰漿飯椰味唔夠重，陣味唔夠濃，佢有少少辣嘅配料配埋啲魚乾仔，係幾惹味，但係撈埋個椰漿飯一齊食會冚左椰漿嗰陣味得返辣味，所以我覺得個飯麻麻哋。但係個雞係整得幾出色，食落口感嫩滑都多汁😋至於個芝士條就有啲失望，食落冇咩芝士味，瞌埋眼可能唔知自己食緊啲咩😣罐牛奶咖啡因為係罐裝所以都冇乜話唔好飲嘅總括來講我覺得雞係幾好味，我諗佢啲沙嗲串都應該好味但係我今次冇試到

放假特登入長洲玩，中午餓餓地諗住搵間餐廳食，經過「嚟食」見到Menu幾吸引就坐低試吓。嚟食辣嗎椰漿飯 配秘製香雞 $58個飯送到嘅時候老闆有特登教我哋點食，老闆話將魚仔同花生撈落個飯度會更加香，如果覺得唔夠辣仲有調味料可以落～魚仔同花生的確好香，自己食落個飯就覺得冇乜特別，冇乜椰漿味，雞肉醃得幾夠味，但係就柴柴地，成個飯我覺得冇乜特別，冇話好驚艷，中規中矩。嚟食咖哩沾餅 $48呢個咖喱係素菜咖喱，食倒裏面有啲薯仔同洋蔥，咖喱有少少辣，食落幾惹味，唔食得辣嘅朋友都應該可以接受，不過咖喱嘅整體就重口味咗啲～配上好似蔥油餅口感既沾餅，食落好油又唔係好脆，呢一款我有少少失望。個人來講就唔會再食，唔係太適合我嘅口味！

疫情的關係沒有外遊，咁一於本地遊啦，計一計好耐冇去長洲啦，今個星期日天氣十分好，一於嚟個長洲半日遊啦。上網做下功課，長洲開了不少cafe小店，我們選擇了這間新開的"La Eat 嚟食"，餐廳主打印尼、馬來西亞菜式、有串燒、秘制香雞椰漿飯、印尼炒麵、咖喱沾餅等等特色美食。餐廳全是户外座，門面已有一打卡位。先點两杯特色飲品香蘭龍眼水 $28補益心脾，養血安神話梅薄荷桔仔水 $28有點Mojito的Feel，好Chill。嚟食香蕉卷 $48這個是店員推薦的的五/六/日限定，上桌才知道每件咁大件，脹卜卜好飽滿，食時要小心爆汁，非常汁潤且甜度適中，幾特別。So雞So餅 $48這個也是餐廳招牌菜，見每桌都有點，點會錯過，餅皮好酥脆，餡料是自家製馬來的醬汁肉粒，好惹味，口感豐富。嚟食沙嗲 $45/3串可選 豬/雞/牛餐廳從醃肉醬料到沾沙嗲的花生醬汁都是自家製，好有Heart，味道果然不同。

放假嚟到長洲做港內旅遊，想搵個地方歇息，不妨可以選擇呢間新開嘅小店。所有食物都係即刻整，坐低大概15分鐘就有得食。或者可以考慮吓好似我哋咁樣外賣，拎返屋企。消暑解渴清涼，而且非常足料。仲可以反覆加咗三次冰水不停添飲，真係非常抵飲。斑蘭龍眼水，冰凍而且滋潤明目龍眼水，飲起來特別爽，養生護肝。 斑蘭葉嘅味道令到飲品額外清新。炸香蕉春卷作為一道甜品，一定要趁熱食。香脆嘅春卷皮包住溶化嘅香蕉，外脆內軟，咬下去之後香蕉嘅香味湧出來，柔軟寬容嘅口感，非常滋味。咖喱沾餅香濃咖喱配上香酥薄餅，可以當係小食或者配椰漿飯一齊食。椰漿燒雞飯

成年冇得出國，但年假都係要消，就約左朋友搵日閒日入黎長洲行下食下野，長洲雖然出名美食多，但印象中都係小食、點心同海鮮為主，行行下俾我地見倒有間食印尼同星馬菜小店，賣相都幾吸引，仲有得坐室外好relax咁，就坐低試下。嚟食係一間主打印尼同星馬菜嘅小店，主要做外賣生意，堂食位只有三張喺室外嘅枱，平日黎講生意算係咁，見佢都有唔少外賣單。Menu選擇唔算好多，主要食辣死你媽(椰漿飯)、印尼炒麵同多款小食，價錢全部幾十蚊有交易。嚟食辣媽椰漿飯($58) - 椰漿飯可以配秘製香雞或者兩串沙嗲串燒，由於黎到時太早未有香雞供應，我地就每人點左一份椰漿飯，串燒有豬牛雞揀。椰漿飯嘅靈魂一定係旁邊嘅亞參醬，小店其中一個老闆係新加坡人，原來個亞參醬都係佢地自己整，為左配合返香港人口味，亞參醬都係減辣版，如果食得辣，亦可以叫佢地俾個正常版試下，甜甜辣辣嘅亞參醬用黎撈飯真係一流，個人覺得如果個醬再甜多少少更好，旁邊仲有花生、江魚仔同青瓜。串燒唔會燒得太乾，蘸埋個沙嗲醬都幾惹味。So雞So餅($48) - 食到大半老闆話佢地個秘製香雞終於整好，問我地要唔要試下佢個香雞酥餅，因於椰飯份量唔算大，仲有肚量我地就叫左一份

長洲近排開了不少餐廳，今次來到這間是吃印尼食品。餐廳沒有室內座位，就是在餐廳外面坐的，所以可以帶同寵物一起用餐。餐廳以小食為主，也有飯和炒麵可以選擇。印尼炒麵，這款印尼炒麵配上太陽蛋和串燒兩串，炒麵不會很油，配上辣醬特別惹味!而串燒可以揀選牛、豬、雞，而我便揀了牛和雞，兩者都燒得很美味!嚟食咖喱沾餅，這裡的咖喱味道很香，內有薯仔粒，帶有少少辣味。而薄餅煎到脆卜卜，就算點了咖喱也能吃到薄餅的鬆脆!so雞so餅，這款餅是用上煎到脆卜卜的酥餅，入面夾上燒到很香的雞肉，雞肉沾了沙嗲醬汁，很香辣!還有青瓜夾在餅中，減低沙嗲的辣度，想不到這麼美味!芝心卷，外層的皮像春卷般脆卜卜，內裡有拉絲芝士，咸咸香香，非常香口!話梅薄荷桔仔水，桔仔水有淡淡的話梅味，也有薄荷的清涼感，很清涼很解渴。香蘭龍眼水，龍眼水不會很甜，有淡淡的龍眼味，很滋潤的感覺!

行完一輪又係high tea時間, 之前入長洲都唔覺眼呢間食店, 嚟食應該係新晉食店,  大樹旁下好遮陰, 加上外牆藍屋仔, 坐喺門前的小枱食野, 有一種好hea嘅high tea 氣氛,  又係新開的, 就梗係要試啦。今日天氣不錯, 又有點風, 坐著很舒服。店內是開放式廚房及收銀處, 不設座位, 座位在餐廳門前, 一對來自新加坡的夫婦經營, 果然是新開的, 今年6月才開張, 2夫婦健談及隨和, 鍾意跟客人家常閒談, 很有親切感的小店。主要提供馬拉食品So 雞So餅  ($48)酥皮薄餅包住秘製香雞, 酥皮餅全部即叫即製, 確保上枱時熱辣辣香噴噴。酥餅煎得色澤金黃, 可幸煎得乾身, 唔會油淋淋, 入口酥香脆口, 好食。秘製香雞有啲似叉燒, 不過味道就唔係叉燒醬, 係bbq醬嘅味道, 甜甜鹹鹹的, 秘製香雞烤颇香, 肉質實淨, 有點咬口。配上爽脆青瓜片及自家沙嗲汁, 佢哋個自家沙嗲汁調配得幾好, 香而微辣, 鹹甜度適中, 加上炒香左的花生碎增香增口感, 成件So 雞So餅味道配搭很不錯, LIKE。沙嗲串燒 ($45/自選3串)一人一set 唔使爭, 可以試勻雞、牛、豬三種味道, 三種食