四川重口味

营业中

休息中

咁啱又嚟到土瓜灣搞開工程，就睇吓重口味有冇開，一去到見到落晒閘，非常失望🥲，但係望一望手錶，原來1145都未到，於是就兜多個圈，啱啱見到有人出嚟開閘，這次好似做了第一個食客。😇跟住入到去，發覺以前熟悉的姊妹花都唔見咗😂不過不理了，反正他最吸引的就是麻辣米線，而不是姊妹花麻辣米線的湯底真是世間難求，而家諗返起都流晒口水，辣味唔會一味死辣，🥶次次都要等成15至20分鐘，可能因為佢啲湯即刻儘管喺個小窩裏便翻滾，米線又要煮到啱啱好，嗰啲炸醬味道香濃，帶點鹹，但又不會太過辣；豬大腸是中式的肥腸，😃不會太過肥膩太多肥膏喺中間；腩肉夠薄片，即使有點脂肪，亦都不會顯得太肥膩。😆因為之後都唔會再有時間去土瓜灣，雖然最後一次嚟，不過始終因為明知道呢啲麵店嘅嘢飲都唔會特別出色，以往亦都成日試，🤐只不過又想解難先至勉強加唔知$7 $9去叫佢凍檸茶，反正味道唔好，不如家中自己弄了一杯茶帶出街解辣，節省金錢

今日好想食酸菜魚就即刻搵個都鍾意食嘅朋友一齊去食，朋友介紹呢間酸菜魚好食，咁我哋就選擇去呢間食，我哋大約晚上7:00去食，唔駛排隊，一入到去店員就叫我哋隨便坐，我哋食到差唔多一半嘅時候，啲人開始陸續嚟食，幾乎坐滿人咁滯，好彩我哋早去食，如果再晏啲可能就要排隊，店員服務態度都好好，我哋問佢邊隻酸菜魚好食，佢就好詳細介紹我哋食鱸魚或者桂花魚，我哋聽完佢意見，就選擇食鱸魚，叫左少辣，同埋咸肉菜花，整體兩味餸都好食，我同朋友食得好滿意。

唔使點排就有大枱，兩個廣東話唔太正但好好相遇嘅姐姐serve。嗌咗個酸菜魚，一個雞煲，一個炒荀。酸菜魚正正常常，份量足。雞煲嘅雞保持到滑溜，但個汁略為淡同稀。炒荀反而幾出色，酸酸地辣辣地，幾有鑊氣。

講到米線，大家都只會講起譚仔、南記、譚仔三哥，最近期呢就梗係九頭鳥，或是其他所謂各區十大必食米線，反而我覺得呢間川味式餐廳的更加好。因為每次都會逐碗慢慢整，你可以望入廚房見到佢用個煲仔慢慢煮米線，湯底夠濃香、有火喉，不像連鎖店舖那般，完全沒有火喉，這兒的麻辣湯底，你感覺到他的火喉，配料就比以前少得多，不過大腸以及腩肉也永遠出色。而酸菜亦都是這兒的賣點，酸菜大大塊，清得來帶點甜味，用來配好啦米線吃就更加是天衣無縫。臨離開這一區工作時，也再嚟多一次，不過已經沒有見到之前的姨姨

上網見到好似幾好食， 隔離都有間食酸菜魚嘅， 但佢好似正宗啲就揀咗佢， 午餐幾抵， 滿心歡喜叫咗一個回鍋肉， 一個酸菜魚， 服務態度唔好呢啲冇所謂， 都係啲新移民姐姐， 最緊要啲嘢好食正宗。回鍋肉乾到癲， 應該改名叫回鍋肉乾， 肉又少。 講埋酸菜魚先， 唔知點解舊舊都勁多骨， 老人家小朋友實食唔到， 仲要畀埋勁多魚尾魚骨位。成煲嘢，魚片得幾舊。 仲要舊舊都超多細骨， 根本冇嘢食落肚， 食完完全唔飽， 味道都唔算好差嘅， 但係有啲搵笨。 以後都唔會去

呢間重口味既菜式好正未宗，土瓜灣呢間係第一間分店，見佢越開越多鋪😆今次試了水煮牛肉飯套餐，味道正宗，要了小辣，都好辣，牛肉份量正常，唔會比得好小，如果再正多小小份量會更加好😉牛肉係普通既滑牛質感配埋飯一齊好勁開胃🤤，好好味！😚成日都見到店內滿座😆都算係區內既出名餐廳侍應姐姐們好有禮貌，同埋反應都快☺️小店環境乾淨😚正正常常一間家庭式既小店咁始終呢間係土瓜灣開咗都幾耐😆，依然屹立不倒👍🏻餐廳仲有好多四川菜式，都好好味🤤

朋友上星期找我午餐，吃了四川菜刺激味蕾，今次到了土瓜灣食肆臨立的北帝街-四川重口味。午市12:00已坐了不少食客，食物款式種類多，有涼拌菜式小食、廚師推介、香辣菜式、風味小炒、水煮菜式、火鍋菜式。我們點了招牌酸菜魚、黃金皮蛋、椒絲腐乳通菜、泡椒酸辣炒大腸、桃膠冰粉、大話七及柚子七喜。黃金皮蛋醒胃好味，特別喜歡那個醬汁，醋加上蒜蓉醬好夾。椒絲腐乳通菜夠鑊氣，通菜嫩綠，味道剛好，咸香微辣，而且好大碟。泡椒酸辣炒大腸非常惹味，酸菜香口，夾著大腸吃多重口感，我們點了微辣剛好。招牌酸菜魚非常大鍋，可選大魚、鱸魚及桂花魚，我們今個次點了桂花魚，魚肉鮮香嫩滑，鍋中還有木薯粉，整體味道好，我同朋友也讚。兩杯特飲各有特色，冰凍透心涼，酸酸地開胃又解滯。最後那個甜品作結很完滿，桃膠糖水多重口感，滋補美味。

酸菜魚, 加錢升級做桂花魚, 一道充滿酸辣味道, 酸菜和辣椒的組合讓菜品口感豐富，而桂花魚的肉質鮮嫩，入口即化。有酸香味和微辣的刺激感，加上魚肉的鮮美，讓人食指大動。濃湯雲吞雞, 湯汁濃郁、雲吞皮薄餡大、雞肉鮮美。湯汁口感濃郁，有雞肉和雲吞的香味，配上蔬菜的清甜，營養豐富。蒜香大啖蝦, 口感豐富、香氣四溢。蒜頭的香氣和蝦肉的鮮美完美結合，呈現出濃郁的蒜香味和鮮美的蝦肉口感。整道菜品口感鮮嫩、爽脆，蒜香味和蝦肉味道相得益彰。

話說上次因為唔舒服關係，所以去食川菜時冇叫到我至愛嘅酸菜魚，真係有一點遺憾。不過..好友知我好返晒，就約左去左土瓜灣嘅「重口味」食四川菜，今次終於可以食得大滿足啦~食物種類都幾多，店員姨姨仲提我建議我地如果怕辣仲將餸菜改為微辣添~我地先嚟叫大話七同柚子七特飲，冰冰涼涼為一陣嘅準備辣戰作準備~先嚟涼拌黃金皮蛋，我都係第一次食黃溏心皮蛋，冇黑皮蛋咁喊，而我地仲食到有一種奶黃嘅味道，唔太辣之餘仲有好香蒜味，個味又幾得意~之後就嚟一個 炒得好有鑊氣又唔太油嘅 椒絲腐乳通菜~同埋酸菜炒豬肚，酸菜再加豬肚一齊食埋鹹香酸甜咁好開胃，啱晒用嚟送飯~當然唔少得我嘅目標招牌酸菜魚，餐廳有三種魚可以選擇，我地最後就叫左酸菜桂花魚，桂花魚好滑又唔多骨，而且份量都有好多，可以話由魚頭至魚身都整曬。另外個湯底都唔錯，入口酸酸辣辣好刺激呀~最後緊係食埋甜品，桃膠冰粉同埋紅豆燒仙草，兩款嘅甜度都剛剛好，而最特別就係碗面上嘅白色爆珠，個味道幾得意之餘，我仲將加埋同紅豆、燒仙草一啖食，個口感仲更加好特別~

蟲草花豬肚雞煲 $188雞煲就食得多，竟然有豬肚雞煲🤭真係好補，呢個煲好抵食，因為入邊有勁多雞同埋豬肚，已經好多料好夠食。肥牛$108分量好多好抵食，睇落去啲肥牛比較肥，食嘅時候係輕咬走少少脂肪就可以。咬落去牛肉味香濃，都唔錯。脆鯇魚片$88呢間餐廳整體都好抵食，碟碟份量都好多娃娃菜$30鮮雲吞$45入邊有足足八粒，食得出係餐廳自家製，雲吞皮好薄，入面主要係豬肉同埋鮮蝦，放心，每一粒都有一隻蝦🤭酸菜魚 $178嚟到四川餐廳忍唔住叫咗個酸菜魚食😝真心性價比高，因為有好多鱸魚片，四個人都好夠食，旁邊有好多酸菜仲有薯粉，價錢抵！

去四川餐館正常食水煮魚/烤魚，由於朋友唔係好食辣，我地就黎食椰子雞煲，估唔到都唔錯。見到隔離枱食個d烤魚幾吸引，好香，又唔見佢地食到流晒汗咁，可能可以叫少辣唔太辣，下次可以同食辣既朋友試試。椰子雞煲唔只椰子同雞，仲有d蘿蔔。雞都幾滑幾香，有d雞味，但無大陸新鮮雞咁正咁有咬口。個湯底煲出黎都唔錯，令到d野打邊爐出黎都有味。我地叫左田雞，竹笙，生菜，日本手打烏冬。田雞份量足，多過1隻，新鮮唔係雪藏“雞”，肉滑香甜。竹笙分量足，打邊爐必選食物，吸收湯底精華。生菜清潔乾淨。烏冬係雪藏日本貨，彈牙好味，唔係酸味幼烏冬。

去有內地特式菜館食飯，食返內地特式菜。炒鵝腸。鵝腸彈牙爽口，絕對唔係雞腸/雜腸，中間地方也清潔得挺乾淨，下面配有大量芽菜。上菜時心想為何沒有辣椒鼓油，原來已經充足調節好醬汁，好滋味好正。串燒蒜蓉蝦。個醬汁又係調節得好好，咸度足蒜度足，配上啤酒十分配搭。4隻蝦既分量只預算一個人食吧。椰子雞煲。內地火熱椰子雞煲。不是內地那種鮮雞鮮椰子，和我們想像的有些出入，湯不太能直接飲用，只適合作打邊爐用。椰子的確很香，雞也不算鞋，用來配啤酒聊聊天還是可以的。

想食川菜好耐，但香港食普遍偏貴，起朋友口中得知一間性價比高又地道嘅川菜，所以特別黎到土瓜環嘗試下。我同朋友一共兩個人進餐，叫左幾道菜，份量比較大，所以食得好飽，而且仲外賣左好多。酸菜魚-桂花魚$278對比起其他餐廳比較少見，佢可以選擇用桂花魚做魚底，所以特別叫左依條魚。佢肉質處理得非常滑嫩，同鰻魚口感差不多，而且味道很好，酸湯搭配佢嘅酸菜加土豆粉，食得非常滿足，魚肉份量好大，唔怕唔夠食。麻辣小龍蝦- $188這個不得不推薦👍🏻，香港比較難搵到有餐廳有這味菜，所以第一時間點黎嘗試下！小龍蝦最怕處理得唔乾淨或者腥，但出乎意料佢完全冇腥味，而且味道非常夠！適合重口味。佢底料還搭配了芽菜可以中和下口感。大盤鹹肉菜花- $72這個也是必點之一，原本不抱太大期望，主要係點個蔬菜，感覺比較健康。但一上菜嘅時候，香味撲鼻。菜花沾上很香的孜然味醬汁，肉片切得很薄，不會膩，十分下飯。總括而言，份量大味道好，性價比也高👍🏻會再幫襯。

同屋企人係土瓜環附近辦事，想搵間餐廳食下晚飯，聽聞土瓜環美食居多，所以都特別搵下有d咩食。經過左間唔太起眼嘅川菜，雖然門面唔太起眼，但入面差唔多已經坐滿人，所以都特別入去試下。環境都算乾淨寬闊，店員安排左張卡位比我同屋企人兩個，坐得都幾舒服。而且桌面非常乾淨，唔會油笠笠。麻辣小龍蝦- $188其實都係因為依道菜吸引左我入去食，因為香港比較難搵到依道菜式。叫左個中辣，個人感覺比較惹味，每個小龍蝦都爆滿醬汁的味道。而且唔會腥，蝦肉都比較彈牙，佢個底料包含左d薯粉同芽菜，非常惹味好食。比較貼心嘅係，佢包左幾對手套，唔洗擔心食到手污糟。香辣豬大腸-$98每次吃川菜必點之一菜式就是大腸，今次叫左個乾鍋豬大腸，一上桌已經聞到很香的味道，大腸不會炸到好乾，容易入口而且味道剛剛好，佢仲搭配了不少的蓮藕和大蒜，十分爽口。如果有飲開啤酒，是一道很好的下酒菜！麻辣魷魚鬚-$98魷魚十分新鮮惹味，落料很足，落了大量的蔥薑蒜及洋蔥炒出黎，十分惹味。魷魚份量也不少，夠曬兩個人食！飲品叫左兩支王老吉，都算係涼茶類飲品，感覺飲完冇咁熱氣👍🏻

呢日嚟土瓜灣探剛做完手術的朋友，之後就喺附近食埋晚飯先歸家經過北帝街呢間食四川菜的舖頭，亞女鍾意食酸菜魚，於是就入去試吓招牌酸菜魚魚類有大魚、鱸魚同桂花魚三種選擇，揀咗唔多骨的鱸魚，魚肉滑溜鮮甜，而且選用四川的酸菜、泡椒做出地道的口味，入口麻辣鮮香，配埋寬粉份量超多濃湯雲吞雞雞肉嫩滑鮮甜，雲吞大大粒，餡鮮蝦爽脆，湯底濃鮮有雞味家常扣肉扣肉酥香軟糯，油而不膩，梅菜清甜爽口，吸收了五花肉的油脂和醬汁，味道咸中帶甜，一點都不覺膩煎封黃立䱽經過煎封的黃立䱽外皮酥脆甘香，肉厚嫩滑，加上甜辣醬汁，十分惹味高山雪裡紅雪裡紅口感脆嫩，帶點苦味和獨特香氣，簡單以蒜泥辣椒清炒已很美味古法龍抄手抄手有白菜餃或韮菜餃兩款選擇，皮薄餡鮮，配上紅油，味道麻麻香香，十分開胃紅糖糍粑糍粑外脆內軟，配搭紅糖漿，香甜軟糯