四季文昌 (已結業)

不嬲都以為四季文昌只係食文昌雞和打邊爐，早午經過見到佢哋做早鳥午餐 Early Lunch 只限11.30am - 12.30pm，諗都唔諗就衝上去試一試。文青既裝修，面對住始創中心大玻璃，地方寬敞環境舒適，未食已經加分。三個人就試曬佢三個餐，四季文昌海南雞飯，叉燒煎蛋湯烏冬，海南咖哩豬扒飯。海南雞飯最好味地方就是不太肥不太瘦不完全熟透，骨與肉之間帶點桃紅，皮與肉之間帶點薄薄的透明啫喱，加上甜豉油和薑蓉撈飯一流。叉燒帶點炭香味，微焦外皮入口香甜，肉味濃郁帶香味，叉燒配煎蛋加上香滑可口烏冬簡直絕配。豬扒炸出來外酥里嫩，香脆又鮮嫩，肉的質感軟淋但充滿嚼勁，加上香濃的咖喱，再來一碗白飯，根本停不下來。每一個餐附送三碗湯加飲品，足料之外飲得出絕對冇加味精。Set lunch可以飽到上心口，講笑夜晚可以唔使再食。如果五星滿分可以再畀加分我一定會再加。

第一次去呢間食中菜唔錯幾靚同埋啲椰子雞就新鮮又大隻好抵食地理環境又方便又近地鐵站The location is nearly MTR station and bus stopsThe atmosphere there are great and the coconut chicken are fresh. Especially there were lot of choice of cocktails and mocktail it is great to drink when have hot pot

今日同朋友兩個人黎打邊，好評明明266，晚飯時間，上到去竟然得幾枱，都有點怕中伏，考慮左一陣，決定試一試。入座時見到窗口位仲有一枱吉既未有人坐，我地要求坐，著西裝唔太高大既一位疑似男經理不太好禮貌地秒回「果到六人座，你地有冇6個人呀？！」但眼前坐梗所謂6人座既客人，都有2、3、4人，相反6人既就真係唔多見。我地再一次問呢個「經理」我地話「人地2、3人都可以坐」佢今次話「人地早黎呀嘛，果張我要留返比6人坐」我地話「呢到咁大，好多枱都可以坐6人喎」「經理」態度好差咁問「一定要坐果到架咩？」。。。。。阿「經理」講到咁，我地都明白點解附近食肆都排晒隊，但得呢間咁冷清清。既然咁趕客，咁我地當然走人啦友人仲好好聽咁同「經理」講左句「我地睇過都係唔係好岩食」阿「經理」再次發出趕客態度，手一揮「係啦，走啦」😤😤😤如果張枱係已留座既，我地明如果窗口位枱枱都4位以上坐梗既，我地明如果唔係全場吉位既，我地都明 所以，我地真係明白，點解會冇人黎食

呢間火鍋店標榜佢哋嘅椰子雞鍋底， 朋友介紹去到要試咗去個湯底先， 所以個湯底一滾就飲咗一碗， 好鮮甜嘅椰子雞，叫左一個4人餐再加海鮮， 我哋一共有六個人， 佢啲蔬菜好特別， 有羽衣甘藍，仲係連埋水種住咁樣上， 佢有一個煲仔飯跟埋， 個煲仔飯都好正， 唔係太油， 有好多餸呀， 最後個飯焦，我哋用咗火鍋美味嘅湯底，泡埋一齊食， 去前菜D小食，豬手好好味， 個雞腳都ok， 之前同朋友試過去間慶祝生日，兩圍12人， 嗰次我哋叫咗佢個阿拉斯加蟹海鮮拼盤， 總括嚟講呢間火鍋店嘅出品，水準保持得到嘅

今日突登過黎食椰子雞 去睇左有開門就去 點知去到無開 完全無通知 但距網頁上有寫營業中🙄下次如果想去食既朋友小心d 完全睇心情營業 電話你打幾次都唔好希望會通 差不多無一次會通

文昌雞的食物很新鮮，有很多選擇。而最重要的是員工的服務態度很好😊😊、有禮貌、照呼週刭。我是經過Open Rice 做訂位的。四。季文昌雞也不忘記。打電話來與我覆實

每次來也有不同套餐的轉變。很特別、而且食品也很新鮮。今晚我們是6個人、所以選擇了5至6人的套餐。套餐已經包括一隻文昌雞、之外也有安格斯牛肉片、也有脆肉鯇魚、新鮮生蠔和蝦。我們也是只加了生菜和煲仔腊味飯。味道超正。

自從朋友介紹過黎哩度食lunch之後食過一次就無再食過，今日突然諗起佢，所以就黎食啦我鐘意哩度座得夠舒服，因為真心好闊落既，空間感大到呢不過今日啲待應姐姐啲服務就有侍改善，太差了啊影響心情呀，最後我地嗌左兩嗰lunch set😚❤️招牌海南雞飯同埋柚子醬叉燒炒蛋飯呢個招牌海南雞飯又真係幾抵食喎，套餐仲包埋一碟油菜💕💕海南雞勁滑，雞味好濃郁⭐️⭐️配埋黃色嘅雞油飯，飯粒分明，一啖飯一啖雞，不錯不錯👍 柚子醬叉燒炒蛋飯就唔多得首先呢碟飯個味道有啲奇怪😭柚子汁同蛋完全一啲都唔夾囉，然後啲叉燒仲係要切C，唔係成塊上，感覺啲叉燒唔多新鮮，一碟普通到唔普通嘅柚子汁叉燒炒蛋飯😆

之前听人講過"四季文昌" 打邊爐ok,但都未有機會試，有日lunch 行過見到lunch set 幾抵，一於食下。我嗌左個"肉骨茶配油飯"($62), 老公嗌左個"四季文昌海南雞飯"($68). 肉骨茶味道不錯，夠味，亦都有幾件排骨，可以share; 海南雞就不過不失，無乜特別。兩個lunch set 都成set 定食咁黎，賣相ok. 仲有埋油菜，感覺上幾健康。飲野方面，夏天熱辣辣就緊係要飲番杯梳打，呢間野既凍飲大大杯，又唔算甜，唔錯。同埋間野都坐得幾舒服，如果旺角區番工既人士可以試下。

本身已經經常幫襯四季文昌 ，再加上㩒㩒下手機📱見到Eatigo上有半價優惠（冇睇錯係半價啊！）😱😱😱，即刻訂位撲去食椰子雞🥥套餐都幾抵但因為唔係所有野啱食散叫左半隻原味🥘(原價$138)、安格斯牛仔粒🥩(原價好似係$98🌚)同臘味芋頭煲仔飯🍲(原價$88) 一落單就即刻有阿姐嚟倒啲椰子水🍶同椰肉🥥入個鍋，等左唔夠兩分鐘，啲椰香味出曬嚟，好想即刻可以開蓋飲🤤好不容易等到佢滾先擺啲雞肉🍗落去，跟住又係等😫這麼近那麼遠啊～ 漫長嘅7分鐘終於過去，第一時間飲碗湯先，好甜好香好感動😭. 雞點啲豉油，雖然唔係件件都滑，但味道唔錯，椰子肉都可以點豉油食架！（雖然其實我主要都係飲湯，全程係咁飲😋）牛仔粒都有牛味，肉質亦唔會鞋，ok嘅👌臘味芋頭飯就做得幾好，雖然有少少鹹，但飲啲水🍵無問題！份量超級大好抵食，如果有三個人每人都有兩碗🥣🥣，我地得兩個清唔曬😂埋單一共$200（人均$100）真係超值、好飽肚🤰

一入間餐廳感覺好似去咗台灣，地方好大，有啲文青感覺。三個女仔叫咗個2-3人餐，再加多個炸魚皮，同埋雜菜籃，買單$6002-3人餐有一份牛，半隻雞，2款丸各3位，一份餃，仲有個炒豆乾。重點係個椰子雞湯底，好清甜好好飲，我飲咗兩碗。令一重點係個炸魚皮，黃金炸魚皮，勁香鹹蛋黃味，真係不得了，魚皮夠脆又大份。必食推介！我會為呢個魚皮同椰子雞湯底，再返去食！順帶一提，服務態度抵讚，有禮貌之餘，亦主動協助你不同需要。

同學偶爾見到四季文昌的生日月份草蝦優惠，於是便book 了一起大吃特吃了。餐廳環境優美，裝潢別緻。我們點了一個三至四人的滋補文昌椰子雞套餐，再加一些不同的菜式及附送的草蝦，以及一個大大嘅蠟味煲仔飯。草蝦雖然係附送的，但鮮甜味美，牛肉味道濃郁，椰子雞湯潤喉清甜，而且雞也是十分香口，脆肉鯇厚肉非常。個煲仔飯實在是比想像中巨大，最後還吃不完要打包呢！這個餐廳真的十分值得一試。這些草蝦十分彈牙甜美。魚片是厚彈的脆肉鯇。大大伙煲新鮮香口臘味煲仔飯。主菜是香甜好食的椰子雞鍋。炸魚皮十分穌香!牛肉真的香口厚實!!!!!店面~

今次第一次食四季文昌。一行入來，原來裝修勁靚，好似文青咖啡館咁，點都諗唔到食雞火鍋。香蔥五花腩籠仔蒸飯，好食又好睇，首先份量真係好大，其實可以兩個女仔分。一打開熱辣辣又香，五花腩唔會好油膩，配埋香葱食都幾好。個飯係炒飯底，唔會乾，反而係沾左猪肉既油，好味，亦都好飽。今日我地實在好lucky ，可以飲到呢碗燉湯🙈 燉湯以瓦盅盛載，既可以發揮保暖度極佳嘅效果，亦可以逼出材料嘅精華，飲到呢碗香氣四溢味道唔错，下次继续。

朋友生日選了這間店試下，經openrice訂位好方便，過馬路就見到好大個招牌，推門要上樓梯，上到去見到有紅色電話亭，有好多書和有張sofa，裝修好有文青風格，有影相打卡位。我哋一行6個女仔唔算大胃王，睇餐牌有海鮮套餐或其它套餐好似都幾抵食，但有朋友唔食海鮮咁就散點，點了...竹笙椰子雞一隻$268，手切安格斯牛頸脊$288，野菜藍$68，紫菜響鈴$48， 韭菜餃$78，手打墨魚滑$88，手打丸拼盤$128，臘味芋頭煲仔飯(大煲)$128，醬料每位$15 另加一服務費。好開動啦...先煲滾個椰子湯跟住放碟雞，加上蓋後就放個沙漏計時器在煲蓋上，沙漏完了雞就食得， 先飲下頭啖湯先，湯底好青甜椰子味，食完雞就開始食其他食物，火鍋食物都好新鮮，我地食到差不多就點了一個大的臘味芋頭煲仔飯做主食，大約等了20分鐘，一拿來打開蓋就聞到臘味加飯焦嘅香味，食落果真好味道，估唔到係火鍋店都有煲仔飯食，還煲得幾好味有驚喜喎! 整體裝修舒適，服務細心，食物新鮮，價錢與一般火鍋店差不多，除了可食文昌雞火鍋，還可以一試個煲仔飯㗎。

因為班細路要考試，5月之星⭐️生日🎂飯，就推遲到6月先食。壽星⭐️女就選左呢間打邊爐。比左張長枱我地，唔係食西餐喎，10個人打邊爐坐長枱好難搞，傾計又唔方便。最後唯有開2個爐，女人一邊，男人一邊，班細路係中間囉！🤷🏻‍♀️個湯底係椰子🥥雞🐔，個牛幾ok, 嫩滑，基本上食物方面都ok。（打邊爐其實好少唔ok囉🤣）但係服務方面就有待改進一下，好簡單既加單咁啦，一個午餐肉，加左2次單都冇黎，第3次決定唔填✔️，口落單啦，我話我地已加左單2次都冇黎，佢指住張總單答我黎左啦........其實佢明唔明咩叫加單......好啦，我地見隔離枱個臘味飯煲飯好似幾正，都叫返個試下，我朋友問呢位姐姐，落左豉油未？佢話落左，問佢落左幾多，佢竟然答「一陣開蓋你就知」🤣🤣🤣，妳好叻喎，對個客咁講。另外上菜果位哥仔都好叻，上碟打邊爐既牛肉，就放係老遠冇人坐果邊位，比鬼食架？ 上煲飯，就識放係你爐隔離。年青人，上班可否上下心，唔好求其放低就算啦！總括嚟講呢，食物正常，服務有待改善，價錢中上。下次就......應該冇下次😅