囂 (已結業)

因為有朋友想吃西班牙菜，喺大坑發現左呢間，興高采烈去試！預先訂咗兩份乳豬，去到嗰日，個侍應話只得一份，因為個廚師話有一份準備得不太好，只供應一份俾我哋。都好少這些有要求嘅廚師。及候補左隻豬手，一樣咁出色。西班牙菜色唔在講，好有啲飲品都好有心思，譬如用earl grey 整嘅檸檬茶，真係必須一試，甜品都一流！廚師也學過星馬菜，試咗一個喇沙，好特別嘅combo! 睇到廚師與員工啲passion!好值得推介！PS: 因為食得太集中，忘記每一樣都影相!

與朋友補祝生日，簡左間新開張的餐廳,中意佢個名夠"囂"。餐廳佈置有心思，環境不錯。 首先叫左打蠔，澳洲蠔超新鮮，肥美夠甜易入口。三文魚伴紐紐青瓜條，夠特別，口感一流。睇隻火焰燒雞點 dancing，已大飽眼福😍。燒雞皮脆肉滑。風味燒羊肋排，上枱超香。吾多吃羊的我都忍吾住隊左成件。服務值得一讚。職員會關心食物是否啱口味，水準如何，有咩要改善👍。好野當然要分享，已經預定下星期再同其他朋友去試。

聖誕節就梗係要去食西餐啦！今日同屋企人去工展會，去完之後攰攰地去大坑揾食，一家人揸住部車，不嬲都係去食飯既地方首要條件係有得泊車，經過見到係依間餐廳門口有標位就泊車，成條街個門面最光猛就係佢！一於入去睇下佢有幾囂！一問之下，原來依間餐廳岩岩開張個幾禮拜！佢地係主打西班牙菜。小店人情味重，食飯時候餐廳既職員會問下你對佢地既食物係唔係岩心水，水準如何？又會傾下計，感覺就好似你去左朋友屋企食飯咁。今晚食左西班牙海鮮飯，豬手伴酸椰菜，鴛鴦薯條，蘑菇湯，火焰雞，甜品食士多啤梨樹！4個大人加2個小朋友食岩岩好！職員話下次黎之前最好問下有無新菜式，因為大廚會不定期試新嘢，但係數量有限！我自己覺得個西班牙海鮮飯同豬手最好食，個飯外脆內軟唔會太濕，個面既飯脆口有少少似煲仔飯既飯焦，豬手唔似出面果d個皮一味得個硬字食完上口腔損晒，阿女就好鐘意個甜品！最後係上菜速度唔會有似d集團式餐廳，一黎就係咁上菜，佢地係一個一個慢慢上，比你有時間慢慢食每一個菜，食到咁上下先上下一個比你！每一個菜放入你個口腔既時候都一定係熱辣辣，十分細心！小朋友成日整跌餐具，職員一見到都即時幫手換！成餐飯咁高服務態度同大廚水準咁高，埋單