影片
营业时间
今日营业
07:00 - 02:00
星期一至日
07:00 - 02:00
以上资料只供参考，请与餐厅确认详情
平時路過都見唔少客人，可能位於廟街隔離，好受遊客歡迎。試過夜晚十點幾，見到仲食緊野嘅街坊都唔少。今次閒日中午時段去，都係人山人海，仲有旅客拖住筴都排隊食。要左清湯配油麵，湯好普通，腩汁味道唔出。友人揀左辣汁，食落都幾辣下。兩人一共揀左幾款餸：肥牛：普通質素，煮得過老。雞翼豬頸肉：正常，蘿蔔：有渣，得一兩件係甜嘅。咁多款餸入面得牛肚夠入味，係出色啲。另外要多左份牛𦟌，可惜係筋位同肉嘅比例差左啲，咬落去冇牛𦟌應有嘅口感。整體呢間車仔麵都比我想像中普通，勝在係環境好啲咁解。
继续阅读
星期日晨早要搵間岩feel食早餐既都唔係易。見呢間人頭湧湧接近坐滿而且早餐先係36蚊，即管入去試下標準早餐沙嗲牛麵炒蛋多士熱奶茶少奶，碗麵上枱一睇，湯都幾多油喎。沙爹牛汁和開，夾起一塊牛肉入口，鹹味辣味甜味沙嗲味都有，而且均勻唔太搶。牛肉偏爽口亦有口感，不過當然又係受惠於鬆肉粉嘅功力。麵身偏硬口唔淋，再一次食唔到比較鍾意嘅滑身麵。成碗麵整體算係中上品，唔算曳啦。炒蛋捲埋非常之厚底，不過多士就放得太耐已經淋咗
继续阅读
環境好細，啲位有啲迫，唔知點解好多拖篋遊客，大部份客人都係講普通話，侍應好有禮貌，好有笑容。面底我揀咗米粉，米粉好爽口，幾好味。蘿蔔：好清甜，冇渣，我覺得係咁多個餸最好味嘅咖喱魚蛋：都幾辣，有咖喱味豬腸：我本人鍾意食瘦嘅，呢個我覺得OK，不過嫌佢滷水味唔夠重酸齋：口感OK但雪到好凍，我覺得太甜辣汁方面，佢冇滷水汁可以揀，結果揀咗重口味汁，即係咖喱汁+沙嗲汁，可能因為我揀少辣，所以唔係好多汁，同埋唔覺得真係好重口味。
继续阅读
響佐敦嗰頭做嘢，又係時間太趕，所以都係直接買外賣上去食，地鐵站行出嚟冇耐就見到有囍記車仔麵，所以都覺得可以值得一試嘅，可能我哋嘅時間都算比較早，所以都冇乜人響度等緊。我就叫咗個囍記五寶麵，請湯油麵。魷魚比我想像中多，糖心蛋就熟咗啲，蛋黃已經係少少變咗粉狀，其他餸冇乜特別嘅記憶點， 湯方面比較偏淡，整體份量還算可以，但係食完真係冇乜特別嘢記得。朋友就叫咗個腩汁瑞士雞中翼蘿蔔糖心蛋，河源米粉，蘿蔔都幾好味，雞中翼一般般，糖心蛋都係熟咗啲，河源米粉還算可以，份量亦都OK。
继续阅读
今日諗住食個快飯，食車仔麵，叫咗碗菜底加兩個餸，個菜底只有3條菜心，姐姐話係㗎㗎啦～你比11蚊係得3條㗎啦！會唔會有少少過分呢～菜其實都唔係好貴姐，唔使咁樣嘅～
继续阅读