影片
电话号码
96496638
付款方式
座位数目
50
以上资料只供参考，请与餐厅确认详情
自從調左去九龍灣返工，公司附近幾乎食曬，成日都覺得食得唔滿足（唔好食）。直至朋友推介去左信和中心4樓的四海，第一次覺得可以有個滿足的lunch。價格唔算貴，55就有湯有飲品（最主要個湯超級超級好味，係我係加拿大讀書的時候飲的地道的西湯味道）。可惜離我公司有段距離，而且距地都好旺，證明好食才多人去。真心羨慕在附近返工的工友，可以食到真正品質的午餐再來講講距地的服務態度，真的好過街舖好多大公司的餐廳，d姐姐都好nice！！希望距地繼續出d好味的野食，我會成日去嘎
继续阅读
每次叫外賣例遲最少半個鐘，凍飲d冰都溶晒、個飯都會凍曬，唔講仲以為我咁低賤要食冷飯。雖然姐姐係用車仔送外賣，但杯野飲都係瀉既。價錢工廈黎講係貴，食物幾好食都冇用。建議千祈唔好叫外賣外送，要食就上去堂食。
继续阅读
🇭🇰信和工商中心·我係E-Max真係太無啖好食 所以我一個之前係附近返過工既朋友就推介我試下呢棟工廈既茶餐廳🤣🤣·招牌鎮店鮮茄汁焗豬扒意粉$50我自己就最中意呢間既豬扒意粉 佢個豬扒超大塊 肉質幾好 唔會太柴亦都唔會鬆肉到無曬口感 真係附近做得比較好既豬扒🐷之後佢個意粉質地都唔錯 而且佢個醬都調得幾好味 我係出奇地食曬大半個 感動😂😂·📍四海意粉屋 (九龍灣啟祥道9號信和工商中心4樓410號舖)·#rby九龍灣
继续阅读
經過樓下，好多宣傳牌、海報，比較多食肆集中喺呢棟工廈4樓，揀唔啱一間都進可攻退可守。去到已經上午10:40，同行友人點早餐2份，但本人想點午餐，身材嬌小嘅寫單靚姐話11點開始有，也就等15分鐘。5分鐘後，靚姐話師傅可以提早煮，所以揀咗份 絕味鮮茄免治牛肉飯配蜜糖孜然燒烤雞脾，本身諗住呢類工廈速食食肆唔係觀塘嗰堆玩文青、高檔、優皮feel，因而不寄予厚望，然而又冇揸流攤，賣相實而不華，飯量大概一點五碗，免治牛肉醬汁冇只用罐頭現成，有自己加過料，肉碎足，燒雞脾居然比一般茶記更像樣，孜然味雖則淡，但隻脾燒得好金黃色，冇燶又濕潤，如果佢搭些少雜菜已經追到啲打卡餐廳質素。夾咗友人幾撮早餐米粉，係同平時茶記、粉麵舖用嘅有啲出入，但又唔係新竹嗰款咁幼身，佢粗身啲、呈少許透明、嚼口彈牙，配埋泰式酸辣湯底都幾醒胃。熱檸茶都幾濃郁，檸檬一路浸住飲到尾都冇澀味，用嘅非渣嘢。兩早一午餐盛惠$122，咁嘅質素，抵到爛。
继续阅读
這幾個月在九龍灣遊走，發現這個工廈中的茶餐廳，試過早餐和午餐，店子不大，放上四張六人枱，五張四人枱，坐滿的時候很不舒服，每天12.00開始繁忙，等一小時是常識吧早餐＄30，午餐跟湯每天更新，但如果好似本人咁抗拒芝士，仲會有ABC1..5号餐，尤其是如果午餐冇鮮茄牛柳配虎蝦球意粉，我通常就會揀B4咖喱海虎蝦球双蛋飯坦白講由於我唔食芝士，好多招牌例如焗G扒我都未試過，但可以肯定，板燒牛柳同哈球同意粉係主打。其他區收梗一舊水都冇佢咁好味，我話嘅另外順帶一提，咖啡麻麻，我建議飲凍🍋茶
继续阅读
您可能会有兴趣的...