囍雲軒 (The ONE)

营业中

休息中

囍雲軒這家分店環境寬敞舒適，更設有獨立鳥籠座位，私隱度高，而且非常適合打卡🤩💕 (‼️想坐鳥籠座位記得預約時註明)🤍綠野田園雀籠點心超美的三層架下午茶💚 第一層是蘋果造型的鹹水角，口感柔軟Q彈🍏 第二層是酥脆的黑芝麻流沙煎堆，黑芝麻香氣濃郁，味道香甜🖤 最底層則有5款點心，包括鮑魚燒賣、蝦餃、黑松露鮮蝦菜苗餃、紅菜頭野菌餃及潮州粉果，每款點心味道都非常不錯，皮薄且餡料豐富😍🤍盆栽小蘿蔔蘿蔔絲酥餅外皮酥脆可口，內餡綿密細緻，並帶有淡淡的蘿蔔清甜香氣😋🤍古巴雪卡芝士鮮蝦長春卷上桌時以乾冰營造出煙霧視覺效果💨 春卷外皮酥脆，內餡鮮香濃郁，蝦肉與芝士完美配合，味道層次豐富✨🤍紫薯粟米包賣相非常可愛🌽 紫薯內餡柔軟綿密，味道香甜💜🤍西班牙火腿叉燒酥叉燒酥外酥內軟，叉燒內餡味道鮮美，肉汁豐富🤤 上面更放上一片濃郁鹹香的西班牙火腿呢～😍🤍木瓜燕窩燉鮮奶味道香甜，口感順滑，滋潤養顏的中式甜品💖🤍蓮子百合紅豆沙味道香甜醇厚，口感軟糯綿密❤️🤍人蔘烏龍茶帶有濃郁的人蔘香氣，回甘長久🫖

未叫野飲之前睇餐紙，無筆問waiter拎支筆，隨手舉起張紙同用另一隻手扮筆諗住問下有無，點知個粗眉黑實接近平頭裝waiter態度勁差，無回應見佢拎支筆，返轉頭俾筆我嘅時候掘住我，講咗句「去咗拎」，掘到我拗晒頭，心諗我拎支筆好似殺咗你屋企人咁，點有好心情食嘢，有趣嘅係佢之後帶返眼鏡，博我認唔到佢仲有就係叫水仙茶，俾咗個鐵觀音，問佢唔係要水仙咩，佢同我講鐵觀音就係水仙，拗晒頭都無謂同佢坳叫咗啲普通點心野，賣相係fancy嘅，但係咪真係值呢個價錢同好食呢？坦白講普普通通，甚至稱唔上好食，我諗大部份價錢都貴左係地段食到咁上下，開始有好多飛飛下嘅蟲飛來飛去，要擺酒嘅自己諗吓啦星期六個場都唔爆，我諗真係總有原因。

之前食過呢間茶樓好食 今日出開尖沙咀睇戲所以再幫襯佢😋✨喜馬拉雅山玫瑰鹽爆三層肉 $138呢個真係幾出色😋 個皮超級卜卜脆👍🏻👍🏻 個鹽調得啱啱好 唔會太咸 肥瘦都好均勻 好食👍🏻✨原隻鮮蝦腸 $58啲腸粉好滑 😋 蝦好大隻 而且好爽彈 👍🏻 ✨麻香海蜇 $58啲海蜇好爽配上啲麻油香味好食 😋✨蟹籽蝦餃燒賣 $38佢好似有兩款咁 兩粒黃色兩粒綠色 綠色上面有啲黑松露 不過啲肉就比較鬆 好易散🙈 黃色普通嘅反而好啲✨雀巢芝麻流沙煎堆仔 $38呢個賣相都好得意 啲煎堆仔係放左喺個巢上面 好似幾粒蛋咁🤣 擺左好耐個皮都仲脆👍🏻 入面啲芝麻都好濃 推薦😋✨西班牙火腿叉燒酥 $48面頭個西班牙火腿覺得冇乜特別 純粹賣相靚啲🤔 不過個叉燒酥做得幾唔錯 個皮做得好酥好鬆👍🏻 入面多叉燒餡又好味總括黎講所有點心都好食👍🏻 值得我再返黎幫襯 坐得舒服 唔洗等位 味道❤️❤️❤️❤️💔抵食❤️❤️❤️❤️服務❤️❤️❤️💔環境❤️❤️❤️❤️💰晚餐人均～$220（收+1）囍雲軒 (The ONE) (尖沙咀)

第一次嚟呢度飲茶，冇樣樣嘢都影相，比較特別係個粟米紫薯包，係粟米嘅樣，食落去有少少粟米味，紫薯味唔係好濃，甜甜哋，係個樣特別，味道ok啦燒賣同蝦餃就足料嘅大大隻蝦椒鹽茄子就有啲失望，因為一啲都唔脆椒鹽豆腐粒一開始係脆嘅，不過擺咗一陣就完全淋曬另外叉燒腸就真係唔係幾好食喇，因為入面嘅叉燒好乾，似係肉碎，冇叉燒味牛柏葉有啲太厚，所以我淨係食咗百葉嘅部位仲叫咗個黑松露素菜餃，個人覺得黑松露味欠奉茶方面可以揀人參烏龍，味道唔錯，幾香整體嚟講環境取勝，唔似街坊酒樓咁好嘈，係坐得舒服嘅地方

同朋友尖沙咀行街，順路黎The One囍雲軒飲苶環境都幾寬敞同舒適，唔係等左好耐就有位我哋叫咗幾款點心：-紅棗頭野菌餃子，正宗皮薄餡靚，野菌味好出-醬皇蒸鳳爪同出面食嘅冇乜分別，都係一樣咁好食-盆栽小蘿蔔酥下面鋪滿Oreo餅乾碎做泥土，擺盤夠特別， 蘿蔔酥入口鬆化 ，而蘿蔔絲夠晒甜，每啖都有酥皮同蘿蔔絲，一個字，正！-燕窩金魚餃，即係蝦餃，皮薄蝦肉彈牙，將燕窩碎加入上湯同食，係一件食得嘅藝術品，靚到唔捨得食-我哋叫左功夫湯，一個細茶壺裡面裝湯料，飲湯嗰陣用功夫茶杯，幾有噱頭湯料有雞肉、海底椰、瘦肉、合掌瓜、龍眼肉，夠晒足料，完全冇味精，飲完唔夠喉仲想叫多一壺湯添-比較失色係燒腩仔，皮脆但係肉質有啲乾，唔知係咪燒耐咗整體都滿意，下次會帶屋企人再嚟食

每度菜式都別具心裁，選材清新，由五小碟開始，每度小菜都擺放細緻，色香味俱全，令人大快朵頤。酒樓的經理十分殷勤，有詢問客人對食物的評價。今晚選12人套餐，包括十二碟美食，另外最特別是一人一壺老火湯，真材實料。而甜品是腰果露，味道稍遜。

今日來到The One 的喜雲軒飲茶，功夫湯很特別，每人一壺湯，湯很濃味，也很足料。由於湯是倒在很小的茶杯喝的，要飲完一壺湯，要倒很多次，而且倒第一轉時很容易倒瀉，不過這也是它的特色。燒買皮是綠色的，也很特別。環境算寬敞。

冷氣唔夠，室內焗燒乳鴿正情似白烚，肉鞋加乾爭爭拔絲醋一字骨仲搞笑，啲肉冇味係得啲煮杰咗嘅汁浸上去咁龍躉二食……不提也罷，魚肉靱兼且應該係啲魚解唔切凍，所以啲蒜蓉舖到密晒都救唔返嗰浸雪味蕃茄白菜，個廚好意思整到全碟菜勁熟，完全浪費晒啲食材全晚得龍蝦麵同功夫湯可以食完。

【囍雲軒．HEYA x LoveBird Diamond 💎｜18K白金珍珠耳環限定禮遇】HEYA聯乘LoveBird Diamond 推出「Pearl Delights」下午茶🫖套餐(HK$588），讓你與摯愛💖可以在打卡一流的HEYA鳥籠設計的雅座內一次過品嘗HEYA人氣雅致點心🥧HEYA 囍雲軒場內裝潢好靚，同時係婚宴特色場地，樓底有15呎高，平時都有唔少新人👰🏻揀係到擺酒除咗有戶外花園💐，仲有2個鳥籠設計雅座打咭位，想坐記得book位時指定呀📸頂層好得意嘅2隻雀仔🐦， 係"畫眉鳳梨酥"，外層酥脆，內層咬開有鳳梨，同絲絲鳳梨絲!"雀巢流沙煎堆仔"， 入面係流沙芝麻餡，一咬開就流晒出黎，皮好煙韌得黎又脆!"蝦餃🦐"、"菜苗餃"、"玫瑰花🌹饅頭"、"原隻鮑魚燒賣"，蝦好彈牙，全部用料都好新鮮!另個仲有"盆栽士多啤梨🍓"，外層香脆，內裡有流沙奶黃餡，口感豐富!盆栽底下放滿Oreo餅乾🍪碎扮作泥土，好有創意而家凡享用「Pearl Delights」下午茶套餐嘅顧客，仲可獲贈 @lovebird.diamond Lovebird Diamond「18K白金珍珠耳環」一對 (原價HK$599

地方寬敞、食物可見用心、手工點心、價錢中規中矩、但人手不足, 所以服務有待改善；洗手間是商場的, 不太清潔. 整體評分我給75分. 都不影響我和家人歡聚的時光. 感恩黑雨🌀之後仍然有服務, 大家保重😊

今日難得平日放假，同屋企人黎試吓啲間係尖沙咀The One 五樓既酒樓飲茶。上網睇到佢哋有好多特別（造型）既手工點心，好似好吸引咁！🪄🍜蝦球飛天炒麵: 啲個係佢地其中一樣出名嘅招牌菜。炒麵經過特別處理，炸到好似炒麵同雙筷子懸空咁，勁得意，打卡一流。炒麵中間係冇支架成托住😮。黑毛豬叉燒酥: 有別於其他酒樓嘅叉燒酥，佢哋既叉燒酥係用黑毛豬做嘅，仲要有塊Parma ham喺面。懷舊錦鹵雲吞: 呢個懷舊點心，而家已經唔係好多地方有。雲吞炸得幾好，個汁酸酸甜甜，開胃。(抽像)金魚餃：足料，金魚裏面有滿滿嘅蝦肉。雖然外型有啲抽象😬

上次係果度舉行百日宴，事前已經派曬利是比侍應同廚房伙記，係開席人來人往竟然有侍應話我個女好得意走去摸佢腳仔，咁啱果日幫bb帶左金飾係腳仔，最後當然唔見左，仲要睇埋cctv,佢地大部分都係請炒散，做完就走關人隱士，全場服務都好被動，唔會主動服務客人，野食一般般啦，但冷氣唔夠睇到有蚊芝飛黎飛去

今次去到囍雲軒飲茶🫖🫖坐得舒服😃❤️玫瑰花饅頭🌹🌹用心之作👍🏻雖然沒有甚麼味道但個外型好靚😚麵粉韌性高😙🧡蘿蔔絲酥餅一直都覺得呢個好好味🤤💜雀巢🪹黑芝麻煎堆仔正😄好味🤤芝麻好香👍🏻👍🏻💚流金增城掛綠外貌似荔枝😙都特別的😚💙素餃還可以呀😙😙環境一流😙可以預約坐雀籠😙

我預早用電話訂檯，今日下午14：15與媽咪飲茶，母親節食飯。囍雲軒在the one5樓，門口有個好靚的花牆，職員安排我們坐中間位置，好清楚地環望四周，好用心的裝修。最入面係舞台，而受歡迎打卡的雀籠近門口的接待處。就坐後職員問飲咩茶，有比較特別的人參烏龍茶。 點心紙影得靚，每樣食物都好吸引。我最後決定了蒸龍躉飯，點心盤，鮑魚酥。鮑魚酥 $28一隻（2位起）鮑魚好易咬，餡有蜜汁叉燒，皮好鬆化🥐點心盤 $98當中有玫瑰花包，蝦餃，燒賣，菠菜餃玫瑰花包 🌹其實係饅頭，好軟熟蝦餃皮薄，大大隻蝦🦐燒賣啖啖肉，好扎實🐖菠菜餃晶瑩剔透的皮，包住翠綠的菜同大大隻蝦🍤🥬蒸龍躉荷葉飯 $138是炒飯底，有蛋絲🍳飯中有蒜頭 🧄飯面舖滿，龍躉同木耳，十分足料 🐳場內好多待應，加水快，服務好同熟客打成一片總結以靚牆修，但只要付出屋邨酒樓價錢就享受到十分超值

母親節聚餐 ，唔知邊個聰明人揀咗喺呢度食 ，真係好特別， 手工宴有幾個餸 要特別介紹， 雖然唔係名貴食材，但係 心思搭夠， 整得又靚又好食，而且又健康。 最特別嘅一個叫做金華盛世白玉葡萄 ， 驟眼睇真係好似白色葡萄， 一粒粒圓碌碌嘅玉，晶瑩通透， 圓潤飽滿， 原來食材係冬瓜 ，廚師嘅手工真係表露無遺， 簡直就係一個藝術品 。冬瓜用上湯煮淋 ，再淋啲玻璃芡， 旁邊裝飾咗啲葉綠葉， 好似一抽好靚嘅白色葡萄， 呢個餸畀滿分。 另一個更加似生果嘅餸，增城掛綠炸蝦丸，真係好神似，仲要好似荔枝咁用個竹藍仔裝住，神似度十分滿分。其他送都唔錯，有五個冷盆，最鐘意魚籽糖心蛋，功夫湯都好飲，用茶壺裝，好似飲潮州功夫茶咁。最後的甜品係即磨斯里蘭卡腰果露，香滑純棉，少糖多腰果，超好味。