四川風味小吃

营业中

休息中

第一次留comment, 第一次光顧油麻地分店。收工專登行去油麻地買，一個講唔正廣東話，夾住鯊魚夾嘅女人幫我落單，我叫豬肚加魚皮，但見佢夾緊豬耳，我就問：「咦，依個唔係豬耳咩，我要豬肚喎。」佢仲話：「係啊，咪啱囉。」之後我指住豬肚反問：「唔係依個先係豬肚咩？」佢先get到我要嘅係豬肚而唔係豬耳，之後即刻轉用普通話同我溝通，話唔好意思我以為你要豬耳。聽唔明唔緊要，可以夾餸之前問下客人confirm下，客人已提出疑問，仲堅持話自己冇錯，建議好好練好廣東話。但最嬲嘅係，我光顧咗好多次，價錢越嚟越貴，食物份量越嚟越少，都算。今次真係好離譜，平時魚皮放上面，係佈滿哂，今次。。。空到。。。少到真係好嬲，唔比差評唔得。價錢就識加，但食物份量俾符合價錢嘅要求都做唔到。

啱啱開店個陣好鍾意食 成日買但自從做大咗店 開多咗分店加價就預咗 最新價錢 $26一碗麵/粉旺角尼間 味道無以前嘅好 得個辣字啲姐姐換咗幾手 態度都無以前最開始個幾個好 依家尼啲仲會惡返你轉頭加十蚊配菜得個少少我依家寧願食馬會隔離新開個間好過

$25正宗四川惹味涼麵～～～四川風味小吃～～～～～～～～～～～～～～～～～～小編一直都喜歡吃酸酸辣辣的味道，之前亦試過很多間四川涼麵😊😊今次係旺角呢一間四川涼麵很正宗～～值得推介喔～ 呢一間涼麵只做外賣，冇得堂食～～但都不阻小編既熱愛，最愛加支竹($8)和雞絲($8)🥰🥰很好吃呢～～這一家店的姨姨非常友善，亦都好有親切感，會想再吃😊😊😊

手工涼皮（$25)🐷加豬耳（+$8)賣相：🐧🐧🐧味道：🐧🐧🐧涼皮、豬耳及各項配料與醬料兜亂後，放在透明膠兜內包裝，份量算頗多，足夠飽肚。味道方面，涼皮口感一般，偏軟身，煙韌彈性不足，未經切細分開，夾上手經常有幾大塊黏在一起的情況。醬料份量略嫌偏少，調味一般，不會過鹹，選了小辣的辣度，個人認為比一般小辣弱，未算過於辛口刺激。各項配料種類頗多，有青瓜絲、蔥粒、花生、麵根等，質素不差頗為新鮮。另外點選的豬耳，份量不算多，只有2小束的份，入口爽口彈牙，十分不錯。輪候時間：🐧🐧🐧晚上9點幾前往購買，需要輪候3-4人，即點即整，全程需時約15-20分鐘。🐧❤️結語：中規中舉的四川小食，價錢頗為便宜，宵夜不妨一試。

夏日炎炎，當然唔會錯過涼拌小食，特別係四川涼皮🍝，味道酸酸辣辣，超級開胃🤤。喺旺角家樂坊附近開咗一間四川風味小吃店，味道有質素之餘，大份又足料💪🏻，係旺角黎講性價比都幾高。佢哋嘅order 方法就好似車仔麵舖頭咁，當你去到現場嘅時候，你會見到佢哋有一兜兩兜唔同嘅菜都擺咗喺度，先叫咗個粉麵底，先然後再加錢再加菜😍⭐️涼皮+豆乾條 今次我就叫咗個涼皮做粉麵底，然後再加左個菜豆乾，可以再加唔同嘅餸，而選擇都好多😂有最常見嘅雞腎、雞絲、牛肉、牛展、薯仔絲等等，因為我唔係好食得辣啦，所以我就叫咗少少辣，然後要晒芫荽蔥☺️ 💰$25+$8 = $33

成日都幫襯既間既涼皮同埋涼面，放工時間仲需要排隊。味道方面，個人覺得唔錯，適合口味，通常都會加雞絲，腐竹同埋蓮藕片，不過餸既份量就比得唔多，唔係甘抵。另外，呢啲衛生方法，擔心既人就三思😂

本來琴日買左一份麻辣燙，俾漏左一份魚蛋，打落去同佢講完話會補番。今日諗住再去買順便補番份魚蛋，佢煮完嘅時候同我收錢，發現少左一份貢丸，跟住又再等佢煮。番到去打開，點知又俾錯左......冇左份土豆，比錯左份豆腐串。咁我再打去講，比個店員用啲好悔氣嘅態度話，咁下次比番你囉，當我蝕比你囉，我自己墊錢囉......之後直接cut我線。自己俾嘅唔係客人要嘅食物，仲要態度咁差，真係black list唔會再幫襯。

四川涼皮食得多，今日順路經過廣華醫院附近嘅呢間四川風味小吃就試試。選了四川涼皮搭配雞腎，BB 小辣外賣。隔咗一個鐘返到屋企，涼皮都無變冧。一開蓋，賣相幾吸引。可惜涼皮黐埋一堆，唔係一條條，雞腎好爽好入味，唔會太辣。仲有炸花生、青瓜絲同豆乾做配菜。 總括嚟講不過不失，唔夠香。 四川涼皮最好味嗰間都係喺葵涌廣場。

呢間四川小食都開左一段日子，不過就曾經搬過舖，之前一直無試過，今日一試點知咁伏眼見除左我之外客人不絕，心諗呢間嘢應該唔會差掛？原來我咁諗就大錯特錯揀左三個餸，埋單大概$5X有蓮藕&雞腎同埋雞絲 小辣嘅涼麵，d餸正正常常，蓮藕爽脆好味，雞腎都唔錯，但係碗麵嘅調味就一般，麵質亦非常麻麻，唔夠爽口彈牙，涼拌最重要嘅就係調味竟然唔達標☹️呢碗涼麵真係完全俾唔到四川涼拌個陣香、麻、辣 惹味嘅感覺我，一個字講曬，差！

今次要講嘅係四川麵食唔知有冇人同我一樣好鍾意食四川嗰種酸酸辣辣嘅味道呢？呢間喺旺角嘅四川小吃簡直係一試難忘💕我最鍾意嘅就係佢嘅涼皮❤️店員啊姨會即場喺客人面前往涼皮加入唔同嘅調料左撈右撈 一碗透心涼又開胃嘅涼皮就此誕生😍😍由於係即場撈嘅關係啊姨可以根據客人嘅要求客製化口味就例如我嘅「多酸少辣」💕大家有興趣嘅話 推薦去試下~

依間舖頭都開咗一陣子 我就住喺樓上 基本上一星期都買三四次 雖然食物出品每次都唔同味道 但今次係最差叫個涼拌豆乾 我大大話話起碼食過30次 每一次都會加味加芫茜加花生去撈 今日叫個涼拌豆乾 同個阿姐話辣少少 佢就咁夾咗啲豆乾加左兩大匙羹辣椒油俾我 我話阿姐唔係要Lo啲雞精鹽糖醋芫荽花生落去𤏪咩 你哋每一個人撈啲嘢都唔同嘅 佢老味一句答我係咁㗎啦 我而家嗰兜嘢就係豆乾青瓜絲+2大使更辣椒油乜味都冇以後唔幫襯好心店主管下啲員工出品

四川風味小吃😍😍為何深夜總是餓😂😂四川涼麵加豬肚絲$38😋😋四川麵辣辣地，幾惹味❤️❤️加埋豬肚一流👍麻辣燙豆腐串加豬皮串$20😋😋豆腐串都幾多，豬皮索埋汁，好正👍👍手工涼皮+白肉$40😋😋涼皮滑身，易入口，加埋白肉好夾，白肉肥肥地😆😆整體評分：4/5味道：3.5/5抵食：4/5地址：旺角廣華街1號仁安大廈地下14D號

今晚放工有少少肚餓，但係又唔想食得太飽。所以就去咗買涼皮。呢間涼皮真係會食上癮，雖然好辣，食到個嘴都腫咗，但係又會繼續想食落去。今次叫咗豬耳涼皮，中辣走芫荽。下次會試吓佢個白肉。

涼皮最近愈來愈多人愛上 呢一間店其實都開左好一段長日子 以前經過都唔會見到勁排長龍 但唔知點解最近無啦啦超多人去幫襯 人龍勁長 起碼排半個鐘以上 其實係咪有d乜嘢名人介紹過🤷🏼‍♀️涼皮係呢度既王牌 可以自己再揀配料 豐儉由人 我自己會加豆乾雞絲同豬耳 撈埋大大兜可以當一餐飯 涼拌皮蛋又係我最愛😆口味係佢地即時落 仲有海帶鋪底 d海帶索晒啲汁 非常野味麻辣燙勁香濃 同出面嗰啲味完全唔同 麻辣味度適中 唔會勁辣 如果想試一試佢 叫豆腐串係精選

『辣到流曬鼻水・超滑溜四川涼皮』☯︎四川風味小吃, 𝑴𝒐𝒏𝒈𝑲𝒐𝒌⠀⠀以前每逢到葵廣都會吃這家涼皮，真的是我目前在香港吃過最好吃的涼皮呀𐂃⠀偶爾發現旺角貌似也有分店就立即來試試看~嘻♡︎⠀⠀・手工涼皮 $25⠀・蒜泥白肉 (+$15)⠀・麻辣燙豆腐串 $8⠀⠀꧁手工涼皮꧂⠀看著阿姐每個小碗取一點調味料然後放在涼皮裡撈撈撈⠀口水都要流下來了ʕ •́؈•̀ ₎⠀涼皮超大一碗，非常滑溜呢！⠀調味方面我點了小辣（並不是很辣⠀感覺葵廣的好像比較重口⠀但整體還是很好吃的(●’◡’●)ﾉ⠀當然吃完是肯定會很渴要瘋狂喝水的...⠀𝑅𝑎𝑡𝑖𝑛𝑔: 7.85/10 ❤︎⠀⠀꧁蒜泥白肉꧂⠀加了$15元的蒜泥白肉確實不便宜| (• ◡•)| ⠀不過份量很多就是啦!!⠀不算很「蒜」⠀有點辣辣的⠀我覺得不加都可以哈哈哈⠀𝑅𝑎𝑡𝑖𝑛𝑔: 7.55/10⠀⠀꧁麻辣燙豆腐串꧂⠀這個超好吃！♥︎♥︎♥︎⠀感覺就是用一個超高卡的炸豆腐來索汁⠀麻辣汁很惹味呢( ͡° ͜ʖ ͡°)⠀一定會再吃的~~✓⠀𝑅𝑎𝑡𝑖𝑛𝑔: 7.95/10 ❤︎⠀——————————————————⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀⠀涼皮，麻辣豆腐串⠀🤰🏻回訪 ʙ