影片
更多
3天前
0 浏览
📍回家湘 (西環)📍西環石塘咀干諾道西180號維港峰地下1B號舖❤️平時川菜打邊爐、上海菜就食得多，湘菜真係第一次試，香港好少有湘菜食。唔查唔知湘菜原來係八大菜系之一，會以辣椒入菜。對於唔係好食得重口味/辣嘅人，呢度有樣好，有得少鹽少油，辣度都有得揀微辣小辣中辣。🩷小食要左擂辣椒皮蛋$58 ，好有趣係用個研缽上，辣椒切成絲，皮蛋中碎左咁。皮蛋自己味道唔係好突出，但完全融合咗醬汁入邊。本身以為青辣椒就咁食會好辣，食落反而爽脆，食到尾先慢慢出辣味，加埋麻油芝麻帶出香味，越食越上癮，可以用佢嚟撈飯。💜健康小小要左個有機青茄子$88 ，第一次食青色嘅茄子，其實同紫色一樣，不過個皮更加腍。體會到茄子果然係要落油先好食，又係送飯食一流，冇諗過炒茄子居然都可以咁好食。💚冬天最適合飲湯，加左碗松茸土雞湯$58 ，表面浮左層雞油好保溫，飲嗰時要小心，差啲辣親。火喉好夠，做到骨都可以輕易咬碎。💛鮮炒黃牛肉$148 menu 話係必點菜式就叫左個嚟試下。聲稱爆炒18秒出鍋，上菜嗰時仲有火燒住，出緊煙。吊龍雪花唔識分邊種打邊種，不過都好嫩滑。對於唔係好食得辣嘅我，只係嗌咗微微辣已經好夠惹味。🧡主食揀咗冇食過又好
📍西環石塘咀干諾道西180號維港峰地下1B號舖
❤️平時川菜打邊爐、上海菜就食得多，湘菜真係第一次試，香港好少有湘菜食。唔查唔知湘菜原來係八大菜系之一，會以辣椒入菜。對於唔係好食得重口味/辣嘅人，呢度有樣好，有得少鹽少油，辣度都有得揀微辣小辣中辣。
🩷小食要左擂辣椒皮蛋$58 ，好有趣係用個研缽上，辣椒切成絲，皮蛋中碎左咁。皮蛋自己味道唔係好突出，但完全融合咗醬汁入邊。本身以為青辣椒就咁食會好辣，食落反而爽脆，食到尾先慢慢出辣味，加埋麻油芝麻帶出香味，越食越上癮，可以用佢嚟撈飯。
💜健康小小要左個有機青茄子$88 ，第一次食青色嘅茄子，其實同紫色一樣，不過個皮更加腍。體會到茄子果然係要落油先好食，又係送飯食一流，冇諗過炒茄子居然都可以咁好食。
💚冬天最適合飲湯，加左碗松茸土雞湯$58 ，表面浮左層雞油好保溫，飲嗰時要小心，差啲辣親。火喉好夠，做到骨都可以輕易咬碎。
💛鮮炒黃牛肉$148 menu 話係必點菜式就叫左個嚟試下。聲稱爆炒18秒出鍋，上菜嗰時仲有火燒住，出緊煙。吊龍雪花唔識分邊種打邊種，不過都好嫩滑。對於唔係好食得辣嘅我，只係嗌咗微微辣已經好夠惹味。
🧡主食揀咗冇食過又好特別嘅藍莓米粑粑$39有五個，用蒸籠上。口感好可愛，咬落回彈鬆軟，有少少似白糖糕蒸糕咁，甜甜地當做甜品又得，攞嚟當飯食都得。
💛解辣就要左酸梅汁$58，唔似平時廣東嘅酸梅汁咁重酸味，反而有少少桂花香味。
💜總括而言，第一次食湘菜真係有啲驚喜，唔係好食得辣嘅都會搵到啱食好食嘅嘢。
张贴
