回味無窮印尼餐館

营业中

休息中

點了黃薑飯同珍多冰，黃薑飯幾好食，珍多冰只得綠色啫喱狀物體，冇椰汁味，有酸味，因天氣炎熱怕變壞，但又怕誤會食店，所以婉轉問年青老板（我估）是否加了檸檬汁（其實係希望老板入廚房睇吓d嘢有冇變壞），點知老板話加咗少少（吓，真加了檸檬汁？），但d 味實在太怪，所以飲了少半杯就冇飲，怕會肚痾，晚上問家傭（印尼），佢話唔會加檸檬汁，應該變壞咗！

今日去荃灣拜年 打算食埋飯先出發 之前上網見到呢間印尼餐館都有人介紹過 就打算去試下 估唔到年初一都有開 價錢仲好公道 無坐地起價 於是全家一人點左一個餐 竟然發現原來係即叫即整 真係超級驚喜！我自己就食左個巴里雞飯 即炸 送上檯仲有d啱啱炸完既滋滋聲 用叉一拮入去d炸雞脆到d聲正過mukbang asmr！作為減肥人士 我都好耐無食得咁開心 今次真係好驚喜 於是就清左成碟飯連埋伴碟野菜我都食埋😭可惜唔住荃灣 唔係我真係會變常客媽咪就點左個巴東牛肉飯 同樣都好好味 d牛肉整得好入味 非常軟爛 醬汁都very good～ 爸爸點左個椰汁雞飯 不過因為本人唔食得辣就無試到 不過聽佢講應該都幾好味😋 一路食同老闆傾計發現佢真係好好 超級有心去煮 d雞都係即場生炸 而且佢仲對印尼菜非常有心得 一句總括就係 份量大 價錢抵 味道又正 10分推薦！

今次去嘗嘢食嘅邊間，香喷喷嘅香料味自店門溢出，直沖鼻子，攞條圍餐巾仲擦下流口水👀。老闆推介咗半隻燒雞，炭火嘅香味好入味，雞皮香脆得嚟又唔會太肥膩，真係神啊！每啖咬落，肉汁湧出，滋味滿分。然後嚟咗個炸春卷，應該係我會反復夢見嘅款，炸得好脆口，但裡頭嘅蔬菜又保持夠新鮮，唔油膩，加埋甜辣醬，好夾！最後，講下呢個牛河。啲牛肉條嫩滑得嚟保留有啖啖肉嘅真實口感，淋上嗰淡淡嘅醬汁，簡直係開胃遨遊！河粉滑而唔糊，豉油嘅香氣突出唔衝口，配合度正！整體黎講，這家店嘅菜式真係正宗得滯，唔洗飛去印尼都有得食正宗嘅味道⭐。份量仲可以，飽足感爆燈💣。快啲帶埋屋企人去試吓，保證唔會失望！

印尼炒麵 MIE GORENG 好鍾意食傳統嘅印尼炒麵, 私心推薦必點! 加辣醬食起黎更夠味, 麵條軟Q有嚼勁, 包覆醬汁嘅香氣食落鹹鹹甜甜, 加上濃厚辣感, 好正!珍多冰珍多用米做有咬口, 椰汁加鮮奶再加少少糖, 味道都幾清甜❤️我睇到餐牌上有加多加多, 巴東牛肉等等印尼招牌美食, 下次先再試下佢😋°°°°°°°°°°°°°°°°°°°°°°°°°°°°°°#MrsLong #hk #hkmami #Longs #influencer #親子 #hkkids #Yo你去食 #Yo你食印尼菜 #HKFoodie

今日試咗巴東牛肉飯同埋印尼炸雞飯仲以為炸雞飯會係韓式炸雞咁，一塊塊估唔到係有半隻雞咁多（我自己估嘅）白飯仲有造型～巴東牛肉都好好味，但係一早食咗啦因為炸雞要等15分鐘老細佢地好熱情會同我地傾計原來佢哋開咗13年但係我住咗11年荃灣都唔知呢間餐廳啊哈哈哈哈哈

海南雞有骨 仲要無雞醬 個餸有小小似醬油雞 黃薑飯唔香 同白飯無分別 得色水 似淨落黃薑粉？$70蚊 比出面食$50無骨海南雞級數都差兩級😢應該都無下次。價錢貴 食物質素係3-50元既級別賣$70

事源～今日打算帶家人去食下正宗印尼野就見到間野 以為唔錯環境～入到去 污糟都算態度～糟糕到不得了1）點餐果陣 有唔明啲菜色係點 問左兩句 個呀叔👨🏻竟然叫我讀下啲字 👧🏻我就傻仔咁讀左啦 👨🏻佢就話咪係囉 你都讀左👧🏻讀完都唔明👨🏻最後無解釋👧🏻已經成肚火就點左幾樣 啲野食無咪 珍多冰似水咁 中間好意思係咁要我地加野飲最後埋單間直搶錢咁 👧🏻問點解咁貴 👨🏻又叫我地讀下啲字 （好搞笑 態度差到 我黎係學讀字係咪服務態度差到 唔會解釋 係咁叫人讀字野食～難食到 珍多冰似水咁 黃薑飯啲野一夠夠 唔想幫佢宣傳 就post 左個相證明一下去過我永不會再食！！！。 溫馨提示 請勿幫襯！

ISTIMEWA WARUNG INDONESIA是間很傳統的印尼餐廳，家庭式經營，食物就係真係好一般。黃薑飯 樣子看來好吸引，尤其是個黃姜飯造型可愛，但啲餸菜就一般，當中的雞翼比較乾，其他的材料都麻麻哋，唔太鍾意嗰陣味道。印尼沙律加多加多 醬汁冇乜味道，好似開得太稀。珍多冰又係比較淡冇乜椰汁味，而且綠色的條子好淋，冇口感。

叫咗一碟黃姜飯，78蚊，份量一般。其中雞翼一陣餿味，仲有臭味！係擺咗好耐嘅變質雞翼，牛肉都有啲餿味。實在肚餓，勉強食完，點知食到最後口中感到有粒硬嘢，攞出嚟一睇，好似係貝殼碎咁嘅嘢，好彩冇大力咬，否則牙都崩！埋單時向職員投訴食物，較後生嗰個完全冇反應，當聽唔到；另一個較大年紀的詐帝聽唔明我講嘢，我話雞翼臭，佢話巴東牛肉……，好似雞同鴨講，最後終於話會留意下肉類是否新鮮。我仍然畀錢，畢竟已食完。不過以後點都唔會再嚟！以前曾幫襯過，感覺OK，唔知係咩轉咗老闆？E家攪到一塌糊塗，請大家留神！

因父母很喜歡吃印尼菜，於是便再來到荃灣的回味無窮印尼餐館😊來自該人人數少，在門外一度以為他們沒營業點了幾道平常也會點的菜：十五夜團～～～～很奇怪會放入薯條，還要用湯浸住，薯條還帶點酸🤔另外沒有臭豆等配菜😢其餘中規中矩,感覺不是太正宗🙄咖哩牛腩飯～～～～～我爸第一句就說薯仔臭酸😥而自稱跟咖哩一起煮的牛腩也不是入味，但臭酸的薯仔令人懷疑咖哩是重複再煮的什錦冰～～～我媽說粒粒狀的物體像是香口膠，咬不動呢珍多冰～～～感覺一般，椰汁多一點會更好

自從加連威老道的印尼餐廳在上年關閉了，好失望。越來越小地道的印尼菜。今次因為帶印尼朋友去食，所以在openrice找了這間地道印尼餐廳。雖然舖面不是很大，但是有很多不同的印尼餸菜點 。印尼朋友點了她喜歡的黃薑飯，好新鮮及好有印尼地道菜的風味。沙嗲是燒的，好香。印尼炒麵好有口感。炸飛魚好香口，肉質都好新鮮，好配辣椒甜豉油。Gado gado 沙律好清新，珍多冰還可以，如果甜些更好飲d。

餐廳環境唔錯，設2部大電視，感覺乾淨企理，小店形式經營，老闆亦屬好客之人，待客有禮。正因如此，小弟亦期待一下食物質素，叫左份《印尼炒飯》上菜一刻已感失望!賣相非常普通，難聽講句係求期，顏色偏淡，有幾條蛋絲，幾粒蝦仔(炒飯配料非常少)，白飯有一點燶邊，而且聞到一陣獲屎味(炒得過火的現象)，食落口係少少咸味，少少鑊燶味。印象中印尼炒飯係用一隻醬炒，但完全食唔出。整體成個飯係唔辣亦唔香，一個家庭煮婦既炒飯既水準都俾佢高。我打出唻唔係想踩呢間餐廳，係希望老闆如果睇到呢篇食評，可以留意一下廚師出品，作出改善。小店優勢在於食物質素，好食既話，係會再返唻幫襯。補充:本次食評只針對印尼炒飯，其他食物未試過，可能非常好食亦唔出奇，請大家留意返。

最近想食印尼野，搵左好耐，終於搵到呢間，一入門可能係午飯過後即刻可入座，看得舒適的環境，老闆介紹很多美食給我們，我點了最愛的“椰汁雜菜飯”，伴侶則點了“印尼炒飯”送湯，味道真的很地道，既然我在這類推介就可能是最好的，大家可試試！

印尼餐廳而家已經買少見少住在元朗的我 都已經過沒有印尼餐廳進駐了其實普遍地印尼餐廳都是家族生意而我今日介紹的也是喔某天路過發現這間印尼餐廳第二日就直接去嘗試了6點食晚飯是常有的事 因為都不太要等位鋪仔細細 座位不多 是家庭式的餐廳一家人系餐廳有講有笑-------------------跟老媽行街行左一段時間飲返杯冰凍椰青絕對系一件賞心樂事椰青很鮮甜 老媽還拆了椰肉給我椰肉倒是很容易拆 哎喲可能很嫩 不錯呀說清下熱 解解熱氣黎到東南亞餐廳 點少得飲返杯青檸梳打Singha梳打水is my all time favourite酸酸甜甜零舍開胃！！每個飯都奉送一碗例湯今次系青紅蘿蔔湯 哈 有點油 有啲住家風味既我點了我每逢食印尼餐都會點既"LongTong"十五夜飯糰裡面除左飯糰 仲有豆角雞件瓜豆腐牛肉凳凳凳凳 仲有幾塊蝦片系上面 所有食材煮埋一齊 腍腍的 撈埋啲汁食 我鐘意不過食得出距飯糰同其他食材是分開煮的因為飯糰不太熱 其他就熱啲扣左少少分老媽就點了海南雞黃薑飯累嫌海南雞不太似 只有少量海南風味肉質還算嫩黃薑飯倒是不錯喔--------------快離開既時候 老闆仲問我地好吳好食嘻

次次經過路得圍都想揾機會試下呢間印尼餐廳，舖面唔大，只有幾張枱，一睇就知係家族經營嘅小餐廳。老闆好熱情好客，主動介紹唔同嘅食物俾我地。我地叫咗個海南雞黃薑飯，味到唔錯，老闆仲強調自己一定用靚雞tim😊我地仲叫咗十五夜團 ，因為覺得個名好得意，又有唔同嘅嘢食。特別之處係D飯團，係用白米煮一段時間變成飯團，初初我仲以為係糯米tim。我鍾意個汁，好特別，得意之處係有D薯條。最後我食唔哂D飯團，食兩三舊已經好飽.叫埋春卷但就冇乜特別。