囍雲軒 (奧海城二期)

营业中

休息中

經濟低迷下市民無心消費，結業潮首當其衝便是依賴酒席設宴的中式酒樓，僅餘的亦紛紛用震撼優惠救亡。餐廳近日推出了特價套餐，只需$368便有清蒸沙巴、脆皮雞和自選兩款小菜，還奉送糖水足夠四人分享。——————————————————✨椒鹽鮑魚✨$108額外加點了晚市特惠菜式，鮑魚比想像中厚身，有口感同時不會硬實。炸漿輕薄，佐以雜果沙律不會膩口，可惜用作承載的炸蜂巢不夠乾脆，似乎不是即製但整體而言物有所值。【$368特價套餐】✨清蒸沙巴仔✨時間掌控精準，魚肉剛剛離骨，肉質結實鮮甜✨脆皮燒雞✨略嫌外皮較油潤算不上極脆，但雞肉嫩滑甘香✨粟米海皇羹✨正常發揮，不要期望有大蝦帶子但每一口都有蝦仁或魷魚✨沙爹金菇肥牛煲✨邪惡熱辣辣煲仔，銀芽和韮黃爽脆水嫩的口感中和了吸滿沙爹汁粉絲的辛辣。唯獨勾芡沒有考慮到用煲仔上菜餘熱會盡一步收乾醬汁，結果過於濃稠最後奉送一碗陳皮紅豆沙作結，人均不過一百多已非常滿足，基本功架穩扎，沒有因進取的優惠而棄用新鮮的食材，是合格有餘的粵菜，難怪仍能在更替的浪潮中生存。

有同事離職，大家就一齊食餐飯聚下。包廳有得唱K，估佢唔到隔音又做得幾好，出邊大場完全聽唔到。講返啲嘢食先～食物嘅質素同份量，簡直係性價比高度一個點。首先個乳豬肥瘦適中，真係好耐冇食過有肉嘅乳豬。第二道菜已經波士頓龍蝦，蟹肉超爽口，食完呢個其實都飽咗一半。個西蘭花蚌片，啲海鮮食唔到雪味。係個鮑魚有少少失望用大連鮑。要一直食，除咗乳豬係我至愛，係炸子雞都係，呢度個炸子雞真係可以話皮薄肉嫩。淨係呢兩味餸，已經合格有餘。最後喺個櫻花蝦炒飯炒得相當分明，加咗櫻花蝦落去亦都相當有口感。另外別是係佢個甜品紅豆沙真係好足陳皮味，每人三百幾蚊嚟講真係好抵食。

同屋企人一齊想食簡單既中式晚餐✨就揀左呢間商場內既茶樓 唔怕天氣太熱 方便行動 港鐵站一出經商場行就到😬主要叫左幾個小菜同白飯食雞有啲部分有少少孩 但大部分都幾滑 口味上偏淡 可以自己點隔離嘅薑蔥增加味道😌呢道菜係我全晚最鐘意既 豆腐夠滑仲食到豆豉嘅咸味同帶子嘅鮮味 唯一係帶子偏薄身 如果可以切得厚身點 同叫到少油就完美啦 係送飯必備🤓避風塘炸鮑魚都唔錯 鮑魚好新鮮又大隻 炸衣同鮑魚一夾就分開咗🤔炸衣唔會太厚或者太油 呢道菜都值得一試菜心炒斑片 斑片唔會太老而且厚身 有煎過下再去炒 菜心都嫩口唔會食到有渣渣 成碟餸都算健康畢竟唔係太油😆最後茶樓仲送左甜品 紅豆沙同合桃露 俾我地食 唔會太甜 飯後一碗糖水真係唔錯❤️整體嚟講 值得再去食一次既 菜式都唔錯 冇太多伏位 不過職員人手偏少 有時候叫咗好耐都唔見有人幫手😶‍🌫️如果服務再好少少就有更好嘅食客體驗🙏🏻

早排落雨，過嚟商場搵食。但係因為冇book位，咁就無緣食到呢一間。隔咗一個月，又成班同事出嚟食飯，今次book咗位好快已經安排到入座。午市有個燒雞配米線，呢個性價比相當高，隻雞唔肥，啲肉又滑，上面有層芝麻加多咗一重口感。平時飲茶好少食包，今次同事又叫叉燒包就試吓。食落去都幾足料，d餡仲有少少酒香味。芋頭糕外脆，裏便好多芋頭粒好有咬口，又有臘味嘅香味。另外蝦餃同埋燒賣啲蝦肉都好爽口，餃皮都夠薄。另外叫咗個甜品，侍應介紹咗個椰香小米糕，我都覺得偏淡。反而午市佢有糖水，個紅豆沙有陳皮味，呢度值得一讚。

二人食下午茶，比我牆邊位置，枱細不特止，仲要在走廊位置中間，頭頂對正風口位，多次調枱，無人理會，工作人員左推右推，先終於有部長過嚟安排執枱阿姨串過碼頭咕喱叫人加熱水，態度又差，好似我阻緊佢做嘢咁….點心又唔夠熱真係貼錢買難受！

消費降級，很少全家外出吃晚飯，一年可能十次。最近屋苑群組大家討論附近商場那家中餐好吃，有住客話這間好ok, 雖然open rice食評一般，但假日沒有工人姐姐，咁都試下啦，讓家中兩位老人家和我及五歲小孩四人出來走走。我們6pm已入坐唔多人，所以服務周到。原本已散叫一些普通菜式，後來見到2人套餐538有龍蝦一隻，又有乳鴿一隻便立即轉軚，叫2人餐加多一隻乳鴿和一個咕嚕肉。套餐的湯是功夫茶煲倒落小杯，好清甜的湯，打開壺蓋見到有好多料，竟然在家中不飲中湯的小孩好鐘意. 乳鴿都好夠熱及味道好。跟著原來龍蝦才是驚喜，presentation 好特別，不是跟伊麵，而是有味飯加脆米，重點係龍蝦肉質好好又新鮮，兩老食得特別開心，好像發現新大陸。跟著之後的幾道菜都滿意，還有紅豆沙。我諗來吃的都是附近街坊，本商埸的人流也比較少，寫食評的很少，而且附近其他幾問餐廳退步了，這間是不錯，我覺得要平反下。

看見一張$3888手工菜單菜式幾新鮮，諗住試吓新嘢所以幫襯，點知中伏。先講服務， 13人坐嗰張枱細到不得了，大家縮埋一舊，經理仲話嗰張枱鎖14日。食到中途，發覺點解一路冇嘢飲，攞住張菜單問經理，明明包啤酒汽水點解冇出現，佢先至話唔記得攞飲品俾我哋。講返餸菜，除咗最尾的紅豆沙糖水，冇一道菜係好食嘅。-椒鹽魷魚硬到死衰過飲茶嗰啲貨色-鵝肝鮮果五層豬一大嚿凍嘅唔知乜嘢搭埋一齊，無論賣相味道都唔掂，有幾嚿冇人肯食-紫砂茶壺功夫湯，只不過係將啲湯入落茶壺裏面，有人話食到幾粒響螺碎，我淨係食到瘦肉-蟹肉巨峰葡萄係呃人嘅，首先完全沒有巨峰葡萄同埋係室溫嘅，只係用冬瓜浸咗紅色水扮葡萄肉上面加啲凍嘅蟹肉，全枱13個人只係得一個試咗，跟住其他人全部唔肯食。最離譜係上面有幾片扮金箔嘅物體，千祈唔好夾嚟食，唔知係乜嘢嚟㗎-香芒鍋巴蝦球係用脆漿包住隻蝦炸到一大嚿，又係室溫唔熱嘅而且非常硬，要剝咗啲脆脹嚟食隻蝦，當然啦隻蝦係完全冇味嘅雪蝦，我情願食白灼蝦-胡椒蘿蔔浸星斑仔果然好細條魚仔點比12人食，而且攞條星斑去炸你話有幾好食吖？-富良嘢3.6牛乳鮮奶雞個名離晒譜，作到咁大原來只係普通嘅炸子雞，仲係雪雞嗰種-最正

長老80大壽 「囍雲軒」菜式無失手，海景房有K有麻雀啱哂太后，唯一廁所要用商場差啲。🥂乳豬皮脆肉嫩上檯保持熱辣辣👍🏼🥂蒸蛋白底釀白花蟹鉗取代炸蟹鉗健康又有特別👍🏼🥂雙蚌炒西蘭花，味道不錯🥂新菜式松露蟹肉釀牛油果新穎又有特色🥂翅就一般般🥂六頭鮑魚炆鵝掌有啲睇頭，非常入味又淋滑生菜爽口很好。🥂紅燒脆皮炸子雞稍微乾身，皮保持香脆。🥂海清蒸大海班🥂最後瑤柱炒飯乾燒伊，飽到暈咗壽宴當然要額外添加壽桃包喇！一圍連酒水包加一有房都係 $5288 另加 $150 壽桃包皇太后有贊無彈已經賺咗🤭

個多月年已打電話預訂一圍團年飯，今日早上打電話去加位，職員竟然話我冇訂枱，是晚已包場，仲問我係咪book 左其他分店，我check 番電話記錄，的確有打電話去奧海城，不知道那位職員幫我留枱。最終搵左幾間才找到枱吃團年飯，以後都不會再去😤

一直喜歡奧海城分店，也推介了不少朋友。但今早卻碰到不愉快的事情。場內只有六成滿，服務員不許我們兩人坐小圓臺，說是給四人的。以前沒有這種理由！但是我看到八成都只坐了兩人。她要我們進房，那就算了，到了房又說沒有，因為全是大臺。問題不解決，之後就不理我們。服務極差！

客服經理服務態度一般.昨晚食晚飯.原本想叫這餐牌的$1680的套餐.餐牌標的是$1680組合.問客服是否以下餐單上的食物可以任叫.她說是的.問了數次都說任叫以下七樣.但原來係不同套餐價錢.餐牌標題混亂.容易中伏.

我家皇太后壽辰選均奧海城「囍雲軒」裝修同食物都令到太后滿意無投訴🤭無敵海景房環境一流🫰🏻原隻乳豬皮脆肉嫩😋上湯龍蝦伊麵大蝦帶子炒西蘭花生菜鮑魚炆鵝掌清蒸東星斑炸子雞瑤柱扒豆苗櫻花蝦蛋白炒飯，水餃長壽麵蟠桃大壽包

昨天中午至下午茶時間到食飯，又點了中午限定優惠，一直有點，味道不錯，賣相好，昨天不例外，竟然來了好似食剩的雲耳香蒜蒸班頭腩，跟我一直的完全不同（沒有粉絲）賣相差好極點！找經理問問，他按餐牌照讀，說餐牌上沒顯示有粉絲，跟住用抬上匙撥開數一數共六件以上，敷衍了事⋯⋯再跟經理傾了一會，但沒過來交代，叫他問問廚房又沒行動！舊的經理在那兒！為何此間食店忽然變得咁差！是否想趕客⋯⋯難理解今時今日有這態度，前人打理咁好！真白白浪費！希望正視有關部門吧

週末同屋企人飲茶，簡左來奧海城，因為容易泊車親戚介紹依間咁就一嚐佢的點心，來到剛好係下午茶時段，大約3點 入座。落單無耐，就被通知干炒牛河賣哂，想轉燒腩仔瀨粉，又賣哂。一肚氣，唯有只食點心。第一個介紹係脆麻花，隻皮不是用傳統皮，再加左個極有新意的柚子醬，完全破壞我的認知，真係食不下口，平時都好鍾意食脆麻花。。。之後到蘿蔔糕，唔算好脆，冇乜臘味，九流刀工，有圖有真相。糯米卷，麵包身帶甜，個人認為用錯麵包。極少花生，糯米唔好食，超差的比例。牛肉球，肉身非常腍，應該溝咗大量肥豬肉，唔好食。之後仲有粉果燒賣等等，不過不失冇再影相了。順帶一提，廳面用咗非常花巧的吊燈，好多塵，見到都唔開胃 🤮總結：好的點心師傅越來越少，咁樣嘅質素我寧願食快餐店。

我uncle日日都飲茶嘅，對食物嘅質素要求好高，價錢唔係問題，食物質素係最重要，一分錢一分貨，一分錢而家就做唔足，先講紅白炒飯，炒飯非常乾，啲飯好似冇煮過咁，啲汁就夠熱嘅，第二道菜就係芫荽叉燒腸，呢度菜就唔錯，不過餡料可以多啲，第三道菜係炒手，普普通通，啲汁唔夠味，蘿蔔糕煎得唔夠金香，蝦餃又唔好食，唔鮮味，燒賣就整到綠色嘅，完全又唔好睇又唔好食，直到我uncle唔開心，我以後都唔會食呢一間，仲有個金色糕，我情願食普普通通嘅馬拉糕。