影片
知道23号就会结束营业，上个星期其实嚟咗一次，不过7:00去到嘅时候已经唔俾我哋攞飞折咗单啦，今日6:00就到好彩好快入座，跟住过多一阵其实都截咗单啦我哋叫咗好多嘢，不过可惜因为就快唔做，佢已经唔整薄饼同埋油酥饼，所以试唔到招牌黑咖喱牛腩咖喱虾咖喱牛脷非洲辣鸡鸡干炒鸡牛肉角可惜个肚已经爆炸啦，如果唔系会再试埋个吉列猪扒，已经好开心喺佢结业之前试到一次，如果唔系网络嘅威力，我都唔知有间咁嘅舖头，可惜第一次亦系最后一次
继续阅读
我食咗超过廿年，以前两间连舖位时，有个中年阿叔做企堂时成日帮衬。知老细做埋5月荣休，我特登约埋阿爸过晒午市繁忙时间先去食。一坐低张台有上手食剩啲食物碎，等极都无人招呼抹台。唔紧要，我自己有纸巾抹。佢地放低餐牌时其实我已经可以落单，但佢地咁忙唔知忙乜？只系听到佢地无羊，好多客叫羊都无。等咗好耐我落我最期待嘅苏门塔纳牛同帮阿爸落个咖哩牛腩，因老父戴假牙怕太韧，特交代吓可唔可以俾啲淋啲嘅，佢一野得落黎话无，要淋只有食牛脷或牛𦟌，咁好啦，我照要。等咗好耐终于黎咗，个侍应上菜时好轻佻咁讲咗句一黑一白，黑白无常呀。当时我爸已黑面非常唔高兴，我地叫一黑咖哩一白咖哩，好心妳唔想做或就黎无咗份工都唔好乱咁嗡野啦。所以我爸份白咖哩牛腩佢俾错牛𦟌我都无心去讲去换啦，只想快快食完走。论食物，国际咖哩馆嘅苏门塔纳咖哩，味道一如既往十年如一咁好味，每次必叫。但今日侍应咁嘅待客多口态度，真令人摸不著头脑，不安到令人唔想再帮衬。任凭你食物几咁好味，啲侍应咁口没遮拦，香港饮食业做唔住唔系无原因嘅。
继续阅读
国际咖喱馆😘😘😘咖喱专门店路过湾仔喜帖街附近、看见店外张帖、已发黄剪赧、专访、名人到访合照等等！店内装饰、颇为旧式、超过二、三十年多、像时光倒流！二人套餐$298咖喱角六件春卷皮裹卷、浓香咖喱肉粒饀料、脆炸金黄、沾特色甜甜酸酸绿色酱、味道非常夹👍🏻、提升味蕾口感！咖喱虾球此店特色咖喱味道、非平时品尝黄咖喱、青咖喱味道、色泽偏暗黄、味道偏淡、虾球鲜甜弹牙！此店特色、令你难忘😛咖喱牛仔骨🈶惊喜、牛仔骨、大大件够厚肉、煎炸外脆内软、肉嫩多汁、好juicy 、吃过最正的牛仔骨、👍🏻👍🏻🤩吃不停口、舔舔脷👅👅配薄饼咖喱配印度薄饼、最隹配搭热奶茶&热柠茶⋯⋯港式茶餐厅味道😋国际咖喱馆湾仔大王东街26-30号地舖港铁湾仔站B2出口、步行约3分钟
继续阅读
🙁国际咖哩馆位于湾仔大王东街26-30号地下2024年12月14号嚟到湾仔想食咖哩，一直揾，行到大王东街见到有间老牌子嘅咖哩店舖，于是就推门入去，店员递上两杯暖水，递上餐牌，首先看看餐牌，有点一头雾水，以我认知最稳阵就叫个椰汁咖喱配印度的饼，和猪牛鸡串烧各两串。点完餐，等上菜发觉店内没有开冷气，很焗促感觉，虽然天气冻冻地，但不致于唔开冷气呀？猪牛鸡串烧好难食，每一串都肉质好鞋好干身，冇肉汁，唔知自己食紧啲咩？ $80椰汁咖喱牛配印度簿饼@咖喱汁好似水咁，最重要冇咖喱味，怀疑自己失去味觉，用咗牛腩部位，但牛腩偏肥多肥膏，每一口都充满油腻感，印度簿饼，不予置评⋯⋯没有下一次。$120最正常都喺菠萝梳打 。$40
继续阅读
今晚又再黎食野叫咗黑羊中辣 咖哩牛脷小辣 银雪鱼小辣 配2份饼 1个饭个饼睇落去好少会唔够饱但系其实食咗1块已经好饱 顶住咗咁黑羊香料味好重好特别 羊臊味唔算太重咖哩牛脷好好味好出色 牛脷软腍 咖哩偏甜银雪鱼由于有少少鱼骨 食起上黎唔太方便 要就住就住 冇食牛脷/羊咁方便 可以大大啖咬虽然银雪鱼食落鱼油味好香好重 但下次就未必会再叫反而入边啲配菜 捞住咖喱汁嚟食好好味餐厅有提供水 可以解下辣
继续阅读