四寶食堂 (已搬遷) 新店位置

我本來去xx冰室食下午茶餐，但要等位，我最憎要等，因我本身個人比較急咩都要快，梗係走人啦!係正冰室隔離有間末試過既餐廳，見到招牌你會以為係叉燒店，好彩吾融係，因我吾係食肉獸，肉我麻麻地細細間店舖，幾西餐feel,有花花草草好休閒既感覺，我最鐘意係里D環境食下嘢，飲下咖啡(如果有就正!)我真是吾知它既賣點係物，好似物都有甘，有黑松露飯(西餐？);有牛肉河配生菜包(越式?泰式?);有雞脾飯(茶餐？)救命ah!我有選擇困難症，全部中晒我既口味，係里度我首選牛肉河配生菜包(但我來過幾次無一次有，我嚴重懷疑里樣野係無既次選係黑松露飯，我係西餐食，一般要Ok,但今天我食左三分一已收皮，因它得飯同一隻大菇，無其他配料，個汁太漏啦!我頂吾順，食到我想反胃反而我朋友個豬扒飯吾錯喎，豬扒好少可以整得甘嫩，仲有隻蛋係D反少左D，好彩可以加飯講環境里度無得輸，講食物(對我來講，除左第-次中伏，之後食果D都oK，例如奶油朱+雞脾飯)如果下次再去有生菜包，甘就very good

以往下午茶時段去到炮台山的話，總愛去「半島冰室」tea，日前特登去其隔離的四寶食堂試吓，結果這次的直覺是對的，此店的食物果然有驚喜。店子裝修不同一般茶記，感覺似Cafe多一點，一個人便坐在高櫈吧。好欣賞他們在高櫈位設有幾款叉電的電線提供，夠貼心。看見下午茶餐有一個「是日精選飯加瑞士汁雞肶及奶油脆豬」的組合，結果沒油肶下，最終變成磨菇腸仔飯+炸雞肶+奶油脆豬。磨菇飯個汁幾濃，菇又軟硬適中，唔錯。炸雞肶雖然細細隻，但真的炸得外脆內軟，十分juicy，火喉甚佳。奶油脆豬亦香香脆脆的，整體來說質素頗高。而且加埋杯凍檸茶都係四十幾蚊，抵呢！

今日同friends 去天后放下飯，行到肚餓，就事但搵間餐廳醫肚...... 見到呢間四寶食堂，睇落正正常常，又唔太差，又唔太貴，咁就入去試下啦......好彩果時都唔洗點等位，好快就有位啦~~~ 我就叫左個「滑蛋叉燒飯」。開頭以為係頹飯.....點知有驚喜!!!!~~佢d蛋炒得好滑，好好食~~~~ d 叉燒又唔會好咸，又唔會好un ~~~~ d飯唔會太濕~~~~ 總之就好正!!!!估唔到本身以為求其食一餐，都可以咁surprise~ Haha 食左先至記得影相

係炮台山一帶覓食嘅人一定識得半島冰室，門口長期都有人龍！我見最近隔離開左間新餐廳，唔駛排隊，就當然要試試！我就叫左依個番茄米粉配炒蛋加奶油豬其實個餐本身係番茄通粉嘅，但咁岩通粉賣哂，問我轉米粉好唔好，咁我又冇乜所謂就轉左米粉～番茄米聽落好似好頹 但食落就好驚喜！番茄湯底勁足料，食得出係真材實料，唔係罐頭番茄味，啲米粉又夠哂爽口，就算浸耐左都依然彈牙，值得一讚！😍而奶油豬烘得勁脆，又唔會太乾！好好食！一定好食過某連鎖茶餐廳！同行友人叫左豬排麻辣撈麵，我偷食左一啖，覺得個麻辣汁超級好食啊！！下次再嚟一定要試麻辣撈麵睇嚟今次半島真係有勁敵啦

一直都幾鐘意呢間小店，嘢食好味呀，有心機整。今日試過呢個聲稱頹飯，喂得喎! 除咗叉燒一般，滑蛋蔥花豉油飯底都得呀！抵食! 平時早餐下午餐都幾好，雖然都係沙牛麵嗰啲，但係味道較得幾好呀，最緊要係有外脆內軟嘅奶油豬配餐啊！

好想好想在這𥚃去分享一下我喜愛嘅餐廳，但係因為工作忙碌，一直都沒有空閑時間去分享一下。趁着這個長周末，有機會去嘗試了一間很有heart去做嘅本地小餐廳。餐廳坐得舒服，設計簡約，細心顧及一些客人的需要。提供不同手機义電的地方。員工服務又好。今早就試了一個豐富早餐，泰式肉碎米粉和沙嗲牛肉麵。米粉外表好似不是太吸引，但是我想食得清一點，沒想到味道真的很不錯，很有泰式風味。老公就吃了沙嗲牛肉麵，牛肉新鮮美味，湯底充滿了沙嗲花生香，值得推介！仲有跟餐嘅奶油豬，我怕肥，但都食差不多完👍。完本星期日想再去試其他推介，滑蛋叉燒飯和蔥油豬扒撈麵，但星期天休息，唯有找個星期六再來啦！

上星期三本來去半島冰室食下午茶，見門口有人排緊隊，於是去咗隔離呢間四寶食堂試下，呢間餐廳只開咗幾個月，吾係好多人，但啲食物質素吾錯，我叫咗份餐係瑞士汁雞肶肉燥飯+奶油豬+熱檸茶，只是42蚊，全份餐都好好味，但建議老板熱檸茶應該配隻鐵匙羹，你俾隻幼膠條我跟本篤吾爛啲檸檬㗎。今朝早試個早餐沙爹牛肉公仔麵+餐肉煎蛋+奶油豬+熱奶茶32蚊，沙爹汁有啲花生粒好好味，塊餐肉幾厚煎得好香，奶油豬內鬆外脆，奶茶不過不失，整體合格有餘，其實此店水準不在隔離半島之下，只是食物款式不夠多，希望此店以後加入多些款式，食物保持水準，繼續努力

其實我已經知道樓下開咗間新餐廳好耐，不過就係次次都唔記得要幫趁，講真，佢又唔起眼，門口又冇餐牌，都唔知原來係一間茶餐廳。咁啱今日陪公主開學，呃咗公司半日假，可以同老公去嘆吓早餐，終於記得去試吓佢～～入到去，裝修的確同平時嘅茶餐廳唔同，如果唔係啲鄰居同我講係茶餐廳，我都睇唔出佢係茶餐廳，舖仔細細，話坐得舒服就呃你啫，不過氣氛就幾好，店員又客客氣氣，輕輕鬆鬆咁，唔會話有種食完要趕住走嘅感覺，呢樣嘢，佢哋做得幾好！（可能因為冇乜生意）食物款式都算多選擇，一般大路嘅茶餐廳嘢囉，火腿通，沙嗲牛肉麵，ABCDE~~餐佢都有，見到佢個餐牌，叫做有個「泰式肉碎米粉」幾特別，就點咗呢個，老公話見到一個「異像」，好多人都有叫沙嗲牛肉麵，佢話叫呢個實唔會出事⋯⋯😂過咗一陣，好快有嘢食，沙嗲牛肉麵果然不負所望，佢同其他茶餐廳真係唔同，好濃好惹味，有啲花生粒，有啲黑椒粒，真係幾好泰式肉碎米呢⋯⋯佢用咗個船河湯底做，普通茶餐廳嚟講，都算好認真。總括嚟講，呢間餐廳仔都算係咁，氣氛坐得舒服，食物有心機，招呼都okay。

今日落樓下講開四寶好似咁耐都未食過，看更又話幾好食咁～ 所以 2 條友就去試吓～ 🙊🙊🙊見 D 午餐好正～ 所以 2 個都一致試咗 3 號 䓤油豬扒煎蛋飯～ 🐷🍳🍚碟飯到咗大吃一驚～ 䓤油超多又香，蛋滑又流心，鼓油甜甜咸咸的剛好，飯粒粒的冇變糊仔，豬扒超大塊又厚，成半吋厚㗎～ 唔怪得變咗隔離地盤飯堂 ～ 💪🏻💪🏻💪🏻環境超舒服 ～ 不過坐位不多有試要快 ～ 😸😸😸絶對建議大家去試試，包變大家嘅飯堂～ 🤠🤠🤠

今朝要過炮台山做野，所以就去個邊搵食😆😆😆😆行到個邊見到一間裝修都好靚嘅餐廳梗係入去試一試啦😎😎餐廳嘅食物種類唔算多，但價錢尚算抵食而我就叫左個H餐 - 脆炸魚柳 + 火腿滑蛋 + 奶醬脆豬同凍檸茶個早餐一到見到我對眼即刻發晒光😍😍😍😍因為個奶醬豬啲醬夠多而且搽得好均勻👍🏻👍🏻👍🏻值得一讚個魚柳唔會油，脆卜卜而且味道調得岩岩好，滑蛋嘅生熟程度岩岩好，唔會過老或者太水汪汪。至於個奶醬豬，唔至得個樣架，仲超級正添啊！個包脆得黎有少少煙煙unun，唔會話因為脆而好硬而且啲醬又夠，成件事恰到好處😍😍😍😍另外值得一讚嘅係杯凍檸茶，一上枱就知個茶底靚，因為啲色已經望得出，杯茶夠濃夠香，飲完個人即刻醒晒😍買單時同老闆講左兩句，老闆好好人而且佢仲推薦我下次試下佢地嘅沙嗲牛肉麵，話同出面係唔同嘅，等我下次有機會再黎幫襯下先😝😝

8月5日一個星期六，我同老公可以放低照顧小朋友，享受一下二人世界，揸車到天后區搵野食😋，見到一間新餐廳，outlook唔錯👍🏻，似高尚過茶餐廳，就入去試左！望住餐牌，雖然選擇不多，但竟然都有中有西俾我揀！我老公叫左個🐷豬扒撈一丁，我就叫左個溫泉蛋卡邦尼意份🍴個意粉上到黎，講真，味道絕對係做到外面128一個嘅好味，但呢度只收58，絕對抵食囉😋👍🏻豬扒撈丁，🐷豬扒好味，丁麵夠入味！👍🏻另不得不提嘅杯凍奶茶🥛🍵,我自己就非喜愛！下次有機會想試埋佢嘅下午茶餐，因為下午茶餐個Menu仲吸引😍

上次試咗佢哋嘅早餐👍，今日老公話再嚟試佢哋嘅午餐🍽……好彩我哋行快步12:15🏃🏃🏃🏃，如果唔係就要等位先有得食……上一次我哋嚟食早餐嗰時都無細心留意舖頭門口出面寫咗堆字，今日慢慢睇原來上面係寫咗……對上以敬，對下以慈，對人以和，對事以真……睇完尼四句嘢嗰陣我真心覺得好歡喜，我個心喺度諗尼度個老闆應該做事對人都好真誠好謙卑……於是我哋落完單叫餐之後，諸事八卦嘅我就去問老闆點解會寫嗰四句嘢喺門口同埋點解會畫隻鷹 🦅喺牆……老闆就答隻🦅係代表「大展鴻圖」嘅意思，因為佢好鍾意將啲傳統嘢用新派方式演繹出嚟，所以就揾咗本地塗鴉大師 執筆（老闆話佢好支持本土製作），同埋佢哋開尼間餐廳除咗係夢想之外，佢哋最想最希望就係能夠帶比客人開心同快樂，而且所有食物菜色都係用個💖去做出嚟，用最真誠嘅態度去服務每一個客人……聽完老闆嘅分享，當然最緊要就係試吓佢哋嘅午餐質素先評分啦，今次餐牌上比起上次多咗好多款式選擇，我哋一行四人分別叫咗……1)魚香茄子肉碎飯🍛2)鮮茄肉醬煎蛋意大利麵🍝3)蔥油雞扒撈丁 配 奶油豬🍲4)芝士安格斯牛漢堡 配 薯條🍔我哋真心覺得全部都好好食（包括超香嘅辣椒油）我食完之後……完完全全感

今日同老公阿女去炮台山探朋友，經過見到有間叫四寶食堂嘅茶餐廳🍴，我哋見個名咁有趣於是我哋就行入去食咗個早餐，入到去舖面唔算大，📋食物選擇亦唔算多，不過就街坊價錢💲……我哋叫咗1）沙爹牛肉麵🍲奶油豬🥐炒滑蛋🍳凍檸茶🥃 2）沙爹牛肉米🍲奶油豬🥐炒滑蛋🍳凍奶茶🥃3）蕃茄餐肉濃湯上海麵🍲奶油豬🥐炒滑蛋🍳熱咖啡🍵……奶油豬外脆內軟✔……我特別想講個米粉超爽滑✔，沙爹湯唔係hea嗰啲係勁香濃而且我未食過啲米粉係好似粉絲咁嘅樣，我問個老闆係乜米粉嚟，老闆話佢哋係用台灣新竹米粉㗎，我同老闆傾計知道佢哋係新開張，餐飲業又係初哥仔，老闆同我講如果餐廳有啲乜嘢做得唔好需要改善嘅地方都好歡迎客人比多啲意見，希望可以用心做到最好比每一個客人，總括嚟講我覺得佢哋都係一間用💓經營嘅茶餐廳，老公話下次會嚟試埋佢哋嘅午餐😊

一向唔寫食評既我，試咗這間新開的四寶食堂既下午茶，真係忍唔住讚下這個超邪惡的火腿餐肉蛋芝士辛辣鍋麵！之前係韓國食過芝士辛辣麵，好恨再食！估唔到有得食，唔太餓都要試下！兩塊厚切午餐肉+一件火腿+仲有隻太陽蛋+芝士辛辣麵，雖然超肥但真係好食，跑多幾日步都值！個麵辣辣地好在杯凍奶茶夠大杯，正！雖然地方唔算大，大約得廿幾個位但勝在坐得舒服，唔會好迫！感覺到這間食堂真係用心經營，出品既食物雖然款式唔算多但絕不馬虎！食下午茶又多個選擇！

今天因工事又來到炮台山，照舊習慣，一定會到該區名店半島冰室吃個早餐，但擴充了的半島冰室人龍依舊，唯有守規矩地排隊等候，在等候期間，發現隔離開了一間裝修不俗，但不甚起眼的小餐廳，起初還以爲是間咖啡店，近看餐牌，原來是間茶餐廳，心想，誰人能咁夠膽咁愚蠢，在炮台山名店隔離開一間茶餐廳，就憑這個念頭，決定博一舗～～～～～點了個沙嗲牛肉麵，凍奶茶，炒蛋，奶油豬。炒蛋---是滑蛋那一款，不過份量小了點，可以大份點就更好奶油豬---熱辣辣夠多醬，可以媲美第一代澳門茶餐廳凍奶茶---份量冇得傾，茶味亦香滑，炮台山區，三甲之內沙嗲牛肉麵---呢個真係水準之作，佢哋嘅沙嗲牛肉，同出面其他嘅完全唔同，以我記憶，做呢款沙嗲牛肉全香港應該不足二十間（以我估計）有花生粒，夠惹味，夠濃，係一種久違了嘅味道，懂的，自然會懂。睇到佢午餐有蔥油雞扒撈公仔麵+奶油朱，好吸引下次來試！