囍 (已結業)

見新開舖，入去試下，之前都聽過「南區之友」說吾好食，但本人一向都是自己食過先真正相信，點知原來真的中伏，堅中伏，從未試過一間如此差的放題火鍋，款式少，叫左個蕃茄湯底，淡到吃不到蕃茄味，加水（真的只是加水，是滾水）...淡上加淡，牛..又肥又薄，丸類勁少，吃一口已吐左出來，吾明點解「貢丸是林林地的？」是否變質左？最接受吾到連豉油同芝麻醬都溝淡？吾明一間新舖開張會整些如此差勁既食物比客人！買手買貨入貨可以入這些次等食品？連最簡單既蔬菜類都覺差.....吾洗錢都吾會再去食！！！

今次嚟到囍搵食！ 第一次來這間日式火鍋放題店～裝修風格明亮～大部份都是梳化卡位、坐得都幾舒服～濃蝦湯底先選湯底～大熱的是椰子雞湯～但媽咪不想吃椰子味、我們選了濃蝦湯底鍋中雖未有見到蝦隻～但一開鍋蓋時、那陣蝦的鹹香味還是很濃郁而食物都帶上了一陣海鮮香味！雞件足足半隻雞。比坊間只有幾件的雞件，這兒不用擔心來來去去都給雞胸，可以盡情吃嫩滑嘅雞髀肉啦。雞隻色澤金黃，未煮的雞肉是粉紅色的，睇到質素唔錯。食落雞肉彈牙，味道渗出雞油香。加上新鮮的沙薑，很有海南風味！歐洲草飼肩胛牛肉我地選了$168 的餐～有呢隻歐洲草飼肩胛牛肉佢雪花紋密集～牛肉質地比平時的美國肥牛有咬口，較煙韌而牛味極濃郁！肩胛位都是多用以打邊爐的靚牛肉部位～以雪花多、油香重、牛味重見稱。草飼的牛肉都比穀飼的貴，我覺得食呢個牛好值回票價！黑豚肉黑豚肉比較大塊～一人一盒有3塊～所有肉唔夠都可以再點黑豚肉的肉質比較爽口～豬肉都有滑的感覺～不會吃到咀累累的！自助蔬菜區有好多唔同款式的蔬菜任吃蕃茄還有打邊爐最愛的蕃茄！我會放幾片蕃茄去湯中～淆製成蕃茄蝦湯！ 好夾味呀！秋葵雖然秋葵在夏天不當造～但秋葵好貴，呢度都可以任吃我拿了好幾轉！只要秋葵

難得有人約我返香港仔食飯，但係佢OT，我唯有食住等，就係附近搵咗間火鍋放題，可以任食。好在係平日、唔要排隊，但上到去到幾多人，幾新整，簡單叫咗個黃金雞木瓜椰子湯做湯底，有成半隻雞你食😂，個雞D肉好滑，好好食，開始感覺良好。"歐洲草飼牛肉"切得大小適中，夾上嚟剛好可以放入口，肉味唔錯，質地OK黑豚豬：切得幾薄，咬口有質感火腿片：好厚啊！我好鍾意食火腿，哎，有好野唔食，食火腿😜 味道好好，雖然唔似係金妹牌，味道可以龍蝦丸：可以encore，幾彈牙，送麵一流芝士丸：比較其他丸就一般，芝士味道一般黑椒牛肉丸：要黑椒既野味，又唔會太啦燉蛋：竟然有燉蛋，即刻試，哇，好滑！雪糕：佢叫咗牛乳雪糕，當然唔可以同"H"字頭既比較，不過除左我，仲有唔少大人細路去食😋

友人相聚，打邊爐是個不錯的選擇，這次選了來"囍"火鍋放題，一邊十下十下一邊聊天。選了$148一位, 可以任食牛肉, 豬肉同雞。湯底選了黃金椰子雞湯底，有個漏斗計時，幾有趣，雞肉不錯幾滑，有椰子味。 我地加左天婦羅、刺身及鵝腸，天婦羅是即炸，刺身都ok，鵝腸則不俗，不會太韌，還有其他食物，但忘記影相。 出去行個圈，這裡有提供部份熟食。 自助調味區, 都多幾調味料可選。 各式火鍋材料亦選擇都幾多，真的眼闊肚窄，而牛肉和豬肉都是叫侍應落單就可以。 打邊爐唔可以無飲品，這裡都有不同選擇，仲有2款豆漿架。 甜品都有，可以滿足一下我地可以女士愛吃甜品的願望。 值得一提，這裡的侍應都好有禮貌，收碟加水換碟都好主動幫忙，抵讚。開心時光特別快，食下傾下又夠鐘，期待下次聚會。

今日一收工就去老婆老家香港仔開餐, 見到有間新開張嘅任食日式火鍋店, 有老婆鐘意嘅黑豚肉同我愛嘅牛脷, 咁當然要上去試下啦😋餐牌上有幾款價錢, 另外加$39可以食埋刺身放題, 我地揀左$168一位, 無限任食草飼牛, 黑豚肉, 雞同牛脷, 另外仲有其他野食任攞同坐飲, 限時90分鐘任食, 時間都足夠👍歐洲草飼牛, 任食, 質素都唔差👍牛脷薄切, 超爽口好味😋黑豚肉老婆食完又加😚今次我地冇加刺身, 就咁火鍋已經好飽😁黃金雞肉質好嫩滑, 仲可以任點, 我地食完都有再叫😋其他任食, 仲有甜品飲品好高😂加左$18叫左個天婦羅, 好香脆👍最後再叫多隻雞😀

香港仔最近開左間日式火鍋放題－ＨＥＹ囍，同類型餐廳好像只有呢間，當然要去試試啦入面地方相當闊落，環境舒適，坐底已經聞到陣陣椰子香味！日式任食放題有多個價格選擇，是乎你想食d咩配搭，湯底也有八款選擇，我地當然要試下主打既椰子鷄煲啦！湯底及材料放好後，服務員跟手放低了一碗醬油，沙薑及青欖，說將三者混合來點鷄食會更為美味。鷄肉果然十分嫩滑，因為放落煲之後要用沙漏計時，當d沙流哂落下面咁就食得架啦，保証唔會太熟而過靭趁等待期間隨意參觀，火鍋食品選擇頗多，而且望落十分新鮮。比較特別既係我發現連通粉，綠茶麵及擔擔麵都有亦有熟食食品供應：飲品柜既飲品應有盡有（除了酒精飲品）：同時加點了刺身及天婦羅，新觧美味：火鍋食材準備好就開動啦：傾下講下食下時間好快就過啦，呢在時侯各位已飽到上心口，任食時限為９０分鐘，一定食到你飽呀

見到新開張都幾多負評，原本都擔心會中伏。但新開又無理由唔試下。食完真係覺得唔錯👍👍 $148 得餐有牛🐮、有豬🐷、有雞🐔，仲要連雞🐔🐔都可以refill ，勁抵食。好多蔬菜，任攞的。味道方面，個雞真係好滑好得，時間同質素都控制得好好。見負評好多投訴個服務，我又唔覺有咩問題🤔，refill 都幾快下，唔洗5分鐘。又幫我地落雞，又提我地個雞ready to eat，正正常常嘅service。以150 蚊黎計，勁抵食同超班啦！！

我地五個都係打邊爐怪，個個星期都去烚下烚下。真係要好似五色戰隊咁擺番個pose 先！今日又番來香港仔大本營，去食新開的"囍"！.一坐低點好餐，點咗$168 餐。急急腳出去要自己夾的蔬菜區走番轉。蔬菜都好多款。.仲有丸呀之類。我地幾個食肉獸，都係食丸多。夾咗好幾轉。有4/5款丸，另外仲有腸仔紅腸咁。refill 得好快，基本上未見過斷貨！.吃過其他香港仔的打邊爐，都無木瓜椰子雞湯底，那我地就點呢個試試！椰子水一滾開果陣香味，令人食慾大增，而雞件先同椰子煮開，整個湯底都變了雞湯！雞件受了椰子水的加持，好滑好香。而雞隻比較肥美，怕肥的先用湯殻把油𢳂走就得。.跟餐有豬、肩胛牛、雞、牛脷。每樣會預先上兩盒（我地5人）。唔夠可以再叫，咁仲好，試過好食先再點。.肩胛牛的油花好靚，食落滿滿油花香。朋友話肩胛牛肉的油花多又易溶，所以這個部位最適合打邊爐！我地這款仲叫多了8碟！.牛脷就好有咬口，好爽口。平時燒的食厚切就好柔軟，而家打邊爐食薄切依然好多肉汁！.豬是用上黑豚肉，豬味比較溫和，肉質不鞋口。.無啦啦我朋友點了個天婦羅，佢話見到餐牌，吊起咗佢想食煎炸野嘅引。$18散叫，有大蝦同野菜選擇。野菜有冬菇等

作為為食貓嘅我 最鍾意周圍搵野食專搵抵食 平靚正嘅餐廳今日搵到間放題 幾好幾好 推介比大家先喔* * * 分隔線 * * *貪佢呢到環境夠大 坐位舒服 光線柔和而且雞係仼食 嘩依家求其落街斬件雞都成百蚊呀 貴到傻左 我就專登黎食雞同呀妹兩個大食積點左三轉雞 即係一隻半呀 係咪好勁呢呢到嘅雞好好味 侍應哥哥話係自家養 唔係掛雞都有得自己養 真係第一次聽呀 味道真係有雞嘅香味 唔係急凍雞黎 質感好滑 味道好鮮架呢 雞皮比平時嘅雞黃 係佢地自養品種獨有 真係好食 記得要連皮食呀 牛肉我揀最平套餐 無期望 但有驚喜 好味過大家樂打邊爐嘅牛多多聲 油同肉分怖得平均 好味道 當然叫貴d就牛嘅級數會高dd 自己決定其他仲有好多仼食配料，整體好抵食。醬料都好多配料自己加

是緣今晚屋企人話要出街食飯，又懶要出哂汁唔想出銅鑼灣，要在香港仔。行到恆生時候，望到對面有間放題。我就話想食。行到上去，覺得地方好大；櫈與櫈之間有頗多空間，人多嘅時候，唔會覺得迫。另外仲有架位坐。樓底都高，主要色調用白色同綠色。當有自然光照入店鋪，感覺好舒服。望下個餐牌，有多款你選擇：另外八款湯底揀一個。你問我，我就一定要手指公果啲。因為佢推介得就一係多人叫，一係餐廳招牌湯底。屋企話叫黃金雞椰子湯。幾分鐘之後，侍應就拎個金色大煲，金色大煲已經放左椰子雞湯，之後就等佢滾。到滾嘅時候，個煲釋放左好多椰子味出黎，真係好香。侍應見滾左水就拎起個蓋，然後放左隻雞。順帶一提,侍應放雞就小心放入爐。目的驚我地俾熱彈親。見到有個沙流，當沙流流完即表示啲雞已經熟透。侍應話可以點青檸汁加沙薑。我先食唔點汁，啲雞好滑，雞肉唔太實肉。之後食點左青檸汁，食落去比較清新。我地叫嘅餐有肩胛牛肉。脂肪分佈平均。食落去牛肉味濃。有我最愛肥牛同牛舌，肥牛紋理好清晰。脂肪唔算太多。食落去無雪水味，仲好有牛味。牛舌好滑。一底牛舌有八塊左右。本人建議食一塊牛舌就放一塊牛舌落爐度。餐廳職員用冰墊住鵝腸，令到鵝腸唔會咁易改變qua

呢度嘅日式火鍋放題，價位由118蚊至368蚊都有，有平有貴，限時90分鐘。分別係每個餐嘅肉類都唔同，最貴嘅餐有手切牛，相片中雪花紋不錯，最平嘅餐就118有交易，無牛肉。最其他菜、丸、飲品等都係自己拎。.我地揀咗第二平嘅$148餐，有牛肉、美國黑豚肉、黃金雞。.湯底方面，可以選泡菜湯、雞湯、蕃茄湯、四川麻辣湯等成十個。我地比果浸好香既椰子味吸引，所以揀左黃金雞木瓜椰子湯！果然無揀錯！.椰子味噴到個身好似塗咗香水咁，勁濃味！黃金雞有半隻，上雞時會俾埋個沙漏，當沙漏完雞就熟啦。雞肉果然係好嫩滑！仲有微微既椰子香味，個湯底都好清甜！好味！.自助Bar方面，壽司有一大盤。雖然係預先做好擺出黎，但一啲都唔乾同硬，幾好食，我一個人食左成六舊！.仲有好多唔同配料，好似腸仔、紅腸、午餐肉、火腿、蟹柳。.菜方面，我覺得好多選擇！！喜歡食菜既朋友大愛！.丸類都有好幾款。.牛肉，唔好覺得一碟好似得幾片唔夠咁，佢係可以任叫的！仲好啦，份量易預啲，食完唔夠先再嗌，唔會造成浪費！.黑豚好淋，梅頭肉，肥瘦剛好！.最後仲可以食杯雪糕！有雪糕機自己吱的！仲有好多配料！.飲品自取，有汽水、豆漿等。我地加咗個鵝腸，見到好多枱

今日專程去香港仔中心探朋友，臨走時見對面馬路有間日式火鍋放題，餓餓地就行過去睇下，心諗幾抵食喎! 不如試一試。揀左個A餐，每位$118。黃金雞過咗一陣就送上濃雞湯底同半隻黃金雞。 職員特別提醒，等湯滾之後先加入雞件再較慢火煮十分鐘後就可以食得。雞肉好滑，點一點加了青檸汁同沙薑嘅豉油一齊食，味道更好呀!!手切J級大雪肥牛本來打算單食A餐就算，但見到隔離枱點了碟雪花肥牛，實在太吸引喇! 我都忍不住又點了一份。將肥牛放落濃濃的雞湯之中，再點一點醬汁。肥牛烚了幾秒，時間岩岩好，又淋又重牛味，推介呀!  $168一份手切肥牛不是太便宜，但都不妨試一試。美國黑豚肉黑豚肉是可以任點任食的，一開始就點了兩碟慢慢嘆，食完一碟又碟，肉質很爽，肥瘦適中。自助BAR麵食：有拉麵，烏冬和擔擔麵。試咗其中兩款擔擔麵，煮大約五六分鐘，吸收晒雞湯精華，麵質煙煙韌韌，好好食。蔬菜：亦有很多選擇而且非常新鮮，個人就比較喜歡生菜，油麥菜，南瓜，蕃薯，鮮冬茹等等。丸腸類： 質素都不錯。飲品: 主要有百事七喜之類，而我就喜歡烏龍茶和綠茶，因為可以消消滯。食咗個半鐘，基本上已經食齊晒自己喜歡的食物，好飽好滿足。整體來講，食物質素

前幾晚同屋企人食晚飯，近近地屋企樓下食下新開個間打邊爐！夜晚低至$118已經可以無張添加豚肉同火鍋配料，都算抵啦！叫左$198套餐，有得食下牛脷，其他任食打邊爐未必有！牛脷顏色都幾鮮豔，幾好好色水咁喎！洽完食落又好ok,唔會食橡筋咁！叫左呢個出名嘅椰子雞湯底！都有成半隻雞嘅份量！店員推介用呢個秘製醬汁去沾雞食！青檸汁加沙薑都係第一次試！酸酸地咸咸地好過癮又有d開胃！至於火鍋配料出面都有唔少食品可以揀，芋頭特別要試，媽咪話好新鮮！飲品都係汽水都有烏龍茶、柑桔檸檬之類，但就未有酒牌關係，仲未有啤酒！另外都有兩款豆漿揀下仲有少量熟食，想食少少飯都得啊！最後食返個乳酪雪糕食飯後甜品，又有少少toppings揀下，都唔錯！

今日難得放假，我同朋友去食打邊爐，不過今次打邊爐有少少特別，就係主打椰子雞！仲要係任食嘅椰子雞！聽落好似幾抵食，又有牛肉又有豬肉，連雞都係仼食！平時出邊食放題打邊爐嘅雞肉，全部都係細細塊咁，仲要係急凍，呢度嘅雞既然係半隻咁上，可以睇到成隻雞嘅原狀，正！一入到餐廳坐低，揀定咗套餐，就梗係衝出去拎嘢食。選擇都唔少。菜嘅款式都幾多，望落幾新鮮，食落卜卜脆，好爽口，浸埋落個椰子雞湯，全部菜都勁香椰子味！丸類呀，麵呀，雪糕都樣樣有，一定食到肚爆先走！雞肉更加係正，叫兩碟雞食，勁滿足，又滑又香，味道一流。牛肉$148款式，夠做有餘，有牛肉味，唔老架d肉。有錢嘅可以叫貴d嘅餐，平貴都有得揀，剩係食菜都坁！

之前新開張當天來過一次，大概知道格局。始終出街食飯，多肉少菜，夏天來說不太好。今次跟好閨密吃飯，香港仔沒有太多選擇，我們便選了任吃火鍋，想吃蔬菜爲主。。我們點了最便宜的$118 套餐。有雞有黑豚肉。先上湯底，椰子雞湯加上了新鮮有機木瓜，入口有陣陣木瓜香，很有層次。。看到有紫色的蕃薯，本來我不吃蕃薯的，驚太飽肚。但紫色的打邊爐又很少見。蕃薯放湯後好粉好綿，椰子香中還是有很有勁度的香甜。。而家夏天，當造的有通菜。輕淖一下，中間的空心地方一咬即有湯汁，吃到索索聲！。西洋菜是冬天的菜，不太當造。但和火鍋很夾味。。還有各種什菇。我喜歡吃南瓜，其實南瓜有很高的纖維，比吃菜更好。這兒的南瓜粉糯香甜，我最後拿了三轉！。夏天一定有瓜果。喜歡先放幾片冬瓜，傳說可以減少火鍋的燥熱。。最後不少得粉麵。烏冬是我的最愛，這兒的烏冬夠煙韌，不會一pat pat，掛湯力高。。這兒的裝修顏色跟蔬菜一樣，以綠色爲主，是餐廳來說，少有的顏色。。