囍點 (已結業)

今日係我食過囍點最失望的一日,我差唔多每個星期都幫襯你地lunch一次, 我今日叫左你地個4)籠仔香菇木耳絲雞絲蒸鴛鴦蒸米粉, 出黎present既竟然係無籠仔香菇木耳(見圖),完成感到期望落差太大,之後問返個職員點解個餐會係咁?佢竟然答我係呀無呢d"送",咁如果係無籠仔無香菇無木耳既,你點解唔落單既時候同我講無?到最後佢地換返一個牛仔骨飯比我,但一句歉意都沒有! 筷子收左我亦都無比返我!呢餐我真係食得好唔開心!預期沒有充足的材料,倒不如唔好煮, 簡直浪費食材!!點解你地可以唔坦白同客人講無呢個餐? 好過就咁樣用雞絲炒米粉出黎hea我!! 勉強炒出黎欺騙客人無意思! 今次實在太過份!!!錢加左料又小左,我唔會推薦朋友再食你地!好嬲極之憤怒的客人上

有一段時間每逢公司有人離開的時候，散水飯就必定會在這間叫囍點既住家菜食。話說我離開公司都一段時間，因為長期沒住家菜食的我，又突然想念屋企飯的味道。所以就決定再去光顧一下。叫了兩個小菜，還有一個每次幫襯都會食既瓦砵鮑魚雞粒焗飯。這個焗飯特點是用炒飯加鮑汁，再加埋一些炒過的雞粒和鮑魚粒一起焗的。焗起後炒飯與鮑魚雞粒都吸收了鮑汁的精華，岩哂濃口味的我。而另外亦都點選了洋蔥黑椒牛仔粒，但相對比較普通。而漁香茄子煲是純粹是我自己個人口味喜愛的一個小菜，通常去食中餐都會必叫的，但我比較喜歡食質地淋身d的茄子，個人覺得這個漁香茄子煲相對地較為遜色。如果多人一起去食，餐廳還提供Omakase(廚師發辦)既神秘套餐呢。

之前已經來過囍點數次，但因為總是滿座而一直無緣。這次因為時間早了，所以剛好有位子坐下。看價錢不算便宜，但有湯水有甜品附，而且菜式都比一般特別，比如說筆者叫的「星州海鮮炒河粉」，應該是星州炒米跟海鮮濕炒河的混合版吧。是日湯水，羅漢果豬𦟌湯星州海鮮炒河，口感辣辣的，河粉有點碎，但炒得彈牙，配上少量海鮮配料，也是不錯。最後侍應自動遞上紫米露，好吃。侍應不會趕人，但看著門外的人龍，還是自動自覺的結帳去。

經同事介紹，做東去咗呢間隱世餐館！喺工業大廈12樓，要啲時間搵搵個地址！定位時已經落單，叫左神秘餐！所以都唔知自己會食咩，只係知道每人100大元！我哋一行四人，先尼每人一碗靚湯同一碗白飯！然後就係主菜！主菜有粟米豆腐蝦: 好醒胃，好適合送飯！佢用鮮蝦代替冰鮮蝦，加分！豬頸肉炒苦瓜： 呢碟比較噥味！好足料！好多豬頸肉，食極都食唔晒！上湯浸莧菜：正常！牛肉片炒勝瓜: 牛肉幾入味！有獲氣！

今日下午一班同事食飯，突然隔離位同事吐咗一粒螺絲出嚟，跟住個夥計埋黎收咗碟餸，之後我們已經沒有心情再食了。如果粒螺絲吞咗落肚真係會出事。這餐廳只是因為近公司，味道亦一般，相信以後不會再來了。

慶祝40, 生日飯我揀左囍點，想試下新野，菜式唔似一般酒樓咁行，嚟嚟去去都食個D, 而且煮出嚟既野，碟碟都熱辣辣，加上食落去係無味精，對於我地成日係外面食飯既就知道，呢餐真係好滿足，絕對有驚喜。。。一定會返頭！

聞說午餐時間爆場，仲有神秘餐，即管晚上來試一試，真的比較冷清，而且沒有神秘餐。鄉下佬炒飯，其實係鹹旦黃鮮蝦炒飯，表面睇唔出有鹹旦，聞到食到鹹旦味，第一啖好香鹹旦味，但越食越乾，慢慢變得硬，蝦似雪藏蝦，冇鮮味。，原本想叫黃金蝦球，因為叫咗鹹旦炒飯，所以服務員介紹食鮮茄奶油海蝦球，獻汁太濃，吃不到鮮茄和蝦的味道，有點喧賓奪主，而且只有六件蝦球，略貴。很瘦的龍崗雞，骨有味，但沒有脆香味，好像煮了好有一段時間。上枱時已有部份通菜已變黑，賣相扣點分。最失望是例湯沒有湯渣，感覺不夠真材真料，好像飲現成湯一樣。整體，不過不失，環境不錯，服務可以。

黑醋珍珠滑，與別不同。翠袖龍袍，特別好味。 胡椒鹹菜 煎封 海石蚌 味道一流。 鯊魚骨湯原個木瓜燉翅，超好味。原個椰青 清湯燉鮑翅，清而好味……good小食黑醋茄子夠特別，外間沒食過

因為收到宣傳單，所以上去呢間食肆試試，係鰂魚涌工廈內，雖然晚上7點幾，但升降機要等好耐，工廈內好靜，一開𨋢出去就見到門囗！但平日晚市唔多人，職員都有禮礼，招呼唔錯！可惜食物質素較差，今晚因為想食清啲，叫咗一條石蚌，條魚蒸得太耐，蒸到過晒時，肉質好硬，又唔新鮮，雪藏魚唔好食，菜心又老又韌，個湯無湯渣，無味道！本來想叫甜品蕃薯🍠糖水，職員話要食得好辣先好叫，因為糖水落咗好重薑去煲，嚇到我都唔敢落單！

明明訂左七點，入到來冇人招呼不特止，還因座無虛席，要我們等有人結賬才有枱！發覺原來餐廳六點開晚市，如訂座已滿，我們訂位時應告知不可能七點有枱！可叫我們遲點才來，而不是訂了枱來到後還要等有人結賬，許多食肆都不會這樣，非常不良好的做生意手法！

午市時段，一行八人幫襯，首先已經冇得揀，逼食神秘餐，(話揀 A/B/C 餐, 最少要等45 分鐘, 基本上即係唔駛揀) , 碟頭又細，明明係套餐，但又有兩味蛋，蕃茄蛋及蒸金銀蛋，安排奇怪。問伙記拎白飯時，叫左多次，只黎得四個，再催伙記又話自己白飯任添，但又冇拎黎，最後更大聲同其他同事講唔會再serve 我地果枱。服務態度奇差。最後埋單一人$85, 但完全唔值，超重味精。食物水準非常一般，偏油，惟一比較好食既係黃金墨魚。永遠 blacklist 。。。

點了神秘餐，因為有朋友食素所以要求其中三款為素菜。來了一碟三色蛋豆腐，我們問店員是否素菜，他告訴我三色蛋魚豆腐係素菜，佢話再同廚房確認，回頭說是三色蛋煮豆腐，所以係素菜，到頭來我食到裡面有魚肉!! 對於選在這家食飯嘅我，對那茹素朋友真的感到很抱歉。及後我叫店員確認一下之後上菜的真的有素食並"真的"是素食，佢話確認不了，要等上菜後才知道，不是的話再換比我地!!最後素菜給的就是青菜、炒蛋、茄子。完全是混亂並肉素不分，對素食人仕來說不建議來這家點，分分鐘因此而破戒。

等足四十分钟的自取外卖。要求追单还态度巨差的回应。教育客人自己不是快餐，所以外卖慢是正常。但慢也应该有个合适的度。落单的时候就应该提醒客人此道菜需要较长时间等待。最终，一道炒肠粉65文+企足40分钟菜色过于油腻，食材普通，味道完全不足以支撑其"唔系快餐"的自恋。态度就更不可理喻。平日偶尔公司同事一起来吃也就图它位置多，不用自己考虑吃什么。如果要来点外卖劝君自求多福，一个钟是lunch time晒大半等饭。净返10分钟食。别样的享受。

一行十幾人全部未嚟過但極失望！叫咗每人$198套餐. 全餐吃唔飽。前菜黑木耳青瓜和雞軟骨小小各一碟可能每人有一、兩片嘅，炸脆球(像魚蛋般大）每人得一粒，鮑魚仔煲真係仔仔啦少得可憐，脆皮雞甩皮甩骨斬好細件幾乎冇乜完整一舊，龍蝦烏冬d肉細到睇唔到，連菜心支(Kwan)都切開一半😠又一次失望的工業大廈食店🤦🏻‍♀️😓☹️😤可能唔收加一所以汽水 and beer 收貴d，汽水每罐$15。唯一可以讚嘅係服務態度。

今日去到太古工廠大廈入邊食午餐有少少似私房菜形式但係又有少少似食堂既形式所以我都唔知點樣界定佢朋友講呢度最出名嘅就係神秘餐意思即係老闆幫你發板你唔知道有乜嘢菜式今日我哋就特登去試呢個神秘餐！唔想食咁神秘餐嘅朋友亦都可以散叫午市套餐去到首先上左一個南瓜湯味道十分濃郁飲得出冇味精！首先你應該去金銀蛋豆腐炒蝦仁鹹蛋味道10分出眾仲有淡淡的豆腐香味，而且咸度控制得啱啱好10分推介之後有個紅咖喱排骨咖哩有好重嘅椰香香味同埋排骨都炆得好夠林！跟住呢個係Wasabi炸雞塊識落曲作品唔會好口而且Wasabi味好重好友驚喜之後仲有一個應該係洋蔥黑椒牛柳牛肉唔會太林佢個黑椒汁跳得啱啱好食完會有口渴嘅感覺最後仲有個小炒王同埋炒白菜個小炒王裏面有魷魚都好彈牙最後食完仲要有朋友買單添！😍😍😍😍😍😍其實今餐真係好有驚喜因為佢係神秘餐永遠都唔知有乜嘢菜色黎緊但食一碟都好有驚喜又有菜式都食得出係冇落味精又唔會太油好健康有住家嘅感覺而且仲要好有鑊氣！我問返朋友應該每人大約＄100我哋三個人食咗六個餸外在環境都好舒服，喺呢個繁忙嘅攻下入邊可以搵到一間咁出色嘅私房菜，極力推薦！最後其實有豆漿湯圓做甜品可惜唔記得影相下次一定