圓老爺雞煲小廚 (已結業)

今次食完個雞煲後覺得失望 應該唔再食叫左麻辣雞煲 有點咸既 食完雞叫加湯打邊爐啦 原來呢間野唔會有湯 得水😨食過咁多雞煲都未試過係只係可以加水 湯都無.....咁唔怪得要咁咸 配料選擇都唔多 試一次夠啦 價錢又唔係親民 但質素麻麻

呢兩日元朗特別靜，但住元朗嘅我地冇得避，行行下有個後巷位有間小廚嘅門口吸引左我。佢係小廚，但個餐牌啲字跡同logo又好似好年輕。既然個名都寫住係雞煲，咁一定要試試佢個雞煲啦。我地啦左重慶麻辣雞煲，小辣，佢個醬較到好香，又唔太辣，但好夠味，而佢啲雞都好滑。👍🏼👍🏼👍🏼原本想嗌椒鹽九肚魚，但老細話休魚期冇得食，推介我地食鮮魷。熱辣辣上到嚟，香脆，而椒鹽已經均勻咁撒左上去，味道岩岩好。只係鮮魷似乎係冰鮮嘅，冇鮮味。另外嗌左呢個金寸骨，真心嚟到呢度真係要試，熱辣辣上到嚟又係脆卜卜，啖啖肉，好香口。男朋友話，一間小廚大排檔好唔好，嗌個小炒王試下就知。睇圖，唔洗我講都已經好吸引，佢啲韮皇好嫩，好好食好夠味。啲菜鋪魚乾魷魚蝦仁都係新鮮嘅，唔係啲擺左好耐賣唔出炒埋一碟嘅嘢。呢個小炒王絕對可以餸兩碗飯。菜方面就嗌左個金銀蛋莧菜，清清地，咸蛋好香，啲菜都好嫩。總括係呢個小廚啲嘢好新鮮，絕對可以encore。下次我想試埋佢個酸菜魚🤣。

這日在元朗逛街，所以在預先上網找小間小菜館吃，「圓老爺鷄煲小廚」位於元朗輕鐵站豐年路附近，很易找到。走夜了，大概8點半左右，餐廳門外還有不少人在等侯，而門口照片是吃完後大概10點鐘影，當時就不用等位。而我等了10分鐘便可以入座。這小菜館設有兩層，裝修企理，環境新穎乾淨。這裡的小菜非常抵食，看看菜單便知。所以本身只想點小菜，但發現附近食客都點了雞煲，實在太吸引。所以點了一個雞煲、兩款小菜的白飯。醬皇鮮味蝦蟹雞煲一上桌真是不得了，蝦蟹雞煲，顧名思義有蝦有蟹和有雞，非常豐富。而香料也非常之多，有蔥頭、蒜頭、薑片等等。一打開煲蓋，香氣已經撲鼻而至。我要了小辣，不算太辣，醬汁很濃，帶少少甜，與辣味相配，並無掩蓋雞肉的鮮味。雞肉肉質嫩口鬆化，不會太乾身。蝦蟹都算肥美，將醬汁完全吸收，很惹味！蜆芥鯪魚球每粒鯪魚球都炸至金黃色，熱辣辣，外脆內軟。再配上帶少許鹹鮮的蜆芥，令鯪魚球提鮮，是不錯的小食。蒜蓉粉絲蒸蟶子皇經店員推介後，最後的3隻蟶子皇都被我們點下，果然沒有介紹錯！在蒜蓉粉絲蒸過程中，粉絲可以吸收蟶子鮮味同蒜味，一點都不失色。而蟶子皇很大隻，鮮甜爽滑，烹煮的時間掌握得很好，一點都不韌，蟶子吸收左

一班人食飯 唔係雞煲就小菜😆💓😏why not both?😋圓老爺2樣都滿足到～仲要價錢抵食·🐔飄香醬皇雞煲（$122）蒜頭粉絲表示正～雞肉同蒜/洋蔥比例好似1:1咁多⋯超足料！雞肉嫩滑入味～但底部可能會比較咸，食前記得撈勻d😛·🎃得獎金湯海皇南瓜盅（$118）打卡之餘味道十分不錯！煮法新穎😋👍🏻南瓜起肉，中間流心金湯⋯加埋海鮮配料👍🏻👍🏻👍🏻仲有邪惡芝士鋪面層😍推介·🥢金磚百味豆腐（$48）外脆內軟🥰·🐷金檬孜然豬寸骨（$72）本身我唔鐘意孜然粉味道，但加埋爆炸多既炸蒜辣椒🌶️又ok wooo😆啖啖肉，好惹味😋·🦑椒鹽鮮魷（$78）👍🏻👍🏻·🐟酸菜烤魚（$118）吸收哂酸菜湯底既薯粉 個個搶住食👍🏻😆😆😆唔會過酸/油份過高·🍚瑤柱蛋白炒飯（$98）份量多～抵食🥰飯粒分明且乾身，巧巧痴😋·🥬海味雜菜煲（$68）😋咁多肉點可以唔叫番個菜～·😍炸饅頭 點煉奶😋好耐無食過了·📍圓老爺雞煲小廚元朗豐年路7號豐年樓地下E號鋪

First thing first: * 非常高質，禾稈冚珍珠既一間餐廳* 必試金沙鮮魷、班球、雜菜煲隨機入咗元朗一間餐廳食中菜，四個人本身冇帶着太大期望入嚟，點知呢間餐廳真係令到我哋都喜出望外！佢價錢一啲都唔貴，每碟餸嘅份量仲要多味道又好，你食過就會知，真係可以感受到餐廳既誠意。首先講一講佢嘅金沙鮮魷，即係蛋黃炸鮮魷，非常之好味！極容易送飯！魷魚嘅表皮係脆，蛋黃份量又好足，十分之夾！班球，雖然$138，但係每一夠魚都係好爽好鮮同好大件，魚嘅豉油汁仲絆住粉絲呀！無敵！我哋叫咗兩隻BB鴿。佢嘅乳鴿醃法同酒樓唔同。呢度既味道似係BBQ燒烤嗰種，雖然同想像唔同，但無可否認佢隻BB鴿係燒得幾好！仲叫咗雜菜煲同埋啫啫雞煲。雜菜煲有好多種類嘅菜，基本上係我食過咁多次雜菜煲，最多菜款嘅一次。係呢d 位真係好易睇得出間餐廳有無誠意！：）連埋四碗白飯四個人埋單$514，咁嘅質素咁嘅份量，抵呀！！

元朗廣場附近有一間幾出名嘅中式餐廳😊都有好多街坊幫襯有時都要訂位所以今日六點幾早D去食晚飯👍🏻餐廳乾淨企理服務員招呼都殷勤！所以都食得舒服👏🏻👏🏻👏🏻☝🏻醬爆雞煲必食推介👍🏻✨雞煲夠多香料，最鍾意就係多中式洋蔥！醬料非常惹味、又夠鑊氣😊雞肉鮮嫩，送飯一流👍🏻☝🏻蒜蓉粉絲龍躉分量非常多！一定夠食！粉絲蒜蓉夠香龍躉夠晒大件，新鮮彈牙！👍🏻金銀蛋莧菜勁多蒜頭👍🏻同埋欣賞少味精，唔鹹👍🏻✨

今晚約了舊同事食飯。舊公司在元朗廣場附近。同事話附近有間雞煲好正。去到一條小街唔算巷仔。以前開工都會係前面幾間茶餐廳食lunch...但從無為意呢間雞煲。 我一睇中就係「特式海滲肥腸雞煲」$178一上桌真是不得了。雞香已經撲鼻而至。睇到的香料有好多。紅蔥頭。蒜頭。薑片。蔥爆。最重要一項就是有幾多舊海滲。數前數後有成10塊而上。並不是寒貨一兩件交課。仲有海滲的硬度。入口有咬口。爽脆甜。雞煲師傅有一手好功夫。另外我要了中辣。個程度屬中上。木人亦食到出晒汗。講回個肥腸亦準備工夫充足。非常入味。吸收左辣味。入口後辣味直充舌頭耳蝸。喜歡的就非常滿足。至於雞肉肉質嫩口鬆化。辣味並無掩蓋雞肉的鮮味。

入元朗食好西元朗出名多美食，你想食咩都有，難得今日入到元朗梗係要試吓啲地道小菜。我地揀左圓老爺雞煲小廚，兩個人乜都想試下，所以無食雞煲。千祈唔好以為我地會求其叫，要食梗係食招牌菜。見到餐牌上面個煲仔菜流曬口水「八星報喜 」果然唔簡單，有齊鮑魚片，花膠，海參，鵝掌。。。份量對得住個價錢！之後我地仲叫左個夫妻肺片，青瓜好入味，牛肚辣得黎好彈牙，做前菜真好好開胃。孜然豬串骨，啖啖肉，而且好入味。相比之下，個金銀蛋莧菜就比較普通，但係都好好味。小菜咁正，一於下次再黎試下雞煲同水煮魚先。

今晚要去豐年路附近看醫生，因此就係附近食晚飯，平時比較少行去呢頭搵食，兜左一個圈就揀左呢間圓老爺雞煲小廚，揀嘅原因係呢間人氣最旺，加上裝修唔錯，座位闊落，最緊要係坐得舒服。呢間主打雞煲及大熱酸菜魚，我叫左個飄香醬王雞煲（$122）價錢親民，大大煲，醬汁唔稀兼唔辣得嚟又有帶甜味，層次豐富，雞肉嫩滑又新鮮，好抵食。呢間小廚都有好多海鮮食，我叫左金沙鱔柳（$108 ）超驚喜係咸蛋黃比市面食肆多，豐富加上絕不乾身，鱔柳肉質鮮嫩，外脆內軟。蒜蓉牛油爆青口（$98）青口夠厚身，佢特別在有少少西式感覺，充滿着牛油混合蒜蓉香味，保持青口嘅鮮甜，又夠大碟，食得滿足。總括嚟講，圓老爺絕對係隱世高質小廚，好耐未食過一間價錢咁實惠又材料一流再加上煮工細緻好味，有種去左酒店食中餐嘅感覺，一定會再來。

入到元朗搵食，個個也想起食雞煲。這次上網發現原來呢間圓老爺 唔止有雞煲，仲有多款幾特別小菜，所以同友人來到食晚飯。星期天晚飯時間大約等了十多分鐘，也算合理。我們點了：椒鹽鮮魷 $78 表層脆漿薄薄一層，酥炸至金黃香脆，即叫即炸，完全沒油憶味，油不會過熱控制得非常好！裡面的魷魚好爽易嚼，有鮮香味。椒鹽加了點點辣及乾蒜，更加有風味更香口，夠鑊氣，平時少吃油炸食物都會食多幾件☺️金瑤扒時蔬 $68 份量頗多，雖外表平平，但內涵勝出，莧菜好脆嫩，輕輕炒至菜身亦是爽，不會太腍。伴以金菇碎及瑤柱碎做蠔油茨汁，口感頓增，味道剛好 不咸。飄香醬皇雞煲 $122原來夏天食雞煲的確有一番風味，我們點了bb辣度。其惹味開胃的微麻微辣汁 倒是十分開胃，雞件有黃油 肉軟滑多肉，加上洋蔥一起爆香，麻香甚是滋味！兩人點了半隻雞，份量剛好 好滿足呢！鬼馬生炒骨 $72 呢道是予人驚喜的菜式，叫得鬼馬原來是有gimmick , 咕嚕肉有兩款不同做法，其中是傳統炸豬排肉。而另一款我要吃到第二件才知裡面原來用了油炸鬼再包墨魚膠，三重口感，同樣外脆內軟，平凡中帶出十分驚喜的一道菜式。每碟份量足，性價比高，平凡中顯出不平凡，菜式

今晚同朋友去左圓老爺這間中式小菜食晚餐，入去見到裝修位置都好舒適。我地點左兩道菜，一道是圓老爺大盆燴海鮮。另一道是得獎金湯海皇南瓜盅。首先燴海鮮是火爐上，一個四方盆放在火爐上，有魚，蝦，蟹，木耳，帶子，青口，蜆同薯粉，湯底微辣，十分惹味。海鮮方面都十分新鮮，帶子好大粒，味道清甜。魚更是煎過的，所以魚皮好香口和有咬口，魚肉都好有鮮味。海鮮中亦配有木耳，元茜，恰到好處，鮮而不膩，值得推薦。第二道是海皇南瓜盅，賣相已相當吸引，是一個日本小南瓜奉上，南瓜開了一個小蓋，上面鋪著燒過既芝士，金金黃黃，用匙羹吃一口，芝士就拉得很長，裏面是濃濃的南瓜加芝士羹，味道甜中帶啲芝士既咸味，意想不到的配合。南瓜羹中亦加入瑤柱，尤魚，蝦和元貝等，十分有口感，充滿幸福既感覺。這兩道菜式都很精美，不但賣相吸引，味道更是恰到點，下次會再去食。

有住在元朗的朋友介紹這間吃雞煲小菜的餐廳不錯，於是，今天特意到這餐廳試一試雞煲和小菜如何。由於是星期日，我與朋友大約八點來到，餐廳內已座無虛席，我地大約等了十五分鐘才可入座，其間不斷有食客來到等候。我與朋友兩人，就點了一個雞煲、一個羹、一個小菜和一枝啤酒。麻辣重慶雞煲：雞煲一上桌，店員就介紹待雞煲煮沸攪勻，較細火煮多三分鐘就可享用。這樣的煮法不會令雞肉煮得太耐而變韌，保持到雞肉嫩滑，醬汁香濃。避風塘蝦球：蝦肉用油炸了一次再炒，蝦肉肉質有彈性，有些辣，好吃。粟米海皇羹：好喝，一大碗我們全部喝光了。

之前聽朋友講過，話呢一間雞煲係幾好食，當然要來試一試啦 ！ 果然係有些驚喜，味道都是不錯的，尤其是呢度嘅炸嘢，個人來講覺得比較出色 ！而且價錢經濟，但衛生環境就認真麻麻哋，抹枱塊毛巾，應該好耐冇洗過，剛剛抹完張枱就已經好大浸噏味 ！好彩食物的味道補救返 ！首先麻辣青瓜，口感不錯十分香口醒胃，青瓜還是涼涼的，所以感覺唔算太辣 ！雞煲叫咗兩個口味 ：一個係麻辣，另一個係普通醬汁 唔辣的！個雞煲上咗台之後，需要先煮一陣間先至可以進食，在旁邊等待的時候，也聞到陣陣的香味，尤其是麻辣味 ！雞肉多汁嫩滑 ，而且都幾入味，食完個雞煲仲可以用來打邊爐 。椒鹽鮮魷，這個真的炸得不錯，製香口嘢味，仲要啖啖肉，而且肉質都嫩滑！炒蜆：味道還是不錯的，食得到他的鮮甜味，但係有好多蜆肉唔見咗 ！呢個咋豬髀骨，下次嚟都要再叫 ！啖啖肉而且很野味，又唔會炸到肉質太乾！香香脆脆，口感不錯！呢一個酥炸生蠔，下次亦都可以在order ,外脆內軟，有蠔的鮮味，而且都頗為大隻，連埋塊生菜一齊食，感覺就唔會咁油膩 ！

🤓星期四晚收工過嚟食，第一次嚟，諗住唔會好full，點知都爆滿😱，等左一陣就有位，估唔到入面都幾大，地下同樓上兩層，加埋都有10幾張枱，大枱比較多，👍🏾環境都算闊落舒適，似乎好適合一大班人或者家庭聚會👏👀見到張張枱都食雞煲，我梗係唔執輸啦，仲要價錢超抵，百零蚊👅✍🏻餐牌嘢食選擇勁多，唔同肉類嘅小菜，仲有好多特色小菜，🤤有別於一般嘅小菜大排檔，價錢都好經濟，難怪閒日都咁full🤔同朋友兩個人嗌咗一個1⃣飄香醬皇雞煲，2⃣蜜椒金薯安格斯牛仔粒，同埋3⃣金銀蛋時蔬。☑薯仔細細粒炸過脆皮邊，好正，牛仔粒好鬆軟，啱哂我cool緊牙🤣驚喜原來入面有菇粒，so yummy，成碟餸都係甜甜地好滋味🥰☑雞煲好香，嗌左BB辣，都怕會好似出面果啲噤無左辣味就無哂味，丫！出奇地又唔會喎！仲要好入味，咸度適中唔會一味咸！兩人食半雞剛剛好！👏👏第日一大班人食飯又多個選擇😋😋

-呢個weekend同朋友去元朗做義工，同狗狗🐕玩完成日好肚餓囉，見到周圍都有雞煲🐔食，又心思思，但又怕熱🤔。行行下見到呢間👉圓老爺雞煲小廚，有冷氣，岩晒啦✌️。餐廳唔大，七點🕖已經坐滿左，好在上層仲有一張枱。望下餐牌📃，都幾多選擇。飄香醬皇雞煲🐔（$122）打開個煲蓋，香噴噴，入面有芫茜、洋蔥🌰、紫洋蔥、原粒蒜頭，小辣🌶️已經好惹味，一煲有半隻雞，已經夠晒我地兩個人食。配埋白飯🍚（$12）啱哂，停唔到口😜。椒鹽鱔柳（$108）大排檔風味又點少得煎炸嘢食，2款食完都唔會成口油，同成口粉，炸得好乾身😙。平時食黃金蝦就多啦，今次金沙鮮魷🐙（$78）幾特別兩味都好新鮮。如果唔係揸咗車🚗，真係想飲番杯🥂食咗3款相對重口味菜式，最後叫返嗰金銀蛋時蔬🌿（$68）清清地，我地揀左莧菜🌿，都唔錯。下次要搵多幾個朋友👩👨🧑來，咁就可以食多幾款啦，因為佢仲有幾款雞煲口味😎。==========圓老爺雞煲小廚地址：元朗豐年路7號豐年樓地下E號舖