囍越 (屯門市廣場) (已結業)

大公司用料好，最喜歡他們的豬耳扎，爽！不過份量稍為少了一點，可能我大食😂仔仔愛菠蘿炒飯，菠蘿新鮮，略為燒過，味道清甜。香茅咖哩牛腩飯：味道不錯，但個人覺得咖喱味濃多一點會更好。牛腩囗感適中。整體來說，不錯！

前一排去完新加坡食麥皮蝦，返到香港好想再食，見到what the pho 有就入左去食味道雖然唔同，始終係越式菜，但都幾好食👍🏻粉麵正正常常，所以嗌左幾個小食試下，價錢偏貴，但如果想係屯門食有多啲選擇嘅越菜都係個好去處！

與三位朋友一起到餐廳吃飯，約七時半到達，不用等位。這間屯門分店的設計是開放式的，因為是商場，所以吃飯時會有逛街的人經過，但整體環境也不錯。我點了一碗豬頸肉pho，味道不錯。值得一提的是waiter說下載一個app，成功登記做會員後可免費獲得一杯飲品。

因為好耐未食過越南野，所以今次黎左呢間試下。果然越南河粉真係最好食。同埋佢個湯都唔差。加上呢間野唔洗等位，所以好快就有得食！下次會再黎叫多d小食試下，睇下佢其他野係唔係都係咁高質

呢間越南野其實都黎過幾次，次次食完都覺得啲野味道中下，叫自己記住唔好再黎，但因為位置就腳，又唔算好多人等位，每隔一兩年又唔記得, 又會再黎一次。今次同家人黎食馬拉盞炒通菜，正常豬頸肉濱海，豬頸肉份量可以多啲就好蝦米卷，正常咖喱牛腩河，正常四式撈檬，有蔗蝦、札肉、香茅豬肉之類，都係正正常常另叫左3杯特飲，檸同橙味的都唔稱得上好飲，細妹貪得意叫果杯蝶豆花更加係難飲。整體食物味道真係好普通，係叫就腳坐得ok舒服。埋單都要600蚊左右，以咁普通食物質素黎講，就唔係咁值。臨走前再提自己，下次冇乜必要就唔好再黎喇。

颱風過後，公司突然可以放一日假，變相有一個長weekend～係屋企發了霉2日的我忍不住約了住在附近的朋友見面～畢竟大家都在不同的地區工作，平時要約食晚飯真係唔容易～碰巧颱風後我們的公司也不約而同放多一天假～那麼擇日不如撞日～快快手手食個晚飯見下面update下大家嘅近況啦～原來友人有點唔舒服，咁唔好食咁多煎炸嘢啦～加上今晚又有少少涼意，有點想食熱辣辣的湯粉～記得市中心有間越南餐廳門面幾閃亮，所以就提議食呢間啦～由於我哋都好早去到（唔駛返工嘛～！）係唔駛等位嘅情況之下立即坐下~Menu都好多款嘢食揀，我哋都係諗住叫熱嘅湯粉～我二話不說一定揀火車頭！因為咩都有唔洗諗，啱晒三心二意拿不到主意嘅人～ 河粉可以改金邊粉或者檬粉～我就揀咗金邊粉～由於我唔食蔥所以係下單時已經要求侍應走蔥～哈哈！ 來到個粉都幾大～越南粉最緊要係個湯底！即刻試一口個湯底～好香牛味～無咩味精嘅感覺～不錯！ 火車頭嘅配料有牛丸，牛筋，牛腩同牛肚～先講牛丸～個牛丸睇得出唔係平時係凍肉店嗰啲牛丸～似乎係佢哋自己新鮮打嘅牛丸～幾彈口～牛腩係半肥瘦～好滑！牛筋就煮到好淋好入味～牛肚份量比其他材料少～不過都唔un～而且份量都幾大～友

難得假期，陪陪媽媽，媽媽想食越南菜，所以選擇這間餐廳。正值午市，人流暢旺，但等待時間不算太耐。環境裝潢挺有格調，環境開揚。燒豬頸肉湯檬：豬頸肉煙靭彈牙，味道不會太鹹，但有點涼掉，好像不是即燒的感覺，檬粉略嫌有點太碎。配汁有點酸酸辣辣，挺開胃的。香茅豬扒湯金邊粉：豬扒上桌是熱的，香茅味濃，豬扒不會靭，金邊粉滑溜。細問湯頭是用雞隻煮湯，不錯。另外有芽菜奉上，是爽脆的。椰青：椰肉不算厚，頗嫩，水都算多，2人飲用剛好。價錢商宜，可以再Encore。

星期日走去屯門市廣場歎住冷氣拍拖到七點見肚餓女友話想食越南野跟住就黎呢間囍越排隊食飯時間加上本身係星期日等既人都唔少好彩二人位十五分鐘內就入得因為太肚餓所以我地好快咁叫左粉麵啊炒飯啊同杯野飲share首先上既係雞絲豬耳扎肉金邊粉本身仲以為豬耳係一味餸添食食下先發覺原來係十分juicy既「豬耳扎肉」🙈跟住到椰汁海鮮炒飯椰汁固然香但我想強調係個炒飯底炒飯粒粒分明🧐有飯香得黎食落有咬勁再配合埋椰汁同鮮魷真係值得推薦野飲方面我女友比藍蝶花既獨特顏色吸引住但其實飲落去唔算太特別可以算係賞心悅目既🙈唔夠飽再加多個豬頸肉河粉d豬頸肉醃得唔錯食到陣陣香茅味同滑一滑既河粉係絕配👍🏻

今日過來唸住試吓啦，點知落單成差不多25分鐘都未有，就問一問，睇吓係咪漏單啦。個待應生話有落單，叫我等等，話炒嘢會耐啲，要整15至20分鐘先有，我已經覺得唔對路，隔離枱遲過我嚟都已經食完，大家叫埋同一樣嘅嘢姐。但人地叫我等多陣，我唯有隔5分鐘先再叫待應生幫我睇吓，結果都仲係叫我等，等咗十分鐘仲未有。已經摧第三次😤，佢今次話整緊。兩碟炒粉姐，唔洗等成9個字呀嘛⋯⋯終於等到，有得食，唔係特別好食，唔會想再食第二次囉⋯⋯

今晚去屯門市廣場搵食！但其實真係度度都禁多人！最後去左3樓既囍越食越南菜，拎飛時號碼都有成十張至到，不過兜左個圈行下，好快就有位了！一行三人叫左三碗湯粉，一個小食，一杯沙冰！生/熟牛肉牛丸湯河：因為有小朋友，所以叫熟牛肉，牛丸好彈牙，唔錯！但牛肉就少鞋！始終熟牛會鞋！火車頭湯河：友人話唔錯！仲比我試左舊筯蕃茄海鮮濛: 湯底非常夠味芒果沙冰 : 好飲同抵飲，唔係假芒果味粉皮拼扎肉: 粉皮無乜特別但扎肉好好味

我們在一個星期五晚一共三人走到屯門市廣場，到了食飯時間不少餐廳也要輪候，所以選擇了這間。我們輪候了約20分鐘便入座。這間是一間越南風味的餐廳，菜單上基本是越南菜式。我們點了小食拼盤、鮮蝦柚子沙律、馬拉盞炒通菜、燒豬頸肉撈檬、炸蝦餅、雞絲米紙卷、燒香茅豬扒及飲料薄荷青檸冰。食物方面，整體水準覺得普通，雖然沒有失望但也沒有特別驚喜，因此不打算逐一評論。份量方面名也偏小少。二餐廳的裝修是屬於開放式的裝修，環境尚可，不屬於很寧靜的那種。服務滿意。整體來說覺得收費偏貴及份量偏少。附圖是我們點餐的收據，上面有食物及金額，供參考用。

今日陪女友食越南野，都有少量人等緊位，我點了一個火車頭金邊粉，配料十分，有牛丸、牛肉、牛楠、牛根、牛栢葉等。湯底味道唔錯，而且所有配料味道都好好味。另外佢有俾一小碟的配菜，但我都無食過d芽菜。而女友因為天氣嚴熱，，所以佢叫左個凍的撈檬，扎肉牛肉作配料，但配料的份量感覺無火車頭的那麼多。食撈檬當然有加上酸酸甜甜的汁，但女友唔記得走蔥，所以佢餘下的就交左俾食物焚化爐的我。如果兩碗比較我個人更愛火車頭那一碗。味道兩碗都不錯。但價錢平d會更好。

因為唔知食咩好，呢間未試過，所以去食下。兩個人食，叫左三樣野越南鳳爪 $68呢個食落都算正路，但佢份量對比其他餐廳 好少，所以好快就食完。黃金墨魚粒蝦餅 $68呢個食落有d乾， 但都ok既蛋網海鮮炒金邊粉 $78呢個份量小都算， 真係食過咁多間泰國越南野入面，最難食既一次.首先，佢落左唔知咩香料，個隻菜味香料 真係好苦 想嘔，唔係人人頂得順。然後佢個金邊粉甜味又欠奉 食落得個浸苦味。 .加上， d位太迫 坐落好唔舒服，要問人 先俾水我地，環境同服務真係麻麻。.同埋 另外兩碟 雖然話味道算正路， 但都係比起食過咁多間既味道黎講，算麻麻地。

呢到有很多款小食， 米紙卷， 炒或湯金邊粉，河粉，檬粉等今日又簡簡單單食一餐。蛋網海鮮炒金邊粉（$78）對女仔黎講分量剛剛好， 唔怕食唔哂香芒軟殼蟹米紙卷（$78）軟殼蟹仲好脆馬拉盞炒通菜（$68）

在等位的時候，因為等候的人很多，都聚集了在餐廳的門口，所以服務員便不停呼喝，我們亦跟隨他們的指示多次轉換等候的位置，但因為太多人，所以亦體諒他們當時的做法。直到付款時，我們把信用卡和賬單夾在一起，在處理我們賬單的女服務員拿走時，我還提醒了一句'裡面有卡的，小心一點！'，她也回應了'好！'。然而在不久之後，她突然走過問我拿卡，說沒有看到我們的卡，我告訴她已經把卡給了她之後，她只是不斷重覆'沒有看到'和'找不到'，她和其他同事也只是隨便看了地板然後便各自做事，沒有理會我們。我們不斷查看自己附近，甚至問了鄰桌的客人幫忙查看一下他們的袋子。最後，我們自己在收銀處旁邊的地板上找到了那張卡，而附近的服務員卻一直沒發現。經過這次發現，這間餐廳的服務態度十分惡劣，在把客人的財物弄丟後，還當作沒有發生一樣，事後也沒有適當道歉，還嘻皮笑臉一樣。體諒服務業者的辛苦，但在別人給予體諒和尊重的時候，也希望能回應相同尊重和恰當的服務態度！