囍運冰室 (淘大商場)

营业中

休息中

蛋撻🥡🥚蛋撻鬆軟入口濃烈蛋味 屋企人經常買 雖然有d焦但係依舊火候十足 唔會太膩 我一向只鍾意食蛋撻裡面蛋 但係蛋撻皮又整得OK 已經盡力影得一張相 因為當我發現買左外賣🥡返黎之後只剩低一個啦 #囍運冰室

純粹行經牛頭角道，貪方便去嘅餐廳。正正午市1點幾，所以入面都滿哂座，等咗陣，望到正門右側賣麵包嘅玻璃櫃俾太陽西斜晒住，唔知有冇影響啲包嘅質素喇。4人卡座每邊2大人坐就會有啲膊頭掂膊頭。燒鵝拼油雞飯個賣相又唔差喎，係啲鵝肥膏偏厚，不過幾重油香味。跟餐個羅宋湯就預料中嘅罐頭湯質感。另外散嗌公司三文治以及炸雞脾伴薯皇，公司治啲餡料都算貼邊，齊哂餐肉、生菜、蕃茄、芝士、火腿、炒蛋。炸雞脾屬合格指標，唔乾唔juicy。之前係「囍囍冰室」，再之前係「囍X冰室」，依家叫「囍運冰室」，唔知三者有冇關係。

在下午茶時段入坐，本來門口職員叫我去一張4人枱坐，當時有名女職員係補給糖和筷子等，門口嗰職員當時又叫我坐這位置，我先行埋去，一行埋去嗰補給糖嗰職員立即叫我坐第二度，唔好阻佢做嘢，態度極差，當時我都心中極度不滿，但都照佢意思行去第二度坐，但因其他地方巳坐滿，我為由行去原本位置同嗰個補給糖嘅職員講冇位要坐這裏，佢先少少地搬開枱面的物品給我坐，覺得呢間店的職員真係極度不禮貌，就算間店好食，我也決定不會再光顧。食物方面，我叫左下午茶餐嘅乾炒豬排烏冬和奶茶，嗰炒烏冬不過不失，奶茶都ok。

这家店是在同学家的附近，当时正好跟几个同学一起打算凑个单省点钱，就点了一波外卖，我点的是图一的驰名叉烧饭，剩下的那些都是同学点的，我个人觉得我的叉烧饭是非常好吃的，食神叉烧饭跟我的驰名叉烧饭的区别就是食神叉烧饭多了个蛋，焗鲜茄猪扒饭同学说有点腻，剩下的两个饭同学表示一般般。

睇餐牌好多選擇，相片亦好吸引，但食過幾次早餐同午餐，食物質素真係一般般，唔係好味個隻又未去到話好難食，食物份量比較多，啱大食嘅朋友。同一商場比較，餐廳內整潔度冇太興/敏華咁企理。夏天好似焗爐一樣，冇乜冷氣，食完午餐個背脊濕晒，侍應非常無禮貌、年紀大嘅姐姐/叔叔還好，後生啲嘅姐仔真係不知所謂，唔知點解老板可以容忍有呢種極品員工，我冇期望係茶記/冰室感受到好嘅服務態度，但不是要去餐廳食嘢比錢受氣，以後都係去返太興食!

因為就腳地點幾好，喺正商場下低，就入去試吓。要咗一個 特選餐肉、餐蛋 ➕加錢要辛辣麵早餐原來特選嘅意思係- 兩塊！即係我有兩塊午餐肉，同兩隻炒蛋 …都唔緊要，見到個麵見咁硬，都未煮開，試一試佢… 一啖食落個辛辣麵到，真係少啲牙力🦷都咬唔開…最搞笑係連啲配菜包入邊嘅紫菜 同冬菇片 都係硬嘅 我諗真係可能生意太好，用1分鐘煮個辛辣麵就上碟 ……總結： 冇下次了

叫咗2樣嘢，已經打電話落order先，點知去到要等一個鐘頭都算，啲職員態度差到非常，一啲歉意都無，食物都凍晒仲話無辦法！番到嚟仲要食啲已凍嘅難食外賣，個炒烏冬黑到所有入面嘅野都係黑色！真係唔會再幫襯

食到我把幾火，啱啱落完單趁侍應未走嘅時候想改杯野飲，佢竟然同我講: 你下次先飲啦廚房好多單。我都係第一次聽？ ？ ！？叫個常餐上到嚟，個炒蛋竟然係凍嘅。大佬唔係攤凍嘅凍，係冰嘅，直頭係喺雪櫃攞出嚟嘅冰！ ！ ！ 我叫個侍應嚟問，佢竟然同我講，蛋一早炒起左咪凍囉。離晒大譜，仲同我理直氣壯。食物質素差，服務更差，店面衛生簡直係惡劣！本身都有食過幾次，中中挺挺，但經過今次？永冇下次！ ！ ！ ！ ！ ！ 超級超級差，已經black list

同啲朋友睇完戲已經九點幾十點，但又好肚餓喎🥲諗起九龍灣附近有咩食，估唔到囍運冰室仲有營業，佢哋仲專登推出呢個宵夜套餐，係我哋依家啱啱睇完機場嘅人嘅福音😂因為未食夜晚嘅關係，我就買咗個幾Heavy嘅豬扒炒烏冬，味道都偏鹹嘅，但係份量都好足夠，可以當一個正餐咁食🙈雖然唔係特別好食, 但呢個時勢有得食宵夜我已經覺得好感恩啦，哈哈

我同朋友去呢度食，叫咗個鮮茄豬扒燴意粉，同埋鐵板德國鹹豬手，來到後，朋友發現，意粉係白烚，只係加咗啲茄汁喺面…🤦‍♂️咁點叫做燴呢😌跟住到個豬手，賣相好靚，汁另上👍👍點知…原來豬手都係百烚，我冇諗過鐵板上竟然係白烚，仲要切好晒一片片等人唔發覺，大佬呀！所有嘢都白烚，你估全部都係薯菜咩，啲薯角仲搞笑，一粒鹽都冇今晚呢一餐真係好L健康….除咗碟意粉裏面仲有條蟲之外…🤦‍♂️我諗我點都唔會再嚟…

𝒞𝒽𝒾𝓃𝑒𝓈𝑒 𝒻𝒶𝓈𝓉 𝒻𝑜𝑜𝒹 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎成日過馬路經過呢間好少入，原來lunch都幾多人，等左5分鐘。坐左係卡位，好似冷氣唔係好夠，一路食個背隻一路出汗❤️‍🔥🌟招牌沙嗲牛肉麵（$32）🍜食沙嗲牛面最驚d汁唔夠多，成碗湯好淡，呢間就冇呢個問題。佢既沙茶醬好夠味，牛肉幾易咬開，中間冇咩筋。公仔面就軟硬適中，不過好多面未有撥開，仲係一排排🤣-🌟燒腩仔油雞飯 （$56）呢間既燒味一向唔錯，燒腩仔d皮都脆既，雞都唔會太老。配埋個凍奶茶好爽💛📍囍運冰室九龍灣牛頭角道77號淘大商場2期地下G211-G214舖

行開九龍灣揀咗間茶餐廳食個lunch.Portion超多，男人都夠哂食叫左個黑椒汁漢堡扒牛扒飯個人認為要將d汁撈下啲飯先開始食，因為味道都幾重平時飲開檸水，今日成30度，飲杯凍檸茶勁消暑。凍檸茶好評唔會太甜又唔會澀

10:25落樓下買早餐，買到11:30先上得番屋企，中間催左4次，個幾個女職員完全唔理你，當你狗咁樣，望一望又行開，同係出面等仲有5,6個外賣員，最少都等左2x分鐘，有一個醒D，送完隔離茶餐廳先番黎，佢都估唔到依到仲未有，言談間都知送依間早餐最少都要預30-45分鐘先出餐，做你一單order真係做少幾單生意，唔係已經過左11點無早餐食，我真係入去叫佢退$，上到去仲要見執漏左個包，永遠唔會再幫襯，垃圾餐廳

晚上叫咗個外賣做宵夜，但係黎到既食物係圖文不符，佢個圖片就係西多士，黎到就俾左件烘多士，致電到餐廳員工態度差劣，一直推卸責任，只會一直講‘唔關我事，我唔知喎’，最後也不願退貨換翻我想要的食物，令人十分無助。食物味道惡劣，肉醬意粉又淋味道又奇怪。原本打算只說一說 怎料致電餐廳 餐廳的女員工不禮貌的態度 亦沒打算解決問題 一句唔關佢事就算！ 令人有一次十分糟糕的經歷 以後都唔會再叫依間野！$14.4 感覺被騙了！啊

位於淘大的囍運冰室，稻庭烏冬份量極少，不論堂食還是外賣一樣咁少，外賣更過分，只有外賣碗一半的份量。相比起我試過的旺角煙廠街那家囍運冰室，簡直天淵之別。另外服務態度也需要改善，實在太得過且過，有時候坐下很久都沒有人來服務，令顧客回頭率降低，還有時候會用讓顧客不悅的語氣來溝通。