四喜大排檔

营业中

休息中

當日天氣涼咗啲，所以決定去食大排檔~假期生意都唔錯，幾乎坐無虛席，不過因為喺街邊食，環境唔會好得去邊😂嘢食都係普通大排檔菜色，仲係用手寫單，但對比起之前個間大排檔，依家哩間明顯貴咗😢=====================🍍菠蘿咕嚕肉 $88個人覺得呢個最好食，酸甜度啱啱好，個醬完美包裹住舊肉，仲幾脆口🤤酸酸甜甜真係幾開胃，送飯一流~🥦西蘭花炒鮮魷 $98呢個反而係友人覺得最好食，清清地，西蘭花索咗鮮魷嘅鮮味，鮮魷又唔韌，而且份量都唔少💁🏻‍♀️🐚豉椒炒蜆 $88蜆肉唔算大粒，有好多都得返個殼😮‍💨同埋啲蜆唔係幾靚，豉椒亦唔算特別惹味，偏咸少少，個人覺得一般般~=====================總體嚟講，呢度嘅份量都幾多🤰🏻我哋仲要叫咗兩碗飯，差啲飽死🤣依家呢類大排檔真係愈嚟愈少🥺喺呢度食嘢真係特別有feel~

今日黎到柴灣 由於我係搭巴士 落車後行一條好隱蔽嘅山路落到黎山腳 到店面感覺好似時光倒流左30年前🥸🥸 講緊真係坐喺路邊食飯🤣🤣個廚房係開放式，你會見到個廚師係喺度拋鑊👨🏻‍🍳呢度淨係做晚市，除左堂食亦都有外賣自取同者外送嘅服務除咗小炒之外亦都可以加工，我哋叫咗個炸子雞、芝士兩面王，跟住就係我哋喺附近買嘅海鮮進行加工。燒雞 皮脆肉嫩芝士兩面王我係第一次食，我喺其他餐廳都未試過感覺係幾得意呀我覺得嚟到不妨一試。在炸咗嘅麵上淋上中式嘅芝士汁再加埋香葱真係極之邪惡、好味道加工海鮮🦞一個係蒜蓉蒸扇貝、椒鹽賴尿蝦、清蒸星斑全部都好好味😋

📍#四喜大排檔#MFJ柴灣 #MFJ中菜 #MFJ港式人均消費: HKD150以前食開隔離間大排檔，今次機緣巧合下試咗四喜，睇下你好唔好食😆 佢雖然係熟食中心，其實係街邊食，依啲先夠地道！ ⭐️脆皮豬大腸🐷$88起初見到個樣都諗住唔好食，點知又幾好食喎！個皮好脆但一啲都唔韌，內裡亦都好軟稔，咬落好有口感！ 而且佢單單靠個醬，佢本物撈咗好蛋香粉，食落仲惹味！ 💯豉汁蒸白鱔🐟$200好少食到拍得住媽媽牌嘅豉汁蒸白鱔！ 豉汁夠晒入味，白鱔本身又夠晒爽口，咬落去啖啖肉，滿口豆豉香！ 下飯一流！ 🆗蠔仔煎蛋🦪$88我緣為係半煎炸果種蠔餅，原來真係煎😂 蠔仔都大隻，仲有啲食落有少少鯹！ 蛋調味唔太夠，有點平淡💯椒鹽鮮魷🦑$98大排檔點少得椒鹽鮮魷！好好好正！ 個皮炸得超鬆化超級有口感！ 魷魚夠晒香口而且一啲都唔韌，仲超級有口感！勁正！👎🏻蔥油雞（半隻）🐔$100蔥油雞就真係差少少！ 蔥油望落都冇咩色水，亦都唔香！ 雞食落冇蔥油味，連雞味都冇😂 隻雞超瘦，好似食咩位都冇咩肉咁🙈💯椒鹽豬手粒🐷$88又一推介！好少有嘅椒鹽豬手！ 其實佢件件都好大件，一啲都唔粒！ 椒鹽夠闣香，佢仲有好多辣粉係上面，好香好

一直以來都有聽過呢間大排檔嘅名，從來冇幫襯過。今日難得有朋友由外國返嚟，想食大排檔，咁就一齊食呢一間四喜大排檔啦。話明大排檔，坐就冇咁舒服㗎啦，都係坐路邊，但枱面都乾淨嘅，仲有紙巾、 熱辣辣用滾水浸嘅碗筷、鋪晒枱布，起碼感覺上都乾淨啲呀。由於得兩個人，所以我哋都冇嗌好多嘢食，我哋叫咗四樣嘢再加一碗靚仔同埋一罐忌廉😬，埋單三百幾蚊，價錢ok lah. 先黎脆皮炸乳鴿 - 好耐無食過！ 個皮係夠脆嘅，個肉都可以的，又熱辣辣，但係食落唔係太入味。🤔再上椒鹽鮮魷 - 個粉漿都幾薄，啖啖肉，值得推介👍🏻仲有椒絲腐乳通菜牛肉 - 牛肉好大片，好多，通菜都爽既，但略嫌腐乳味淡咗啲😅最後黎一個荷蘭豆炒臘肉 - 份量好夠臘肉、潤腸、臘腸、都有好多。荷蘭豆滿瀉，夠晒幾個人食👍🏻一路食，一路聽住師傅喺度炒野啲鑊氣聲，個鑊頭d煙火蓬蓬聲，感覺好香港，一家人一齊坐底食飯，有傾有講有笑，呢d就係細個既味道，大個左就好少齊人食飯😢，呢啲就係我地又熟識又有d陌生既香港味啦🥺