地茂館甜品

营业中

休息中

我們於24/2（一）未夠晚上七點🕖已到達，未算好多人，可以座卡位。菜單花多眼亂，好多選擇，簡直覺得係選擇困難症。❶招牌桃膠蛋白杏仁茶 （$39）：用燉碗裝住，蛋白非常之滑，桃膠也有不少，杏仁茶味濃。❷紫米杏仁茶小丸子（$31）：小丸子🍡唔算非常煙靭，但就非常軟糯，配上大量紫米，非常有咬口，而杏仁味亦突出，味道配合得而，非常夾。熱騰騰的糖水已經足夠在大冬天提供溫暖予食客，不用10分鐘已經吃完。當時有不少侍應，比客人多😅，所以食客啱食完，已經好快手執枱🤭「香港特色」

呢間芝麻糊真材實料咁磨出嚟，唔係溝粉，大家一定要喺度食！ 另外合桃露都係真材實料，食完超級飽！ 鍾意去環境夠晒復古，多人嘅時候坐得好迫我哋7個人仲要坐一張細圓枱，不過為咗食好嘢都冇辦法啦

芝麻糊- 芝麻香氣十分濃郁,可以明顯感受到用料的新鮮程度。- 湯品中還有一些芝麻顆粒,增加了口感層次,讓人有嚼勁。- 整體風味濃郁醇厚,回味悠長,非常符合香港人對於甜品的偏好。芒果椰果小丸子小丸子Q彈有勁,咬下去有很好的嚼勁。- 芒果果肉柔軟細緻,入口即化,帶有清甜的果香。- 椰果顆粒增加了口感層次,增添了一些爽脆感。- 湯汁清甜可口,不會過於濃郁,恰到好處。

試過好多間糖水舖始終都係覺得地茂館最可靠唔知佢哋係咪嗰啲預製左既糖水去唔同分店食都可以保持水準通常我都會係叫佢個薑汁底芝麻餡湯圓但今日突然之間好想試吓燉奶轉變下慣性嘅日常生活燉奶係超級香同埋我一開始擺隻匙羹喺啲奶上邊係可以hold到住隻匙羹而冇跌到落去朋友話呢一個係測試燉奶同埋燉蛋有冇整得好嘅方法我唔知背後係乜嘢原理但係感覺好得意味道方便唔會太甜熱辣辣嘅碗糖水係凍冰冰嘅天氣下食真係非常之溫暖而家講講吓又想去幫襯

在附近吃晚飯，朋友聽說我沒有吃過地茂館覺得不可思議😂說一定要帶我吃一次，大概八點左右來到等10分鐘左右就有位了。點了芝麻糊、腐竹薏米糖水、糖不甩，芝麻糊是我在香港吃過最稠綿的😂基本上想桌放個半分鐘，表面就有點兒凝固了🫨腐竹薏米糖水的腐竹也煮到溶化的狀態，整碗糖水都是米色的，十分足料。糖不甩10分軟糯🤤配上椰絲、花生和糖，包裹着糯米的外層，吃起來有多重口感和香氣。店內座位不多，但基本上大家吃完都會自動離座，所以很快有位子。芝麻糊糖不甩腐竹薏米糖水

九龍城嘅地茂館甜品真係食咗好多年，佢雖然都係老舖，但水準一直維持，亦冇一般老舖嘅弊病，例如環境殘舊或者服務不佳，所以咁多年都係九龍城食甜品首選。芝麻杏仁茶芝麻糊溝咗杏仁茶，結合咗雙重嘅香味，質感就比較稀啲。補腎合桃露呢碗合桃露非常足料，好濃好香，食完又飽肚又溫暖，好滿足。紅豆馬豆糕質感結實，唔會一掂就碎，紅豆亦煮得夠軟，有椰汁香又夠滑。值得一讚佢嘅員工服務態度好好，又會細心幫你留意食物上咗枱未，有冇漏單等等。食物做得好唔容易，要長期維持做得好就更加唔容易，呢間食店真係值得支持。

地茂館有幾出名真係唔使講，今次勁好彩，排咗15分鐘左右就入得楊枝甘露去得地道中式甜品掂梗係要叫返碗地道甜品，呢碗楊枝甘露酸甜比例適中，欣賞佢唔算太稀，有芒果粒不過就唔多合桃露呢碗就真係值得推介啦，佢係我食過數一數二最好食嘅合桃露，糊狀超級洁身，而且唔會死甜，食落仲有啖啖合桃味，食完嗰刻真係有衝動想叫多一碗，要俾100分佢唯一扣咗少少分就係座位已經太親密，仲要搭枱，中間仲要冇位俾你間塊板，咁對面講嘢嘅時候已經會好擔心自己碗甜品

🥛蛋白燉鮮奶 $28 (😸😸😸😸)呢個蛋白燉鮮奶真係熱辣辣，奶味濃郁😍口感順滑得黎，唔會令人覺得太甜，通常食完奶類嘅嘢都會不停飲水，但呢個反而食完唔好好口渴，鍾意燉鮮奶嘅朋友可以一試！😋🌸美人桃膠杏仁茶 $36 （😸😸😸😸)想要靚相又想保養？咁就可以揀美人桃膠杏仁茶啦！😝杏仁味香濃，桃膠更係足料，飲落去好似喺享受一杯美容飲品，真係一舉兩得！💖🥚招牌蛋白杏仁茶 $36 (😸😸😸😸)呢個係即叫即做，所以等候時間會耐少少，但都值回票價！入面啲材料有燉蛋白同杏仁茶，味道濃厚，感覺好健康，飲完好滿足！😌🍬軟滑糖不甩 $21 (😸😸😸)最後再試下軟滑糖不甩，雖然冇乜特別，但口感煙靭，配埋少少花生食都幾好味！😏

九龍城一帶有好多邊爐舖頭連帶亦都開咗好多甜品舖今日屬意傳統甜品入咗嚟地茂館試一試～✧ 香滑芝麻糊（$26）黑到吸哂光影唔到😳雖然好食 但仲未到心目中嘅Number one ⚗︎·̫⚗︎之前食過有啲濃度係冇啖都嗒到芝麻粉不過我覺得可以再少甜啲 重啲芝麻味同埋成份入邊應該都落咗好多米好快就好飽..作為飯後甜品嚟講都幾多✧ 補腎合桃露（$27）合桃味勁香！好似就咁將啲合桃磨碎晒放入口咁稍為冇芝麻糊咁杰唔知有冇人同我一樣都好鍾意面頭嗰塊衣ꈍ◡ꈍ味道好濃 質地又好厚好似將成碗嘅精華浮咗面咁

探完姪女響九龍城就食埋嘢先返去啦，食咩就梗係由我話事啦，都係我曾經去過食過覺得好食嘅就帶阿媽去試吓食完正餐就梗係順便食個糖水啦，呢間以前經常食亦都經常買外賣返去俾阿媽食，今次我哋都選擇買外賣返屋企先慢慢食其實係我有意無意要諗起佢？點解我而家嘅生活完全避唔開佢嘅蹤影 但係我又冇理由因為佢而影響到我正常嘅生活，我都係食返我之前食嘅嘢啫，只不過人物唔同咗所以我都係揀返之前食嘅糖水俾阿媽-蛋白杏仁茶，我自己就食薏米腐竹白果加湯圓。其實有啲飽不過原來佢另外加錢都係得兩粒湯圓（都大大粒嘅～）水準同以前一樣，我覺得啱我哋口味。腐竹白果薏米唔會有一片片腐竹加糖水咁樣，而係煲到啲腐竹爛晒同糖水融為一體，咁先好味㗎嘛。有人會加蛋但係我就寧願加湯圓啦（芝麻湯圓喎）仍然都係好多人- 堂食同外賣都係。其實明明之前先嬲咗阿媽，嬲佢響我背後講我不是 最憎佢咁樣，但係我又竟然以德報怨😜🤪唉，點都要返屋企冇辦法啦。

我朋友食糖水食到一肚氣，話明就算再好食，也絕不會再幫襯。今晚去食糖水，明明仲有幾張枱「吉」枱，但店員卻急急腳想收起我的碗，我朋友剛放低食具，店員光速收碗抹枱。你唔走既話，她們就迫你坐埋一邊卡位，甚趕客🤬🤬🤬

天氣開始入秋涼涼哋，又有啲乾燥，最啱就係食返啲糖水滋潤吓！呢間傳統糖水舖喺九龍城已經開咗好多年，佢有傳統嘅中式糖水，亦都有新式甜品選擇。平時假期嚟親都要排一陣隊先入到去食，今次嚟到都唔例外。嚟親呢間糖水舖我都係食佢哋嘅招牌蛋白杏仁茶，今次再加左小丸子（要另加$6）。另外再叫咗一碗腐竹薏米白果糖水。～招牌蛋白杏仁茶係我最鍾意嘅糖水之一，佢嘅杏仁茶濃稠度剛剛好，加左蛋白嘅杏仁茶嫩滑香濃；小丸子亦好軟糯。～腐竹薏米白果糖水好足料，腐竹完全溶化喺糖水入面，口感潤滑香。呢兩款糖水真係好適合而家嘅乾燥天氣，滋潤又養顏。

星期五晚食完晚飯唔夠喉，想去食糖水😆嚟到九龍城諗住去食吓啲傳統糖水，點知門外大排長龍🫨不過好彩都唔洗等好耐就入得😝🥭芒果椰青凍小丸子 ($33)多料到滿瀉🤩有小丸子、西米同椰青凍，椰青凍好清甜，又爽彈😋但當同芒果汁一齊食就被甜甜嘅芒果味蓋過咗😂☕️香滑芝麻糊 ($26)好濃稠嘅芝麻糊🤭有別於平時好稀嘅芝麻糊，偏傑身😆食落係好濃好濃嘅芝麻味，好似芝麻醬咁濃😲🍡軟滑糖不甩 ($21)粒粒圓轆轆又極有光澤嘅糖不甩真係好吸引😍粉團夠哂煙靭，沾上花生碎糖後甜絲絲🥰

算是比较老牌的糖水店，在九龙城这边店面看起来很明亮干净，营业时间也比较长整体价格都不算贵，还是蛮合适作为饭后甜品的点了一碗*/冻腐竹薏米白果糖水腐竹基本上都被煮化了豆味很足薏米 白果的口感都不错喝一碗很舒服~

講到九龍城，除左泰國菜之外，不得不提呢間老字號 —— 創立於1990年嘅地茂館🙂‍↔️此類主打中式糖水且保留傳統風味嘅店舖，喺香港已經越嚟越少🤲🏻地茂館人氣一直不減，凡宵夜時間都好大機會要排隊，最近發現原來已經開左唔少分店，港九新界嘅人唔洗入九龍城都有得食！🤟🏻ꞋꞌꞋꞌꞋꞌଘ補腎合桃露 $27 ▸ 7/10合桃露係佢地其一招牌超級濃郁同足料🫶🏻好似啖啖啪幾粒合桃咁質地偏杰身 加上甜度較低我就覺得有少少涸喉唔夠順喉同滑身不過男朋友就覺得好好食ଘ芒果豆腐花小丸子 $33 ▸ 7/10除左傳統中式糖水芒果系列都幾受歡迎鮮甜芒果汁底同樣足料小丸子份量夠 煙韌好咬不過豆腐花豆味唔算重俾芒果汁蓋過左🥭芒果系列建議揀其他組合𝘙𝘦𝘷𝘪𝘴𝘪𝘵: 𝘺𝘦𝘴𝘙𝘦𝘴𝘦𝘳𝘷𝘢𝘵𝘪𝘰𝘯: 𝘸𝘢𝘭𝘬-𝘪𝘯 𝘰𝘯𝘭𝘺🏘: 九龍城福佬村道47號地舖 (分店設於沙田、屯門、將軍澳、寶琳、九龍灣)🕘: 星期一至日 12:00-00:00☎️: 23825004🚶🏻‍♀️: 宋皇臺站B3出口步行4分鐘💵: 不設加一服務費