囍慶酒家

营业中

休息中

與好友去吃個中午飯，好友就立即提意這裡，箇中原因就是為了4 小時的免費泊車。 但原來平日吃飯只有2小時，而假日則有4小時。 不明白的話好好做好功課，先問好才選擇呢！2人去吃飯，叫了很少點心便飽了，但總算叫了一些心水點心，還是可以估計此處的點心質數。 先來的是燒賣。 這裡的燒賣豬肉有成，蝦肉則有兩成，而肥肉佔量也多。 所以燒賣彈性不足，但豬肉味道和油香甚香。 不是我愛的燒賣味道就是了。 再來一個牛肉腸粉。 先說腸粉的皮，米香濃郁，彈性也足。 所以，腸粉的的皮是做得頗好！ 但牛肉的味道則是行貨，牛肉水分較多，調味也不走。 最令我驚奇的是，牛肉內竟有粟米。 老實說牛肉腸粉無法配合粟米的味道，這個腸粉因而失色很多。 接著是蝦餃。 幾乎全部是蝦仁，豬肉只有少許，荀粒欠奉。 味道就是一個層次的蝦和雞粉的味道。 但也要一讚它的餃皮，做得不差，皮彈性不錯，厚薄也剛好，有咬口亦不黏牙。 而且，包蝦餃的形狀也對辦。 至少好過很多名牌酒樓，是驚喜！再來就是綿花雞。 綿花 (即砂爆魚肚) 過少，吃此菜就是主打要吃綿花，這裡的綿花也做得不錯，有紹興酒的酒香，分明就是用了來辟去魚肚的腥味，魚肚本身也夠厚身。 然而

一坐底，店員拿來一碟酸菜，甜酸度適中又爽，好好味。老乾媽乾扁四季豆：香味四溢，有鑊氣，但油膩和四季豆唔夠爽。干迫酒槽雞煲：酒槽十分香，再濃些更啱我口味；雞肉算是嫩滑。鹽焗蟹將軍：2 至 6 位送贈，蟹肉鮮甜，好抵。環保清幽，服務又好，是其他酒樓比不上的！

其實今次本來係馬鞍山諗住搵野食,但係區內大部分餐廳都已經食過哂,所以諗住試下其他野之前一直都有去開科學園食野,貪佢環境好,交通都算方便(不論是自駕定係搭交通工具),所以就去呢到啦!今次去到等位都需要一D時間,不過又無咩所謂,門口又有雜誌可以睇,又有WI-FI(科學園提供),,問題不大入到去,更係睇睇有咩食啦,都係普普通通咁,就叫D之前未食過既 (所以得好少)第一道:呢個炸豆腐外脆內滑,不過稍為油左少少,總體上都好味,夠哂熱咁上碟第二道:又係炸野 呢個D蠔就唔算特別大隻,但係食落去鮮鮮地,味道夠補,不過都係果句,外表都係油左少少今次影得好少相,就算食左都無影低 所以分享住咁多先啦,下次再有機會發表更多!

因為今天唔使自己比錢, 所以決定"豪食", 點了很多平時覺得貴而又唔會點的食物! 以下是依上枱次序的: 法式焗鮑魚> 上枱的時候, 嚇了我們一跳! 因為我們以為係一碟有兩隻大少少的鮑魚, 點知原來係一碟有六隻細的, 但都上了枱, 點都要食家.味道真的很一般, 完全食唔出有鮑魚, 粒得很細...要分開其他配料先見到一粒仔...真的唔推介~~~唔值!!!鮑汁鮮蝦荷葉飯> 味道超一般!! 鮑汁味唔夠, 但勝在飯的咬感幾好...蝦方面就太乾了...唔太好味...整體一般, 飽肚之作!!!椒鹽山水豆腐> 好平淡, 但豆腐方面真的幾滑! 但唔太熱~~ 食一兩粒已足夠, 完全沒有想狂食的香口感覺!!!殿堂叉燒> 好味!!! 雖然賣相唔得, 但入口的感覺完全被佢騙到呀. 肉感很"林"!!! 唔使太用力就可以把它咬掉了...很適合老人家食...海皇帶子腸>太沒味道了,,,根本唔值"特點"這個位置!!!水晶蝦餃皇> 唔得呀...唔見個水晶囉...皮太厚喇~~隻蝦可以接受!! 但根本稱不上是水晶級蝦餃的"特點"!!!冰燒三層肉>太多肥肉了...在口中

昨天老友及其家人一行八大兩BB到上址食晚飯，由於我們有兩部車所以泊車是我們考慮的因素，在 openrice 找找下發現科學園囍慶酒樓不錯, 打去問又有4小時免泊..........好一於開車。是晚所點菜式如下：1) 冰鎮燒腩仔2) $68 多寶魚3) 話梅骨4) 燒茄子5) 霸皇繼6) 一口牛肉7) 太極飯8) 叉燒王 (後加)9) 蒜蓉菜芯 (後加)無叫野飲、無添加白飯，$890於 19:40 落單，差不多 20:00 先有第一度菜，就是冰鎮燒腩仔，其餘差不多20:20先來，還要一次過來六碟。食物大致可以，碟碟都係熱騰騰上碟，味道唔錯。但我覺得略貴，他們的菜牌所標的價錢已經打了七折，一碟話梅骨、酸甜骨都要$69元，如未計折起不是$98！？是不是貴左些抑或有抬價之嫌！？另外最不滿是......於2011年4月17日在 OpenRice 網要見到, 凡使用CITIBANK簽帳滿 $500 可獲 九折，但是去到卻說沒有，連部長都係咁講，那麼為什麼在 OpenRice 又會顯示有關優惠？

聽友人講假日有4個鐘頭免費泊車，所以係假日都好多人專登揸車入來食野，已經食左午飯，所以都係叫O的香口野多。手拍青瓜海蜇﹣普普通通生煎菜肉飽 ﹣喜愛用鍋上，包皮脆入面肉汁都幾好味柚子雲吞﹣非常蔣及脆身，不油膩殿堂叉燒﹣還可以，不過略嫌有O的貴蜜汁燒雞翼﹣ 賣相麻麻，不過皮脆肉滑嫩，無柴口鮮蝦腸皇﹣ 唯一的蒸點，較小預到的排腸粉方法，皮薄O的會較好下次可以試下佢O的蒸點

我之前成日都會光臨科學園囍慶,但因有一次母親節食飯令我們好唔開心,因為太遲出菜所以,我都無再去,但事情都已經過去今次我們一家人再次光臨該酒樓,發覺服務,食物賣相,出菜時間都比以前改善很多特別是點心及小食臘味蘿蔔糕,色澤金黃,臘味料多,蘿蔔味重,內裡有一條條蘿蔔絲,口感一流蜜汁叉燒飽:賣相普通,但一食之下,叉燒汁馬上湧出來,有一種流沙的感覺,叉燒饀新鮮而不大件,飽皮食下去唔黏口,入口即熔xo醬炒腸粉:呢個真係好好食,配料方面:有芽菜,芝麻,蛋花,洋蔥另外當然不可缺少的是腸粉啦!炒得很有(獲氣),而且夠辣而入味

有一日去科學園踏單車,諗住去食下野,點知原來科學園有一間酒樓佢既格調和其他酒樓不一,好有outside feel服務方面都幾好,起碼有人換碟懷舊臘腸卷:皮很鬆化,賣相好食下去唔(痴牙),而且臘腸不太肥膩,肥瘦適中神奇豬腳薑:究竟有幾神奇,其實即是普通豬腳薑,不過要整得好味都唔易ga豬腳已很入甜醋味,口感入口即蓉,而薑是選用老薑,醋唔酸而帶有甜味

科學園獨市生意，點心價錢也很貴。流沙包：包子小小，餡料香但唔流沙。蘿蔔絲酥餅：外皮鬆化，蘿蔔餡一絲絲份量足，好好味。牛肉蒸腸：皮太厚，牛肉餡少。柴魚花生粥：粥好綿又香滑。鳳爪，四寶雞扎，菜心，芒果糯米卷：普普通通。下午茶唔係要左好多野，每人也要 $80，太貴了！

於2010-04-11於此酒樓和家人一共17位,幫襯$1888一圍和$988半圍全包宴,因數月前吃過非常好吃,姑再幫襯,可惜令人非常失望.套餐份量少得警人,７位小朋友半圍菜,他們說為何叫一個4人餐給他們,由第一道菜投訴後(可惜沒有照片)畧為改善,我們大人要將部份食物分給他們,雞全隻給他們,最後炒飯到,終於忍無可忍,叫經理過來一看,他也說太離譜,大人份量只可分到7位,小朋友分量只可分到2碗半,我們將２碟飯全給小朋友食後,還要再加壽飽他們才夠.大家想一想他們偷工減料得很厲害,不知是否不夠生意和利潤.以一間在交通不太方便的酒樓,我們也由西環這麼遠的地方再次去光顧,但得到這樣的招呼,真是令人十分之失望,我們决定以後到科學園遊玩後,不會再光顧,我姐夫亦會通知他中大的同書不再光顧.

媽知呢度食晚餐有特價, 叫我同佢食一次~一來到, 人都冇多個, 比起中午時段的人山人海差得好遠~!!!得我們一枱!咦, 冇得坐出去騎樓~先睇menu, 有海參送, 另叫了幾個小菜.椒鹽九肚魚, 真係好爽! 炸得唔油噃, 但勁熱, 睇得出係剛炸起的.一讚.送的海参, 看相, 其實幾的骰!味ok. 冇咩特別.蟶子有8隻, 中size 啦, 冇沙, 也好食.d 豆豉吸了少許海鮮味, 送飯一流.個魚湯浸時蔬, d魚湯好飲, 菜新鮮又爽, 真係幾好食.服務ok 喇, 得一枱都搞唔掂就大鑊喇.不過走果陣都已有6-7 圍人了.

和６２９９和姑仔一家一行九人飲茶（六個大人，兩個小孩，一個小Ｂ），姑仔說科學園環境不錯，便各算駕車前往。環境不錯，枱與枱的距離不算窄。入內要求嬰兒椅，叫了三次不同的侍應，才有嬰兒椅送到。我們點了：（１）蝦餃：有四隻，味道正常，但要＄３３一籠（未計加一），算幾貴。（２）燒賣：我們叫了一籠，但來了兩籠，看在枱上的電腦單，居然落了二十一籠，立即叫侍應取消。味道也正常，但也要＄３０一籠。（３）流沙包：樣子不錯，也有流沙，我沒吃，但要是２５一籠三隻，算幾貴。（４）义燒包：我也沒吃，但也要＄２０一籠，有三隻。（５）齋腸粉：真的好齋，白色一條條腸粉，其他什麼也沒有，味道也可以的。（６）魚腐米線：味道可以，　但太鹹。（７）燒煵仔：＄６８，皮不脆，但味道可以接受。（８）千層峰：好像要＄４８，也算幾貴。其他還吃過什麼，真的完全沒有印象。叫埋單，茶錢收１０位，每位收＄１０，但就算計埋小Ｂ，也只是９位，故叫改單，最後收了８位茶錢。總括來說，味道算正常，環境可以，但價錢真的算幾貴。

d 點心大至上都幾好吃, 係貴羅其實貴都預左不過個班腩飯應該叫班骨飯我地成台每個人夾到既都係骨個部長好似見我地係D小職員投訴既時候唔多想理我地淨係話會檢討下D字眼唔通佢覺得只係字眼既問題?可能我地係D老闆級咁既樣唔會發生D咁既事啦為左證明我地冇講大話我己經 upload 埋 D 骨既相(個個食左都以為淨係自己果舊係咁所以食完先發現, 然後影相大家睇下舊舊骨都幾大下架)

訂位食團年飯，度度都無位又限死時間，最後黎左囍慶，係沙田火車站搭小巴可直接黎到，都幾快和方便。菠蘿咕嚕肉 ($88)：甜酸味適中又有鑊氣，咕嚕肉炸粉薄身又炸得香脆，咬落啖啖肉香。煎海石斑 ($98)：魚肉嫩滑，都幾大條，抵食！生煎牛筋骨 ($88)：炒得好野味，但牛肉有少少根，口感 juicy得黎又有點靱靱地。沙鍋豉油雞 (半隻 $98)：賣相無張相甘靚，但食落雞肉嫩滑又入味，豉油sauce調味佳。綠島什菌煲 ($78)：有菜、茹、粉絲，清清地幫助消化。呢度環境舒適，店員友善，價錢和食物質素又ok，係沙田做節一個好地方。

我是酒樓的會員, 還不知有什麼優惠, 去了五六次, 這周日和家人吃了一頓有生以來最不愉快的團年飯該晚人比平日多, 但比做冬那日少;我們點了十個左右餸, 10分鍾, 侍應說, 湯賣完了, ok, 轉了另外兩個; 因為餓了, 什麼也沒有, 連花生酸菜也沒有, 加了一個小食, 5 分鐘後, 小食來了, 其他什麼也沒有; 然後, 大概是點菜的卅分鐘後, 四眼侍應又來說, 其中一個火肉炒菜也沒了, 我問(語氣相當不好): 為什麼現在才告訴我們; 其他食物又為什麼沒來? 他什麼都沒答便走了.然後, 終於來了個明爐的魚湯, 家人如餓鬼一般的搶食, 飲湯; 我想起有肥牛還沒有來; 生肉不用煮的, 也要20分鐘去處理; 湯幾乎喝光; 生肉來了, 又要等加湯......最後, 大概來了八成的食物, 全家沒有一個吃很飽; 埋單還計了沒有出現過的酸菜 $20; 其實, 加一的服務也沒有出現過; 食物本身是不錯的, 但廚房很慢, 大部分侍應沒有辦法幫到手; 個人覺得管理出了很大問題