囍筷

营业中

休息中

作為一個喜歡探索不同美食的美食愛好者，我最近造訪了一家傳統的港式茶餐廳，食咗他們嘅早餐，包括沙嗲牛肉出前一丁、鮮牛油多士、火腿煎蛋以及香濃熱朱古力。沙嗲牛肉出前一丁這家茶餐廳將其獨特地結合了香港特色的沙嗲牛肉。出前一丁煮得好好食，彈牙，搭配上香濃的沙嗲牛肉，每一口都充滿了濃郁的牛肉風味。這道沙嗲牛肉出前一丁絕對是港式茶餐廳的一道必點佳餚。鮮牛油多士這是一道簡單卻令人難以忘懷，多士上的牛油在烤製過程中融化，使得多士表面金黃酥脆，內部卻依然軟嫩。當你咬下一口時，牛油的香氣立即充滿口腔，真係超好食🤤港式茶餐廳的火腿煎蛋是早餐的經典選擇。這道菜以煎蛋和薄切的火腿為主，簡單卻美味。煎蛋的煎至金黃色，外脆內嫩，搭配上鮮美的火腿，口感和味道完美結合。火腿的咸香與蛋的鮮嫩相輔相成，給人一種滿足感。

第一次打食評: 雲景道居民，其實附近都唔係好多餐廳。講真，呢間食物質素唔錯，可以話平靚正。同屋企人經常會叫幾個下午茶餐或者常餐一齊食。好多樹仁大學學生都會嚟食，所以要等一陣位。但女收銀員服務超差，經常黑面，好似要食客受佢氣咁。問任何嘢答答案都呼呼喝喝/冇尾音。相反老闆笑容唔錯。以上所有評語都係公正冇惡意咁提供。如果呢間餐廳可以改善服務生意一定更加好。始終寶馬山真係唔多餐廳，呢個質素+呢個價錢好難得。

女收銀服務態度極好 有種澳牛嘅感覺 如果你係喜歡聆聽不同聲音的話 十分推薦！食完飯 佢係需要你執返自己紙巾 睇得出佢十分注重個人衛生！推薦！食物質素$50算係咁 食得落口 不過塊豬排不錯我而家仲咬緊 如果係鍾意食啲比較有口感嘅 十分推薦！同埋見主打外賣 不建議 一律建議堂食！該店會係點餐後 俾15分鐘你靜觀一下 很貼心身心靈都得到靜化後 女店員就會為你送上15分鐘前點了的焗豬排飯完全是計算好你胃部清空後才送上 此刻就算放進我嘴裏的是紅豆軍艦 我依舊會覺得好吃 推薦！五個人去食 有一個餐出錯 不過我十分感恩因為有四個餐出對了 推薦大家堂食！

在寶馬山上餐廳選擇不多，也就3，4間，而這家是我和朋友一直都挺喜歡的店。 這天比平時早一點點到達那裏，大概12：30，找到剛剛好4個位置，雖然有點擠，不過還好。我叫了焗飯，蘑菇汁雞扒焗飯，朋友選的是香茅，香蒜雞扒飯。 他們那2個比較快，因為不是焗的。我只能看著他們吃，再等等了。終於到了，焗飯的好處就是熱乎乎的，能夠吃到最後還暖暖的，雞扒也挺多，整體挺好吃。而喝的我叫了何華田，不過有點淡.. 因為搭入1點就是中學生放飯時間，座位也緊張，所以我們一吃完就離開了。

嚟過寶馬山嘅人都知，寶馬山真係冇咩餐廳，有時間嘅話，通常都會選擇落北角、天后或者銅鑼灣食。可惜我今日冇時間咁做，所以起冇咩選擇嘅情況下又揀咗嚟食囍筷la。依到成日都見好多大學生會過嚟食，原來學生嚟食有優惠，每個餐收$40，所以要等陣先有位。上次試咗依度嘅香茅豬扒飯，今次決定試下新野，叫咗咖喱牛肉飯。個飯好快就嚟咗。個樣有少少頹，食落係日式咖哩嘅味，牛肉係似沙爹牛肉果種，唔係吉野家果種，不過都好食。紅蘿蔔就好爽唔淋，食咖哩嘅話，我就鐘意食淋身嘅紅蘿蔔多d。配菜依然係翠玉瓜，亦都依然係非常之硬，如果可以轉下其他配菜就好la。

起寶馬山上面嘅食肆真係十隻手指數得曬，要搵好食嘅更加係難上加難，而囍筷係少數算唔太差嘅食肆，當然你唔可以期望佢起級好食，但係佢寶馬山嚟講算係唔錯嘅餐廳。佢午餐有7個set,，再加埋常餐，每個set跟一杯熱飲，凍飲就加$2，好似平時茶餐廳咁。我叫咗個香茅豬扒飯，佢可以簡豬扒或者雞扒。豬扒算淋，但係就唔多覺有香茅味，不過都好好食。個飯淋咗甜豉油，不過豉油略厭多咗d。側面仲放咗2舊翠玉瓜做配菜，不過佢冇咩味，而且好似未熟透咁，都唔知話佢硬定爽好。

有上過寶馬山的人都知道呢到的餐廳🍴唔多，係選擇唔多的情況之下，我個人覺得囍筷係算唔錯的選擇午餐時段黎到，大概可能要等一兩張台，不過都係值得。因為附近其他餐廳一係就太貴，一係就好難食。平時叫開午餐A的我，今日想轉轉口味，見到E餐有叉燒煎蛋飯，即刻秒選佢😎當然唔少得我最好的朋友🥤啦，呢到加$3咋呢到的叉燒好厚，唔似得一般燒味茶餐廳的叉燒，份量又足，咬落好淋！啖啖肉加埋隻太陽蛋，流心蛋黃配埋甜豉油撈飯，百份百的滿足感

我又要去到寶馬山搵食啦，囍筷算係我呢頭最常食嘅餐廳。午餐選擇唔多，得A-F餐同常餐。我叫咗A餐：香茅雞扒飯，熱朱古力。（學生價：$40) 睇圖都見到塊雞扒又厚又大塊，咬落又唔到好un，面頭個雞皮仲煎到脆脆地。最驚喜嘅係鼓油汁！隱藏咗喺飯底，撈勻左之後會有好香嘅香茅味～但配菜略嫌太少，只有兩塊翠肉瓜。可惜，呢間餐廳係用塑膠匙羹、塑膠叉、即棄筷子太唔環保了，而且佢嘅膠叉連雞扒都吉唔到，好浪費。希望小店可以控制成本嘅時候考慮對環境傷害減到最低就好了。

屋企住係賽西湖附近， 賽西湖商場因此成為我地週末搵吃好去處。 賽西湖商場有4間餐廳，個人比較喜歡這家的食物， 感覺好街坊得來食物又好好味，環境空氣更是讚！ 今日叫了雞排麵， 沙爹牛麵， 雖然都係平常的茶餐廳菜式， 但味道才是最重要， 很喜歡呢度的煎雞排，外脆內軟！ 悠閒的周末配上一杯熱熱的奶茶， 雞排麵 ， 正啊 上次吃過叉燒飯，叉燒也很值得一讚！ 呢間餐廳有室內室外， 帶狗狗的朋友可以選擇坐室外， 空氣很好， 人很少， 環境很舒服！

是日在這所餐廳，吃了一個快的午餐。但確實是一間太過普通的餐廳，所以就只好略略介紹點了這間餐廳的學生餐，$40元，凍飲需要加$3。但在同商場內其他餐廳的學生餐凍飲都不需要加錢所以先令我留下一個不好的印象白汁煙肉雞扒焗飯等候時間太長，大概等了這個焗飯15分鐘有多,然而這個焗飯卻不是慢工出細貨飯太硬，欠缺水份。蛋絲的份量又不足，令飯的質感太過單薄煙肉同樣太過硬，有點兒煎過頭。幸好沒有焦味而白汁和雞扒與普通餐廳差不多，不值一提最後喝了一杯凍奶茶，只能說普普通通。有點兒苦澀味

最近囍筷推出了食神义燒飯，心想試下同其他义燒飯有什麼分別。原來他們的义燒並非一般义焼，是很大塊和很厚（不是普通切那一種），加埋隻煎蛋响义燒上高！味道真的不錯！不知是否長期供應（因為不在正常餐牌上面）希望下次去的時候還可以再食！😋😋

囍筷雖然唔係開左好耐, 不過我已經成為左佢地既常客,有時誇張起上黎, 一日會幫襯3次, 早餐一次, 午市一次, 下午茶一次~因為佢下午茶既開放時間實在夠長, 同埋D野都幾岩食~所以成日都叫. 今日我又再叫左我必叫既下午茶- 端士雞脾拼薯條!呢個餐真係超級邪惡, 總之我唔記得左食午飯, 我就會叫左呢個餐!!首先, 佢既瑞士雞脾SIZE 真係好大, 最重要既係佢真係好入味!入味得黎, 又唔會話太咸, 雖然好怕肥但久唔久都忍唔住點黎食!薯條呢, 都OK, 係粗薯條, 比較碎, 配細樽茄汁未必夠點!!呢個餐唔係好貴, $31蚊, 有野飲, 睇到個雞脾SIZE 你真係唔會覺得貴~~

之前跟朋友去過賽西湖食下午茶兼行山，今天見天宮造美，藍天白雲，陽光普照，難得有個悠閑下午，遂自己一個人坐巴士再上去賽西湖偷閒一番。今次去到，見上次光顧的茶餐廳因裝修關係休息三天，唯有試吓對面的另一間餐廳，那裡一樣有幾張露天茶座，裝潢較之前那間茶餐廳時尚，座位都頗舒適。看看餐牌，除了有我最喜歡的漢堡“牛魔王”，還有7吋腸潛艇及大大隻炸雞脾拼薯條。漢堡是我至愛，但潛艇又好似很久沒試過了，加上見到隔離枱隻炸雞脾炸得乾身，脆卜卜大大隻，每樣都各有吸引力，實在很難取捨，思前想後，最終還是“牛魔王”戰勝其他脫穎而出。牛魔王漢堡，包身偏細，但用料仍算豐富，半吋多厚的漢堡扒，煎得焦香，肉汁豐盛，配上新鮮番茄同洋蔥，為味蕾帶來一絲fresh同清新的感受。旁邊放上少量薯片伴碟，簡單得來卻剛好配合我不想吃得太heavy的心意。