囍囍美食

营业中

休息中

今日約左人係深水埗食飯，我早左到未夠鐘，之後我周圍行，去左間小食店。我見人流都算唔少，應該都靠得住掛。之後見到岩岩有魷魚即炸，所以叫左一包。份量算唔錯，炸粉適中。👍🏻👍🏻另外仲叫左雞扒感覺唔錯下次再試

街頭小食周圍都有 今日經過深水埗突然好想食下炸椒鹽魷魚鬚🤤 宜家周圍既魷魚鬚越賣越貴 呢到$25一包都算合理 最欣賞佢地既地方係佢地肯同你翻炸魷魚鬚 仲要唔會黑面！等你食既時候仲熱辣辣😋😋

突然想食串燒，就唸到囍囍，所以又走去外賣，呢到有好多嘢都好好食，好似魷魚鬆，生腸墨魚，炸大腸，煎釀三寶，我全部都食過好好味，不過我最鐘意食串燒，孜然粉再加D辣，燒出黎又惹味又好食😋😋燒韮菜，燒玉豆，燒茄子🍆———真係燒得又香又好味👍👍👍👍燒秋刀🐟———燒到脆卜卜，熱辣辣，脆到連骨都食埋😋燒🐔軟骨——-粒粒都係軟骨，有口感又脆又好味😋👍燒墨魚咀——-大大粒，又香口又夠昧道👍👍👍👍

This is one of the most popular street food stores in Sham Shui Po. The price is very reasonable, and with many Hong Kong local snacks. Including this “stuffed three treasure”, it sells $10 for 5 pieces. You pick any 5 pieces there. And add the sauce you want. Try to add the red spicy one and soy sauce.

嚟到囍囍，就梗係要侯住冰鎮滷味啦，呢度嘅滷味款式都幾多，如~雞腎、豬頭肉、豬耳、生腸花、紅腸、大生腸、墨魚、豬脷、豬心、黃沙豬潤、生腸、大雞腳$8元，小雞腳$5元、其他滷味一律$10元，不過我發現原來仲有一種滷味係比較少見嘅，就係呢種驟眼望落去好似係大生腸，但又唔係大生腸嘅滷味，我問阿姐係咩嚟，阿姐話係生腸再上D嘅位置，所以暫時我都未知道呢款滷味嘅正確名稱係咩🤣，我唯有暫時叫佢個名做爽脆啦，食落真係幾正，好爽脆，咬落嗦嗦聲，食一串未必夠，點都要再嚟多一串先至得

今日返工之前，嚟咗深水埗食晚餐，食完之後順便買咗啲宵夜返去比同事食。但是突然間想食煎釀三寶，今晚就比我見到呢一間囍囍美食。比較欣賞佢呢一間小食鋪係因為佢啲價錢標注得好清晰，明碼實價。煎釀三寶嘅價錢係$8蚊4件，或者$10蚊5件。2個人食，所以買左$20蚊10件。佢嘅煎釀三寶嘅種類選擇都好多，差唔多有成10樣嘢揀。不過唔知阿姐係咪計錯數，到最後只係比左9件我。$10蚊5件，都真係好抵食。基本上，除咗豆腐之外，每一舊佢都會釀左魚肉上去，只係煎釀三寶真係非常油膩，唔適宜食太多。

呢度嘅冰鎮滷味真係處理得幾好，因為真係夠凍，食落有少少涼爽嘅感覺，咁樣先至係最好食，而且呢度嘅滷味係均一價$10元，好抵食！最犀利就係呢度連滷雞腳都有得食，又有生腸花，雞腎非常爽脆，咬落嗦嗦聲，過癮~過癮

囍囍美食的辣魚蛋太吸引其實個肚已經吃得飽飽，但經過這間小食店，你一定要食番一串辣魚蛋。咖喱魚蛋每串只是6元，但是魚蛋有咬口、咖喱汁的香辣、還有這兒的氣氛，每人都拿替一串串魚蛋、魷魚、生腸、還有其他其他呢，個個都吃得很開心滿足。其實這兒的魚蛋真的很辣，哈哈，你可以選唔辣，我唔係食得太過辣，但我就是喜歡這個味蕾的刺激，很痛快啊。

經過這間鹵味小食店，見到好多人企係到食緊，我望一望見到好多選擇，樣樣都好吸引，但冇咁多錢，淨係買左串墨魚，好滑好爽口，落埋紅黃醬，甜甜辣辣咁幾夾，下次試下其他款先。

香港街邊的小食檔是本土特色，4喜根本唔洗多講，本區居民、常到附近光顧的食客、遊人都知道4喜的吉吉有幾好味，但不得不提的是以下三款好野! 雞腎、墨魚、生腸，記得要齊甜醬、黃芥辣同豉油。老細好有禮貌，一個負責搞食物，另一個會在旁幫手收錢，相信因為好多客所以分工合作是最有效，搞食身的大叔動作實在太快了，平日都工多技熟吧。根本就不用等一分鐘就買齊想食的正野!雞腎：完全唔淋，爽口得來肉質厚實。墨魚：口感彈牙得來煙煙靭靭，最喜歡食墨魚腳，好Q口啊 !生腸：其實並不是生食的啦，4喜將腸臟洗得乾乾淨淨，入口彈牙爽口

約左朋友在深水埗食飯，我因為要買電子零子，所以早到左深水埗，反正都冇野做，係黃金商場附近有間小食鋪，買左串生腸黎食，好爽口，唔會好韌，加左少少醬，帶有甜味味道都幾夾

哩間小食店我知開左好耐，但從來都未買過黎食，今次見食完飯都未飽，買少少試下先，揀左生腸，好爽口，落埋甜醬芥辣醬，兩個醬加埋真係好夾，仲有豬頸肉，一樣好腍身同爽口。

坐落於深水埗的這間街頭小食店，是一間挺有良心的店子，因為香港現時有許多街頭小食都做到做難市，很多小食店質素都很差，只是想呃遊客錢。而這間街坊小店，食物的質素有保證，對得住街坊對得住良心，深水埗真的有很多良心鋪頭，雖然這裡最貧窮的一區之一，但是這裏的人和店都很有人情味。我通常都在這間店子食一串辣魚蛋，而很多朋友亦會推介芥辣墨魚，雖然是生，但放心是很衛生的，不用怕街邊食生東西會肚痛。價錢是10分抵食，很街坊價。

傳統小吃是香港人的回憶，香港人的一部份。記得由小時候至外出工作，都是街頭小吃的擁躉，上班後才少了幫襯。今日去深水埗這個小食天堂，一於去串番一串魚蛋，這實在不錯啊！魚蛋結實 可算是彈牙，有兒時的味道，如果你問我有冇魚味，我就比較難答，因為我是吃到咖哩味的魚蛋，其他就只是吃傳統小食的感覺！他們還有其他種類的小吃如大腸、燒賣、牛肉、炸雞扒、司華力腸、碗仔翅 …等等，你也來試下啦😋

哩間小食店超多人幫襯，我經常都會買返d串燒黎食下，價錢係比較偏貴，但貴得有道理，佢地食物的確幾好食既，如果唔係一早執左，但魷魚鬚絕對唔建議買，賣相好睇唔好食，放得太耐硬晒。