四點金飯店

营业中

休息中

潮式生日飯-給一眾吃慣粵菜的親朋好友另外一個選擇。吃膩了粵菜，想轉轉口味。恰巧此店提供的套餐選擇頗多，亦能按席中不同食客的飲食習慣作調整，從食客角度給予意見，價格公道，份量足。因此令筆者禁不住寫下第一篇食評。筆者及親友先被潮式四小碟及冷盤九節蝦餵個半飽。別看餐單上寫明「小碟」，實情是每款的份量充足，吃過上述五味菜餚後，已令飢腸轆轆的筆者與親友的起筷的速度大幅度回落😋。之前已試過此店的農曆新年盤菜，全是由店內廚房備製，非中央工場貨式。👍🏻

晚市恢復堂食開開心心和老公出街食飯，經過新都城商場見到間裝修不錯主打潮州菜的四點金飯店。潮州菜好耐沒吃過啦。餐牌上面食物照片相當吸引，又有多款套餐選擇。我二人由於餓了很久(相信所有香港人都一樣)，甚麼都想試下，放棄叫套餐，改叫戲棚海鮮粥$52/碗，滷水雜錦拼盤$108，菜膽杏汁燉白肺湯$52/位，家鄉煎蠔仔烙$98。食到超飽，碟碟都好味，份量不少，雖則粥和燉湯都只是叫了碗裝但也可容二人分享。沒理由唔食埋潮州糖水就走人，所以又叫了福果清心丸豆爽$30，和福果芋泥$36。食完蠔仔烙飲碗豆爽中和返，好正。芋泥就超好味大家一定要試。好想帶爸媽再來食過。

OpenRice 訂位，因帶小朋友去單車公園玩到忘形而忘記錯過訂位時間，鋪頭主動致電查詢後都話可以照留位俾我地，當然以為無乜人食先會留座俾我，但到左現場至少我見到大廳係坐滿人，我地都連忘講5好意思，玩到忘形完全記錯booking time, reception服務態度好好，仲主動安排個靚位俾我地安放BB車，照顧周到，員工細心，自攜生日蛋糕都5會收切餅費，食物5會一次過上，5似係早已準備好等人order個種，食物夠熱，小朋友最喜歡飲個粟米羹，雖然我餓到忘記影相，但個羮明顯係無添加過多粉去整到杰撻撻既感覺，真係足料既全枱最令人難忘既係個四季豆，真心要試反而我地5好食個蛋散，雖然話係好出名我地當晚係有餐set，所以價錢無想像中貴！值得再去光顧既餐廳

開店後第一次黎食，環境裝修叫幾好，不過佢可能因應疫情通風，冷氣開到盡，吹正頭又凍。。。。唔係影得太多相，因為都好一般貨色，全部點心，冇記錯都要 2字頭起跳，除左點心紙，仲有一張牌係可以點孖寶，部分會平幾蚊蝦餃正正常常，不過上手前四隻已爆三隻，皮唔靚粉菓都正正常常，睇到皮算薄，透左啲餡料出黎鳳爪唔錯，不過賣$ 2x 真係過左火位棗茸糕味道清淡，口感煙韌，蒸得唔錯嘅一個甜點仲食左鹹水角，鮮竹卷等等，都係正常冇特別，相信最特別都係價錢

星期日不想早上在酒樓外面排隊等位，唯有等到下午茶時間，好彩不用等位就可以入座我們都是第一次來，原來下午茶有特價孖寶，兩個人叫了兩個孖寶加一個粥，共5個點心，已經足夠了是日靚粥，夠綿，唔錯第1個孖寶：水晶蝦餃皇，D蝦好多上湯鮮竹卷，不過不失第2個孖寶：鳳爪排骨飯，我至愛，排骨不肥不瘦，剛剛好飄香棗皇糕，甜度適中這餐連埋茶位都不貴，可以考慮下次再來飲下午茶

非常好味道既中菜，而且非常抵食唔貴，今次黎食嘢試左個新杏汁豬肺湯，真心整得好好味，而且唔係度度有既湯品黎，因為豬肺非常之難洗，唔係好多酒樓可以做到，而且有d地方洗得唔乾淨，就會好難飲，所以佢呢度真係做得好好，一飲落口超級清甜，果d杏汁既味道席捲我既舌頭，而且佢係超級足料，一碗湯裡面有勁多舊豬肺，超級滿足。之後要講主菜，佢個清蒸石班係整得超級鮮味，煮得剛剛好，用料上盛，超級嫩滑既魚肉深哂震撼我既舌尖，而且成條星班俾哂，十分之抵食。之後要講下佢個蠔烙，佢真心放超級多蠔落去，超級正，而且個蛋皮都好脆好香蛋味，d蠔都勁香，一入口勁鮮味，而且份量好夠，兩個人食絕對夠飽。總的來說，我對呢餐十分滿意。

是日想食潮洲野呀見呢間唔駛等好耐就黎試下呀點左~蠔餅朋友想食略嫌整得唔夠香脆有少少粉感不過可接受既~瑤柱豆苗想食下菜呀個汁都煮得幾好既濃味得黎唔會過咸豆苗幾嫰呀~九菜豬紅(加一蚊換)豬紅唔夠入味但都滑既咁樣加錢換就無投訴了~蠔仔粥一碗細細地幾好兩個人食可以食多幾樣野味道幾好既蠔仔份量正常呀~拼盤有墨魚啦大腸啦腎啦豬脷啦豬頭肉全部都OK既墨魚本人本身鍾意點埋辣椒油好GOOD

這天在附近工作，然後約了朋友簡單吃個飯。朋友推薦這裡，碰巧是我數月前亦到訪過的餐廳。我們點了一個套餐，還有一個白飯。套餐包括貴妃雞及沙茶牛肉芥蘭。首先，我覺得這個套餐份量對兩個人來說很足夠。額外多點一個米飯分享，我們已經非常滿足！雖然我希望再點甜點，但我的肚皮真的已經很撐。味道方面，貴妃雞很不錯，肉質很嫩，而且調味很優秀，濃郁但不味道重。沙茶牛肉很惹味，芥蘭爽口鮮甜。整體來說，我覺得這中菜館是值得到訪的。價格合理，食物味道很好，就連前菜味道都不錯，所以未來我還是會再訪這裡！

成日食潮州菜多數覺得坐得唔舒服打冷嘅感覺，今次去咗將軍澳呢間裝修似酒樓中菜廳，坐得舒服之餘亦有潮州菜同埋傳統中菜小炒選擇👅值得推介全家食飯之選滷水鵝腸首先讚一讚鵝腸洗得乾淨，滷水汁夠入味，口感帶爽身，下面鋪有豆腐墊底豉椒炒聖子雖然聖子係細size但係食咁多隻全部都冇沙，仲要炒得非常之惹味 韭菜豬紅呢個叫指定嘅小菜加一蚊就可以換韭菜豬紅！呢個多數係去潮州餐廳必要嘅野，豬紅滿晒鋪晒係面，夠入味，下面就係浸住汁既韭菜杏汁豬肺湯豬肺夠晒多有四至五件左右，爽口，湯有豬同杏汁味，份量算多，可以兩個人share都得

初初朋友約喺“ 四點金 ”食晚飯，都唔知原來係潮州菜館🤭，環境有小小典雅既風味，地方闊落，當晚都有好多客人，但又唔會太嘈吵，坐得好舒服。坐低有一小碟酸菜 $10，酸酸甜甜好開胃，如果用嚟送粥係一流嘅，可惜當日怕眼闊肚窄，無叫粥食，下次一定要試下😋。今晚黎到想食小菜，所以分別order左碧綠川椒雞球，同埋鳳梨梅羔一字骨，好似幾特別咁😁。鳳梨梅羔一字骨 $94好鍾意呢個一字骨，味道啱啱好，一字骨好香，肉質爽口，有淡淡梅子味道，加埋鳳梨既清甜，好惹味😝碧綠川椒雞球 $98呢個川椒雞球，味道有點似醬烤雞，肉質幼嫩，好香口，送啤酒一流，越食越滋味，如果可以多D配料仲正😋😋。見到有招牌蛋散 $28-半打，即刻要order，真係童年回憶，好耐無食過😝，呢個真心推介，蛋散炸得鬆脆，蛋味香之餘，亦唔太甜，就算好飽都忍唔住食晒🤣🤣。雖然今次無叫潮州野食，但整體風味不錯，小菜款式都有好多選擇，下次可以再試😝😝。

都有一段時間冇來到寶琳站這邊， 今天 約了朋友過嚟購物， 順道在這裏晚飯因為近來天氣比較乾燥， 口乾乾突然想食蠔仔粥就來到四點金潮州菜館。先點了一碗蠔仔肉碎粥， 這碗蠔仔粥分量都比較大， 熱辣辣粥底內充滿好多蠔仔肉 新鮮飽滿大大粒，食完鮮味蠔仔粥立即 舒緩口乾好滿足。還點了兩款小菜一款是鳳梨梅膏一字骨， 單看賣相已經好滿足，分量亦不少，目測都起碼有八至十件，梅子味濃配埋菠蘿酸酸甜甜好滋味。韭菜花炒鮮魷，這味菜上枱時已經香噴噴，夠鑊氣韭菜花和鮮魷炒得剛好，鮮魷鮮嫩韭菜花爽脆又惹味。我發現這間菜館好貼心， 因今次坐在梳化卡位，给我發現到電話叉電掣，正合心意剛剛電話電量不足， 所以如果電話號電量高的朋友可以選擇坐卡位非常方便又貼心。

放工去左附近商埸搵好野食, 見到哩間好喜氣洋洋既飯店,沖入去試下, 人不多, 閒日唔使等位, 餐廳招呼亦唔錯。叫餐牌上任何一款小菜可以以$1一碗韭菜豬紅, 豬紅汞韭菜量唔少, 但再熱少少會更好食。叫左個鹵水拼盤, 材料有紅腸, 鹵豆腐, 墨魚片, 豬耳, 豬脷。鹵水味好香, 墨魚片夠厚身,豬耳好有咬口, 最好食係墊底既豆腐, 吸哂所有野既精華。春菜炆排骨, 春菜唔會炆到過哂火喉, 排骨先醃咸過, 咬落好鬆化好淋, 唔會好乾天氣凍冰冰, 於是叫番個芋頭炆立鴨煲嘆下, 超級惹味, 咸咸的好送飯, 啲芋頭夠哂粉, 好入味, 立鴨有好多舊, 食極都食唔完

今晚收工唔想番屋企煮飯食，唯有去屋企附近睇下食咩好朋友介紹左我去一間潮洲菜餐館食個晚餐！我好少食潮洲菜，所以唔知有咩喺必食！問一問店員佢地都好用心介紹menu！晚市有孖寶套餐，性價比非常高啊！我叫左一條蒸大魚，另外再加左一個潮洲蠔餅，聽聞是餐廳人氣選擇即叫即蒸大魚，魚肉非常香嫩鮮甜，唔會蒸過火，滑溜又唔會腥！我食左一陣蠔餅就上碟熱辣辣卜卜脆配埋辣椒醬超惹味蠔肉份量多而且爽嫩鮮甜，炸粉唔厚，的確出色。

今日去將軍澳新都城中心商場購物,  晚飯時間到了, 要找個地方吃飯.  女友對食肆有要求, 要美觀舒適, 又好食.看看 Open Rice, 再四圍望望, 找到四點金飯店, 門外看見潮州食品,  大大隻滷水鵝, 好吸引, 還有不少傳統潮州美食, 於是決定在此食晚飯.  天花掛著彩燈, 非常奪目.座位闊落, 空間充足,我們坐下, 點了鐵觀音茶, 侍應送上酸菜小食, 大家先開胃.看餐牌有多頁, 食物選擇多, 價錢適中.  有散叫菜式.    雖然主力做潮州菜, 亦有粵菜可供選擇.我們點了本周優惠潮州菜, 一元韭菜豬紅  (要連一個主食)一元韭菜豬紅, 即叫即到, 大件扺食 !!潮州菜主食, 滷水鵝肉, 鵝肉厚薄度適中, 油脂甘香.鵝肉夠嫩, 啖啖肉, 部份已去骨.肉質美味, 口感不錯.  豆腐好入味, 調味正.菜膽杏汁白肺湯,   奶白色湯頭味美.  杏味濃, 入口啖啖和暖, 我們連白肺都吃清.鳳梨梅羔一字骨,  一字骨肉連著骨, 烤焗功夫做得好,  香脆又不乾身.  肉質好,  又夠稔, 用上潮陽梅羔蜜汁調味很好, 加上帶酸甜味鳳梨, 更惹味.  好睇又好食.潮州白粥,  今晚吾食至愛的

今日去左將軍澳食飯，餐廳主打潮洲菜，晚市時間人客都唔少！餐牌選擇多，定價中上，味道水準都唔錯潮洲菜必定諗緊潮洲打冷菜，今次黎到反而試下熱炒潮式小菜，手工潮洲菜式！天氣涼涼地，先叫一碗潮洲蠔仔肉碎粥，蠔肉爽甜無沙，每一口都有蠔仔肉，口感豐富！粥底綿密鮮甜，的確出色！小菜叫左我最愛既荔芋香酥鴨件，超滿意！滿口綿香芋蓉，芋香非常突出，香甜令人停唔到口！鴨件炸到香脆，鴨肉完全唔會乾！另外再叫一個椒鹽白飯魚，香口咸香，好岩配粥食